სამების ახალგაზრდობის სულიერი და ინტელექტუალური განვითარების ცენტრში ლიტერატურული კონკურსის „ომის გარეშე" გამარჯვებულების გამოვლენა და დაჯილდოების ცერემონიალი გაიმართა.

კონკურსი საქართველოს ეროვნული გმირის, ჟიული შარტავას დაბადებიდან 70 წლისთავს მიეძღვნა, რომელშიც მონაწილეობდნენ აფხაზეთის საჯარო სკოლებისა და საქართველოს სხვა საჯარო სკოლების დევნილი VIII-XII კლასების მოსწავლეები. კონკურსის პირობების თანახმად, მონაწილეებმა წარმოადგინეს ნაშრომები შემდეგ ნომინაციებში: საუკეთესო ლექსი; საუკეთესო თხზულება.

სპეციალურმა კომისიამ 6 გამარჯვებული გამოავლინა (I, II, III ადგილები ორივე ნომინაციაში).

პრიზები გადაეცა გალიდან დევნილ სამ მოსწავლესაც, რომლებმაც თბილისში ჩამოსვლა ვერ შესძლეს.

თხზულებათა კონკურსის გამარჯვებულები ფულადი პრემიებითა და სპეციალური დიპლომებით დაჯილდოვდნენ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს განათლებისა და მეცნიერების მინისტრის მოადგილე ლია გიგაური, აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, აფხაზეთის განთლებისა და კულტურის მინისტრი დიმიტრი ჯაიანი და აფხაზეთის მთავრობის წევრები დაესწრნენ.

ვახტანგ ყოლბაიამ აფხაზეთის საშუალო და საჯარო სკოლებს შორის ჩატარებული კონკურსის მნიშნელობაზე ისაუბრა.

„ჟიული შარტავას 70 წლის იუბილესადმი მიძღვნილ ღონისძებებში ჩართულია ჩვენი ყველა სამინისტრო, განსაკუთრებით აფხაზეთის განათლების, კულტურისა და სპორტის სამინისტრო. ასევე, შესაბამისი ცენტრალური სამინისტროები, რომელთაც მთავრობამ აქტიური მონაწილეობა დაავალა. იმედი მაქვს, ეს მხარდაჭერა გაგრძელდება მომავალშიც, რისთვისაც მთავრობას ძალიან დიდი მადლობას ვუხდი. რაც შეეხება კონკურსს, რომელიც აფხაზეთის საშუალო და საჯარო სკოლებს შორის ჩატარდა, გამოავლინა საოცარი ცოდნა, ტოლერანტობა, სიყვარული აფხაზებისადმი, აფხაზეთისადმი, ტკივილი ტრაგედიისადმი. მთავარი კიდევ ერთი რამ არის - ეს ბავშვები აქ დაიბადნენ, მათ არც უნახავთ თავიანთი მშობლების სახლი, თავიანთი მშობლიური კუთხე, მაგრამ ისე აღწერენ, თითქოს იქ დაიბადნენ, იქ გაიზარდნენ და ისეთი სითბოთია მოტანილი აფხაზებთან ეს ურთიერთობა, თითქოს თვითონ მეგობრობდნენ აფხაზებთან და არა მათი მშობლები. ეს იმაზე მეტყველებს, რომ ამ თემაზე მათ ოჯახებში მუდამ საუბრობენ, იქ არ არის სიძულვილი, ამ ოჯახებში არის სიყვარული, სითბო, იმ წარსულის საუკეთესო მოგონებები და მომავლის საოცარი რწმენა", - განაცხადა ვახტანგ ყოლბაიამ.

აფხაზეთის მთავრობის სამეგრელო-ზემო სვანეთის რეგიონის წარმომადგენლობის ხელმძღვანელმა ოთარ გოგოხიამ აფხაზეთიდან დევნილ მრავალშვილიან დედას დედის დღე მიულოცა და დახმარება გადასცა. გვალიების ოჯახში მცხოვრებ 7 მოზარდს საკვებ პროდუქტებთან ერთად საყოფაცხოვრებო ნივთები და ბავშვებისთვის საჩუქრად სათამაშოები მიიღეს.

„დღევანდელი ჩვენი მცირედი მაგრამ გულწრფელი საჩუქრები არის სიმბოლური დახმარება. ოჯახს ასევე მცირედი მატერიალური დახმარება გავუწიეთ"- განაცხადა ჯემა გოგოხიამ.

გვალიების ოჯახში ასევე იმყოფებოდნენ საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და  განსახლების მინისტრის მოადგილე მამუკა ცოტნიაშვილი და რეგიონალური სამმართველოს უფროსი ირაკლი ქოჩუა. მათ დევნილ ოჯახს საჩუქრად გადასცეს მაცივარი, გაზქურა, საყოფაცხოვრებო ნივთები და საკვები პროდუქტები.

აფხაზეთის ავტონომიური რესპუბლიკის მთავრობის სამეგრელო-ზემო სვანეთის წარმომადგენლობის ხელმძღვანელმა დედის დღე რეგიონში მცხოვრებ უკრაინელი ეროვნების ქალბატონებს მიულოცა და სიმბოლური საჩუქრები გადასცა.

დედის დღე მიულოცა დევნილ ქალბატონებს აფხაზეთის ავტონომიური რესპუბლიკის მთავრობამ. ამ დღესთან დაკავშირებით, აფხაზეთიდან იძულებით გადაადგილებულ მრავალშვილიან დედებს კლინიკა „ენმედიცის" მხარადჭერით უფასო სამედიცინო გამოკვლევები კლინიკის ვაკის ახალ ფილიალში ჩაუტარდათ, რომელიც საზეიმოდ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და კლინიკის გენერალურმა დირექტორმა კობა ბურნაძემ გახსნეს. სხვადასხვა პროფილის მაღალკვალიფიციური ექიმთა ჯგუფი მრავალშვილიანდ დედებს მთელი დღის განმავლობაში მოემსახურა.

ასევე, აფხაზეთის ჯანმრთელობისა და სოციალური დაცვის სამინისტროსა და კლინიკას შორის თანამშრომლობის მემომარნდუმი გაფორმდა, რომლის ფარგლებში დევნილებისთვის თბილისსა და რეგიონებში სხვადასხვა სახის სამედიცინო აქციები და გამოკვლევები დაიგეგმება.

ღონისძიება აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის ქეთევან ბაკარაძისა და „ენმედიცის" ვაკის ფილიალის ხელმძღვანელის ხათუნა გარდაფხაძის ორგანიზებით მოეწყო.

საქართველოს ეროვნული გმირის, ჟიული შარტავას დაბადებიდან 70 წლისთავისადმი მიძღვნილი კვირეულის ფარგლებში ჭადრაკის სასახლეში, სწრაფ ჭადრაკში ჟიული შარტავას სახელობის ტურნირის ფინალური შეჯიბრი გაიმართა. ტურნირი აფხაზეთის ავტონომიური რესპუბლიკის მთავრობის ინიციატივით მოეწყო და მასში მონაწილეობა მიიღეს 7-14 წლამდე ასაკის აფხაზეთიდან დევნილმა მოსწავლეებმა.

შეჯიბრი ფიდეს წესებით, შვეიცარიული სისტემით ხუთ ტურად ჩატარდა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საერთაშორისო დიდოსტატი, ოლიმპიური, მსოფლიო და ევროპის თამაშების მრავალგზის ჩემპიონი, საჭადრაკო ოსკარის მფლობელი - ნონა გაფრინდაშვილი, საქართველოს სპორტისა და ახალგაზრდობის საქმეთა მინისტრის პირველი მოადგილე, საერთაშორისო დიდოსტატი, ევროპის ჩემპიონი ზურაბ აზმაიფარაშვილი, საქართველოს ოლიმპიური კომიტეტის გენერალური მდივანი ემზარ ზენაიშვილი, ჭადრაკის ფედერაციის ვიცე-პრეზიდენტი ზურაბ მიქაძე და აფხაზეთის მთავობის წევრები დაესწრნენ.

აფხაზეთის ავტონომიუირ რეესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიესალმა ტურნირის მონაწილეებს, ისაუბრა ჟიული შარტავას მიერ განვლილ გზაზე, მის მოღვაწეობაზე.

მოზარდებს გამარჯვება მიულოცეს და წარმატებები უსურვეს ნონა გაფრინდაშვილმა ზურაბ აზმაიფარაშვილმა და აფხაზეთის განათლებისა და კულტურის მინისტრმა დიმიტრი ჯაიანმა.

გამარჯვებული სპორტსმენები შესაბამისი თასებით და მედლებით დაჯილდოვდნენ. ტურნირის ყველა მონაწილეს დიპლომები გადაეცა.

ტურნირი აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.

მორიგი საქველმოქმედო აქცია დევნილი მოსახლეობისთვის. აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებით იძულებით გადაადგილებულ ოჯახებს USAID მიერ მოწოდებული ჰუმანიტარული ტვირთი დაურიგდათ.

აქციის ფარგლებში, ამჯერად დახმარება თბილისში, ჩუბინაშვილის ქ. №30-ში და ცაიშის ქ. №36-ში მცხოვრებმა ოჯახებმა მიიღეს. აღნიშნულ ობიექტებში აფხაზეთიდან დევნილი 40 ოჯახია ჩასახლებული.

USAID-მა აფხაზეთის ავტონომიური რესპუბლიკის მთავრობას დევნილთათვის რამდენიმე ტონა ჰუმანიტარული ტვირთი გადასცა, რომელიც თბილისსა და რეგიონებში არსებულ სხვა კომპაქტურად ჩასახლების ობიექტებში მცხოვრებ დევნილ მოსახლეობას დაურიგდება.

26 თებერვალს, აფხაზეთის ავტონომიური რესპუბლიკის ფინანსთა და ეკონომიკის მინისტრი ვასილ ხორავა და აფხაზეთის ავტონომიური რესპუბლიკის ჯანდაცვისა და სოციალური დაცვის მინისტრი ქეთევან ბაკარაძე საპარლამენტო უმრავლესობის წევრს, ნაძალადევის რაიონის მაჟორიტარ დეპუტატს თამარ კორძაიას შეხვდნენ.

შეხვედრისას მთავრობის წევრებმა დეპუტატთან ერთად ნაძალადევის რაიონში კომპაქტურად ჩასახლებული დევნილებისათვის ერთობლივი პროგრამებისა და პროექტების განხორციელებაზე ისაუბრეს.

შეხვედრისას გადაწყდა, რომ აფხაზეთის ავტონომიური რესპუბლიკის ჯანდაცვისა და სოციალური დაცვის სამინისტრო ნაძალადევის რაიონში არსებულ კომპაქტურ ჩასახლებებში უფასო მრავალპროფილიანი სამედიციო-პროფილაქტიკური გასინჯვების ჩაატარებს, ხოლო აფხაზეთის ავტონომიური რესპუბლიკის ფინანსთა და ეკონომიკის სამინისტრო დევნილი ოჯახებისთვის ჰუმანიტარული ტვირთის დარიგებას უზრუნველყოფს.

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და აფხაზეთის ავტონომიური რესპუბლიკის ფინანსთა და ეკონომიკის მინისტრი ვასილ ხორავა სამეგრელოს რეგიონში არსებულ აფხაზეთიდან იძულებით გადაადგილებულ პირთა სამედიცინო დაწესებულებების მედ-პერსონალთან შეხვედრები გამართეს.

სამუშაო ვიზიტის ფარგლებში, ქეთევან ბაკარაძე და ვასილ ხორავა ფოთისა და ზუგდიდის აფხაზეთიდან იძულებით გადაადგილებულ პირთა პოლიკლინიკებსა და ჯვარის ამბულატორიას ეწვივნენ. მთავრობის წევრები სამედიცინო ცენტრის ხელმძღვანელობასა და ექიმებს გაესაუბრნენ.

შეხვედრისას მინისტრებმა ექიმთა პრობლემები და თხოვნები მოისმინეს, საუბარი ჯანდაცვის სფეროში მიმდინარე რეფორმებსა და რიგ საკითხებში არსებულ პრობლემებს შეეხო. შეხვედრა კითხვა-პასუხის რეჟიმში მიმდინარეობდა, რომლის დროს ექიმებს შესაძლებლობა მიეცათ მათთვის მნიშვნელოვან კითხვებზე პასუხები უშუალოდ პირველი პირებისგან მიეღოთ.

აფხაზეთის მთავრობის წევრები სამედიცინო დაწესებულებებში არსებულ ინფრასტურქტურული საკითხებით დაიტერესდნენ, ადგილზე გაეცნენ პოლიკლინიკებში არსებულ ვითარებასა და შექმნილ პირობებს. გამოიკვეთა რიგი სახის ინფრასტრუქტურული პრობლემები, რომლის ნაწილის მოგვარება მინისტრების უშუალო ჩარევით მოხერხდა.

ჯვარის დევნილთა ამბულატორიაში მიმდინარე შეხვედრას აფხაზეთის მთავრობის წევრებთან ერთად, სამეგრელო-ზემო სვანეთის გუბერნატორის ლევან შონიას დავალებით, წალენჯიხის მუნიციპალიტეტის გამგებელი გოგა გულორდავა და წალენჯიხის საკრებულოს თავმჯდომარე დავით ბელქანია დაესწრნენ. შეხვედრისას გაირკვა, რომ ძირითადი პრობლემა სადაზღვეო კომპანიებთან შექმნილი ვითარებაა, რომლის გამო ჯვარში მცხოვრებ დევნილ მოსახლეობას მეორე წელია სამედიცინო სერვისით სარგებლობის მიღება წალენჯიხაში უწევთ. აღნიშნული საკითხი პირად კონტროლზე ჰყავს აყვანილი სამეგრელო ზემო-სვანეთის გუბერნატორს, რომლის მოგვარების გზების საკითხებში აფხაზეთის მთავრობის წევრებიც ჩაერთვებიან.

სამუშაო ვიზიტის ფარგლებში ქეთევან ბაკარაძემ და ვასილ ხორავამ ზუგდიდში, მშენებარე დევნილთა პოლიკლინიკა დაათავლიერეს და ადმინისტრაციულ საზღვართან იმყოფებოდნენ.

აფხაზეთის ავტონომიური რესპუბლიკის მთავრობის ინიციატივით, ცხვარიჭამიაში არსებულ კომპაქტურად ჩასახლების ობიექტში მცხოვრები დევნილები აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა დემურ კეკელიამ და წარმომადგენლობის თანამშრომლებმა მოინახულეს. იძულებით გადაადგილებულ ოჯახებს მცირე მატერიალური დახმარება გაეწიათ და USAID მიერ მოწოდებული ჰუმანიტარული ტვირთი დაურიგდათ.

აფხაზეთის ავტონომიური რესპუბლიკის მთავრობის წარმომადგენლები ადგილზე გაეცნენ აღნიშნულ ობიექტში არსებულ ვითარებას და დევნილთა პრობლემები მოისმინეს.

საქველმოქმედო აქცია აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ორგანიზებით მოეწყო.

სამოქალაქო თანხმობისა და კონფლიქტის დარეგულირების საკითხებში აფხაზეთის ავტონომიური რესპუბლიკის მინისტრის აპარატის ორგანიზებით კონფლიქტებზე მომუშავე არასამთავრობო ორგანიზაციების წარმომადგენლებთან შეხვედრა გაიმართა.

დამსწრე საზოგადოებას სიტყვით მიესალმნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და შერიგებისა და სამოქალაქო თანასწორობის საკითხებში სახელმწიფო მინისტრის აპარატის, აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა სამმართველოს უფროსი მარინა სალუქვაძე.

შეხვედრას აფხაზეთის ავტონომიური რესპუბლიკის მთავრობის წევრები, აფხაზეთის უმაღლესი საბჭოს დეპუტატები და დიასპორის საკითხებში საქართველოს სახელმწიფო მინისტრის აპარატის წარმომადგენლები ესწრებოდნენ.

სამოქალაქო თანხმობისა და კონფლიქტის დარეგულირების საკითხებში აფხაზეთის ავტონომიური რესპუბლიკის მინისტრმა ლელა გულედანმა დამსწრე საზოგადოებას გააცნო აპარატის დებულება, აგრეთვე ისაუბრა შესრულებულ და შესასრულებელ აქტივობებზე, სამომავლო გეგმებსა და სამინისტროს ხედვებზე, რომელიც კონფლიქტებზე მომუშავე არასამთავრობო ორგანიზაციებთან თანამშრომლობას ეხებოდა.

შეხვედრის მიზანი იყო იმ არასამთავრობო ორგანიზაციების პოტენციალისა და რესურსების, მათი კვალიფიკაციისა და გამოცდილების გამოყენება, რომლებიც წლების განმავლობაში აქტიურად არიან ჩართული კონფლიქტების შესწავლასა და ამ კონფლიქტების დარეგულირების საკითხებში. მინისტრის აპარატი გამოთქვა მზადყოფნა, ითანამშრომლოს ამ საკითხით დაინტერესებულ ორგანიზაციებთან, რათა მოხდეს კონსოლიდირებული და რეალური ნაბიჯების გადადგმა პრობლემის მოგვარებისაკენ.

არასამთავრობო ორგანიზაციების მხრიდან გამოითქვა წინადადებები და მოსაზრებები.

დღეს, აფხაზეთის ავტონომიური რესპუბლიკის მთავრობასა და „პრივატბანკს" შორის გაფორმებული მემორანდუმის თანახმად, დევნილი ახალგაზრდების დასაქმების ხელშეწყობის პროგრამის მეორე ეტაპის პრეზენტაცია მოეწყო. კონკურსანტების მიღება „პრივატბანკის" ცენტრალურ ოფისში გაიმართა. აფხაზეთის ავტონომიური რესპუბლიკის ფინანსთა და ეკონომიკის სამინისიტროსა და ბანკის წარმომადგენლებმა კონკურსანტებს ის პირობები და წესები გააცნეს, რის საფუძველზე ბანკი დევნილი ახალგაზრდების სტაჟირებას და დასაქმებას უზრუნველყოფს.

აფხაზეთის ავტონომიური რესპუბლიკის ფინანსთა და ეკონომიკის სამინისტროში ამ ეტაპზე CV 30-მდე დასაქმების მსურველმა დევნილმა ახალგაზრდამ შეიტანა, რომლებიც კვალიფიკაციისა და მოთხოვნილი პირობების შესაბამისად ბანკის ქოლ ცენტრში, პრობლემური სერვისების მომსახურებისა და განვადების მენეჯნმეტის სფეროში გადანაწილდებიან.

მემორანდუმის თანახმად, პირველ ეტაპზე კონკურსი 60-მდე ახალგაზრდამ გაიარა, რომელთა შორის უმეტესობა დასაქმდა.

2013 წლის 15 ნოემბერს, აფხაზეთის ავტონომიური რესპუბლიკის მთავრობასა და „პრივატბანკს" შორის ურთიერთთანამშრომლობის მემორანდუმი გაფორმდა. მემორანდუმი „პრივატბანკში" აფხაზეთიდან დევნილი ახალგაზრდების პრაქტიკისა და სტაჟირების გავლას, დევნილი ახალგაზრდების დასაქმებას ითვალისწინებს.

დღეს საკრებულოს თავმჯდომარის მოადგილემ, ისტორიკოსმა ჯაბა სამუშიამ აფხაზეთიდან დევნილ მოსწავლეებს საბჭოთა ოკუპაციის მუზეუმში უმასპინძლა. ჯაბა სამუშია დევნილ ბავშვებს მუზეუმის მუდმივ ექსპოზიციაში წარმოდგენილი ბოლშევიკური რუსეთის მიერ საქართველოს ოკუპაციის (1921წ.), საქართველოს ეროვნულ-განმათავისუფლებელი, ანტისაოკუპაციო მოძრაობის 70-წლიანი ისტორიის (1921-1991 წწ.) და საბჭოთა პოლიტიკური რეპრესიების შესახებ ესაუბრა.

„მნიშვნელოვანია, რომ მოზარდებმა იცოდნენ თავიანთი ქვეყნის ისტორია, განსაკუთრებით ის სისხლიანი უახლესი ფურცლები, თუ როგორ იბრძოდნენ ჩვენი გმირები საქართველოს დამოუკიდებლობისათვის", - განაცხადა ჯაბა სამუშიამ.

საკრებულოს თავმჯდომარის მოადგილესთან ერთად, ღონისძიებას აფხაზეთის ავტნომიური რესპუბლიკის  განათლებისა და კულტურის მინისტრის პირველი მოადგილე მანანა ქვაჩახია ესწრებოდა.

მან დღევანდელი დღის მნიშვნელობაზე ისაუბრა და აღნიშნა, რომ მოსწავლეებთან შეხვედრა ძალიან საინტერესო და მნიშვნელოვანი იყო.

„ახალგაზრდებმა უნდა იცოდნენ თავიანთი ქვეყნის ისტორია და იცნობდნენ თავიანთ გმირებს, რომელთა თავგანწირვაც სამაგალითო უნდა იყოს თითოეული მოქალაქისათვის", - განაცხადა მანან ქვაჩახიამ.

ეროვნული მუზეუმის თანამშრომლებმა აფხაზეთის საჯარო სკოლის მოსწავლეებს საინფორმაციო ბუკლეტები გადასცეს.

შეგახსენებთ, რომ 1921 წლის 25 თებერვალს საბჭოთა რუსეთის მე-11 წითელმა არმიამ თბილისი დაიკავა და საბჭოთა ხელისუფლება გამოაცხადა.

21 თებერვალს, აფხაზეთის ავტონომიური რესპუბლიკის მოზარდმაყურებელთა სახელმწიფო თეატრმა - „თეთრი ტალღა", აფხაზეთიდან დევნილ ბავშვებს „თბილისი არტ-ჰოლში" უმასპინძლა, სადაც ნაჩვენები იქნა სპექტაკლი „ჩარლის დეიდა".

ჩვენებას, ქ. თბილისის ასკურავას ქუჩის #1 -ში განთავსებული ორ კომპაქტურ ჩასახლებაში მცხოვრები დევნილი ბავშვები დაესწრნენ.

ღონისძიება აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ორგანიზებითა და აფხაზეთის ავტონომიური რესპუბლიკის მოზარდმაყურებელთა სახელმწიფო თეატრის - „თეთრი ტალღა" მხარდაჭერით გაიმართა.

დღეს, აფხაზეთის ავტონომიური რესპუბლიკის მთავრობის სხდომათა დარბაზში შეიკრიბნენ თბილისის ივანე ჯავახიშვილის სახელობის სახელმწიფო უნივერსიტეტის, სოხუმის სახელმწიფო და შავი ზღვის საერთაშორისო უნივერსიტეტების პროფესორ-მასწავლებლები, არასამთავრობო ორგანიზაციების წარმომადგენლები, ჟურნალისტები, სტუდენტები, ექსპერტები ბიზნესისა და სამართლებრივ საკითხებში.

შეკრების მიზანი აფხაზეთის ავტონომიური რესპუბლიკის მთავრობასათან საზოგადოებრივი სათათბირო-საკონსულტაციო საბჭოს შექმნა იყო. შეხვედრაზე საუბარი შეეხო იმ პრობლემებს, რომლებიც დაგროვდა დევნილ საზოგადოებაში, პირველ რიგში ჯანდაცვის და განათლების სფერში არსებულ სიტუაციას, სოციალურად დაუცველთა მდგომარეობას.

ერთ-ერთი საკითხი მთავრობისა და მისი სტუქტურების საქმიანობისათვის სამართლებლივი მხარდაჭერის, კერძოდ საქართველოს საკანონმდებლო ბაზის დევნილთა ინტერესების გათვალისწინებით დახვეწის, ადვოკატირების, ზოგადად კანონშემოქმედებითი მუშაობის შემდგომი გააქტიურების, დევნილთა სწორი ინფორმირებისა და მათი უფლება-მოვალეობების  დაცვის საქმეში.

დამსწრეთა მხრიდან გამოითქვა მზაობა დევნილთა საზოგადოებრივ-პოლიტიკურ გააქტიურების საქმეში მხარდაჭერისათვის, განსაკუთრებით ახალგაზრდული პრობლემების წინ წამოწევისა და მასში სტუდენტების, მაგისტრანტებისა და ახალგაზრდა მეცნიერების ჩართვის საკითხებზე.

ამ მიზნით საბჭოს წევრებმა გამოთქვეს მზადყოფნა, რომ გაუწევენ კონსულტაციებს მთავრობის წევრებს და სხვადასხვა დარგის ხელმძღვანელებს მართვის სრულყოფის საკითხებზე, ასევე კონცულტაციებს პრობლემატური საკითხების სოციალური და სამართლებრივი ანალიზისა და სათანადო რეკომენდაციების ახალი კანონპროექტების მომზადებისათვის, სათანადო რეკომენდაციების მომზადებასა და შემუშვებაში, რომლებიც ხელს შეუწყობს საკანონმდებლო ბაზის სრულყოფას. საუბარი შეეხო აფხაზეთის ტელევიზიის შექმნის აუცილებლობას, დევნილების აქტიურად ჩართვას საარჩევნო პროცესებში და სხვა მნიშვნელოვან საკითხებს.

საკონსულტაციო სათათბირო საბჭოს შექმნას მიესალმა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია. მან გამოთქვა იმედი, რომ სახელისუფლებო სტრუქტურები, საზოგადოებრივ სათათბირო-საკონსულტაციო საბჭოსთან ერთად სწორად განსაზღვრავენ პრიორიტეტებს და ერთობლივად უზრუნველყოფენ მათ განხორციელებას.

აფხაზეთის მთავრობაში აფხაზეთის ავტონომიური რესპუბლიკის მთავრობის გაფართოებული სხდომა მიმდინარეობს, რომელსაც მთავრობის თავმჯდომარის მოვალეობის შემსრულებელი ვახტანგ ყოლბაია თავმჯდომარეობს. სხდომას აფხაზეთის ავტონომიური რესპუბლიკის მთავრობის წევრებთან ერთად, მათი მოადგილეები და დეპარტამენტის ხელმძღვანელები ესწრებიან.

სხდომის დაწყებამდე აფხაზეთის ავტონომიური რესპუბლიკის მთავრობის თავმჯდომარის მოავლეობის შემსრულებელმა ვახტანგ ყოლბაიამ და მთავრობის წევრებმა წუთიერი დუმილით პატივი მიაგეს უკრაინაში მიმდინარე მოვლენების დროს დაღუპულთა, მათ შორის აფხაზეთიდან დევნილი ზურაბ ხურციას ხსოვნას.

აგრეთვე მოისმინეს ინფორმაცია საქართველოს ეროვნული გმირის ჟიული შარტავას 70 -წლისთავთან დაკავშირებით დაგეგმილი ღონისძიებების შესახებ.

სხდომაზე ერთ-ერთ საკითხად განხილული იქნება აფხაზეთის ავტონომიური რესპუბლიკის მთავრობის 2013 წლის რესპუბლიკური ბიუჯეტის შესახებ ანგარიში, რომელსაც აფხაზეთის ავტონომიური რესპუბლიკის ფინანსთა და ეკომომიკის მინისტრი ვასილ ხორავა წარადგენს.

აფხაზეთის ავტონომიური რესპუბლიკის მთავრობის ორგანიზებით, USAID-ს და არასამთავრობო ორგანიზაცია „აფხაზეთის ბიზნესმენთა, ადვოკატთა და ჟურნალისტთა ასოციაცია-კავშირი"-ს მხარდაჭერით დევნილ მოსახლეობას ჰუმანიტარული დახმარება დაურიგდა.

იძულებით გადაადგილებულ ოჯახებს ჰუმანიტარული დახმარება აფხაზეთის ავტონომიური რესპუბლიკის ფინანსთა და ეკონომიკის მინისტრმა ვასილ ხორავამ და მინისტრის მოადგილემ ლევან თევზაიამ გადასცეს.

აქციის ფარგლებში, ჰუმანიტარული ტვირთი თბილისის ოთხი კომპაქტურად ჩასახლების ობიექტში მცხოვრებმა დევნილმა ოჯახებმა და აფხაზეთის უსინათლო და ყრუ-მუნჯთა საზოგადოება „ჰერა"-ს 150-მდე წევრმა მიიღო.

USAID-მა აფხაზეთის ავტონომიური რესპუბლიკის მთავრობას დევნილთათვის რამდენიმე ტონა ჰუმანიტარული ტვირთი გადასცა, რომელიც თბილისსა და რეგიონებში არსებულ სხვა კომპაქტურად ჩასახლების ობიექტებში მცხოვრებ დევნილ მოსახლეობას დაურიგდება.