აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

ხარების დღესასწაულთან დაკავშირებით გარდაბნის მუნიციპალიტეტის სოფელ სართიჭალაში მცხოვრებ აფხაზეთიდან იძულებით გადაადგილებულ პირებს ჰუმანიტარული დახმარება გადაეცათ.

აფხაზეთის მთავრობის თავმჯდომარემ რუსლან აბაშიძემ, აფხაზეთის მთავრობის თავჯდომარის მოადგილემ ანზორ მარგიანმა,აფხაზეთის დევნილთა მინისტრმა ლევან თევზაიამ, აფხაზეთის ჯანდაცვის მინისტრმა,ქეთევან ბაკარაძემ და აფხაზეთის დევნილთა მინისტრის მოადგილე მურად აბლოთიამ
სართიჭალაში, ყოფილი სამხედრო ქალაქის კომპაქტურ ჩასახლებაში მცხოვრებ დევნილებს ხარების დღესასწაული მიულოცეს და სასურსათო პროდუქტები და ჰიგიენური საშუალებები გადასცეს.
ღონისძიების ფარგლებში, ასევე, დევნილებთან საინფორმაციო შეხვედრა გაიმართა. მოსახლეობას მიეწოდა ინფორმაცია ჯანმრთელობისა და სოციალური დაცვის, განათლების, ერთჯერადი მატერიალური დახმარების პროგრამების შესახებ, რომლებსაც აფხაზეთის ავტონომიური რესპუბლიკის მთავრობის ბიუჯეტი აფინანსებს და რომელთა სარგებლობაც დევნილებს შეუძლიათ.
ჰუმანიტარული აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით და კომპანია ,,გაგრა+“-სა და ,,ბარამბო"-ს მხარდაჭერით განხორციელდა.

აფხაზეთის ავტონომიური რესპუბლიკის მთავრობის თავმჯდომარის განცხადება საოკუპაციო ხაზთან მომხდარ ტრაგიკულ ფაქტთან დაკავშირებით

„აფხაზეთის ავტონომიური რესპუბლიკის მთავრობის სახელით ღრმა მწუხარებას გამოვთქვამ აფხაზეთის საოკუპაციო ხაზთან მომხდარ ტრაგიკულ ფაქტთან დაკავშირებით. მინდა, სამძიმარი გამოვუცხადო დაღუპულების ოჯახის წევრებს და მთელ საქართველოს. ეს მთელი საქართველოს ტრაგედიაა. დღეს, საქართველოს მოქალაქეები დაიღუპნენ საოკუპაციო რეჟიმის მიერ თავისუფალ გადაადგილებაზე უკანონოდ დაწესებული შეზღუდვების გამო. ამ მოვლენამ კიდევ ერთხელ დაგვანახა, რომ ოკუპაცია, პირველ რიგში, კონკრეტული ადამიანების სიცოცხლესა და ჯანმრთელობაზე აისახება. მომხდარზე სრული პასუხისმგებლობა ეკისრება რუსეთის ფედერაციას.

წლების მანძილზე რუსეთის ფედერაციის საოკუპაციო რეჟიმის მიერ თავისუფალ გადაადგილებაზე დაწესებულმა შეზღუდვებმა მნიშვნელოვნად გაართულა ადგილობრივი მოსახლეობის ყოველდღიურობა და არაერთი მათგანის სიცოცხლე იმსხვერპლა. აფხაზეთის ავტონომიური რესპუბლიკის მთავრობა, მის ხელთ არსებული ყველა რესურსით, დახმარებას გაუწევს დაღუპულების ოჯახის წევრებს. მინდა აღვნიშნო, რომ საქართველოს მთავრობა აქტიურად მუშაობს საერთაშორისო პარტნიორებთან, რათა, ყველა არსებული ფორმატის გამოყენებით, მკაცრად დადგეს საოკუპაციო რეჟიმის პასუხისმგებლობის საკითხი უკანონო შეზღუდვისა და უკანონო დაკავებების ფაქტზე.“ - განაცხადა რუსლან აბაშიძემ.

რელიგიის საკითხთა სახელმწიფო სააგენტომ აფხაზეთის დევნილთა სამინისტროს ჰუმანიტარული დახმარება გადასცა

ტვირთის გადმოცემის პროცესს , აფხაზეთის ფინანსთა და დარგობრივი ეკონომიკის მინისტრი ივანე დოლიძე, აფხაზეთის დევნილთა მინისტრი ლევან თევზაია, აფხაზეთის  მთავრობის თავმჯდომარის მოადგილე ანზორ მარგიანი, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, რელიგიის საკითხთა სახელმწიფო სააგენტოს თავმჯომარე ზაზა ვაშაყმაძე და მოადგილე გიორგი უკლება ესწრებოდნენ.

აფხაზეთის დევნილთა სამინისტროს ორგანიზებით აღნიშნული დახმარება საქართველოს რეგიონებში, კომპაქტური ჩასახლების ობიექტებში მცხოვრებ სოციალურად დაუცველ, უკიდურესად შეჭირვებულ დევნილ ოჯახებს გადაეცემათ.

აფხაზეთიდან დევნილთა სამინისტროსა და რელიგიის საკითხთა სახელმწიფო სააგენტოს შორის, შემდგომი ურთიერთთანაშრომლომის გაგრძელების მიზნით, უახლოეს მომავალში მემორანდუმი გაფორმდება.

სოფელ სართიჭალაში მცხოვრებ აფხაზეთიდან დევნილებს ჰუმანიტარული დახმარება გადაეცათ

ხარების დღესასწაულთან დაკავშირებით გარდაბნის მუნიციპალიტეტის სოფელ სართიჭალაში მცხოვრებ აფხაზეთიდან იძულებით გადაადგილებულ პირებს ჰუმანიტარული დახმარება გადაეცათ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ მოადგილე ანზორ მარგიანთან და აფხაზეთის მთავრობის წევრებთან ერთად სართიჭალაში, ყოფილი სამხედრო ქალაქის კომპაქტურ ჩასახლებაში მცხოვრებ დევნილებს ხარების დღესასწაული მიულოცა და სასურსათო პროდუქტები და ჰიგიენური საშუალებები გადასცა.

ღონისძიების ფარგლებში, ასევე, დევნილებთან საინფორმაციო შეხვედრა გაიმართა. მოსახლეობას მიეწოდა ინფორმაცია ჯანმრთელობისა და სოციალური დაცვის, განათლების, ერთჯერადი მატერიალური დახმარების პროგრამების შესახებ, რომლებსაც აფხაზეთის ავტონომიური რესპუბლიკის მთავრობის ბიუჯეტი აფინანსებს და რომელთა სარგებლობაც დევნილებს შეუძლიათ.

ჰუმანიტარული აქცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით და კომპანია ,,გაგრა+“-სა და ,,ბარამბო"-ს მხარდაჭერით განხორციელდა.

აფხაზეთის ა/რ განათლებისა და კულტურის სამინისტროსა და ჩუბინაშვილის ცენტრს შორის თანამშრომლობის მემორანდუმი გაფორმდა

თანამშრომლობის მემორანდუმს ხელი მოაწერეს აფხაზეთის ავტონომიური რესპუბლიკის განათლებისა და კულტურის  მინისტრმა ეკა ხოფერიამ და გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის დირექტორმა  თამარ ბელაშვილმა.

მემორანდუმის მიზანია ცოდნისა და გამოცდილების გაცვლა საკუთარი კომპეტენციის ფარგლებში (ხელოვნების ისტორია, არქიტექტურა, რესტავრაცია, თანამედროვე ციფრული ტექნოლოგიები, ფოტოგრაფია, არქივმცოდნეობა, კულტურული მემკვიდრეობის პოპულარიზაცია, ბეჭდური პროდუქციის შექმნა და სხვა).

გარდა ამისა, ისინი ერთად გაუწევენ ორგანიზებას სამეცნიერო პროექტებს (კონფერენციებს, სემინარებს, სეზონურ სკოლებს და სხვ.) და შედეგებს სამეცნიერო სტატიების, კრებულების, ბუკლეტებისა თუ წიგნების სახით გამოაქვეყნებენ. საჭიროების შემთხვევაში აწარმოებენ ერთობლივ კვლევებს და ა. შ.

ქართველი კლასიკოსი მწერალი გურამ დოჩანაშვილი 82 წლისა გარდაიცვალა
გურამ დოჩანაშვილის მოთხრობები: „ერთი რამის სიყვარული, დაფარვა რომ სჭირდება, ანუ მესამე ძმა კეჟერაძე'', „თავფარავნელი ჭაბუკი“, „განსმდგომი შუაკაცი“, „იგი სიყვარულისთვის იყო გაჩენილი, ანუ გრიშა და მთავარი'' და სხვ. თავიდანვე გამოარჩია მკითხველმა. მწერალს საყოველთაო აღიარება მოუტანა პირველმა რომანმა „სამოსელი პირველი“. მისი მოთხრობა „კაცი, რომელსაც ლიტერატურა ძლიერ უყვარდა“ კი შესულია სასკოლო პროგრამაში.
 
გურამ დოჩანაშვილის შემოქმედება სიყვარულსა და სიკეთეს, თავისუფლებას ქადაგებდა ყოველთვის. მისი ნაწარმოებები თარგმნილია მრავალ ენაზე და მათ საფუძველზე გადაღებულია კინოფილმები თუ ტელესპექტაკლი.
 
იგი დაჯილდოებული იყო წმინდა გიორგის ორდენით, ვაჟა-ფშაველას პრემიით, ივანე ჯავახიშვილის მედლით, საქართველოს სახელმწიფო პრემიით, „ლიტერატურის განვითარებაში შეტანილი განსაკუთრებული წვლილისათვის“ ლიტერატურული პრემიით - „საბა“.
 
გურამ დოჩანაშვილის ამქვეყნიდან გასვლით ქართულმა ლიტერატურამ უდიდესი დანაკლისი განიცადა.
ნათელში დაივანოს მისმა სულმა.
ანზორ ერქომაიშვილი ქართულ-აფხაზური ურთიერთობის აღდგენის გზაზეც თავის სიტყვას ამბობდა
ქართველი კომპიზიტორისა და ლოტბარის, ფოლკლორისტისა და დირიჟორის, ანსამბლ „რუსთავის“ დამფუძნებლისა და ხელმძღვანლის ანზორ ერქომაიშვილის გარდაცვალება უკვე შეფასდა როგორც ქართული კულტურის უდიდესი დანაკლისი.
 
ანზორ ერქომაიშვილი იყო მამულიშვილი, რომელიც წლების განმავლობაში მსოფლიოს არქივებში მიმოფანტული ქართული უნიკალური სიმღერების ჩანაწერებს ედგა კვალში, პოულობდა, წიგნებად კრავდა და ქართული კულტურის საგანძურს ამატებდა. მან ასევე მოიძია და დაკარგვას გადაარჩინა უამრავი აფხაზური ხალხური სიმღერა და ქართულ-აფხაზური ხალხური სიმღერების ალბომი გამოსცა, რითაც ქართულ-აფხაზური ურთიერთობის აღდგენის გზაზეც თავის სიტყვას ამბობდა.
 
„ქართული მუსიკალური ენის, ჩვენი მრავალხმიანობის გადარჩენისა და პოპულარიზაციისათვის გაწეული მსახურების გამო“ იგი დაჯილდოებული იყო ბრწყინვალების საპრეზიდენტო ორდენით, რუსთაველის, ექვთიმე თაყაიშვილის, იაკობ გოგებაშვილის, ივანე ჯავახიშვილის და სხვ. პრემიებით.
 
ანზორ ერქომაიშვილი, ადამიანი „სავსე ქართული პატიოსნებით“, თავმდაბლობითა და კეთილშობილებით, დღეიდან მთაწმინდის ბინადარი გახდა.
მსუბუქი იყოს მისთვის ეს წმინდა მიწა!
რელიგიის საკითხთა სახელმწიფო სააგენტომ აფხაზეთის დევნილთა სამინისტროს ჰუმანიტარული დახმარება გადასცა

ტვირთის გადმოცემის პროცესს , აფხაზეთის დევნილთა მინისტრი ლევან თევზაია, აფხაზეთის  მთავრობის თავჯდომარის მოადგილე ანზორ მარგიანი, აფხაზეთის ფინანსთა და დარგობრივი ეკონომიკის მინისტრი ივანე დოლიძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, რელიგიის საკითხთა სახელმწიფო სააგენტოს თავმჯომარე ზაზა ვაშაყმაძე და მოადგილე გიორგი უკლება ესწრებოდნენ.

აფხაზეთის დევნილთა სამინისტროს ორგანიზებით აღნიშნული დახმარება საქართველოს რეგიონებში, კომპაქტური ჩასახლების ობიექტებში მცხოვრებ სოციალურად დაუცველ, უკიდურესად შეჭირვებულ დევნილ ოჯახებს გადაეცემათ.

აფხაზეთიდან დევნილთა სამინისტროსა და რელიგიის საკითხთა სახელმწიფო სააგენტოს შორის, შემდგომი ურთიერთთანაშრომლომის გაგრძელების მიზნით, უახლოეს მომავალში მემორანდუმი გაფორმდება.

 

აფხაზეთის ა/რ დევნილთა სამინისტროში შემუშავებულ ახალ პროგრამებთან დაკავშირებით, თბილისსა და ზუგდიდში ტრენინგები ჩატარდა

აფხაზეთის დევნილთა სამინისტროსა და ტერიტორიული ორგანოს თანამშრომლებისათვის, სამინისტროში შემუშავებულ ახალ პროგრამებთან დაკავშირებით, თბილისსა და ზუგდიდში ტრენინგები ჩატარდა.
ტრენინგი აფხაზეთის დევნილთა მინისტრის მოადგილემ,მურად აბლოთიამ გახსნა.
შეხვედრის მიზანია თანამშრომელთა კვალიფიკაციის ამაღლება და იმ სიახლეების გაცნობა,რომელიც სამინისტროში დაინერგება.
აფხაზეთის დევნილთა სამინისტრომ ახალი პროგრამების წესი შეიმუშავა, რომლის მიზანია დევნილთა სოციალური მდგომარეობის გაუმჯობესება და მოწყვლადი ჯგუფებისათვის სხვადასხვა ტიპის სოციალური დახმარებების გაწევა.
მათ შორის, დევნილთა ჩასახლების ობიექტების ინფრასტრუქტურული მხარდაჭერის პროგრამების განხორციელება.

 

ეკა ხოფერია აფხაზეთის წარმატებულ ახალგაზრდებს შეხვდა

აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია საქართველოს პარლამენტის ეროვნულ ბიბლიოთეკაში აფხაზეთის წარმატებულ ახალგაზრდებს შეხვდა და თანამშრომლობის საკითხებზე ესაუბრა. შეხვედრას ესწრებოდნენ სახელმწიფო უწყებებში, კერძო კომპანიებსა თუ საერთაშორისო ორგანიზაციებში დასაქმებული წარმატებული ახალგაზრდები.

მინისტრმა ყურადღება აფხაზეთის საჯარო სკოლების აღსაზრდელებზე შეაჩერა და სტუმრებს მიმართა: „გვინდა, აფხაზეთის წარმატებულმა ახალგაზრდებმა, საკუთარი გამოცდილების გათვალისწინებით, გაგვიზიაროთ რჩევები, წინადადებები, როგორ, რა გზით ვიაროთ, რომ ამ სკოლების ბავშვებს დანარჩენ საზოგადოებასთან ინტეგრირებასა და წარმატების მისაღწევად საჭირო უნარ-ჩვევების შეძენაში დავეხმაროთ“.

შეხვედრა დიალოგის რეჟიმში წარიმართა და იმსჯელეს მომავალი თანამშრომლობის პერსპექტივაზე. ითქვა, რომ ახალგაზრდების მხარდასაჭერად მნიშვნელოვანია მათი ჩაბმა საერთაშორისო პროექტებსა და პროგრამებში, აფხაზეთის თემატიკასთან დაკავშირებული კონფერენციებსა და ფორუმებში და ა. შ.

დასასრულ შეთანხმდენ, რომ შეიქმნას აფხაზეთის წარმატებული ახალგაზრდების სამუშაო ჯგუფი, რომელიც თავისი იდეებით, წინადადებებითა და პრაქტიკული ნაბიჯებით  შეხვედრაზე წამოჭრილი საკითხების მოგვარებას შეუწყობს ხელს.

 

 

აფხაზეთის 22-ე საჯარო სკოლას შეპირებული სპორტული ინვენტარი გადაეცა
აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ, კომპანია IDS ბორჯომი საქართველოს თანადგომით, ბორჯომში მდებარე აფხაზეთის 22-ე საჯარო სკოლას შეპირებული სპორტული ინვენტარი: ჩოგბურთის მაგიდა, ბურთები და სხვ. ჩაუტანა.
 
თავიანთ მხრივ, პირობა შეასრულეს მოსწავლეებმაც და მინისტრს, წინა ჩამოსვლაზე ჩამოტანილ, „ბიბლუსის“ მიერ ნაჩუქარ წიგნებზე შთაბეჭდილებები გაუზიარეს.
 
ეკა ხოფერიამ სკოლის პედაგოგებსა და მოსწავლეებთან საუბრისას კიდევ ერთხელ აღნიშნა, რომ აფხაზეთის საჯარო სკოლების ინფრასტრუქტურის მოწესრიგება აფხაზეთის ავტონომიური რესპუბლიკის განათლებისა და კულტურის სამინისტროსთვის ერთ-ერთი პრიორიტეტული საკითხია.
31 მარტი ისტორიული დღეა!
30 წლის წინათ, 1991 წლის 31 მარტს საქართველოში ჩატარდა რეფერენდუმი, რომელზეც საზოგადოებამ ერთსულოვნად დაუჭირა მხარი საქართველოს სახელმწიფოებრივი დამოუკიდებლობის აღდგენას.
 
ამ ისტორიული დღის მთავარი მოქმედი პირი იყო საქართველოს პირველი პრეზიდენტი ზვიად გამსახურდია, რომლის დაბადების დღეცაა 31 მარტი.
 
ფასდაუდებელია ზვიად გამსახურდიას ღვაწლი საქართველოს დამოუკიდებლობისათვის ბრძოლის ქარცეცხლში: მან 1991 წლის 9 აპრილს, პარლამენტის სხდომათა დარბაზში, 31 მარტის რეფერენდუმის შედეგების საფუძველზე, საქართველოს დამოუკიდებლობა გამოაცხადა და ამით მრავალი თაობის ქართველთა ოცნება აახდინა.
აფხაზეთის მთავრობისა და აფხაზეთის მეომართა კავშირის ერთობლივი პროექტის ფარგლებში წიგნის ,,საქართველოსთვის“ პრეზენტაცია გაიმართა

აფხაზეთის ავტონომიური რესპუბლიკის მთავრობის და აფხაზეთის მეომართა კავშირის ერთობლივი პროექტის ფარგლებში საქართველოს თავდაცვის სამინისტროს „არმიჰოლში“ წიგნის „საქართველოსთვის“ პრეზენტაცია გაიმართა.

ღონისძიების დასაწყისში დამსწრე საზოგადოებამ პატივი მიაგო დაღუპული მეომრების ხსოვნას. პრეზენტაციაზე სიტყვით გამოვიდნენ და წიგნის „საქართველოსთვის“ მნიშვნელობაზე ისაუბრეს აფხაზეთის ავტონომიური რესპუბლიკის მთავრობის თავმჯდომარის მოადგილემ ანზორ მარგიანმა, ვეტერანების საქმეთა სახელმწიფო სამსახურის დირექტორმა კობა კობალაძემ, მოადგილემ ჯანდრი უბირიამ, გენერალმა დავით გულუამ და წიგნის მთავარმა რედაქტორმა ირმა ირემაძემ.

ექვსასგვერდიანი წიგნი-კრებული 1992-1993 წლებში აფხაზეთში საქართველოს ტერიტორიული მთლიანობისთვის ბრძოლებში დაღუპული იმ 1 200 გმირის ცალკეულ ისტორიებს აერთიანებს, რომლებიც საქართველოს თავდაცვის სამინისტროს მე-2 საარმიო კორპუსში, აფხაზეთის გარნიზონებსა და მათში შემავალ შენაერთებში ირიცხებოდნენ. წიგნი-კრებული ერთგვარი ენციკლოპედიური ცნობარია სამშობლოს ერთიანობას, მის თავისუფლებასა და დამოუკიდებლობას უანგაროდ შეწირული ეროვნული გმირების და რიგითი ჯარისკაცების შესახებ.

ღონისძიებას თავდაცვის ძალების მეთაურის მოადგილე, გენერალ-მაიორი ზაზა ჩხაიძე, აფხაზეთის ხელისუფლების, ვეტერანების საქმეთა სახელმწიფო სამსახურის და აფხაზეთის მეომართა კავშირის წარმომადგენლები, დაღუპული მეომრების ოჯახის წევრები ეწსრებოდნენ.

ღონისძიებაში აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“ მონაწილეობდა. პრეზენტაციის ბოლოს ღონისძიებაზე მოწვეულ სტუმრებს საჩუქრად წიგნები გადაეცათ.

ვაშლიჯვარში, ბროწეულის ქუჩაზე, დევნილ მოსახლეობასთან საინფორმაციო შეხვედრა გაიმართა

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთიდან იძულებით გადაადგილებულ პირთა-დევნილთა მინისტრი ლევან თევზაია და მინისტრის მოადგილე მურად აბლოთია თბილისის მერის მოადგილე ირაკლი ბენდელიანთან და მეწყრულ პროცესებთან დაკავშირებით შექმნილ სამუშაო ჯგუფის წარმომადგენლებთან ერთად, ვაშლიჯვარში, ბროწეულის ქუჩაზე იმყოფებოდნენ და დევნილ მოსახლეობასთან საინფორმაციო შეხვედრა გამართეს.

აღნიშნულ პროცესებთან დაკავშირებით შექმნილია სამუშაო ჯგუფი, რომელიც დაკომპლექტებულია დარგის მაღალკვალიფიციური სპეციალისტებით. ამ ეტაპზე, მიმდინარეობს კვლევა-პროექტირების სამუშაოები. უკვე მომზადებულია რამდენიმე სახის ტექნიკური დოკუმენტი.

რაც შეეხება უსაფრთხოების საკითხს, მერის მოადგილის განმარტებით, მიმდინარე ეტაპზე, ბროწეულის ქუჩისა და მიმდებარე ტერიტორიაზე მცხოვრებ მოსახლეობას საფრთხე არ ემუქრებათ და ყველა შესაბამისი სამსახური მზადაა, 24-საათიან რეჟიმში, ყველანაირ კითხვაზე პასუხის გასაცემად და სათანამშრომლოდ.

ბროწეულის ქუჩაზე, ასევე, თბილისის მერიის, საბურთალოს გამგეობის, დევნილთა, ეკომიგრანტთა და საარსებო წყაროებით უზრუნველყოფის სააგენტოს, გარემოს ეროვნული სააგენტოს წარმომადგენლები და დარგის სპეციალისტები იმყოფებოდნენ.

ვაშლიჯვარში, ბროწეულის ქუჩაზე, დევნილ მოსახლეობასთან საინფორმაციო შეხვედრა გაიმართა

აფხაზეთის დევნილთა მინისტრი ლევან თევზაია, მოადგილე მურად აბლოთიასთან , აფხაზეთის მთავრობის თავმჯდომარის მოადგილე ანზორ მარგიანთან, თბილისის მერის მოადგილე ირაკლი ბენდელიანთან და მეწყრულ პროცესებთან დაკავშირებით შექმნილ სამუშაო ჯგუფის წარმომადგენლებთან ერთად, ვაშლიჯვარში, ბროწეულის ქუჩაზე იმყოფებოდნენ და დევნილ მოსახლეობასთან საინფორმაციო შეხვედრა გამართეს.
აღნიშნულ პროცესებთან დაკავშირებით შექმნილია სამუშაო ჯგუფი, რომელიც დაკომპლექტებულია დარგის მაღალკვალიფიციური სპეციალისტებით.
ამ ეტაპზე, მიმდინარეობს კვლევა-პროექტირების სამუშაოები. უკვე მომზადებულია რამდენიმე სახის ტექნიკური დოკუმენტი.
რაც შეეხება უსაფრთხოების საკითხს, მერის მოადგილის განმარტებით, მიმდინარე ეტაპზე, ბროწეულის ქუჩისა და მიმდებარე ტერიტორიაზე მცხოვრებ მოსახლეობას საფრთხე არ ემუქრებათ და ყველა შესაბამისი სამსახური მზადაა, 24-საათიან რეჟიმში, ყველანაირ კითხვაზე პასუხის გასაცემად და სათანამშრომლოდ.
ბროწეულის ქუჩაზე, ასევე, თბილისის მერიის, საბურთალოს გამგეობის, დევნილთა, ეკომიგრანტთა და საარსებო წყაროებით უზრუნველყოფის სააგენტოს, გარემოს ეროვნული სააგენტოს წარმომადგენლები და დარგის სპეციალისტები იმყოფებოდნენ.