საქართველოს პარლამენტში პრემიერ-მინისტრ გიორგი გახარიას ყოველწლიური ანგარიშის მოსმენა გაიმართა. ანგარიშს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ესწრებოდა.

პრემიერმა ანგარიშში ყურადღება გაამახვილა საქართველოს ოკუპირებულ ტერიტორიებზე და აღნიშნა, რომ რუსული ოკუპაცია კვლავაც რჩება ეროვნული უსაფრთხოების უმთავრეს გამოწვევად.

„უნდა დავიწყოთ უსაფრთხოებით, რამეთუ დღეს საქართველოს ფუნდამენტურ გამოწვევას წარმოადგენს ოკუპაცია. რუსული ოკუპაცია კვლავაც რჩება ეროვნული უსაფრთხოების უმთავრეს გამოწვევად და დღეს ჩვენ ყველას კარგად უნდა გვესმოდეს, რომ როდესაც ჩვენ ვსაუბრობთ ჩვენი ქვეყნის ოკუპირებულ 20 პროცენტზე, ეს არის ის შეზღუდვა, რომელიც რეალური ფაქტორია ქვეყნის შემდგომი განვითარებისთვის. ეს არ არის მხოლოდ და მხოლოდ 20 პროცენტი ჩვენი ქვეყნის მიწის ან ტერიტორიის შეზღუდვა. პირველ რიგში ადამიანური რესურსების თვალსაზრისით ვართ შეზღუდული 20 პროცენტით, ჩვენი ეკონომიკა არის შეზღუდული კიდევ უფრო მეტად და ეს არის უკიდურესად მნიშვნელოვანი, რომ გავიაზროთ ყველამ ერთად. აქ ყველას ერთად უნდა გვესმოდეს, რომ რუსეთის ფედერაცია, როგორც ადგილზე ეფექტური კონტროლის განმახორციელებელი სახელმწიფო, დღეს უაღრესად პასუხს აგებს ყველა იმ ადამიანის ფუნდამენტურ უფლებების დარღვევაზე, რომელიც ხდება ოკუპირებულ ტერიტორიებზე. დაწყებული ბორდერიზაციის პროცესის გაგრძელებით, ადამიანის გატაცებით, ადამიანის სიცოცხლის ხელყოფით, ჯანმრთელობის უფლების შეზღუდვით, გადაადგილების შეზღუდვით, ყველა ეს მიმართულება არის უკიდურესად მნიშვნელოვანი და ყველას კარგად გვესმის, რომ ეფექტური კონტროლის განმახორციელებელი ქვეყანა რა თქმა უნდა ყველა ამ ნაბიჯზე არის პასუხისმგებელი",  - განაცხადა გიორგი გახარიამ.

გიორგი გახარიამ ხაზი გაუსვა ქვეყნის სამშვიდობო პოლიტიკას და ოკუპაციის პრობლემების მოგვარების პროცესში საერთაშორისო საზოგადოების ჩართულობის და მათთან აქტიური თანამშრომლობის  მნიშვნელობას.

„ჩვენ ყველას კარგად უნდა გვესმოდეს, რომ ცხინვალის რეგიონი, ისევე როგორც აფხაზეთი, ოკუპაციის ტერიტორიის იქითა მხარეს, ეს არის ჩვენი მოქალაქეები და ყველა ის სახელმწიფო სერვისი და მომსახურეობა, რომელსაც ჩვენ ვაწვდით დღეს ჩვენს მოქალაქეებს, ყველაფერი უნდა გავაკეთოთ იმისთვის, რომ ეს ხელმისაწვდომი იყოს ჩვენი ყველა მოქალაქისთვის. რა თქმა უნდა ჩვენი საგარეო პოლიტიკისთვის სუვერენიტეტის განმტკიცება და ტერიტორიული მთლიანობის უზრუნველყოფა რჩება საქართველოს საგარეო პოლიტიკის უმთავრეს პრიორიტეტად და აქ ყველას კარგად უნდა გვესმოდეს, რომ ოკუპირებულ ტერიტორიებზე ადამიანის უფლებები ეს არის ის უმძიმესი და უაღრესად მნიშვნელოვანი პრიორიტეტული მიმართულება, როგორც ჩვენი უშიშროების, უსაფრთხოებისთვის , ასევე საგარეო პოლიტიკისთვის. საერთაშორისო საზოგადოების პროაქტიულ რეჟიმში მობილიზება, საერთაშორისო საზოგადოებაში აზრის შექმნა იმასთან დაკავშირებით, თუ რა ხდება ოკუპირებულ ტერიტორიებზე, ეს უნდა იყოს ჩვენი ყოველდღიური შრომის საგანი. ჟენევის საერთაშორისო მოლაპარაკების 49-ე და 50-ე რაუნდები იყო კარგი მაგალითი იმისთვის, თუ როგორ ვამკვიდრებთ ჩვენ ყოველდღიურად ჩვენს საერთაშორისო პარტნიორებში ოკუპირებული ტერიტორიების მნიშვნელობის საკითხს, რამეთუ ყველას კარგად უნდა გვესმოდეს, რომ ამ პრობლემების გადაწყვეტის ერთადერთი გზა არის მშვიდობიანი გზა და ეს მშვიდობიანი გზა გადის ჩვენს სტრატეგიულ პარტნიორებთან, მათ პროაქტიულ ჩართულობაზე ამ პროცესებში. მნიშვნელოვანია აგრეთვე ინციდენტების პრევენციისა და მათზე რეაგირების მექანიზმების შეხვედრების უპირობო აღდგენა. ეს იყო და არის ერთადერთი კომპონენტი, სადაც ჩვენ შეგვეძლო ოკუპირებულ ტერიტორიებზე მცხოვრები ჩვენი მოქალაქეების ინტერესების დაცვა და ამ მექანიზმების შეზღუდვა, ისევე როგორც დროებითი გამშვები პუნქტების გრძელვადიანი გაჩერება, გადაადგილების გრძელვადიანი შეზღუდვა პირდაპირ არის რისკი ადამიანის უფლებების დარღვევის მიმართულებით და რა თქმა უნდა, ამასთან ერთად ჩვენ ყველას კარგად გვახსოვს ოთხოზორია-ტატუნაშვილის სია და ამ მიმართულებით მხარდაჭერა ჩვენი საერთაშორისო პარტნიორების არის უკიდურესად მნიშვნელოვანი", - განაცხადა პრემიერმა.

პროექტის „კულტურული მემკვიდრეობის კვალდაკვალ“ ფარგლებში წალენჯიხის მუნიციპალიტეტის სოფელ ფოცხოეწერში მცხოვრებ აფხაზეთიდან დევნილ ახალგაზრდებს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ მარტვილის კანიონში უმასპინძლა. მოზარდებმა მდინარე აბაშაზე ნავებით გაისეირნეს და კანიონის ულამაზესი ადგილები დაათვალიერეს.

დღესვე ახალგაზრდებმა დადიანების სალხინოს სასახლე მოინახულეს და მარტვილის მხარეთმცოდნეობის მუზეუმში იმყოფებოდნენ, სადაც ქვის და ბრინჯაოს ხანის უნიკალური არქეოლოგიური მასალაა დაცული.

დევნილი მოზარდებისთვის გამართულ საქველმოქმედო აქციაში აფხაზეთის ავტონომიური რესპუბლიკის მთავრობასთან ერთად ჩართული იყო მარტვილის მუნიციპალიტეტის მერია.

ღონისძიებაში მარტვილის მუნიციპალიტეტის მერი ალექსანდრე გრიგალავა და სსიპ „კულტურის, სპორტისა და ახალგაზრდულ საქმეთა“ სააგენტოს დირექტორი ლიკა კვარაცხელია მონაწილეობდნენ.

პროექტი აფხაზეთის ავტონომიური რესპუბლიკის მთავრობის მხარდაჭერით და სსიპ „კულტურის, სპორტისა და ახალგაზრდულ საქმეთა“ სააგენტოს ორგანიზებით გაიმართა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ქალაქ ხონში კომპაქტურ ჩასახლებებში მცხოვრებ აფხაზეთიდან იძულებით გადაადგილებულ პირებს შეხვდა. მთავრობის თავმჯდომარემ ხონის მუნიციპალიტეტის მერ ლადო ჯურხაძესთან ერთად კულტურის ცენტრის და საბავშვო ბაღის რეაბილიტირებული შენობები დაათვალიერა.

რუსლან აბაშიძე და ლადო ჯურხაძე აფხაზეთის ავტონომიური რესპუბლიკის მთავრობის და ხონის მუნიციპალიტეტის მერიის თანამშრომლობით რამდენიმე მნიშვნელოვანი სამომავლო ერთობლივი პროექტის განხორციელებაზე შეთანხმდნენ, მათ შორის კულტურის ცენტრის განვითარების მიმართულებით.

აფხაზეთის ავტონომიური რესპუბლიკის მთავრობამ ხონის დევნილთა დასახლებაში კულტურის ცენტრის ბიბლიოთეკას წიგნები და აფხაზეთიდან დევნილი მხატვრის ნახატი გადასცა.

შეხვედრაზე აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს იმერეთის რეგიონის ტერიტორიული ორგანოს უფროსი ბესიკ ჭანტურია, სსიპ „კულტურის, სპორტისა და ახალგაზრდულ საქმეთა სააგენტოს“ დირექტორი ლიკა კვარაცხელია და ხონის დევნილთა საინიციატივო ჯგუფის ხელმძღვანელი ბაჩანა ბასილაია იმყოფებოდნენ.

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ და  მთავრობის თავმჯდომარის მოადგილემ, სამეთვალყურეო საბჭოს თავმჯდომარემ ანზორ მარგიანმა აფხაზეთის ავტონომიური რესპუბლიკის საინფორმაციო-ანალიტიკური ცენტრის სამეთვალყურეო საბჭოსთან პირველი სამუშაო შეხვედრა გამართეს.

აფხაზეთის ავტონომიური რესპუბლიკის საინფორმაციო-ანალიტიკური ცენტრის საქმიანობის კოორდინაციის მიზნით შეიქმნა საზოგადოებრივი სამეთვალყურეო საბჭო, რომლის შემადგენლობაში სახელმწიფო, არასამთავრობო, კერძო სექტორისა და საერთაშორისო ორგანიზაციების წარმომადგენლები შედიან.

შეხვედრაზე საინფორმაციო-ანალიტიკური ცენტრის საქმიანობის ზოგადი მიმართულებები განიხილეს. „საინფორმაციო-ანალიტიკური ცენტრის“ დირექტორმა იგორ კოპალიანმა სამეთვალყურეო საბჭოს წევრებს ცენტრის სტრატეგია და პრიორიტეტები წარუდგინა.

აფხაზეთის ავტონომიური რესპუბლიკის საინფორმაციო-ანალიტიკური ცენტრი ჩამოყალიბდა სსიპ-აფხაზეთის ავტონომიური რესპუბლიკის საინფორმაციო უზრუნველყოფის ბაზაზე და მის ძირითად ამოცანას წარმოადგენს აფხაზეთთან დაკავშირებული საზოგადოებრივი, პოლიტიკური, ეკონომიკური, სოციალური, საგანმანათლებლო, კულტურული და სპორტული პროცესების საინფორმაციო უზრუნველყოფა. ინფორმაციის სისტემატიზაცია, არსებული და შესაძლო საფრთხეების იდენტიფიცირება, საინფორმაციო-ანალიტიკური მასალისა მომზადება და შესაბამისი რეკომენდაციების გაცემა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროში სამუშაო შეხვედრა გამართა.

შეხვედრაზე მინისტრმა სამინისტროს სტურქტურული ერთეულების საქმიანობაზე და უწყების პრიორიტეტულ მიმართულებებზე ისაუბრა, დევნილთა საკითხებზე საქართველოს ცენტრალურ უწყებებთან და საერთაშორისო დონორ ორგანიზაციებთან თანამშრომლობის ფარგლებში განხორციელებული პროექტები მიმოიხილა.

საუბარი შეეხო კორონავირუსის პანდემიის დროს აფხაზეთის ავტონომიური რესპუბლიკის მთავრობის მიერ პარტნიორ ორგანიზაციებთან ერთად და კერძო კომპანიების დახმარებით აფხაზეთიდან იძულებით გადაადგილებული პირების მხარდასაჭერად განხორცილებულ მნიშვნელოვან სოციალურ პროგრამას. შეხვედრის მონაწილეებმა ასევე სამომავლო სამოქმედო გეგმა განიხილეს. რუსლან აბაშიძემ COVID-19-ის პრევენციულ ღონისძიებებში აქტიური ჩართულობისა და ოპერატიული მუშაობისთვის სამინისტროს თანამშრომლებს მადლობა გადაუხადა და ტერიტორიული ორგანოების ხელმძღვანელებს სიგელები გადასცა..

შეხვედრაში აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი კონსტანტინე კუჭუხიძე, მინისტრის მოადგილეები, ტერიტორიული ორგანოების ხელმძღვანელები და სამინისტროს თანამშრომლები მონაწილეობდნენ.

შეხვედრაზე მოსმენილ იქნა სამინისტროსა და მასში შემავალი ტერიტორიული ორგანოების მიერ 2020 წლის პერიოდში შესრულებული სამუშაოს ანგარიში, განსაკუთრებული ყურადღება დაეთმო ახალი კორონავირუსის (Covid-19)-ის გავრცელების პრევენციისა და პანდემიის პერიოდში განხორციელებულ აქტივობებს. საუბარი ასევე შეეხო მთავრობის წარმომადგენლობებისა და სამინისტროს შერწყმის პროცესს, რომელიც განხორციელდა 2020 წლის იანვრისა და თებერვლის თვეში.

მთავრობის თავმჯდომარეს რუსლან აბაშიძეს, მინისტრის კონსტანტინე კუჭუხიძის მიერ მიეწოდა დეტალური ინფორმაცია დასახული გეგმებისა და არსებული პრობლემების და სამინისტროს პრიორიტეტების შესახებ. ხაზი გაესვა დევნილთა ჩასახლებებში ბინათმესაკუთრეთა ამხანაგობების შესახებ არსებულ მდგომარეობას და აღნიშნულ ეტაპზე მიმდინარე სამუშაოებს.

მთავრობის თავმჯდომარის მხრიდან კიდევ ერთხელ იქნა შეფასებული ბინათმესაკუთრეთა ამხანაგობების შექმნისა და განვითარების აუცილებლობა და მათთან მუდმივი კოორდინაციის მნიშვნელობა.

შეხვედრაზე   მოსმენილ იქნა სამინისტროს სტრუქტურული ერთეულებისა და ტერიტორიული ორგანოების ანგარიში. ასევე განხილულ იქნა სხვა მიმდინარე საკითხები.

შეხვედრის ბოლოს მთავრობის თავმჯდომარემ რუსლან აბაშიძემ სამინისტროს ტერიტორიული ორგანოების ხელმძღვანელებს კორონავირუსის (Covid-19) პანდემიის პირობებში წარმატებული საქმიანობისათვის მადლობის სიგელები გადასცა.

პროფესიონალი ფოტოგრაფებისა და ფოტოგრაფიის მოყვარულთათვის!

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი აცხადებს ფოტოკონკურსს „საერთო ტრადიციებით საერთო მომავლისკენ“. პროექტის  მთავარი გამოწვევაა ქვემოთ მოცემული საკონკურსო თემების ერთი კადრით გადმოცემა:

1. წარმატებული აფხაზეთელები (მათი წარმატებული საქმიანობის წარმოჩენა)
2. დევნილთა კომპაქტური ჩასახლებები
3. როგორია „თქვენი გზავნილი“ ენგურს მიღმა მცხოვრები თანამოქალაქეებისათვის.
4. თქვენი ხედვა ევროპულ სივრცეში ერთიანი საქართველოს იდეისა.
5. საერთო ტრადიციებით საერთო მომავლისკენ

პროექტს ეყოლება ჟიური, რომელიც 20 საუკეთესო ფოტოს შეარჩევს და მათგან გამარჯვებულებს შემდეგ საპრიზო ნომინაციებში გამოავლენს:

• პროექტის რჩეული (1500 ლარის სასაჩუქრე ვაუჩერი)
• საუკეთესო გზავნილი (800 ლარის სასაჩუქრე ვაუჩერი)
• ყველაზე კრეატიული (700 ლარის სასაჩუქრე ვაუჩერი) 

მონაწილეებისთვის მთავარი ამოცანაა ფოტო-კადრის, ე.წ. „მესიჯ ბოქსად“ გარდაქმნა და ენგურს მიღმა დარჩენილი თანამოქალაქეებისთვის გაგზავნა, როგორც სურვილი და ხედვა ჩვენი საერთო მომავლისა.
ყველა დაინტერესებულმა პირმა, კონკურსში მონაწილეობის მისაღებად უნდა გაიაროს რეგისტრაცია ქვემოთ მითითებული აპლიკაციის მეშვეობით.
რეგისტრაციის გავლის ბოლო ვადაა 31 ივლისი (31.07.20)

იხილეთ რეგისტრაციის ფორმა და საკონკურსო მოთხოვნები

„20  ივნისი გაეროს  მიერ  ლტოლვილთა  მსოფლიო  დღედ  არის  გამოცხადებული. დღევანდელ  დღეს,  საერთაშორისო  დონეზე, განსაკუთრებული  ყურადღება  ექცევა  იმ  კატეგორიის  ადამიანებს,  რომელთაც  საკუთარ  თავზე   უსამართლობა,  საკუთარი საცხოვრებელი  ადგილებიდან  განდევნა  და  საერთაშორისოდ  აღიარებული  ნორმების  დარღვევა   გამოსცადეს. 

ამ დღეს,  მთელი  ცივილიზებული  სამყარო განსაკუთრებით  ხაზს უსვამს  დევნილი  და  იძულებით  გადადგილებული პირების  უფლებების  დაცვის  და  სამართლიანობის  აღდგენის აუცილებლობას. 

საქართველოს  ხელისუფლების პოლიტიკა  მიმართულია  სწორედ  სამშვიდობო  ინიციატივების  განხორციელებაზე,  თავიანთ  საცხოვრებელ  ადგილებში  დევნილთა  უსაფრთხო  და  ღირსეულ  დაბრუნებაზე.  

აფხაზეთის  ავტონომიური  რესპუბლიკის  მთავრობა უერთდება  საერთაშორისო  საზოგადოების  განწყობას  და  საქართველოს  ხელისუფლების მიდგომას  დევნილთა  პრობლემების  მოგვარების  მცდელობებთან  დაკავშირებით  და იმედოვნებს,  რომ  ერთობლივი  ძალისხმევით,  არსებული სამშვიდობო პოლიტიკის პირობებში   საერთაშორისო მექანიზმების ეფექტური გამოყენების მეშვეობით, შესაძლებელი  იქნება   უსამართლობის  დარეგულირება და  სამართლებრივი სტატუს  ქვოს  აღდგენა“ - განაცხადა რუსლან აბაშიძემ.

20 ივნისს მსოფლიო ლტოლვილთა დღე აღინიშნება. თარიღი დააფუძნებულია მათ პატივსაცემად, ვინც იძულებული გახდა დაეტოვებინა საკუთარი სახლ-კარი, რადგანაც მათი სიცოცხლე საფრთხეში აღმოჩნდა კონფლიქტებისა და დევნის გამო.
გადაწყვეტილება მსოფლიოს ლტოლვილთა დღის აღსანიშნავად 2000 წლის 4 დეკემბერს მიიღო გაეროს გენერალურმა ასამბლეამ 55/76 რეზოლუციის მიხედვით. ამ გადაწყვეტილებაში ჩაიდო მინიშნება, რომ 2001 წელი იყო 50-ე წლისთავი 1951 წლის კონვენციისა, რომელიც სწორედ ლტოლვილთა სტატუსის განსაზღვრას მიეძღვნა.
ყოველწლიურად მსოფლიოს სხვადასხვა ქვეყანა ერთიანდება ამ დღის აღსანიშნავად, რომლის მიზანსაც წარმოადგენს საერთაშორისო საზოგადოების ყურადღების მიმართვა მილიონობით ლტოლვილისა და იძულებით გადაადგილებული პირის მიმართ.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი ჟურნალისტებისთვის აცხადებს კონკურსს, სახელწოდებით  ,,ენგურს იქით სანაპირო“.
მონაწილეობის მიღება შეუძლია ყველა მსურველს. კონკურსანტმა უნდა გაიაროს რეგისტრაცია ქვემოთ მითითებულ ბმულზე და ატვირთოს აფხაზეთის თემატიკასთან დაკავშირებული ჟურნალისტური ნამუშევარი (სტატია, ესსე ან ვიდეო რგოლი).
ერთ მონაწილეს შეუძლია მხოლოდ ერთი ნამუშევრის გამოგზავნა.  
პროექტის გამარჯვებულებს გამოავლენს ჟიური.  I, II, III ადგილის მფლობელებს გადაეცემათ სასაჩუქრე ვაუჩერები:
I ადგილი - 2000 ლარანი ვაუჩერი
II ადგილი - 1000 ლარიანი ვაუჩერი
III ადგილი - 500 ლარიანი ვაუჩერი
10 საუკეთესო ნაშრომის ავტორი დაჯილდოვდება სამახსოვრო საჩუქრებით და მათი ჟურნალისტური ნამუშევარი გამოქვეყნდება ონლაინ ჟურნალში.
ჟურნალისტური ნამუშევრების გამოგზავნის ბოლო ვადაა 30 ივლისი.

გაიარე რეგისტრაცია

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი აცხადებს ონლაინ კონკურსს მხატვრებისთვის „აფხაზეთი ფერებში“, რომლის მიზანია ახალი სახეების წარმოჩენა და მათი პოპულარიზაცია.
საკონკურსო ნამუშევრები უნდა აკმაყოფილებდეს შემდეგ პირობებს:
კონკურსანტმა უნდა შექმნას ერთი ფერწერული ნამუშევარი აფხაზეთის თემაზე და  წარმოადგინოს მაღალი ხარისხის ფოტო (მინიმუმ 300 პიქსელი რეზოლუციით).
კონკურსში მონაწილეობის მიღება შეუძლია ყველა მსურველს, რომელიც წარმოადგენს საკონკურსო თემატიკიდან გამომდინარე ნამუშევარს.
ნამუშევრების მიღების ბოლო ვადაა 25 ივლისი
კონკურსში გამარჯვებულებს გამოავლენს საკონკურსო ჟიური. კონკურსის ფარგლებში დაიბეჭდება კატალოგი. ასევე, ჟიურის მიერ შერჩეულ 10 მონაწილეს გადაეცემა საჩუქრები.
ყველა დაინტერესებულმა პირმა კონკურსში მონაწილეობის მისაღებად უნდა გაიაროს რეგისტრაცია ქვემოთ მითითებული აპლიკაციის მეშვეობით:

გაიარე რეგისტრაცია

აჟარის (ზემო აფხაზეთის) მუნიციპალიტეტმა და ზემო აფხაზეთში აფხაზეთის ა.რ. მთავრობის წარმომადგენლობამ, ქ.ქუთაისში მცხოვრებ სოციალურად დაუცველ დევნილ მოსახლეობას სასურსათო პაკეტი გადასცა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე „ნატოსა და ევროკავშირის შესახებ სინფორმაციო ცენტრის“ დირექტორ თამარა წულეისკირს შეხვდა.  

შეხვედრაზე ისაუბრეს ერთობლივი პროექტების განხორციელებაზე, რომლებიც ხელს შეუწყობს აფხაზეთიდან დევნილი ახალგაზრდების ინფორმირებულობისა და ცნობიერების ამაღლებას ნატოსა და ევროკავშირის შესახებ საინფორმაციო კამპანიების, სემინარებისა და კონკურსების სახით.

შეხვედრის მონაწილეებმა ასევე ისაუბრეს აფხაზეთიდან დევნილი და ოკუპირებულ ტერიტორიაზე მცხოვრები  ახალგაზრდების, როგორც ერთ-ერთი ყველაზე მნიშვნელოვანი სამიზნე ჯგუფის ჩართულობის გაზრდაზე სხვადასხვა კულტურულ-საგანმანათლებლო და სპორტულ ღონისძიებებში.

შეხვედრაში კულტურის, სპორტის და ახალგაზრდულ საქმეთა სააგენტოს“ დირექტორი ლიკა კვარაცხელია მონაწილეობდა.

აფხაზეთის ავტონომიური რესპუბლიკის განათლებისა და კულტურის სამინისტროს სსიპ „კულტურის, სპორტის და ახალგაზრდულ საქმეთა სააგენტოს“ პროექტ „შემოქმედებითი ზაფხულის“ ფარგლებში წყნეთში დასუფთავების აქცია გაიმართა. აქციაში აფხაზეთიდან დევნილ ბავშებთან ერთად აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ავტონომიური რესპუბლიკის განათლებისა და კულტურის მინისტრის მოადგილემ მარინა შენგელიამ, სსიპ „კულტურის, სპორტის და ახალგაზრდულ საქმეთა სააგენტოს“ დირექტორმა ლიკა კვარაცხელიამ და აფხაზეთის ავტონომიური რესპუბლიკის მთავრობის უწყებების თანამშრომლებმა მიიღეს მონაწილეობა.

აფხაზეთის ავტონომიური რესპუბლიკის განათლებისა და კულტურის სამინისტროს სსიპ „კულტურის, სპორტის და ახალგაზრდულ საქმეთა სააგენტოს“ პროექტ „შემოქმედებითი ზაფხულის“ ფარგლებში წყნეთში დასუფთავების აქცია გაიმართა. აქციაში აფხაზეთიდან დევნილ ბავშებთან ერთად აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ავტონომიური რესპუბლიკის განათლებისა და კულტურის მინისტრის მოადგილემ მარინა შენგელიამ, სსიპ „კულტურის, სპორტის და ახალგაზრდულ საქმეთა სააგენტოს“ დირექტორმა ლიკა კვარაცხელიამ და აფხაზეთის ავტონომიური რესპუბლიკის მთავრობის უწყებების თანამშრომლებმა მიიღეს მონაწილეობა.

ღონისძიების ფარგლებში მთავრობის თავმჯდომარემ ბავშებს სიმბოლური საჩუქრები და სსიპ „კულტურის, სპორტის და ახალგაზრდულ საქმეთა სააგენტოს“ მიერ გამოცემული ჟურნალები გადასცა.

აფხაზეთის ფინანსთა და დარგობრივი ეკონომიკის სამინისტროს   „გარემოს გეოლოგიისა და მინერალური რესურსების სააგენტოს“ წარმომადგენლებმა ბავშვებს გარემოს დაცვასთან დაკავშირებით ინფორმაცია მიაწოდეს და საინფორმაციო-შემეცნებითი ბუკლეტები გადასცეს.