აფხაზეთის ფინანსთა და დარგობრივი ეკონომიკის მინისტრი ივანე დოლიძე, აფხაზეთის დევნილთა მინისტრი ლევან თევზაია, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის დევნილთა და აფხაზეთის ჯანმრთელობისა და სოციალური დაცვის სამინისტროების წარმომადგენლები ვაშლიჯვრის დასახლებაში მცხოვრებ დევნილებს შეხვდნენ.
აფხაზეთის მთავრობის წარმომადგენლები ადგილზე გაეცნენ დევნილთა საცხოვრებელ პირობებს, მოისმინეს მოსახლეობის წინაშე არსებული პრობლემები და მათი მოგვარების გზებზე იმსჯელეს.
აფხაზეთის დევნილთა მინისტრი ლევან თევზაია, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის ფინანსთა და დარგობრივი ეკონომიკის მინისტრი ივანე დოლიძე და აფხაზეთის დევნილთა მინისტრის მოადგილე მურად აბლოთია ვაშლიჯვრის დასახლებაში მცხოვრებ დევნილებს შეხვდნენ. აფხაზეთის მთავრობის წარმომადგენლები ადგილზე გაეცნენ დევნილთა საცხოვრებელ პირობებს, მოისმინეს მოსახლეობის წინაშე არსებული პრობლემები და მათი მოგვარების გზებზე იმსჯელეს. შეხვედრაზე აფხაზეთის დევნილთა და ჯანმრთელობისა და სოციალური დაცვის სამინისტროების წარმომადგენლები იმყოფებოდნენ.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის ინიციატივით თბილისის ილორის წმინდა გიორგის სახელობის მშენებარე ეკლესიის ეზოში რამდენიმე ათეული აფხაზური და მეგრული ვაზის უნიკალური ჯიში დაირგო.
ეკლესიის ეზოში ვაზის იშვიათი ჯიშები იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა - დავით ფაცაციამ, მინისტრის პირველმა მოადგილემ - ბელა კოპალიანმა, აფხაზეთის სულიერების ცენტრის დირექტორმა - ბესიკ სილაგაძემ, ეკლესიის მოძღვარმა - მამა ლევანმა, მევენახე-მეღვინემ - სერგო ჭანტურიამ, სასულიერო პირებმა, აფხაზეთის ავტონომიური რესპუბლიკის მთავრობის წარმომადგენლებმა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის თანამშრომლებმა დარგეს.
ეკლესიის ეზოში მეგრული და აფხაზური ვაზის უნიკალური ჯიშები მევენახე-მეღვინე სერგო ჭანტურიას მხარდაჭერით დაირგო. აღსანიშნავია, რომ ბატონი სერგოს დახმარებით დასავლეთ საქართველოში დაბრუნებულ იქნა 20-ამდე ვაზის იშვიათი ჯიში, მათ შორის აფხაზური უნიკალური ჯიშები - აწნიჟი, აშუღაჟი, აშხაფში, ამლახუ და ავასირხვა. მისი დახმარებით ეკლესიის მიმდებარე ტერიტორიაზე იგეგმება მეგრული და აფხაზური ვაზის იშვიათი ჯიშებისგან ვენახის გაშენება.
ღონისძიების ფარგლებში, მინისტრის აპარატის თანამშრომლების მონაწილეობით მოეწყო ეკლესიის მიმდებარე ტერიტორიის დასუფთავების აქციაც.
აფხაზეთის ავტონომიური რესპუბლიკის განათლებისა და კულტურის მინისტრს ეკა ხოფერიას ყველაზე მეტი პრობლემა დახვდა აფხაზეთის №14 საჯარო სკოლაში, რომელიც ზუგდიდის რაიონის სოფელ ახალკახათში, დევნილთა კომპაქტური ჩასახლების კორპუსშია განთავსებული.
მასწავლებლებთან და მოსწავლეებთან შეხვედრისა და მათთვის კომპიუტერების გადაცემის შემდეგ მინისტრი სკოლის პრობლემებს გაეცნო. როგორც გაირკვა, სკოლას არა აქვს კეთილმოწყობილი დარბაზი და ბუფეტი.
ეკა ხოფერიას თქმით, „დევნილთა ეს კომპაქტური ჩასახლება და მასთან მიბმული სკოლა მოწყვეტილია ქალაქს, ამდენად იქ მცხოვრები ბავშვებისთვის მნიშვნელოვანი დატვირთვის მატარებელია სკოლის სივრცე და იქ არსებული გარემო.
ბავშვების სურვილია ჰქონდეთ ადგილი, სადაც გართობასა და დროის საინტერესოდ გატარებას შეძლებენ. ამდენად, სამინისტრო შეეცდება უახლოეს მომავალში მოაგვაროს ეს პრობლემები: კეთილმოაწყოს დარბაზი და გამართოს ბუფეტი“.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა - დავით ფაცაციამ აფხაზეთის ავტონომიური რესპუბლიკის უმაღლეს საბჭოში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის
მინისტრის აპარატის 2020 წლის საქმიანობის ანგარიში წარადგინა. ანგარიში ეხებოდა მინისტრის აპარატის მიერ ერთი წლის განმავლობაში გაწეულ საქმიანობას, ასევე წარდგენილი იყო მინისტრის აპარატის საქმიანობის ეფექტურობის გაზრდასთან დაკავშირებული ხედვები, მიმდინარე რეფორმები და დაგეგმილი პროექტები.
მოხსენების დასრულების შემდეგ, დავით ფაცაციამ დეპუტატების კითხვებს უპასუხა.
აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია ზუგდიდში, აფხაზეთის №1 საჯარო სკოლას, მის პედაგოგებსა და მოსწავლეებსაც გაეცნო და ახალ პროექტებსა და იდეებზე ესაუბრა. მინისტრმა კომპიუტერიზაციის გაუმჯობესების მიზნით სკოლას კომპიუტერები გადასცა.
ეკა ხოფერია როგორც სხვა სკოლებში, ისე აქაც სკოლის ინფრასტრუქტურითა და საჭიროებებით დაინტერესდა.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ადამიანის უფლებათა დაცვის სამმართველოს ინიციატივითა და ორგანიზებით მიმდინარე წლის 24 მარტს ZOOM პლატფორმის საშუალებით გაიმართება ლექცია თემაზე - „ქოუჩინგი წარმატებისთვის“.
ქოუჩინგი და ნეირო-ლინგვისტური პროგრამირება არის მომავლის მოდელირების ტექნოლოგიები. გონების ვარჯიში, მუშაობა საკუთარ თავზე, საკუთარ მიზნებზე და შესაძლებლობებზე, შიშები და წინააღმდეგობები, მოტივაცია და რესურსები - ამ მიმართულებებით გაცნობიერება და თვითგანვითარება გვეხმარება წარმატების მიღწევაში.
ლექციის თემებია: რამდენად გაცნობიერებულად ცხოვრობ? რა მიზანი გაქვს? შინაგანი კონფლიქტები და შიშები, ფასეულობები, ქმედება და პროგრესის მართვა.
სპიკერი: ირინა ჭოჭუა, ლიცენზირებული პრაქტიკოსი ნეირო-ლინგვისტურ პროგრამირებაში, საერთაშორისო ასოციაცის წევრი The Society of Neuro-Linguistic Programming™, სერტიფიცირებული პროფესიონალი ქოუჩი ICF-ის სტანდარტებით, “ქოუჩინგ ლაბის” დამფუძნებელი.
დრო: 24 მარტი, 16:00 სთ.
ხანგრძლივობა: 1 სთ.
ლექცია ჩატარდება დისტანიურად ZOOM პლატფორმის საშუალებით
18 მარტს აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია სენაკში, თემურ ბოკუჩავას სახელობის აფხაზეთის №7 საჯარო სკოლას სტუმრობდა. მინისტრმა, როგორც აფხაზეთის სხვა საჯარო სკოლებს, ისე ამ სკოლასაც საჩუქრად კომპიუტერები ჩაუტანა.
ეკა ხოფერია მოსწავლეებსა და მასწავლებლებს შეხვდა, ახალ პროექტებზე ესაუბრა და მომავალი თანამშრომლობის საინტერესო იდეები გაუზიარა. ის ასევე გაეცნო სკოლის აფხაზური ენის კლუბის საქმიანობას, ინფრასტრუქტურასა და საჭიროებებს.
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია ქ. ზუგდიდში განთავსებულ ილია ვეკუას სახელობის აფხაზეთის №11 და აფხაზეთის №12 საჯარო სკოლებს ეწვივნენ.
მთავრობის თავმჯდომარე და მინისტრი სკოლის პედაგოგებსა და მოსწავლეებს შეხვდნენ და ესაუბრნენ. შემდეგ კი აფხაზეთის განათლებისა და კულტურის სამინისტროს ინიციატივითა და საქველმოქმედო ფონდ „სარაჯიშვილის“ მხარდაჭერით, აფხაზეთის ორივე საჯარო სკოლას კომპიუტერები გადასცეს. როგორც ეკა ხოფერიამ აღნიშნა, აფხაზეთის საჯარო სკოლების კომპიუტერიზაციის პროცესი, აფხაზეთის ა/რ განათლებისა და კულტურის სამინისტროს პროგრამის ფარგლებში, მომავალშიც გაგრძელდება.
გარდა ამისა, რუსლან აბაშიძე და ეკა ხოფერია Covid-19-ის გავრცელების პრევენციის მიზნით, სკოლებში უსაფრთხოების დაცვისა და სწავლა-სწავლების ნორმალურად წარმართვისთვის არსებულ მდგომარეობას გაეცნენ. ბოლოს ითქვა, რომ ორივე სკოლა ზედმიწევნით იცავს სანიტარულ-ჰიგიენურ ნორმებს და შესაბამის რეკომენდაციებს.
აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ და აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ ზუგდიდში მდებარე ილია ვეკუას სახელობის აფხაზეთის №11 და აფხაზეთის №12 საჯარო სკოლები მოინახულეს. მთავრობის თავმჯდომარე და მინისტრი სკოლის პედაგოგებს და მოსწავლეებს შეხვდნენ, სასწავლო პროცესის მიმდინარეობას გაეცნენ და სკოლების ინფრასტრუქტურა დაათვალიერეს.
შეხვედრაზე COVID-19-ის პანდემიის პირობებში სკოლებში არსებულ მდგომარეობასა და განახლებული სასწავლო პროცესის უსაფრთხო გარემოში გაგრძელებისთვის განხორციელებულ ღონისძიებებზე ისაუბრეს. აღინიშნა, რომ სასწავლო დაწესებულებები სრულად უზრუნველყოფენ სანიტარულ-ჰიგიენური ნორმების შესახებ არსებულ რეკომენდაციებს.
სკოლების მატერიალურ-ტექნიკური ბაზის გაუმჯობესების მიზნით, აფხაზეთის განათლებისა და კულტურის სამინისტროს ინიციატივით და საქველმოქმედო ფონდი სარაჯიშვილის მხარდაჭერით აფხაზეთის აღნიშნულ საჯარო სკოლებს კომპიუტერები გადაეცათ.
სამინისტროს პროგრამის ფარგლებში აფხაზეთის საჯარო სკოლების კომპიუტერიზაციის პროცესი მომავალშიც გაგრძელდება.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით საქართველოს პარლამენტის ეროვნულ ბიბლიოთეკაში ღონისძიება „ხელოვნება გვაერთიანებს“ გაიმართა.
ღონისძიებაზე სიტყვით გამოვიდნენ და ქართულ-აფხაზურ ურთიერთობებზე ისაუბრეს აფხაზეთის ავტონომიური რესპუბლიკის მთავრობის თავმჯდომარე - რუსლან აბაშიძემ, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, აფხაზეთის განათლებისა და კულტურის მინისტრმა ეკა ხოფერიამ და აფხაზეთის ავტონომიური რესპუბლიკის უმაღლესი საბჭოს თავჯდომარის მოადგილე - დავით გვაძაბიამ. ღონისძიებას, ასევე, ესწრებოდნენ აფხაზეთის ავტონომიური რესპუბლიკის მთავრობის, უმაღლესი საბჭოს წარმომადგენლები და მოწვეული სტუმრები.
ღონისძიების ფარგლებში აფხაზეთზე ლექსები წაიკითხეს სოხუმის სახელმწიფო დრამატული თეატრის მსახიობებმა - ნანა ხურითმა და მერაბ ყოლბაიამ.
ღონისძიებაზე მოეწყო, იუსტიციისა და სამოქალაქო ინტეგრაციის საკითხებშ აფხაზეთის ავტონომიური რესპუბლიკის მინისტრის აპარატის მიერ შექმნილი 2021 წლის კალენდრის გამოფენა-პრეზენტაცია.
კალენდარში ასახულია პოეტების მიერ ქართულ-აფხაზურ თემაზე შექმნილი ლექსები და მისი მიზანია ქართველებისა და აფხაზების უნიკალური ურთიერთოებების წარმოჩენა.
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით საქართველოს პარლამენტის ეროვნულ ბიბლიოთეკაში ღონისძიება „ხელოვნება გვაერთიანებს“ გაიმართა.
ღონისძიებაზე სიტყვით გამოვიდნენ და ქართულ-აფხაზურ ურთიერთობებზე ისაუბრეს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ და აფხაზეთის განათლებისა და კულტურის მინისტრმა ეკა ხოფერიამ.
ღონისძიების ფარგლებში 2021 წლის კალენდრის გამოფენა-პრეზენტაცია მოეწყო. კალენდარში შესულია ქართულ-აფხაზურ თემაზე შექმნილი პოეზია, სადაც ასახულია ქართველებისა და აფხაზების უნიკალური ურთიერთობები. პრეზენტაციაზე იმყოფებოდნენ აფხაზეთის ხელისუფლების წარმომადგენლები და აფხაზეთიდან დევნილი საზოგადოება.
ღონისძიებაში სოხუმის სახელმწიფო დრამატული თეატრის მსახიობები მონაწილეობდნენ.
15 მარტს ქართული არტილერიის დღე აღინიშნება. ამ დღესთან დაკავშირებით აფხაზეთის ავტონომიური რესპუბლიკის მთავრობამ და ვეტერანების საქმეთა სახელმწიფო სამსახურის წარმომადგენლებმა, გმირთა მოედანზე, საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკეს და მათ ხსოვნას პატივი მიაგეს.
მემორიალთან აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, ვეტერანების საქმეთა სახელმწიფო სამსახურის დირექტორი კობა კობალაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე, აფხაზეთის მთავრობისა და ვეტერანების საქმეთა სახელმწიფო სამსახურის წარმომადგენლები, არტილერისტები და ომის ვეტერანები იმყოფებოდნენ.
1993 წლის 15-16 მარტს აფხაზეთში სეპარატისტებმა, დაქირავებულმა ბოევიკებმა და სადესანტო შენაერთებმა მდინარე გუმისთის გასწვრივ არსებულ 8 კმ-იან ფრონტის ხაზზე ფართომასშტაბიანი შეტევა დაიწყეს. ქართულმა შეიარაღებულმა ძალებმა და არტილერიამ სოხუმისკენ წამოსულ მოწინააღმდეგეს გამანადგურებელი დარტყმა მიაყენა და იძულებული გახადა უკან დაეხია. უთანასწორო ბრძოლაში ქართველმა მებრძოლებმა საკუთარი სიცოცხლის და ჯანმრთელობის ფასად ათასობით მშვიდობიანი მოქალაქე გადაარჩინეს.
15 მარტს ქართული არტილერიის დღე აღინიშნება. ამ დღესთან დაკავშირებით აფხაზეთის ავტონომიური რესპუბლიკის მთავრობამ და ვეტერანების საქმეთა სახელმწიფო სამსახურის წარმომადგენლებმა, გმირთა მოედანზე, საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკეს და მათ ხსოვნას პატივი მიაგეს.
მემორიალთან აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, ვეტერანების საქმეთა სახელმწიფო სამსახურის დირექტორი კობა კობალაძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე, აფხაზეთის მთავრობისა და ვეტერანების საქმეთა სახელმწიფო სამსახურის წარმომადგენლები, არტილერისტები და ომის ვეტერანები იმყოფებოდნენ.
1993 წლის 15-16 მარტს აფხაზეთში სეპარატისტებმა, დაქირავებულმა ბოევიკებმა და სადესანტო შენაერთებმა მდინარე გუმისთის გასწვრივ არსებულ 8 კმ-იან ფრონტის ხაზზე ფართომასშტაბიანი შეტევა დაიწყეს. ქართულმა შეიარაღებულმა ძალებმა და არტილერიამ სოხუმისკენ წამოსულ მოწინააღმდეგეს გამანადგურებელი დარტყმა მიაყენა და იძულებული გახადა უკან დაეხია. უთანასწორო ბრძოლაში ქართველმა მებრძოლებმა საკუთარი სიცოცხლის და ჯანმრთელობის ფასად ათასობით მშვიდობიანი მოქალაქე გადაარჩინეს.