აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
ლევან ჩაკვეტაძემ UNHCR-ის ორგანიზებულ სამუშაო შეხვედრაში მიიღო მონაწილეობა

UNHCR-მა გაეროს ლტოლვილთა უმაღლეს კომისარიატსა და დევნილთა სააგენტოს შორის კომუნიკაციისა და ინფორმაციის გაზიარების გასაუმჯობესებლად სამუშაო შეხვედრა გამართა.

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა შეხვედრაზე სამინისტროს საქმიანობის შესახებ უახლესი ინფორმაცია წარადგინა.

შეხვედრის მიზანია კომუნიკაციისა და ინფორმაციის გაზიარების გაუმჯობესება დევნილთა სააგენტოსა და დევნილ მოხალისეთა ქსელს შორის, ასევე დევნილების უშუალო ჩართულობის უზრუნველყოფა ყველა გადაწყვეტილებაში, რომელიც გავლენას ახდენს მათ ცხოვრებაზე.

საქართველოში UNHCR-ის ოფისის დაარსების დღიდან ორგანიზაცია ჩართულია დევნილთა დახმარების საკითხებში, ამჟამად ინარჩუნებს დევნილთა დაცვის მონიტორინგისა და ადვოკატირების როლს და ზრდის მის წვდომას საზოგადოების მოხალისეთა ქსელის მეშვეობით. ქსელი მიზნად ისახავს დევნილებთან კომუნიკაციის გაუმჯობესებას და მათ დახმარებას უფრო სწრაფი გადაწყვეტილებებისა და სერვისების წვდომაში რეფერალური სისტემის გაძლიერებით.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრომ 6 თვის საქმიანობის ანგარიში წარადგინა

შეხვედრას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და მთავრობის წევრები ესწრებოდნენ.

შეხვედრაზე ლევან ჩაკვეტაძემ სამინისტროს 2022 წლის 6 თვის საქმიანობის ანგარიში წარადგინა და სამედიცინო და სოციალური მიმართულებებით განხორციელებულ და მიმდინარე პროგრამებზე, მათ შედეგებსა და სამომავლო გეგმებზე დეტალურად ისაუბრა.

სხდომაზე ლევან ჩაკვეტაძემ ასევე წარადგინა ინფორმაცია ააიპ - “აფხაზეთის სამედიცინო დაწესებულებებთან კოორდინაცის სააგენტოს” 2022 წლის 6 თვის განმავლობაში განხორციელებული პროგრამების შესახებ.

მინისტრმა და მთავრობის წევრებმა განიხილეს აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის ჯანმრთელობასთან დაკავშირებული საჭიროებები, მათი სოციალური მდგომარეობის გაუმჯობესებისა და მხარდაჭერის მიზნით სამინისტროს მიერ დაგეგმილი ღონისძიებები.

ახალგაზრდა სპორტსმენებს მრავალპროფილური სკრინინგული გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრომ სსიპ “კულტურის, სპორტისა და ახალგაზრდულ საქმეთა სააგენტოს” ქვეპროგრამის “ნორჩი ფეხბურთელების საზაფხულო სკოლა” მონაწილე ახალგაზრდა სპორტსმენებს რუხის რესპუბლიკურ საავადმყოფოში მრავალპროფილური სამედიცინო შემოწმება ჩაუტარა.

სპორტსმენების ფიზიკური დატვირთვიდან გამომდინარე განსაკუთრებული მნიშვნელობა ენიჭება სისხლის მიმოქცევის სისტემის დაავადებათა სკრინინგს. შესაბამისად ყველა ახალგაზრდას ჩაუტარდა ეკგ და კარდიოლოგის კონსულტაცია, გაიცა შესაბამისი რეკომენდაციები. დამატებით ყველა ბენეფიციარს ჩაუტარდა პედიატრის, ენდოკრინოლოგის, ნევროლოგის, ოფთამოლოგის, რეაბილიტოლოგის კონსულტაციები და ულტრასონოგრაფიული კვლევები.

გამოკვლევებში საქართველოს წამყვანი კლინიკების ექიმ-სპეციალისტები მონაწილეობდნენ.

ბენეფიციარებს ასევე, ჰიგიენური სასაჩუქრე ნაკრები გადაეცათ.

ხანდაზმულთა სათემო ცენტრის ბენეფიციარებს სამედიცინო მომსახურება გაეწიათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროში მოქმედი მრავალპროფილური სკრინინგული კვლევის პროგრამის ფარგლებში ზემო სვანეთის რეგიონში არსებულ ხანდაზმულთა სათემო ცენტრის - „ჩემი მორდუს” ბენეფიციარებს სამედიცინო გამოკვლევები ჩაუტარდათ.

აღნიშნული აქციის ფარგლებში მაღალკვალიფიციური ექიმ-სპეციალისტების მიერ განხორციელდა ცენტრის ბენეფიციართა სამედიცინო მომსახურება და
დანიშნულების შესაბამისად გაიცა საჭირო მედიკამენტები.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო მხარს უჭერს  ხანდაზმულთა სათემო ცენტრის - „ჩემი მორდუს“  ამუშავებას, რაც მნიშვნელოვანი ნაბიჯია   მარტოხელა ხანდაზმულებზე ზრუნვისა და მათთვის  სოციალური სერვისების მიწოდების თვალსაზრისით.

ლევან ჩაკვეტაძე საქართველოში ჩეხეთის რესპუბლიკის კარიტასის მისიის ხელმძღვანელს იან ბლინკას შეხვდა
აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრ ლევან ჩაკვეტაძესა და საქართველოში ჩეხეთის რესპუბლიკის კარიტასის მისიის ხელმძღვანელ იან ბლინკას შორის მორიგი შეხვედრა გაიმართა.
შეხვედრას ასევე ესწრებოდნენ საქართველოში ჩეხეთის რესპუბლიკის კარიტასის მისიის პროექტების მენეჯერი თამარ კურტანიძე და აფხაზეთის სამედიცინო დაწესებულებებთან კოორდინაციის სააგენტოს დირექტორი ნინო გულუა.
"დასავლეთ საქართველოში გინეკოლოგიური სიმსივნის მკურნალობის ხარისხის გაუმჯობესების" პროექტის ფარგლებში, რომელიც მხარდაჭერილია ჩეხეთის რესპუბლიკის შინაგან საქმეთა სამინისტროს "მედივაკის“ პროგრამის მხრიდან, აფხაზეთის სამედიცინო დაწესებულებებთან კოორდინაციის სააგენტოს სამედიცინო აღჭურვილობა გადაეცა.
იმერეთის რეგიონში მცხოვრებ აფხაზეთიდან დევნილებს სამედიცინო გამოკვლევები ჩაუტარდათ
აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით ხონში მცხოვრებ აფხაზეთიდან იძულებით გადაადგილებულ პირებს უფასო მრავალპროფილური სკრინინგული გამოკვლევები ჩაუტარდათ.
 
აქციის ფარგლებში, აფხაზეთიდან დევნილებს სხვადასხვა პროფილის მაღალკვალიფიციური ექიმ-სპეციალისტის კონსულტაცია, ლაბორატორიული და რადიოლოგიური კვლევები ჩაუტარდათ. ასევე, დევნილ ბენეფიციარებს დანიშნულების შესაბამისად საჭირო მედიკამენტები უფასოდ გადაეცათ.
გამოკვლევების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს წარმომადგენლები, ხონის მუნიციპალიტეტის მერი ლადო ჯურხაძე და ადგილობრივი ხელისუფლების წარმომადგენლები ესწრებოდნენ.
 
სამედიცინო აქცია COVID-19-ის პრევენციის მოქმედი რეგულაციების სრული დაცვით მიმდინარეობდა. პროგრამის მიზანია აფხაზეთიდან იძულებით გადაადგილებულ პირთა ჯანმრთელობის მდგომარეობის სხვადასხვა დარღვევათა ადრეული დიაგნოსტიკა და შემდგომი მკურნალობის ტაქტიკის განსაზღვრა.
მარნეულში მცხოვრებ აფხაზეთიდან იძულებით გადაადგილებულ პირებს მრავალპროფილური სკრინინგული გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით ქვემო ქართლის რეგიონში, მარნეულის მუნიციპალიტეტში მცხოვრებ აფხაზეთიდან დევნილებს უფასო სამედიცინო მომსახურება ჩაუტარდათ.

სოციალური მხარდაჭერის პროგრამის ფარგლებში აფხაზეთიდან იძულებით გადაადგილებულმა პირებმა სხვადასხვა მომსახურებით ისარგებლეს:

▶️ენდოკრინული დაავადებათა სკრინინგი:
• ენდოკრინოლოგის კონსულტაცია;

▶️პედიატრის კონსულტაცია;

▶️ნევროლოგის კონსულტაცია;

▶️ოჯახის ექიმის კონსულტაცია;

▶️მხედველობის სკრინინგი:
• ოფთალმოლოგის კონსულტაცია;
• სათვალის რეცეპტის გაცემა (საჭიროების შემთხვევაში).

▶️სისხლის მიმოქცევის სისტემის სკრინინგი:
• კარდიოლოგის კონსულტაცია;
• ეკგ.

▶️სხვადასხვა სისტემის რადიოლოგიური კვლევა.

ექიმ-სპეციალისტთა დანიშნულების შესაბამისად გაიცა მედიკამენტები.

გამოკვლევებში საქართველოს წამყანი კლინიკების ექიმ-სპეციალისტები მონაწილეობდნენ.

სამედიცინო მომსახურეობა კორონავირუსის გავრცელების საპრევენციო ღონისძიებების გათვალისწინებით, სანიტარულ-ჰიგიენური ნორმების და შესაბამისი რეკომენდაციების სრული დაცვით მიმდინარეობდა.

პროგრამის მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე, მარნეულის მუნიციპალიტეტის მერიის წარმომადგენლები გიორგი მეურმიშვილი და დავით აროშიძე და აფხაზეთის ა/რ ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

სამედიცინო გასინჯვები სოციალური მხარდაჭერის პროგრამის „აფხაზეთიდან იძულებით გადაადგილებულ პირთა მრავალპროფილური სკრინინგული კვლევის კომპონენტის“ ფარგლებში გაიმართა და მისი მიზანია აფხაზეთიდან იძულებით გადაადგილებულ პირთა, მათ შორის, ბავშვთა და მოზრდილთა, ჯანმრთელობის მდგომარეობის სხვადასხვა დარღვევათა ადრეული დიაგნოსტიკა და შემდგომი მკურნალობის ტაქტიკის განსაზღვრა.

ლევან ჩაკვეტაძემ “ბერი ანდრიას ფონდის” ბავშვებს ბავშვთა დაცვის საერთაშორისო დღე მიულოცა
აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე სამინისტროს წარმომადგენლებთან ერთად “ბერი ანდრიას ფონდში” იმყოფებოდა და ონკოლოგიით დაავადებულ ბავშვებს საჩუქრები გადასცა.
 
აღსანიშნავია, რომ “ბერი ანდრიას სახელობის ფონდი” უანგაროდ ეხმარება ონკოლოგიით დაავადებულ 18 წლამდე ასაკის მოზარდებს და მათ ოჯახებს ყველა იმ საქმეში, რაც ბავშვთა მკურნალობას, მათ რეაბილიტაციას და ხარისხის გაუმჯობესებას ეხება.
ლევან ჩაკვეტაძე საქართველოში ბავშვთა ჯანმრთელობის დაცვის ასოციაციის ორგანიზებით გამართულ შეხვედრას დაესწრო

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე საქართველოში ბავშვთა ჯანმრთელობის დაცვის ასოციაციის ორგანიზებით გამართულ შეხვედრას დაესწრო.

ღონისძიება „პედიატრი გირჩევთ” ბუნებრივი კვების ხელშეწყობას, ლაქტაციის დროს დედის კვებას და 0-3 წლამდე ასაკის ბავშვებისთვის წასაკითხად რეკომენდირებულ წიგნებს მიეძღვნა.

ღონისძიებაზე ახალი საინფორმაციო ბროშურა წარადგინეს, სადაც საუბარია ძუძუთი კვების ხელშეწყობასა და ლაქტაციის დროს დედის კვებაზე. გამოცემის მიზანია, კიდევ ერთხელ შეახსენოს საზოგადოებას ძუძუთი კვების მნიშვნელობა.

შეხვედრაზე ასევე მოეწყო 0-3 წლამდე ასაკის ბავშვებისთვის რეკომენდებული წიგნების გამოფენა.

ღონისძიება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და თბილისის სახელმწიფო სამედიცინო უნივერსიტეტის მხარდაჭერით ჩატარდა.

ბორჯომში მცხოვრებ აფხაზეთიდან იძულებით გადაადგილებულ პირებს მრავალპროფილური სკრინინგული გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით სამცხე-ჯავახეთის რეგიონში, ბორჯომის მუნიციპალიტეტში მცხოვრებ აფხაზეთიდან დევნილებს უფასო სამედიცინო მომსახურება ჩაუტარდათ.

პროგრამის ფარგლებში ბენეფიციარებმა სხვადასხვა მომსახურებით ისარგებლეს:

▶️ენდოკრინული დაავადებათა სკრინინგი:
• ენდოკრინოლოგის კონსულტაცია;
▶️პედიატრის კონსულტაცია;
▶️ნევროლოგის კონსულტაცია;
▶️ოჯახის ექიმის კონსულტაცია;
▶️მხედველობის სკრინინგი:
• ოფთალმოლოგის კონსულტაცია;
• სათვალის რეცეპტის გაცემა (საჭიროების შემთხვევაში).
▶️სისხლის მიმოქცევის სისტემის სკრინინგი:
• კარდიოლოგის კონსულტაცია;
• ეკგ.
▶️სხვადასხვა სისტემის რადიოლოგიური კვლევა.

ექიმ-სპეციალისტთა დანიშნულების შესაბამისად გაიცა მედიკამენტები.

გამოკვლევებში საქართველოს წამყვანი კლინიკების - ი.ციციშვილის სახელობის ბავშვთა კლინიკა, ოფთამოლოგიური კლინიკა "ახალი მზერის", გივი ჟვანიას სახელობის პედიატრიული კლინიკა, ტუბერკულიოზისა და ფილტვის დაავადებათა ეროვნული ცენტრის და დევნილთა საოჯახო მედიცინის ცენტრის აფხაზეთის ექიმ-სპეციალისტები მონაწილეობდნენ.

სამედიცინო მომსახურეობა კორონავირუსის გავრცელების საპრევენციო ღონისძიებების გათვალისწინებით, სანიტარულ-ჰიგიენური ნორმების და შესაბამისი რეკომენდაციების სრული დაცვით მიმდინარეობდა.

პროგრამის მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე, ბორჯომის მუნიციპალიტეტის მერის მოადგილე იოსებ რაზმაძე, აფხაზეთის ა/რ იძულებით გადაადგილებულ პირთა-დევნილთა სამინისტროს საღმოსავლეთ საქართველოს ტერიტორიული ორგანოს და აფხაზეთის ა/რ ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

სამედიცინო გასინჯვები სოციალური მხარდაჭერის პროგრამის „აფხაზეთიდან იძულებით გადაადგილებულ პირთა მრავალპროფილური სკრინინგული კვლევის კომპონენტის“ ფარგლებში გაიმართა და მისი მიზანია აფხაზეთიდან იძულებით გადაადგილებულ პირთა, მათ შორის, ბავშვთა და მოზრდილთა, ჯანმრთელობის მდგომარეობის სხვადასხვა დარღვევათა ადრეული დიაგნოსტიკა და შემდგომი მკურნალობის ტაქტიკის განსაზღვრა.

ლევან ჩაკვეტაძემ აფხაზეთის სამედიცინო სფეროს წარმომადგენლები დააჯილდოვა

 


აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე აფხაზეთის მთავრობის თავმჯდომარე რუსლან აბაშიძესთან ერთად მედიცინის დამსახურებულ მუშაკებს შეხვდა.

შეხვედრაზე იმყოფებოდნენ როგორც აფხაზეთიდან დევნილი, ასევე აფხაზეთში საომარი მოქმედებების დროს სამსახურეობრივი მივლინებით მყოფი მედიკოსები, რომლებიც ფრონტის წინახაზზე, დაჭრილი მეომრებისა და რიგითი მოქალაქეების ჯანმრთელობას და სიცოცხლეს იცავდნენ.

ღონისძიების ფარგლებში აფხაზეთის 35 მედიცინის მუშაკი და ის 20 კლინიკა დაჯილდოვდა, რომელთანაც აფხაზეთის ჯანდაცვის სამინისტროს მრავალწლიანი ნაყოფიერი თანამაშრომლობა აკავშირებს.

თითოეულ ექიმს განსაკუთრებული დამსახურების, მაღალი პროფესიონალიზმისა და თავდადებისთვის სიგელები და სამახსოვრო საჩუქრები გადაეცა.

შეხვედრაში აფხაზეთის მთავრობის თავმჯდომარის მოადგილე ანზორ მარგიანი, აფხაზეთის უმაღლესი საბჭოს თავმჯდომარე ჯემალ გამახარია, აფხაზეთის უმაღლესი საბჭოს დეპუტატი რუდიკ ცატავა და აფხაზეთის ავტონომიური რესპუბლიკის მთავრობის წევრები მონაწილეობდნენ. აფხაზეთში მოღვაწე სამედიცინო პერსონალის რაოდენობა დიდია, ამიტომ სამინისტრო მომავალშიც გეგმავს მსგავს ღონისძიებებს.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტრო შემდგომშიც განახორციელებს მსგავს ღონისძიებებს

ლევან ჩაკვეტაძემ შშმ პირს ეტლი გადასცა

აფხაზეთის ა/რ ჯანმრთელობისა და სოციალური დაცვის მინისტრმა ლევან ჩაკვეტაძემ და აფხაზეთის სამედიცინო დაწესებულებებთან კოორდინაციის სააგენტოს დირექტორმა ნინო გულუამ შშმ პირს ეტლი და სიმბოლური საჩუქარი გადასცეს.

მინისტრმა მოზარდის მშობლებს სამინისტროსა და სააგენტოში მოქმედი პროგრამები გააცნო.

აფხაზეთის ა/რ ჯანმრთელობისა და სოციალური დაცვის სამინისტროსა და საერთაშორისო ასოციაციის ,,საქართველოს ქალები მშვიდობისა და სიცოხლისათვის'' თანამშრომლობის ფარგლებში ეტლი 200-მდე დევნილ შშმ პირს გადაეცა.

ლევან ჩაკვეტაძემ აფხაზეთის ჯანდაცვის ყოფილ მინისტრს 8 მარტი მიულოცა

აფხაზეთის ა/რ ჯანმრთელობისა და სოციალური დაცვის მინისტრმა ლევან ჩაკვეტაძემ აფხაზეთის ჯანდაცვის ყოფილ მინისტრს მერი ჯანგველაძეს 8 მარტი მიულოცა, სიმბოლური საჩუქრები და აფხაზეთიდან დევნილი მხატვარის ნამუშევარი გადასცა.

,,სწორედ მისი მსგავსი ღირსეული ქალბატონები ქმნიან ისტორიას, საკუთარი გამოცდილებით და პროფესიონალიზმით ემსახურებიან სამშობლოს და ზრდიან თაობებს”-განაცხადა ლევან ჩაკვეტაძემ.

ღონისძიება აფხაზეთის კულტურის, სპორტის და ახალგაზრდულ საქმეთა სააგენტოს ორგანიზებით ქალთა საერთაშორისო დღესთან დაკავშირებით გაიმართა.

მერი ჯანგველაძე აფხაზეთის ჯანდაცვის მინისტრის თანამდებობას ომამდე იკავებდა, სამინისტროს ხელმძღვანელობა აფხაზეთის იძულებით დატოვების შემდეგაც განაგრძო. ქალბატონი მერი ვახტანგ გორგასლის II ხარისხის ორდენით არის დაჯილდოვებული.

დევნილ მრავალშვილიან დედებს უფასო ამბულატორიული გამოკვლევები ჩაუტარდათ

აფხაზეთის ა/რ ჯანმრთელობისა და სოციალური დაცვის სამინისტროს ინიციატივით დედის დღესთან დაკავშირებით აფხაზეთიდან იძულებით გადაადგილებულ მრავალშვილიან (ოთხი და მეტი შვილის) დედებს უფასო ამბულატორიული გამოკვლევები საოჯახო მედიცინის ცენტრ ,,აფხაზეთში'' ჩაუტარდათ.

პროგრამის ფარგლებში ბენეფიციარებმა სხვადასხვა მომსახურებით ისარგებლეს:

➤ოჯახის ექიმის კონსულტაცია;
➤კარდიოლოგის კონსულტაცია;
➤ოტორინოლარინგოლოგის კონსულტაცია;
➤ნევროლოგის კონსულტაცია;
➤პედიატრის კონსულტაცია;
➤სისხლის საერთო ანალიზი;
➤შაქრის განასაზღვრა სისხლში;
➤ექოსკოპია (მუცლის ღრუ, გინეკოლოგიური);
➤ელექტროკარდიოგრაფია;

ღონისძიების ფარგლებში, ასევე, მრავალშვილიან დედებს პირველადი მოხმარების ჰიგიენური საშუალებების სასაჩუქრე ნაკრები გადაეცათ.

პროგრამის მიმდინარეობას აფხაზეთის ჯანმრთელობისა და სოციალური დაცვის მინისტრი ლევან ჩაკვეტაძე და სამინისტროს წარმომადგენლები დაესწრნენ.

ლევან ჩაკვეტაძემ პარლამენტში ოკუპირებულ ტერიტორიებზე მცხოვრები და დევნილობაში მყოფი თანამოქალაქეების ჯანმრთელობის დაცვის სფეროში არსებულ მდგომარეობაზე ისაუბრა

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ლევან ჩაკვეტაძემ პარლამენტის ჯანმრთელობის დაცვისა და სოციალურ საკითხთა კომიტეტის და ტერიტორიული მთლიანობის აღდგენის და დეოკუპაციის საკითხებთან დაკავშირებული დროებითი კომისიის ერთობლივ სხდომაზე დევნილი მოსახელობისათვის, გამყოფი ხაზის მიმდებარე ტერიტორიებზე და ოკუპირებულ ტერიტორიაზე მცხოვრები მოსახლეობისათვის 2021 წელს გაწეული სამედიცინო მომსახურების შესახებ ისაუბრა.

სხდომის მუშაობაში მონაწილეობდნენ აფხაზეთის ავტონომიური რესპუბლიკის თავმჯდომარე რუსლან აბაშიძე, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, შერიგებისა და სამოქალაქო თანასწორობის საკითხებში სახელმწიფო მინისტრის აპარატის, აფხაზეთის ავტონომიური რესპუბლიკის უმაღლესო საბჭოს, ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ადმინისტრაციის, არასამთავრობო ორგანიზაციების წარმომადგენლები.

#აფხაზეთისჯანდაცვა
#აფხაზეთისმთავრობა
#საქართველოსპარლამენტი