საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ინიციატივასთან - „დევნილთა შემწეობის რეფორმების ალტერნატივები" დაკავშირებით, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებლის ვახტანგ ყოლბაიას ბრძანებით თავმჯდომარესთან შეიქმნა სამუშაო ჯგუფი, აღნიშნული დოკუმენტის პროექტის შესწავლისა და წინადადებების შემუშავების მიზნით. ჯგუფს ხელმძღვანელობს აფხაზეთის ავტონომიური რესპუბლიკის იუსტიციის დეპარტამენტის თავმჯდომარე იგორ კოპალიანი.

დღეს, აფხაზეთის ავტონომიური რესპუბლიკის მთავრობაში სამუშაო ჯგუფის პირველი შეხვედრა გაიმართა.

მოზარდმაყურებელთა თეატრში აფხაზეთიდან დევნილი მოზარდებისთვის საახალწლო წარმოდგენა გაიმართა.
აფხაზეთის ავტონომიური რესპუბლიკის დევნილთა საქმეების დეპარტამენტის ინიციატივითა და აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელშეწყობით ნოდარ დუმბაძის სახელობის მოზარდმაყურებელთა თეატრში სპექტაკლი სახელწოდებით „საახალწლო ნაძვის ხე“ გაიმართა. წარმოდგენას აფხაზეთიდან დევნილი 300-მდე მოზარდი დაესწრო.

აფხაზეთის ავტონომიური რესპუბლიკის მთავრობამ სოხუმის კონსტანტინე გამსახურდიას სახელობის სახელმწიფო დრამატულ თეატრს საკუთრებაში ოფისი და სარეპეტიციო დარბაზი გადასცა. უჭეროდ დარჩენილმა თეატრმა, 24 წლიანი დევნილობის შემდეგ,  აფხაზეთის ა/რ განათლებისა და კულტურის სამინისტროს შენობაში დაიდო ბინა. ამ მოვლენის აღსანიშნავად  თეატრის ახალი ოფისისა და სარეპეტიციო დარბაზის პრეზენტაცია გაიმართა.

პრეზენტაციას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, საქართველოს კულტურისა და ძეგლთა დაცვის მინისტრის მოადგილე მანანა ბერიკაშვილი, აფხაზეთის ავტონომიური რესპუბლიკის უმაღლესი საბჭოს დეპუტატები, თეატრმცოდნეები, თეატრების სამხატვრო ხელმძღვანელები, რეჟისორები და მსახიობები დაესწრნენ.

1993 წლიდან მოყოლებული სოხუმის თეატრი სხვადასხვა დროს შეკედლებული იყო რუსთაველის, მარჯანიშვილის, სამეფო უბნის, თავისუფალ და ახმეტელის თეატრებში. ამიერიდან კი ის საკუთარ შენობაში გააგრძელებს საქმიანობას.

13 იანვარს, ქ. ქუთაისში, საქართველოს პარლამენტმა საახალწლო ნაძვის ხის ზეიმზე 200 დევნილ მოზარდს უმასპინძლა.  ბავშვებს 2017 წლის დადგომა მოულოცეს და საახალწლო საჩუქრები გადასცეს პარლამენტის თავმჯდომარემ ბატონმა ირაკლი კობახიძემ და პარლამენტის წევრებმა, რის შემდეგაც საზეიმო ღონისძიებამ ქ. ქუთაისის ლადო მესხიშვილის სახელობის სახელმწიფო დრამატულ თეატრში გადაინაცვლა, სადაც ბავშვებს წარმოუდგინეს სპექტაკლი „ჭინჭრაქა“. 

ღონისძიებაში, რომლის ორგანიზებაში   ჩართული იყო აფხაზეთის ავტონომიური რესპუბლიკის წარმომადგენლობა, მონაწილეობა მიიღეს სამტრედიის მუნიციპალიტეტში განთავსებულმა 6-დან 12 წლამდე ასაკის მოზარდებმა და ქ. ქუთაისში მოქმედი აფხაზეთის, N5 და ჟიული შარტავას სახელობის N6 საჯარო სკოლების აღსაზრდელებმა.

აფხაზეთის ავტონომიური რესპუბლიკის მთავრობამ კონსტანტინე გამსახურდიას სახელობის სახელმწიფო დრამატულ თეატრს საკუთრებაში ფართი გადასცა. ამ მოვლენის აღსანიშნავად აფხაზეთის ავტონომიური რესპუბლიკის განათლებისა და კულტურის სამინისტროში თეატრის ახალ ოფისისა და სარეპეტიციო დარბაზის პრეზენტაცია გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, საქართველოს კულტურისა და ძეგლთა დაცვის მინისტრის მოადგილე მანანა ბერიკაშვილი, აფხაზეთის ავტონომიური რესპუბლიკის უმაღლესი საბჭოს დეპუტატები, თეატრმცოდნეები, თეატრების სამხატვრო ხელმძღვანელები, რეჟისორები და მსახიობები ესწრებოდნენ.

1993 წელს სოხუმის დატოვების შემდეგ კონსტანტინე გამსახურდიას სახელობის სახელმწიფო დრამატულმა თეატრმა მოღვაწეობა თბილისში განაგრძო. მთელი ამ დროის განმავლობაში დევნილ თეატრს საკუთარი შენობა არ გააჩნდა და სხვადასხვა დროს შეკედლებული იყო რუსთაველის, მარჯანიშვილის, სამეფო უბნის, თავისუფალ და ახმეტელის თეატრებში. ამიერიდან კი თეატრი უკვე საკუთარ შენობაში გააგრძელებს მოღვაწეობას.

აფხაზეთის ავტონომიური რესპუბლიკის მთავრობა კონსტანტინე გამსახურდიას სახელობის სოხუმის სახელმწიფო დრამატულ თეატრსა და სოხუმის მოზარდ მაყურებელთა სახელმწიფო თეატრ „თეთრ ტალღას" პროფესიულ დღესასწაულს-ქართული თეატრის დღეს ულოცავს.

დევნილობაში მყოფი 2 თეატრი დღესაც აქტიურ შემოქმედებით ცხოვრებას აგრძელებს, თავდაუზოგავად შრომობს, რათა არ ჩამორჩეს ქართული თეატრის განვითარების პროცესს და მის წინაშე მდგარ თანამედროვე გამოწვევებს. ქართული თეატრის ისტორიაში აფხაზეთიდან დევნილმა თეატრებმა ღირსეული ადგილი დაიმკვიდრეს და შემოქმედებითი გამარჯვებით არაერთხელ გაახარეს მაყურებელი.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ნუცუბიძის მე-4 მიკრორაიონში, დევნილთა კომპაქტურ ჩასახლებაში მცხოვრებ ჯანჯულიების ოჯახს ესტუმრა.

ვახტანგ ყოლბაიამ აფხაზეთიდან დევნილ მრავალშვილიან ოჯახს შობა-ახალი წელი მოიულოცა და საახალწლო ნობათი გადასცა, ხოლო ოჯახის ყველაზე პატარა წევრები კი საჩუქრებით გაახარა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი დემურ კეკელია აფხაზეთიდან დევნილ 103 წლის ლიდია ქებაძეს ესტუმრა და დაბადების დღე მიულოცეს.

მთავრობის თავმჯდომარემ უხუცეს ქალბატონს დღეგრძელობა უსურვა და ყვავილები და საჩუქრები გადასცა. აფხაზეთის ავტონომიური რესპუბლიკის მთავრობამ იუბილარ ლიდია ქებაძეს ერთჯერადი ფულადი დახმარებაც გაუწია.

დევნილთა საქმეების დეპარტამენტისა და ზემო აფხაზეთში აფხაზეთის ავტონომიური რესპუბლიკის მთავრობის წარმომადგენლობის თანამშრომლები აქტიურად არიან ჩართულები და პერიოდულად აგრძელებენ მონაწილეობას  ქ. თბილისში,   ილორის წმინდა გიორგის სახელობის ეკლესიის მშენებლობაში. ეკლესიის მშენებლობა ძირითადად შემოწირულობებით ფინანსდება.

მიმდინარე წლის 10, 11 და 12  იანვარს აფხაზეთის ავტონომიური რესპუბლიკის დევნილთა საქმეების დეპარტამენტის დევნილთა პრობლემებზე მომუშავე ადგილობრივ და საერთაშორისო ორგანიზაციებთან ურთიერთობის განყოფილების ორგანიზებით  ნ.დუმბაძის სახელობის მოზარდმაყურებელთა თეატრში გამართულ სპექტაკლს “საახალწლო ნაძვის ხე”აფხაზეთიდან დევნილი 360  ბავშვი დაესწრო.

დღეს,  მედია-კავშირ ობიექტივის გადაცემაში ,,აფხაზეთის დრო”  სტუმრად იყვნენ მიწვეულნი  დეპარტამენტის თავმჯდომარის მოადგილე გიორგი ბულისკერია და  აფხაზეთის ავტონომიური რესპუბლიკის მთავრობის წარმომადგენლობების მართვის, კოორდინაციისა და მონიტორინგის სამმართველოს უფროსი რომან კოკაია, რომლებმაც საზოგადოებას მიაწოდეს ინფორმაცია დეპარტამენტისა და აფხაზეთის ა/რ მთავრობის წარმომადგენლობების ფუნქციური უფლებამოსილების, გაწეული საქმიანობის დადებითი და ნაკლოვანი მხარეების, პრობლემური საკითხების, მიღწეული შედეგებისა და პერსპექტივების შესახებ.  პასუხი გასცეს, კომპეტენციის ფარგლებში,  დაინტერესებულ ტელემაყურებელთა მიერ დასმულ შეკითხვებს.

იხილეთ ვიდეო:

http://www.myvideo.ge/tv/obiektivi&seekTime=12-01-2017%2011:36

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთის მთავრობის რამდენიმე დაწესებულებას ეწვია და შობა-ახალი წელი მიულოცა.

შეხვედრაზე დაწესებულებებში გასული წლის შედეგებზე, არსებულ მდგომარეობასა და სამომავლო გეგმებზე ისაუბრეს. მთავრობის თავმჯდომარემ სურვილი გამოთქვა, რომ დაწესებულების თანამშრომლებმა უფრო მეტი ინიციატივა გამოიჩინონ დევნილთა სოციალური მდგომარეობის გასაუმჯობესებლად და ხელი შეუწყონ საზოგადოებაში მათ აქტიურ ჩართულობას.

ვახტანგ ყოლბაიამ 2016 წელს გაწეული წარმატებული საქმიანობისთვის უწყებების თანამშრომლებს მადლობა გადაუხადა და სოციალურ პროექტებში აქტიური მონაწილეობისთვის სიგელები გადასცა.

შეხვედრას აფხაზეთის ავტონომიური რესპუბლიკის მთავრობის წევრები და აფხაზეთის ავტონომიური რესპუბლიკის მთავრობის აპარატის უფროსი ოთარ გარმელია ესწრებოდნენ.

მსგავსი ხასიათის შეხვედრები მომავალშიც გაგრძელდება.

2017 წლის 10 იანვარს, აფხაზეთის ავტონომიური რესპუბლიკის მთავრობის  თავმჯდომარეობის მოვალეობის შემსრულებელი ბატონი ვახტანგ ყოლბაია და მთავრობის აპარატის უფროსი ბატონი ოთარ გარმელია საქმიანი ვიზიტით ესტუმრნენ აღმოსავლეთ საქართველოში აფხაზეთის ა/რ მთავრობის წარმომადგენლობას. მთავრობის თავმჯდომარის მოვალეობის შემსრულებელმა მადლობა გადაუხადა ბატონ დემურ კეკელიას და წარმომადგენლობის თანამშროიმლებს 2016 წელს გაწეული საქმიანობისთვის. ამასთან, მთავრობის თავმჯდომარემ სურვილი გამოთქვა, რომ წარმომადგენლობის თანამშრომლებმა უფრო მეტი ინიციატივა გამოიჩინონ დევნილთა სოციალური მდგომარეობის გასაუმჯობესებლად და ხელი შეუწყონ საზოგადოებაში მათ აქტიურ ჩართულობას. შეხვედრის ბოლოს, მთავრობის თავმჯდომარის მოვალეობის შემსრულებელმა, მოძრაობაში ,,ვიზრუნოთ ერთმანეთზე’’-პროგრამის ფარგლებში აქტიური ჩართულობისათვის, წარმომადგენლობის ხელმძღვანელის წარდგინებით, მადლობის სიგელით დააჯილდოვა წარმომადგენლობის რიგი თანამშრომლები:
– სოციალური პროგრამების მართვის სამსახურის უფროსი ირმა ბეთაშვილი;
– რეგიონალური მართვის სამსახურის უფროსის მოადგილე ლონდა საჯაია;
– წვევამდელთა აღრიცხვის, გაწვევისა და მობილიზაციის სამსახურის წვევამდელთა აღრიცხვის განყოფილების უფროსი – გურამ ჯიქია.

დღეს,  აფხაზეთის ავტონომიური რესპუბლიკის მთავრობის მოვალეობის შემსრულებელი ვახტანგ ყოლბაია შეხვდა დევნილთა საქმეების დეპარტამენტის თანამშრომლებს, მიულოცა შობა-ახალი წელი.  თანამშრომლებთან დიალოგის დროს შეეხო აფხაზეთის ავტონომიური რესპუბლიკის მთავრობისა და სხვა სტრუქტურული ერთეულების მიერ 2016 წელს გაწეული საქმიანობის ნაკლოვან მხარეებს და პრობლემურ საკითხებს.  შეხვედრის დასასრულს  აფხაზეთის მთავრობის მიერ  ორგანიზებულ მოძრაობაში  ,,ვიზრუნოთ ერთმანეთზე-საქართველო” აქტიური ჩართულობისათვის  დეპარტამენტის თანამშრომლებს:  გიზო თორდიას, მაკა ფიფიას,  ნინო კოტუას, ეკატერინე ბიგვავასა და ნანა აფაქიძეს გადაეცათ აფხაზეთის ავტონომიური რესპუბლიკის მთავრობისა და უმაღლესი საბჭოს ერთობლივი სიგელები.

    აფხაზეთის ავტონომიური რესპუბლიკის დევნილთა საქმეების დეპარტამენტის ხელმძღვანელმა პირებმა, აფხაზეთის ავტონომიური რესპუბლიკის მთავრობის თავმჯდომარესთან და სხვადასხვა სტრუქტურების წარმომადგენლებთან ერთად მონაწილეობა მიიღეს ალილოს სადღესასწაულო მსვლელობაში.