წარმომადგენლობის მიერ, ქ. თბილისში, აფხაზეთის მოსახლეობის საცხოვრებელ ობიექტში განხორციელდა მცირეფასიანი და გადაუდებელი სარემონტო სახის შემდეგი სამუშაო:

ქ. თბილისი, სოფელი დიღომი, დავით აღმაშენებელის N-58: განხორციელდა საცხოვრებელი შენობის შესასვლელი დაზიანებული ორფრთიანი კარის მოხსნა და ახალი ლითონის ორფრთიანი კარის მოწყობა.

აფხაზეთის ავტონომიური რესპუბლიკის მთავრობის ორგანიზებით აფხაზეთიდან დევნილი სოციალურად დაუცველი ოჯახებისთვის საქველმოქმედო აქცია „ვიზრუნოთ ერთმანეთზე“ გაიმართა. აქციის ფარგლებში იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობამ საკურატორო რეგიონის მუნიციპალიტეტებში მცხოვრებ სხვადასხვა კატეგორიის დევნილებს საახალწლო ნობათი გადასცა და ახალი წელი მიულოცა.

აფხაზეთის ავტონომიური რესპუბლიკის მთავრობის სახელით ვულოცავ საქართველოს კათოლიკოს-პატრიარქს დაბადებიდან 87-ე წლისთავს.

დიდია მისი უწმინდესობის ღვაწლი საქართველოს სამოციქულო ეკლესიის აღორძინების, დაქსაქსული საზოგადოების გაერთიანების, მრევლის ცნობიერების ამაღლების და ქვეყნის ინტერესების დაცვის საქმეში.

42 წელი გავიდა, რაც ღირსეულად ატარებს პატრიარქის მძიმე ჯვარს, მისი მოღვაწეობა საქართველოს ერთობის, აფხაზეთის საზოგადოების სულიერი სიმტკიცის, კულტურული იდენტობის შენარჩუნების და სახელმწიფოს განუყოფლობის გარანტია.

საქართველოს დიასპორა უკრაინაში „ქართული ალიანსის“ ორგანიზებით, უკრაინაში ყოველ წელს იმართება ქართული კულტურის დღეები, რომელშიც ცნობილი ქართული შემოქმედებითი კოლექტივები მონაწილეობენ. ამჯერად უკრაინაში გამართული ქართული კულტურის დღეების სტუმარი იყო აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი“, რომელიც მაყურებელთა წინაშე ქართული და აფხაზური ხალხური სიმღერებისა და ცეკვების მრავალფეროვანი რეპერტუარით წარსდგა.

აფხაზეთის  ავტონომიური  რესპუბლიკის  მთავრობის  სახელით დამდეგ  შობა-ახალ წელს ვულოცავ  საქართველოს  ყველა  მოქალაქეს. ჩვენს  სამშობლოში  და  მის  ფარგლებს  გარეთ მცხოვრებ  აფხაზეთის  საზოგადოებას.

გისურვებთ ჯანმრთელობას, კეთილდღეობას,  რწმენას  სიკეთისადმი  და  სულის  სიმხნევეს,  რაც  საქართველოს ყოფის  განუყოფელი  ნაწილი  იყო  მუდამ.

განსაკუთრებული  სითბოთი  მინდა მივულოცო სადღესასწაულო  დღეები ოკუპირებულ  ტერიტორიაზე  მცხოვრებ  ჩვენს  თანამემამულეებს.    

იმის  გათვალისწინებით, რომ  ოკუპაციის  პირობებში გიწევთ ცხოვრება, ყოველი  ჩვენთაგანის  ვალია გამოვავლინოთ მაღალი მოქალაქეობრივი  შეგნება, აღვადგინოთ ნდობა, ერთიანი ძალებით შევეცადოთ  უკეთესი  მომავლის შექმნა.

ვისურვებდი, რომ დამდეგი  2020  წელი  ყოფილიყოს,  ერთობის და მშვიდობის, რომელიც  თითოეული  ჩვენთაგანის  წინსვლის გარანტი იქნება.

იუსტიციისა და სამოქლაქო ინტეგრაცის საკითხებში აფხაზეთის ავტონომიური რესპუბლიკის მინისტრის აპარატში მიმდინარე წლის 30 დეკემბერს  ადმინისტრაციის ადამიანური რესურსების მართვისა და ინსპექტირების სამმართველომ წარადგინა პრეზენტაცია თემაზე: ,,პროფესიული საჯარო მოხელის შეფასების მეთოდი იუსტიციისა და სამოქლაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატში“

საპრეზენტაციო თემა მომზადდა საქართველოს კანონმდებლობის შესაბამისად,  საჯარო სამსახურის ბიუროს მიერ შემუშავებული რეკომენდაციებისა და სხვა საჯარო დაწესებულებათა გამოცდილების შესწავლა-ანალიზის საფუძველზე, საჯარო სამსახურის სფეროში ერთიანი სახელმწიფო პოლიტიკის გატარების, საჯარო სამსახურის სისტემის ფუნქციონირების ეფექტიანობის ამაღლებისა და ხელშეწყობის მიზნით.

აფხაზეთის ავტონომიური რესპუბლიკის მთავრობის ორგანიზებით საქველმოქმედო აქცია ,,ვიზრუნოთ ერთმანეთზე” საქართველოს რეგიონებშიც გაგრძელდა. აქციის ფარგლებში ზუგდიდის მუნიციპალიტეტში მცხოვრებ აფხაზეთიდან იძულებით გადაადგილებულ მეორე მსოფლიო ომის ვეტერანებს, I ჯგუფის ინვალიდებს, შშმ არასწრულწლოვანებს და მრავალშვილიან ოჯახებს სადღესასწაულო ნობათი გადაეცათ.
დევნილებს საახალწლო ნობათი აფხაზეთის ავტონომიური რესპუბლიკიდან იძულებით გადადგილებულ პირთა-დევნილთა მინისტრის პირველმა მოადგილემ გურამ მისაბიშვილმა და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა რეზო ქობალიამ გადასცეს.

აფხაზეთის ავტონომიური რესპუბლიკის მთავრობის ორგანიზებით აფხაზეთიდან დევნილი სოციალურად დაუცველი ოჯახებისთვის საქველმოქმედო აქცია „ვიზრუნოთ ერთმანეთზე“ გაიმართა.

სადღესასწაულო ნობათები მეორე მსოფლიო ომის ვეტერანებს, 90 წელს გადაცილებულ პირებს, აფხაზეთის ომის I ჯგუფის ინვალიდებს, შშმ არასწრულწლოვანებს და მრავალშვილიან ოჯახებს გადაეცათ.

საქველმოქმედო აქციაში „ვიზრუნოთ ერთმანეთზე“ განსაკუთრებული წვლილი ქალაქ თბილისის მერიამ შეიტანა, ასევე, ღონისძიების მხარდამჭერები იყვნენ აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტრო და სს „ნიკორა“.

საქველმოქმედო აქცია „ვიზრუნოთ ერთმანეთზე“ მომდევნო დღეების განმავლობაში საქართველოს რეგიონებში გაგრძელდება.

აფხაზეთის ავტონომიური რესპუბლიკის განათლებისა და კულტურის სამინისტრო ყოველ წელს, ტრადიციულად, ხელოვნებისა და მიმდინარე ღონისძიებების სამსახურის ორგანიზებით, ატარებს საახალწლო ზეიმს დევნილი ბავშვებისათვის.

წლეულსაც, 28-29 დეკემბერს 14:00 სთ. და 16:00 საათზე სოხუმის მოზარდ-მაყურებელთა თეატრმა „თეთრი ტალღა“ დიმიტრი ჯაიანის სახელობის დარბაზში დევნილი მოზარდებისთვის გამართა გივი ჭიჭინაძის პიესის მიხედვით დადგმული საახალწლო-საბავშვო სპექტაკლი „ციცქნა იას დღეობა“.

2019 წლის 30 დეკემბერს ფოთის მუნიციპალიტეტის მერიის ჯანმრთელობისა და სოციალური დაცვის სამსახურში აფხაზეთის ავტონომიური რესპუბლიკის მთავრობის მიერ ორგანიზებული საქველმოქმედო აქცია „ვიზრუნოთ ერთმანეთზე“ გაიმართა.

სადღესასწაულო ნობათები გადაეცათ აფხაზეთიდან იძულებით გადაადგილებულ, სოციალურად დაუცველ ოჯახებს.

საქველმოქმედო აქციაში მონაწილეობა მიიღო აფხაზეთის ავტონომიური რესპუბლიკიდან იძულებით გადადგილებულ პირთა-დევნილთა მინისტრის პირველმა მოადგილემ გურამ მისაბიშვილმა, სამეგრელო-ზემო სვანეთის რეგიონში აფხაზეთის ა/რ მთავრობის წარმომადგენლობის ხელმძღვანელმა რეზო ქობალიამ, ხელმძღვანელის მოადგილემ მედეა აბლოთიამ და ფოთის მუნიციპალიტეტის მერიის ჯანმრთელობისა და სოციალური დაცვის სამსხურის წარმომადგენლებმა.

2019 წლის 30 დეკემბერს სენაკის მუნიციპალიტეტის მერიის სამხატვრო გამოფენის დარბაზში აფხაზეთის ავტონომიური რესპუბლიკის მთავრობის მიერ ორგანიზებული საქველმოქმედო აქცია „ვიზრუნოთ ერთმანეთზე“ გაიმართა.

საახალწლო ნობათები გადაეცათ აფხაზეთიდან იძულებით გადაადგილებულ, სოციალურად დაუცველ ოჯახებს.

საქველმოქმედო აქციაში მონაწილეობა მიიღო აფხაზეთის ავტონომიური რესპუბლიკიდან იძულებით გადადგილებულ პირთა-დევნილთა მინისტრის პირველმა მოადგილემ გურამ მისაბიშვილმა, სამეგრელო-ზემო სვანეთის რეგიონში აფხაზეთის ა/რ მთავრობის წარმომადგენლობის ხელმძღვანელმა რეზო ქობალიამ, ხელმძღვანელის მოადგილეებმა ალეკო ჩიკვაიძემ, მედეა აბლოთიამ და სენაკის მუნიციპალიტეტის მერიის წარმომადგენლებმა.

აფხაზეთის ავტონომიური რესპუბლიკის მთავრობის მხარდაჭერით და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით დევნილი ბავშვებისათვის ტრადიციული საახალწლო ზეიმი გაიმართა.

ღონისძიების ფარგლებში დევნილი მოზარდებისთვის ნაჩვენები იყო სოხუმის მოზარდ-მაყურებელთა თეატრის „თეთრი ტალღა“ საახალწლო-საბავშვო სპექტაკლი „ციცქნა იას დღეობა“, რომელიც გივი ჭიჭინაძის პიესის მიხედვით დაიდგა. სპექტაკლის დასრულების შემდეგ დევნილ ბავშვებს საახალწლო საჩუქრები დაურიგდათ.

აფხაზეთის ავტონომიური რესპუბლიკის მთავრობის თავმჯდომარის რუსლან აბაშიძის ინიციატივით და ორგანიზებით მიმდინარე წლის 25 დეკემბერს შიდა ქართლის რეგიონში, ქ. ქარელის და ქ. ხაშურის მუნიციპალიტეტებში, აღმოსავლეთ საქართველოში აფხაზეთის ა/რ მთავრობის წარმომადგენლობის ხელმძღვანელის ბატონი დემურ კეკელიას და რეგიონალური მართვის სამსახურის უფროსის დავით ძალამიძის მიერ ქ. ქარელის მუნიციპალიტეტში ვაჟა ფშაველას 117 ( ყოფილი პროფტექნიკუმი, სადაც გაზსადენის მილის აფეთექებუს შედეგად დაზარალებული დევნილები არიან განსახლებული, ქ. ხაშურის მუნიციპალიტეტში, გ. სასკაძის 2 ( ყოფილი რკინიგზის საავადმყოფო) და რუსთაველის 38 ( ყოფილი სავადმყოფო) სადაც მცოვრებთა აბსოლუტური უმრავლესობა სოციალურად დაუცველთა ერთიან ბაზაში არის რეგისტრირებული,მცხოვრებ იძულებით გადაადგილებულ პირებს დამდეგი შობა-ახალი წლის დღესასწაული მიულოცეს და სხვადასხვა დასახელების სასურსათო პროდუქტი გადასცეს.

ზუგდიდში განახლებული საჭადრაკო სკოლის გახსნას აფხაზეთის მთავრობის წარმომადგენლები დაესწრნენ
ზუგდიდში განახლებული საჭადრაკო სკოლა გაიხსნა. რეაბილიტაცია ჩაუტარდა და თანამედროვე სტანდარტების შესაბამისად განახლდა სკოლის შენობა. შეიცვალა მთლიანად ინფრასტრუქტურა, დამონტაჟდა წყალგაყვანილობა, ელექტრომომარაგების და გათბობა-გაგრილების ახალი სისტემა. შენობა ადაპტირებულია შეზღუდული შესაძლებლობის მქონე პირებისთვისაც. პროექტი საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის თანადაფინანსებით განხორციელდა.
საჭადრაკო სკოლის საზეიმო გახსნას ადგილობრივი ხელისუფლების წარმომადგენლებთან და მოჭადრაკეებთან ერთად აფხაზეთის უმაღლესი საბჭოს თავმჯდომარე ჯემალ გამახარია, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი რეზო ქობალია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ საქართველოს ტერიტორიული მთლიანობისათვის ბრძოლაში დაღუპულ მეომართა დედებს აფხაზეთის მთავრობაში უმასპინძლა. შვილების გმირობისთვის მადლობა გადაუხადა, დამდეგი შობა-ახალი წელი მიულოცა და სადღესასწაულო საჩუქრები გადასცა.

შეხვედრაზე აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი კონსტანტინე კუჭუხიძე იმყოფებოდნენ.