სიახლეები

მერაბ ბერძენიშვილის სახელობის კულტურის ცენტრ „მუზა"-ში საქართველოს მხატვართა კავშირის დაფუძნებიდან 80 წლის იუბილესადმი მიძღვნილ გამოფენა მოეწყო. გამოფენის პარალელურად წიგნის „საქართველოს მხატვრები" პრეზენტაცია გაიმართა, სადაც აფხაზეთიდან დევნილი მხატვრების ნამუშევრებია შესული. წიგნი საქართველოს კულტურისა და ძეგლთა დაცვის სამინისტროსა და ქალაქ თბილისის მერიის მხარდაჭერით გამოიცა.

გამოფენაზე აფხაზეთიდან დევნილი მხატვრების ნამუშევრები იყო წარმოდგენილი. საღამოს დასასრულს საიუბილეო დღისადმი მიძღვნილი კონცერტი გაიმართა. ღონისძიება ქალაქ თბილისის მერიისა და საქართველოს მხატვართა კავშირის ორგანიზებით მოეწყო.

საღამოს აფხაზეთის ავტონომიური რესპუბლიკის მთავრობის წევრები, აფხაზეთის უამღლესი საბჭოს წარმომადგენლები, ცნობილი მხატვრები და დევნილი საზოაგდოება დაესწრო.

ქალაქ თბილისის მერიამ საქართველოს ხელოვნებაში გაწეული განსაკუთრებული წვლილისთვის დიპლომებით დააჯილდოვა 25 მხატვარი, მათ შორისაა აფხაზეთიდან დევნილი მხატვარი ნუგზარ მგალობლიშვილი.

ჟენევაში ქართული დელეგაცია უკვე გაემგზავრა, რომელიც 5-6 ნოემბერს ჟენევის საერთაშორისო მოლაპარაკებების 25-ე რაუნდში მიიღებს მონაწილეობას. დელეგაციას საგარეო საქმეთა მინისტრის პირველი მოადგილე დავით ზალკალიანი ხელმძღვანელობს.

ქართული მხრიდან მოლაპარაკებებში მონაწილეობას მიიღებენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ყოფილი სამხრეთ-ოსეთის დროებითი ადმინისტრაციის ხელმძღვანელი დიმიტრი სანაკოევი, რეინტეგრაციის საკითხებში საქართველოს სახელმწიფო მინისტრის პირველი მოადგილე ქეთევან ციხელაშვილი, იუსტიციის მინისტრის მოადგილე გოჩა ლორთქიფანიძე და სხვა უწყების ოფიციალური პირები.

მოლაპარაკებების ერთ-ერთი მთავარი საკითხი საოკუპაციო ზოლთან მიმდინარე მოვლენები იქნება. საუბარი ასევე შეეხება დევნილთა დაბრუნებასა და ჰუმანიტარულ პრობლემებს.

საქართველოს სპორტისა და ახალგაზრდობის საქმეთა სამინისტროს ინიციატივითა და აფხაზეთის ავტონომიური რესპუბლიკის მთავრობის მხარდაჭერით 3 ნოემბერს ივ. ჯავახიშვილის სახელობის თბილისის სახელმწიფო უნივერსიტეტში „აფხაზური და ოსური კულტურის დღე" გაიმართა. ღონისძიების პარტნიორები არიან სამხრეთ ოსეთის დროებითი ადმინისტრაცია და ივანე ჯავახიშვილის სახელობის თბილისის სახელმწიფო უნივერსიტეტი.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს სპორტისა და ახალგაზრდობის საქმეთა მინისტრი ლევან ყიფიანი, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე გოგი ფაცაცია, სამხრეთ ოსეთის დროებითი ადმინისტრაციის ხელმძღვანელი დიმიტრი სანაკოევი და სხვა საპატიო სტუმრები დაესწრნენ.

საღამოზე წარმოდგენილი იქნა ფოლკლორული ანსამბლები. უნივერსიტეტის ფოიეში ასვე მოეწყო აფხაზეთიდან და სამხრეთ ოსეთის რეგიონიდან დევნილი მხატვრების ნამუშევრების გამოფენა.

პროექტის ფარგლებში აფხაზეთიდან და სამხრეთ ოსეთის რეგიონიდან დევნილ 200 მოზარდს მთაწმინდის პარკმა უმასპინძლა.

ღონისძიების მიზანია აფხაზური და ოსური კულტურის პოპულარიზაცია, აფხაზური და ოსური თვითმყოფადობის შენარჩუნება და ხელშეწყობა.

გლდანის ყოფილ ნაგავსაყრელის მიმდებარე ტერიტორიაზე გამწვანების აქცია ჩატარდა, სადაც 1300 სხვადსხვა ჯიშის ნერგი დაირგო. აქციაში მონაწილეობა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის მთავრობისა და უმაღლესი საბჭოს წევრებმა მიიღეს.

7 ჰექტარის რაოდენობის ტერიტორია ქ .თბილისი მერიამ აფხაზეთის სატყეო სამმართველოს გამწვანების მიზნით 2012 წელს გადასცა. 5 წლის განმავლოვბაში ამ ტერიტორიაზე ტყე-პარკი „რიწა“ გაშენდება, რის შემდეგაც ის სახელმწიფო ტყის ფონდს გადაეცემა. 2013 წლის გაზაფხულზე ჩატარდა გამწვანების პირველი ეტაპი, სადაც 1000 ძირი სხვადასხვა ჯიშის ხე დაირგო.

აქცია აფხაზეთის სოფლის მეურნეობისა და გარემოს დაცვის დეპარტამენტის ორგანიზებით განხორციელდა.

ნერგები აფხაზეთის ავტონომიური რესპუბლიკის მთავრობას უსასყიდლოდ ყვარლის სანერგე მეურნეობისა და სატყეო საბაზო მეურნეობისგან გადაეცა.

განსაკუთრებულ დავალებათა საკითხებში აფხაზეთის ავტონომიური რესპუბლიკის მინისტრის აპარატის ინიციატივით კინოთეატრ „რუსთაველში" აფხაზეთიდან დევნილი ბავშვებისთვის ფილმ „გრავიტაციას" კინოჩვენება მოეწყო.

საქველმოქმედო აქციაში 20-მდე დევნილმა მოზარდმა მონაწილეობა მიიღო.

ბავშვებისათვის კინოჩვენება კინოთეატრ „რუსთაველის" ადმინისტრაციისა და აფხაზეთის ავტონომიური რესპუბლიკის მთავრობის მხარდაჭერით ჩატარდა.

განსაკუთრებულ დავალებათა საკითხებში აფხაზეთის ავტონომიური რესპუბლიკის მინისტრის ინიციატივით აფხაზეთის №2, №3 საჯარო სკოლასა და საბაშვო ბაღის ბავშვებს ჰუმანიტარული აქციის ფარგლებში საჩუქრები გადაეცათ.

აქცია აფხაზეთის ავტონომიური რესპუბლიკის მთავრობისა და საერთაშორისო ორგანიზაია „UMCOR"-ის მხარდაჭერით ჩატარდა.

აფხაზეთის ავტონომიური რესპუბლიკის მთავრობის მხარდაჭერით, ქ. ზუგდიდში, „პოლიტექნიკურ კოლეჯში" ჩასახლებულ დევნილებს ელექტროენერგიის მიწოდება აღუდგათ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებლის ვახტანგ ყოლბიას მიერ სამეგრელო ზემო სვანეთის მხარეში აფხაზეთის მთავრობის წარმომადგენლობას აღნიშნული პრობლემის მოგვარება დაევალა.

აღნიშნულ ობიექტზე აფხაზეთიდან იძულებით გადაადგილებული 50-მდე ოჯახი ცხოვრობს. დევნილებს გადაუხდელობის გამო ელექტროენერგიის მიწოდება რამოდენიმე დღის წინ შეუწყდათ. აფხაზეთის ავტონომიური რესპუბლიკის მთავრობამ ელექტრონერგიის დავალიანების ნაწილი დაფარა, ხოლო ზუგდიდის მუნიციპალიტეტმა ობიექტის ელექტრო გამირცხველიანობა უზრუნველყო.

აფხაზეთის ავტონომიური რესპუბლიკის განათლებისა და კულტურის სამინისტრო აცხადებს კონკურსს, სამინისტროს მმართველობის სფეროში შემავალი სოხუმის კ. გამსახურდიას სახელობის სახელმწიფო დრამატული თეატრის სამხატვრო ხელმძღვანელის კანდიდატთა შესარჩევად „პროფესიული თეატრების შესახებ" საქართველოს კანონის მე-10 მუხლის მე-3 პუნქტის თანახმად:

„სამხატვრო ხელმძღვანელი უნდა იყოს უმაღლესი სახელოვნებო განათლების მქონე პირი, პროფესიით რეჟისორი ან მსახიობი, ოპერისა და ბალეტის თეატრში - პროფესიით დირიჟორი ან უმაღლესი სამუსიკო განათლების მქონე სხვა პირი, ხოლო განსაკუთრებულ შემთხვევაში - სახელოვნებო გამოცდილების, აღიარების, თვალსაჩინო დამსახურების მქონე პირი.

კანდიდატთა წარდგენის წესი:

აფხაზეთის ავტონომიური რესპუბლიკის განათლებისა და კულტურის სამინისტროში კანდიდატთა წარდგენის უფლება აქვთ თეატრალური საქმიანობით დაკავებულ იურიდიულ პირებს (ორგანიზაციებს) და თეატრალური საქმიანობით დაკავებული პირებისგან შემდგარ საინიციატივო ჯგუფებს არანაკლებ ათი წევრის შემადგენლობით.

ცალკეულ საინიციატივო ჯგუფს და თეატრალური საქმიანობით დაკავებულ იურიდიულ პირებს აქვთ მხოლოდ ერთი კანდიდატურის წარდგენის უფლება.

დეტალური ინფორმაციისთვის იხილეთ ბმული.

აფხაზეთის ავტონომიური რესპუბლიკის მთავრობის მხარდაჭერით თბილისის სახელმწიფო კონსერვატორიაში აფხაზეთისა და საქართველოს ხელოვნების დამსახურებული მოღვაწის, ღირსებისა და წმინდა გიორგის ოქროს ორდენების კავალერის, „აფხაზეთის სულიერებისა და კულტურის ცენტრის" თავმჯდომარის, სვეტლანა ქეცბას 80 წლის იუბილესადმი მიძღვნილი საზეიმო საღამო გაიმართა.

საღამოს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე ელგუჯა გვაზავა, მეუფე დანიელი, დეკანოზი ბიძინა, სოხუმის უნივერსიტეტის რექტორი ჯონი აფაქიძე, აფხაზეთის მთავრობის წევრები, აფხაზეთის უმაღლესი საბჭოს დეპუტატები და აფხაზეთიდან დევნილი საზოგადოება დაესწრო.

საღამო გახსნა აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა. იუბილეზე მისასალმებელი სიტყვით გამოვიდნენ ვახტანგ ყოლბაია, მეუფე დანიელი, დეკანოზი ბიძინა, ჯონი აფაქიძე, ელგუჯა გვაზავა, პროფესორი ოთარ ჟორდანია, პოეტი მზია ხეთაგური და სხვები.

საიუბილეო საღამო საკონცერტო პროგრამით დასრულდა.

ღონისძიება აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.

საქართველოს ფეხბურთის ფედერაციის ორგანიზებით და აფხაზეთის სპორტული მომზადების ცენტრის ხელშეწყობით, ინვალიდ-ამპუტანტთა საფეხბურთო გუნდებს შორის საქართველოს პირველი ჩემპიონატი გაიმართა. ჩემპიონატში მონაწილეობა საფეხბურთო გუნდმა - „აფხაზეთი" მიიღო, რომელიც აფხაზეთიდან დევნილი ინვალიდ-ამპუტანტი ფეხბურთელებითაა დაკომპლექტებული.

ჩემპიონატში მონაწილე ექვსს საფეხბურთო გუნდს შორის გუნდმა - „აფხაზეთი" საუკეთესო ტექნიკური გუნდის ტიტული მოიპოვა.

ჩემპიონატის საზეიმო დახურვას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის განათლებისა და კულტურის მინისტრი დიმიტრი ჯაიანი დაესწრნენ და გამარჯვებულები დააჯილდოვეს.

აფხაზეთის ავტონომიური რესპუბლიკის მთავრობის ინიციატივით აფხაზეთის №2 საჯარო სკოლის მიმდებარე ტერიტორიაზე აფხაზეთიდან დევნილმა მოსწავლეებმა 100-ზე მეტი ფოთლოვანი და წიწვოვანი ხე დარგეს, რაც საფუძვლად დაედო სკვერის - „აფხაზეთს" შექმნას.

გამწვანების აქციაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, საქართველოში შვეიცარიის ელჩის მოადგილემ ფლორიან გუბლერმა, აფხაზეთის განათლებისა და კულტურის მინისტრმა დიმიტრი ჯაიანმა, აფხაზეთის სოფლის მეურნეობის, გარემოს დაცვისა და ბუნებრივი რესურსების დეპარტამენტის ხემძღვანელმა ვალერი ბასარიამ და აფხაზეთიდან დევნილმა პედაგოგებმა მიიღეს მონაწილეობა.

ღონისძიების ფარგლებში აფხაზეთის განათლებისა და კულტურის სამინისტროს პარტნიორმა არასამთავრობო ორგანიზაციამ - ფონდი „პარტნიორობა საგზაო უსაფრთხოება", აფხაზეთიდან დევნილი ბავშვებს საგზაო უსაფრთხოების შესახებ სახალისო გაკვეთილი ჩაუტარა. მოზარდებს საქართველოში შვეიცარიის ელჩის მოადგილემ საჩუქრები დაურიგა. ბავშვებს ასევე სამინისტროს მობილური ბიბლიოთეკით სარგებლობის შესაძლებლობა მიეცათ, რომელიც განახლდა საქართველოში შვეიცარიის საელჩოს მხარდაჭერით.

ღონისძიება აფხაზეთის განათლებისა და კულტურის სამინისტროს ორგანიზებით მოეწყო.

აფხაზეთის ავტონომიური რესპუბლიკის მთავრობა
აფხაზეთის ავტონომიური რესპუბლიკის უმაღლესი საბჭო

აფხაზეთის სულიერებისა და კულტურის
ცენტრის ხელმძღვანელს
ქალბატონ სვეტლანა ქეცბას

      ქალბატონო სვეტლანა,

       თქვენს მიერ ღირსეულად განვლილი ცხოვრების წლები, აქტიური სამსახურებრივი საქმიანობა და საზოგადოებრივი მოღვაწეობა არის ნამდვილად მისაბაძი მაგალითი საკუთარი ხალხისა და ქვეყნის უანგარო სიყვარულის, მის ნათელ მომავალზე ზრუნვისა და ქართულ-აფხაზური ურთიერთობების აღსადგენად საკუთარი შესაძლებლობების ბოლომდე გახარჯვისა.
       თქვენი მოღვაწეობის ყველა უბანზე - ქალაქ სოხუმის დ. არაყიშვილის სახელობის სამუსიკო სასწავლებლის დირექტორის, საქართველოს კულტურის მინისტრის მოადგილის და აფხაზეთის კულტურის მინისტრის თანამდებობებზე, დღევანდელი აფხაზეთის სულიერების და კულტურის ცენტრის ხელმძღვანელის რანგში - ყოველთვის ავლენდით მაღალ ზნეობას,  მტკიცე სულიერებას და,  განსაკუთრებით, ფაქიზ მზრუნველობას ქართულ-აფხაზური ათასწლოვანი კულტურის შესანარჩუნებლად. ნიშანდობლივია, თქვენი აქტიური საზოგადოებრივი საქმიანობა „აფხაზეთის ხსნის კომიტეტში". სახალხო დიპლომატიის სფეროში გამოვლენილი თქვენი მაღალი პროფესიონალიზმის და პასუხისმგებლობის აშკარა დასტურია უმაღლესი სახელმწიფო და საეკლესიო ჯილდოები - „ღირსების ორდენი" და „წმინდა გიორგის ოქროს ორდენი".
       აფხაზეთში დატრიალებულმა უდიდესმა ადამიანურმა ტრაგედიამ, ურთულესმა პოლიტიკურმა ქარტეხილებმა ვერ შეგაცვლევინათ  ქართულ-აფხაზური ნათესაური კავშირების, მეგობრული თანაცხოვრების, ურთიერთსიყვარულისა და პატივისცემის მრავალსაუკუნოვანი ვექტორი, რაშიც  ვხედავთ თქვენი სულის სიმხნევის, სისპეტაკისა და უშრეტი ენერგიის წყაროს.
       ღრმად ვართ დარწმუნებულნი, რომ თქვენი ოპტიმიზმი და თავდაუზოგავი ღვაწლი კიდევ დიდხანს ემსახურება ჩვენი თანამემამულეების სულიერების აღმავლობას, წინაპრების უკვდავი სიბრძნის - „რაც მტრობას დაუნგრევია, სიყვარულს უშენებია" -გზით სანუკვარი ოცნებისაკენ სვლას.
       აფხაზეთის ავტონომიური რესპუბლიკის მთავრობა და აფხაზეთის ავტონომიური რესპუბლიკის უმაღლესი საბჭო გიდასტურებთ ღრმა პატივისცემას და საქართველოსა და აფხაზეთის ხელოვნების დამსახურებულ მოღვაწეს, ღვაწლმოსილ აფხაზ ქალბატონს გულწრფელად გილოცავთ ღირსეულ იუბილეს.

აფხაზეთის ავტონომიური რესპუბლიკის
მთავრობის თავმჯდომარის მოვალეობის შემსრულებელი               ვახტანგ ყოლბაია

აფხაზეთის ავტონომიური რესპუბლიკის
უმაღლესი საბჭოს თავმჯდომარე                                            ელგუჯა გვაზავა

2013 წლის 27 ოქტომბერის საპრეზიდენტო არჩევნებთან დაკავშირებით მოგმართავთ აფხაზეთის ავტონომიური რესპუბლიკის აღმასრულებელი ხელისუფლების სისტემის თითოეულ თანამშრომელს, რომ დაიცვათ საქართველოს საარჩევნო კანონმდებლობით განსაზღვრული მოთხოვნები და გაითვალისწინოთ საქართველოს საარჩევნო კოდექსით დადგენილი შემდეგი შეზღუდვები:

1. საუბნო საარჩევნო კომისიის წევრად არ შეიძლება აირჩეს/დაინიშნოს აფხაზეთის ავტონიმიური რესპუბლიკის მინისტრები და მათი მოადგილეები. აგრეთვე სამინისტროს დეპარტამენტებისა და სამმრთველოების ხელმძღვანელები. (24-ე მუხლის მე-5 პუნქტი „ე" და „ვ" ქვეპუნქტი) ;
2. იმ საჯარო მოხელეებს, რომლებიც არიან საუბნო საარჩევნო კომისიის წევრები, დროებით უნდა შეუჩერდეს უფლებამოსილება მუდმივ სამუშაო ადგილას (საუბნო საარჩევნო კომისიის წევრის უფლებამოსილების განხორციელების პერიოდში), რისთვისაც შეიძლება გამოყენებულ იქნეს კუთვნილი შვებულება (24-ე მუხლის მე-6 პუნქტი) ;
3. წინასაარჩევნო აგიტაციის გაწევისა და აგიტაციაში მონაწილეობის უფლება არა აქვთ საჯარო მოხელეებს, სამუშაო საათების განმავლობაში ან/და როდესაც ისინი უშუალოდ ასრულებენ სამსახურებრივ ფუნქციებს (45-ე მუხლი მე-4 პუნქტის „თ" ქვეპუნქტი) ;
4. აკრძალულია წინასაარჩევნო კამპანიის (აგიტაციის) ჩატარება უწყების შენობაში (45-ე მუხლის მე-5 პუბქტის „ა" ქვეპუნქტი) ;
5. აკრძალულია აფხაზეთის ავტონომიური რესპუბლიკის მთავრობის დაფინანსებით ორგანიზებულ ღონისძიებებზე/პრეზენტაციაზე წინასაარჩევნო აგიტაციის გაწევა, აღნიშნული ქმედება ჩაითვლება ადმინისტრაციული რესურსების გამოყენებად (45-ე მუხლის მე-7 პუნქტი) ;
6. აკრძალულია სააგიტაციო მასალის განთავსება/გაკვრა ადმინისტრაციული შენობის ინტერიერებსა და ექსტერიერებში (46-ე მუხლის მე-2 პუნქტი) ;
7. აკრძალულია წინასაარჩევნო აგიტაციისა და კამპანიისას ადმინისტრაციული რესურსების გამოყენება, რომელიც მათ შორის გულისხმობს საკომუნიკაციო საშუალებების, საინფორმაციო მომსახურებისა და სხვადასხვა სახის ტექნიკის, აგრეთვე სატრანსპორტო საშუალებების გამოყენების აკრძალვას (48-ე მუხლის პირველი პუნქტის „ბ" და „გ" ქვეპუნქტები) ;
8. წინასაარჩევნო აგიტაციაში მონაწილეობის უფლების მქონე საჯარო მოხელეებს ეკრძალებათ საარჩევნო სუბიექტის მხარდასაჭერად ან საწინააღმდეგოდ წინასაარჩევნო აგიტაციისა ან კამპანიის წარმოების პროცესში თავისი თანამდებობრივი ან სამსახურებრივი მდგომარეობის გამოყენება, რაც მათ შორის გულისხმობს, სამსახურებრივად დაქვემდებარებული ან სხვაგვარად დამოკიდებული პირის ჩაბმას ისეთ საქმიანობაში, რომელიც ხელს უწყობს კანდიდატის წარდგენას ან/და არჩევას, სამსახურებრივი მივლინების დროს ხელმოწერების შეგროვებას და წინასაარჩევნო აგიტაციის გაწევას, ასევე წინასაარჩევნო აგიტაციის გაწევას სამუშაო საათების განმავლობაში ან/და სამსახურებრივი ფუნქციების შესრულებისას (49-ე მუხლის პირველი პუნქტის „ა", „ბ" და „გ" ქვეპუნქტები)

გარდა ზემოაღნიშნულისა, მკაცრად უნდა იყოს დაცული საქართველოს საარჩევნო კოდექსის ყველა ის მოთხოვნა, რომელიც შეიძლება დაკავშირებული იყოს საჯარო მოხელეების მიერ თავიანთი მოვალეობების შესრულებასთან. გთხოვთ გაითვალისწინოთ, რომ არჩევნებთან დაკავშრებით კანონმდებლობით დადგენილი მოთხოვნების დარღვევის შემთხვევაში, დამრღვევი პირების მიმართ შეიძლება გატარდეს როგორც ადმინისტრაციული, ისე სისხლის სამართლის პასუხისმგებლობის ზომები.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია თბილისობის ფარგლებში ჩაისა და თაფლის საერთაშორისო ფესტივალს დაესწრო.

ფესტივალში ჩაის მწარმოებელი კომპანიები, იმპორტიორი და მეზობელი ქვეყნების მწარმოებლები მონაწილეობდნენ. ფესტივალის მონაწილეებმა სტუმრებს სხვადასხვა სახის ჩაისა და თაფლის დაგემოვნება შესთავაზეს.

ფესტივალის ფარგლებში საკუთარი პროდუქცია წარმოადგინეს აფხაზეთიდან დევნილმა მეწარმეებმაც. მათ მიერ შეთავაზებულმა პროდუქციამ დიდი ინტერესი და მოწონება დაიმსახურა.

დევნილი ფრიდონ ჩიტაძის შპს-მ „თერნალი-ჩაი", ფესტივალის სტუმრებს 9 სახეობის პროდუქციის დაგემოვნება შესთავაზა, ხოლო მეფუტკრეობის დარგში ფესტივალზე საკუთარი პროდუქცია წარმოადგინეს მეფუტკრეებმა ედიშერ გულბანმა და დემურ დარსანიამ.

ჩაისა და თაფლის ფესტივალზე ასევე წარმოდგენილი იყო ასოციაცია „მშვიდობიანი და საქმიანი კავკასია" ალუ გამახარიას ხელმძღვანელობით, რომელმაც სტუმრებს თაფლზე დამზადებული კულინარული პროდუქცია შესთავაზა. კულინარული პროდუქცია სპეციალურად ამ დღისთვის აფხაზეთიდან და ცხინვალის რეგიონიდან გადმოსული თანამემამულეების მიერ დამზადდა.

ფესტივალზე იმყოფებოდა ფესტივალის საორგანიზაციო კომიტეტს წევრი და თანადამფუძნებელი, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია. ფესტივალს ასევე დაესწრნენ აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის მინისტრი ქეთევან ბაკარაძე, რეგიონალური მართვის საკითხებში აფხაზეთის ავტონომიური რესპუბლიკის მინისტრი კონსტანტინე კუჭუხიძე, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე დავით გვაძაბია და მთავრობის სხვა წევრები.

აფხაზეთის ატონომიური რესპუბლიკის მთავრობა და დევნილი მეწარმეები მომავალშიც აქტიურად მიიღებენ მონაწილეობას მსგავს ღონისძიებებში.

დღეს, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა გვაზავამ, აფხაზეთის მთავრობის წევრებმა და უმაღლესი საბჭოს დეპუტატებმა და აფხაზეთიდან დევნილი საზოგადოების წარმომადგენლებმა, 1992 წლის 5 ოქტომბერს გაგრაში განვითარებული ტრაგიკული მოვლენებში დაღუპულთა ხსოვნას პატივი მიაგეს.

მათ გაგრის დაცემის დღე კიდევ ერთხელ გაიხსენეს და ანდრია პირველწოდებულის სახელობის ეკლესიაში (ლურჯი მონასტერი) დაღუპულთა სულების საოხად პანაშვიდი გადაიხადეს.

აფხაზეთის ავტონომიური რესპუბლიკის მთავრობის წევრემბა, უმაღლესი საბჭოს დეპუტატებმა და აფხაზეთიდან დევნილი საზოგადოების წარმომადგენლებმა გმირთა მემორიალი გვირგვინით შეამკეს და პატივი მიაგეს საქართველოს ერიანობისათვის დაღუპულ მეომრებს.