სოხუმის სახელმწიფო უნივერსიტეტში ქართველი მეცნიერის, სახელმწიფო და საზოგადო მოღვაწის, საქართევლოს სამოციქულო ეკელსიის წმინდანის ექვთიმე თაყაიშვილისადმი (ღვთისკაცი) მიძღვნილი საიუბილეო სამეცნიერო-თემატური კონფერენცია გაიმართა.

კონფერენციაზე ისტორიკოსებმა და მეცნიერებმა ექვთიმე თაყაიშვილის ცხოვრებასა და ღვაწლზე, მის საზოგადოებრივ და სახელმწიფოებრივ-პოლიტიკურ მოღვაწეობაზე ისაუბრეს. მოხსენებით წარსდგნენ უნიევრსიტეტის პროფესორები ზურაბ პაპასქირი, ლია ახალაძე, ბეჟან ხორავა, ვახტანგ ჯაფარიძე, დაზმირ ჯოჯუა და ჯამბულ ანჩაბაძე.

კონფერენციას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, სოხუმის სახელმწიფო უნივერსიტეტის რექტორი ჯონი აფაქიძე, უნივერსიტეტის პროფესორ-მასწავლებელები და სტუდენტები დაეწრნენ.

ვახტანგ ყოლბაიამ დამსწრე საზოგადოებას, უნივერსიტეტის პროფესორ-მასწავლებლებს, კონფერენციის ინიციატორებსა და ორგანიზატორებს მადლობა გადაუხადა და წარმატებები უსურვა.

კონფერენცია სოხუმის სახლემწიფო უნივერსიტეტისა და ექვთიმე თაყაიშვილის სახელობის საქართევლოს საისტორიო საზოგადოების აფხაზეთის ორგანიზაციის მიერ იყო ორგანიზებული.

UNESCO-მ 2013 წელი ექვთიმე თაყაიშვილის წლად გამოაცხადა და ის საერთაშორისო მნიშვნელოვან საიუბილეო თარიღებში შეიყვანა.

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, საჭიდაო სპორტულ კომპლექსში აფხაზეთში დაღუპულ მეომართა ხსოვნისადმი მიძღვნილი ტურნირი ძიუდოში გაიმართა.

შეჯიბრში მონაწილეობა აფხაზეთისა და საქართველოს სხვადასხვა რეგიონების 300-მდე სპორტსმენმა მიიღო.

გამარჯვებული სპორტსმენები აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და განათლებისა და კულტურის მინისტრმა დიმიტრი ჯაიანმა თასებით, სიგელებითა და მედლებით დააჯილდოვეს.

კულტურის ცენტრ „მუზა"-ში შემოქმედებითი საღამო „სამურზაყანო - იმედის ხიდი" მოეწყო, რომელიც უძველესი წარსულიდან დღემდე გალის რაიონის საგანმანათლებლო ისტორიას ეძღვნებოდა.

საღამოზე ნაჩვენები იქნა დოკუმენტური ფილმი, რომელიც გალის რაიონში მიმდინარე საგანმანათლებლო პროცესებს ასახვდა. გალის რაიონისა და აფხაზეთის #2 სახელოვნებო სკოლის ანსამბლების მონაწილეობით ქართულ-აფხაზური ხალხური სიმღერები და ცეკვები შესრულდა. ასევე, გაიმართა დევნილი პედაგოგების მზია ხორავასა და კლიმენტი ქობალიას წიგნის „დადუმებული ცოდნის ტაძარი" -ს პრეზენტაცია, რომელიც გალის #2 საშუალო სკოლის ისტორიას მიეძღვნა. აფხაზეთის ავტონომიური რესპუბლიკის უმაღლესი საბჭოს საპატიო სიგელით წიგნის ავტორები დაჯილდოვდნენ.

საღამოს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, შეფასებისა და გამოცდების ეროვნული ცენტრის დირექტორი მაია მიმინოშვილი, აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, აფხაზეთის ავტონომიური რესპუბლიკის მთავრობის წევრები და დევნილი საზოგადოება დაესწრო.

30 ნოემბერს გალის რაიონის სკოლებიდან ჩამოსული მოსწავლეები მცხეთაში, ისტორიული ადგილებს დაათვალიერებენ, ეწვევიან თბილისის ზოოპარკს და მთაწმინდის პარკს.

ღონისძიება აფხაზეთის ავტონომიური რესპუბლიკის მთავრობის მხარდაჭერითა და გალის რაიონის საგანმანათლებლო რესურსცენტრის ორგანიზებით გაიმართა.

სამეგრელოს რეგიონში, კერძოდ ზუგდიდის რაიონსა და სენაკში ძლიერი ქარის შედეგად დაზიანებულ 22 დევნილთა კომპაქტური ჩასახლების ობიექტს სარემონტო სამუშაოები ჩაუტარდა.

აღნიშნულ კომპაქტური ჩასახლებებში სარემონტო სამუშაოები სამეგრელო-ზემო სვანეთის მხარეში აფხაზეთის ავტონომიური რესპუბლიკის მთავრობის წარმომადგენლობის შუამდგომლობით, ადგილობრივმა მუნიციპალიტეტებმა ოპერატიულად განახორციელეს.

სამეგრელოს რეგიონში 19-20 ნოემბერს ძლიერმა ქარმა დევნილთა კომპაქტურ ჩასახლების ობიექტებს სახურავები ახადა და საწრეტები დაუზიანა. ამ დროისთვის სარემონტო სამუშაოები დასრულდა და ქარის შედეგად მიყენებული პრობლემები მოგვარდა.

აფხაზეთის ავტონომიური რესპუბლიკის მთავრობა ტყვარჩელში, სასმელი წყლით მოწამლულ მოსახლეობას დახმარებას სთავაზობს.

„ჩვენ მზად ვართ დახმარება აღმოვუჩინოთ დაზარალებულ მოსახლეობას და გავუწიოთ ყველა სახის დახმარება მომართვის შემთხვევაში. გამოვიყენოთ ჩვენს ხელთ არსებული ყველანაირი რესურსი და აღმოვუჩინოთ სამედიცინო მომსახურეობა. საჭიროების შემთხვევაში ორგანიზება გავუწიოთ მათ გადმოყვანას საქართველოს დანარჩენ ტერიტორიაზე," - განაცხადა აფხაზეთის ავტონომიური რესპუბლიკის ჯანდაცვის მინისტრმა ქეთევან ბაკარაძემ.

გავრცელებული ინფორმაციით, რამდენიმე დღის წინ, ტყვარჩელში სასმელი წყლისაგან 300-მდე ადამიანი მოიწამლა. ადგილობრივი მოსახლეობის ინტოქსიკაცია სასმელ წყალში კანალიზაციის გაჟონვამ გამოიწვია. დაზარალებულთა უმეტესობა მოზარდია. ისინი ოჩამჩირის, სოხუმისა და გალის საავადმყოფოებში გადაანაწილეს. მოწამლულთა შორის რამდენიმეს მდგომარეობა საკმაოდ მძიმეა. ადგილობრივი სკოლები და საბავშვო ბაღები დახურულია.

მასწავლებლის სახლში, აფხაზეთიდან დევნილ მასწავლებელთა კონფერენცია გაიმართა, რომელშიც აფხაზეთის საჯარო და ოკუპირებულ ტერიტორიაზე მოქმედი სკოლების 100-ზე მეტმა პედაგოგმა მიიღო მონაწილეობა.

კონფერენციაზე ზოგადი განათლების ხარისხის გაუმჯობესებისა და საგანმანათლებლო პროგრამების მიმართულებით, აფხაზეთის ავტონომიური რესპუბლიკის განათლებისა და კულტურის სამინისტროს 2013 წლის მიღწევები და 2014 წლის გამოწვევები შეაჯამეს. ასევე, განხილული იქნა საქართველოს განათლების სფეროში მიმდინარე რეფორმები და სიახლეები.

აფხაზეთის ავტონომიური რესპუბლიკის უმაღლესი საბჭოს საპატიო სიგელით, ორი ღვაწლმოსილი პედაგოგი და აფხაზეთის ავტონომიური რესპუბლიკის განათლებისა და კულტურის სამინსიტროს პროექტის „ინოვაციური პედაგოგი"-ს 13 გამარჯვებული მასწავლებელი დაჯილდოვდა.

კონფერენციას აფხაზეთია ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს განათლებისა და მეცნიერების მინისტრის მოადგილე ლია გიგაური, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, მასწავლებელთა პროფესიული განვითარების ეროვნული ცენტრის დირექტორი გია მამულაშვილი და აფხაზეთის ავტონომიური რესპუბლიკის მთავრობის წევრები დაესწრნენ.

ღონისძიება აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით ჩატარდა.

დღეს, რუსთავში მცხოვრებ 22 დევნილ ოჯახს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ ახალი ბინის გასაღები გადასცა. ბინების გადაცემის პროცესს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დაესწრო. დავით დარახველიძესთან ერთად, ახალი ბინების გასაღები დევნილებს ვახტანგ ყოლბაიამ და დევნილთა საკითხების დეპარტამენტის უფროსის მოვალეობის შემსრულებელმა მურად აბლოთიამ გადასცეს.

ამ ეტაპზე, 22 დევნილი ოჯახისთვის ბინები ფარული კენჭისყრის პრინციპით განაწილდა, ასევე კენჭისყრის მიხედვით გამოვლინდა საცხოვრებელი სართულები.

დევნილთა გრძელვადიანი განსახლების პროექტის ფარგლებში, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ერთწლიანი მუშაობის შედეგად 2000-მდე დევნილმა ოჯახმა საცხოვრებელი პირობები გაიუმჯობესა.

აფხაზი ერის თვალსაჩინო წარმომადგენელს, ჭეშმარიტ მამულიშვილს, საყოველთაოდ ცნობილ პოლიტიკოსსა და საზოგადო მოღვაწეს, ბატონ ლორიკ მარშანიას 24 ნოემბერს 81 წელი შეუსრულდებოდა.

სამი წლის წინ, მისი ტრაგიკული გარდაცვალებით, აფხაზმა და ქართველმა ხალხმა, უმძიმესი დანაკლისი განიცადა, რადგან მან მთელი თავისი შეგნებული ცხოვრება ამ ორი ერის ერთიან სამშობლოში მშვიდობიანი თანაცხოვრებისათვის მუხლჩაუხრელად იღვაწა.

ბატონი ლორიკ მარშანია მუდამ პრინციპულად იცავდა აფხაზი ეთნოსის თვითმყობადობას და იმავდროულად აფხაზთა სასიკეთო მომავალს მხოლოდ ერთიან საქართველოში განიხილავდა. ამიტომაც ლორიკ მარშანიას, როგორც სეპარატიზმის წინააღმდეგ მებრძოლს, საქართველოს ერთიანობისა და სუვერენიტეტის განმტკიცებაში თავისი წვლილი მიუძღვის.

ბატონი ლორიკ მარშანია იყო თვალსაჩინო მეცნიერი-ეკონომიკურ მეცნიერებათა დოქტორი, პროფესორი, გიორგი შარვაშიძის სახელობის პრემიის ლაურეატი, 200-ზე მეტი სამეცნიერო ნაშრომის ავტორი. სიცოცხლის უკანასკნელ წუთებამდე იგი მუდამ ცდილობდა, რომ კონფლიქტის მოსაგვარებლად ცივილიზებული გზები, სახალხო დიპლომატიის ნაცადი მეთოდები ახლებურად გაეაზრებინა და მათი განხორციელების ინიციატორად გვევლინებოდა.

პატივს მივაგებთ აფხაზეთისა და სრულიად საქართველოს ჭეშმარიტი მამულიშვილის, ლორიკ მარშანიას ხსოვნას!

აფხაზეთის ავტონომიური რესპუბლიკის უმაღლესი საბჭო,
აფხაზეთის ავტონომიური რესპუბლიკის მთავრობა.

გიორგობის ბრწყინვალე დღესასწაულთან დაკავშირებით, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის მთავრობის წევრები აფხაზეთის ომში დაღუპული მეომრების მშობლების ნაწილს შეხვდნენ და საჩუქრები გადასცეს.

დღესვე, დადიანის ქ. #150 ა-ში მდებარე კომპაქტურ ჩასახლებაში ვახტანგ ყოლბაიასთან ერთად, ნაძალადევის მაჟორიტარი დეპუტატი თამარ კორძაია იმყოფებოდა. ისინი იძულებით გადაადგილებული პირების სოციალური-ეკონომიკურ პირობებს გაეცნენ და დევნილებს გიორგობის ბრწყინვალე დღესასწაულთან დაკავშრებით საჩუქრები გადასცეს.

ღონისძიების ფარგლებში, ვახტანგ ყოლბაია აფხაზეთის მთავრობის წევრებთან ერთად თბილისის სხვა კომპაქტურ ჩასახლებებს (ალ. ყაზბეგის გამზირი და გ. ზაზიაშვილის ქუჩა) ესტუმრა და დევნილ ოჯახებს საჩუქრები გადასცა.

ღონისძიება აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებით და „აფხაზეთის ინვალიდ ბავშვთა კავშირის" მხარდაჭერით მოეწყო.

გიორგობის ბრწყინვალე დღესასწაულთან დაკავშირებით, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის მთავრობის წევრები აფხაზეთის ომში დაღუპული მეომრების მშობლების ნაწილს შეხვდნენ და საჩუქრები გადასცეს.

დღესვე, დადიანის ქ. #150 ა-ში მდებარე კომპაქტურ ჩასახლებაში ვახტანგ ყოლბაიასთან ერთად, ნაძალადევის მაჟორიტარი დეპუტატი თამარ კორძაია იმყოფებოდა. ისინი იძულებით გადაადგილებული პირების სოციალური-ეკონომიკურ პირობებს გაეცნენ და დევნილებს გიორგობის ბრწყინვალე დღესასწაულთან დაკავშრებით საჩუქრები გადასცეს.

ღონისძიების ფარგლებში, ვახტანგ ყოლბაია აფხაზეთის მთავრობის წევრებთან ერთად თბილისის სხვა კომპაქტურ ჩასახლებებს (ალ. ყაზბეგის გამზირი და გ. ზაზიაშვილის ქუჩა) ესტუმრა და დევნილ ოჯახებს საჩუქრები გადასცა.

ღონისძიება აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებით და „აფხაზეთის ინვალიდ ბავშვთა კავშირის" მხარდაჭერით მოეწყო.

აფხაზეთის ავტონომიური რესპუბლიკის მთავრობის ინიციატივითა და აფხაზეთის შრომის, ჯანმრთელობისა და სოციალური დაცვის სამინისტროს ორგანიზებით, ვარკეთილის მე-3 მასივში ჩასახლებულ აფხაზეთიდან დევნილებს სამედიცინო-პროფილაქტიკური გასინჯვები ჩაუტარდათ.

აქციის ფარგლებში, 120-მდე ბენეფიციარმა უფასო სამედიცინო გამოკვლევები გაიარა, ასევე ულტრასონოგრაფიული და კარდიოგრაფიული გამოკვლევები ჩაიტარა. აფხაზეთის ავტონომიური რესპუბლიკის ჯანდაცვის სამინისტრომ აღნიშნულ კომპაქტურ ჩასახლებაში მცხოვრებ იძულებით გადაადგილებულ ოჯახებს ჰუმანიტარული დახმარება გადასცა.

გამოკვლევებს აფხაზეთის ჯანდაცვის მინისტრი ქეთევან ბაკარაძე და აფხაზეთის ავტონომიური რესპუბლიკის მთავრობის სხვა წევრები დაესწრნენ.

აფხაზეთის ავტონომიური რესპუბლიკის მთავრობის ინიციატივითა და აფხაზეთის შრომის, ჯანმრთელობისა და სოციალური დაცვის სამინისტროს ორგანიზებით, ვარკეთილის მე-3 მასივში ჩასახლებულ აფხაზეთიდან დევნილებს სამედიცინო-პროფილაქტიკური გასინჯვები ჩაუტარდათ.

აქციის ფარგლებში, 120-მდე ბენეფიციარმა უფასო სამედიცინო გამოკვლევები გაიარა, ასევე ულტრასონოგრაფიული და კარდიოგრაფიული გამოკვლევები ჩაიტარა. აფხაზეთის ავტონომიური რესპუბლიკის ჯანდაცვის სამინისტრომ აღნიშნულ კომპაქტურ ჩასახლებაში მცხოვრებ იძულებით გადაადგილებულ ოჯახებს ჰუმანიტარული დახმარება გადასცა.

გამოკვლევებს აფხაზეთის ჯანდაცვის მინისტრი ქეთევან ბაკარაძე და აფხაზეთის ავტონომიური რესპუბლიკის მთავრობის სხვა წევრები დაესწრნენ.

სოხუმის სახელმწიფო უნივერსიტეტის მიმდებარე ტერიტორიაზე ბორჯომისა და ბაკურიანის მიტროპოლიტის მეუფე სერაფიმეს კურთხევითა და მამა გიორგი (შენგელაიას) ინიციატივით მომავალში წმიდა მოწამე ბასილისკოს სახელობის ტაძრის მშენებლობა იგეგმება. უნივერსიტეტის მიმდებარე ტერიტორიაზე სავედრებელი პარაკლისი მეუფე სერაფიმემ აღავლინა.

პარაკლისს აფხაზეთის ავტონომიური რესპუბლიკის მთავრობის თავმჯდომარის მოვალეობის შესმრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები, სოხუმის უნივერსიტეტის რექტორი ჯონი აფაქიძე და დევნილი საზოგადეობის წარმომადგენლები დაესწრნენ.

პარალელურად, აფხაზეთის ავტონომიური რესპუბლიკის მთავრობისა და განსაკუთრებულ დავალებათა საკითხებში აფხაზეთის ავტონომიური რესპუბლიკის მინისტრის აპარატის ორგანიზებით იმავე ტერიტორიაზე გამწვანების აქცია ჩატარდა.

ცნობისთვის, წმინდა ბასილისკო პირველი მოწამე იყო, ვინც 308 წელს აფხაზეთში, კერძოდ კომანში აღესრულა.

დღეს, აფხაზეთის ავტონომიური რესპუბლიკის მთავრობაში დევნილთა საზოგადოებისა და აფხაზეთის ხელისუფლების წარმომადგენლების ერთობლივი სამუშაო ჯგუფის პირველი შეხვედრა გაიმართა.

შეხვედრაზე განიხილეს რიგი საკითხები და ინიციატივები, რომელებიც დევნილთა სფეროში არსებული პრობლემების მოგვარებას შეეხო.

როგორც ცნობილია, ბოლო დღეებში აფხაზეთის ა/რ კონსტიტუციაში მოსალოდნელ ცვლილებებმა დევნილი საზოგადოების ნაწილში ვნებათაღელვა, გარკვეულ წრეებში კი პროტესტი გამოიწვია. დევნილთა ნაწილმა მჯდომარე აქცია ქ. ზუგდიდში, სამეგრელო-ზემო სვანეთის მხარეში აფხაზეთის მთავრობის წარმომადგენლობის წინ, ნაწილმა კი თბილისში, აფხაზეთის ა/რ უმაღლესი საბჭოს შენობასთან გამართა. აღნიშნულ ჯგუფს არაერთგზის შეხვდნენ აფხაზეთის ა/რ მთავრობის თავმჯდომარის  მოვალეობის შემსრულებელი ვახტანგ ყოლბაია და აფხაზეთის ა/რ უმაღელსი საბჭოს თავმჯდომარე გია გვაზავა. შეხვედრისას მიღწეული იქნა შეთანხმება, შექმნილიყო დევნილთა წარმომადგენლებისა და აფხაზეთის ხელისუფლების წევრების მიერ შემდგარი ერთობლივი კომისია, რომელიც იმუშავებს იძულებით გადაადგილებული პირების მიერ წამოჭრილ საკითხებზე, მათ შორის საკანონმდებლო ინიციატივებზე აფხაზეთის უმაღლეს საბჭოსთვის წარსადგენად. ამ შეთანხმების შემდეგ დევნილთა საპროტესტო აქციები შეწყდა. სწორედ, აქ მიღწეული შეთანხმების შესაბამისად ჩამოყალიბდა დევნილთა საზოგადოებისა და აფხაზეთის ხელისუფლების წარმომადგენელთა მიერ შემდგარი ერთობლივი სამუშაო ჯგუფი, რომელთა პირველი შეხვედრა დღეს გაიმართა.

სამუშაო ჯგუფს კოორდინაციას უწევს აფხაზეთის ა/რ უმაღლესი საბჭოს დეპუტატი ჯემალ გამახარია და ხელმძღვანელობას იუსტიციის დეპარტამენტის თავმჯდომარე იგორ კოპალიანი. სამუშაო ჯგუფის წევრები არიან სოხუმის სახელმწიფო უნივერსიტეტის იურიდიული ფაკულტეტის პროფესორი ავთანდილ ხაზალია, აფხაზეთის ა/რ იუსტიციის დეპარტამენტის თავმჯდომარის მოადგილე ვასილ ზაქარაია, აფხაზეთის ა/რ მთავრობის აპარატის იურიდიულ საკითხთა და ადამიანური რესურსების მართვის დეპარტამენტის უფროსი ნოდარ ჯალაღონია, აფხაზეთის ა/რ უმაღლესი საბჭოს აპარატის იურიდიული განყოფილების უფროსი თამაზ სანიკიძე, ა.ა.ი.პ (არასამეწარმეო არაკომერციული იურიდიული პირი) ,,გზა აფხაზეთისკენ"იურისტი მერაბ ჯიქია, არასამთავრობო ორგანიზაცია ,,ადამიანის უფლებები საზღვრების გარეშე'' ლელა ხორავა და იურიდიული კომპანია ,,სამართლებრივი დახმარების ცენტრი"-ს დირექტორი ვახტანგ ნაყოფია.

შეხვედრას ასევე დევნილთა საზოგადოების სხვა წარმომადგენლები ესწრებოდნენ.

განსაკუთრებულ დავალებათა საკითხებში აფხაზეთის მინისტრის აპარატი დევნილთა სამოქალაქო ინტეგრაციის მიზნით ახორციელებს დასაქმების პროგრამას, რომლის ფარგლებშიც დევნილთა კომპაქტური ჩასახლების ობიექტებში ჩატარდა გამოკითხვა, რის საფუძველზეც შეიქმნა მოთხოვნადი პროფესიების საინფორმაციო ბაზა.

აღნიშნული მონაცემების საფუძველზე აპარატის თანამშრომლები ახდენენ დევნილების მუდმივი ინფორმირებულობას დასაქმების ბაზარზე არსებული ვაკანტური ადგილების შესახებ.