აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის სულიერებისა და კულტურის ცენტრში გენო კალანდიასთან და ვაჟა აზარაშვილთან შეხვედრა მოეწყო

აფხაზეთის სულიერებისა და კულტურის ცენტრში შოთა რუსთაველის სახელობის სახელმწიფო პრემიის ლაურეატებთან, პოეტ გენო კალანდიასა და კომპოზიტორ ვაჟა აზარაშვილთან შეხვედრა მოეწყო.

შეხვედრას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე ელგუჯა (გია) გვაზავა და აფხაზეთის უმაღლესი საბჭოს თავმჯდომარის მოადგილე თამაზ ხუბუა ესწრებოდნენ.

საღამოზე გენო კალანდიას შემოქმედებაზე ისაუბრეს. ასევე, აჟღერდა ვაჟა აზარაშვილის პოპულარული სიმღერები ავტორის შესრულებით. შოთა რუსთაველის სახელობის სახელმწიფო პრემიის ლაურეატებს სრულიად საქართველოს კათოლიკოს-პატრიარქის, უწმიდესისა და უნეტარესი ილია II ლოცვა-კურთხევით ცენტრის მიერ გამოშვებული წიგნი „უფალი სუფევს, მშვენიერება შეიმოსა" გადაეცათ.

ეროვნული ბიბლიოთეკის საგამოფენო დარბაზში მხატვრის ჭოლა კუკულაძის ხსოვნისადმი მიძღვნილი საღამო მოეწყო

ეროვნული ბიბლიოთეკის საგამოფენო დარბაზში აფხაზეთის ავტონომიური რესპუბლიკის ხელოვნების დამსახურებული მოღვაწის, მხატვრის ჭოლა კუკულაძის ხსოვნისადმი მიძღვნილი საღამო გაიმართა. ასევე, მოეწყო მისი ნამუშევრების ალბომის პრეზენტაცია და პერსონალური გამოფენა. ჭოლა კუკულაძე გახლდათ ფერმწერი, გრაფიკოსი, ოფორტისტი, მოქანდაკე, ილუსტრატორი, საზოგადო მოღვაწე. ის წლების განმავლობაში ჯერ სოხუმის მთავარი მხატვარი, შემდეგ აფხაზეთის მხატვართა კავშირის თავმჯდომარე იყო. მისი ფერწერული ტილოები არაერთხელ გამოიფინა თბილისში, მოსკოვში, კიევში, მინსკში, სანკტ-პეტერბურგსა და პრაღაში. ამჟამად ორი ფერწერული ტილო ინახება საქართველოს ეროვნული მუზეუმის გალერიის ფერწერის ფონდში.

სამწუხაროდ, ჭოლა კუკულაძის საკმაოდ მრავალფეროვანი შემოქმედების დიდი ნაწილი აფხაზეთის ომს ემსხვერპლა, გადარჩენილი ნამუშევრების უმეტესობა კი სოხუმშია. საღამოს აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, აფხაზეთის ავტონომიური რესპუბლიკის განათლებისა და კულტურის მინისტრი ალექსანდრე აპლაკოვი, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე გოგი ფაცაცია და მხატვრის ოჯახის წევრები დაესწრნენ.

ღონისძიება აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით მოეწყო.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ბათუმში მცხოვრებ დევნილ მოსახლეობას შეხვდა

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ქ. ბათუმში თამარისის დასახლებში, ყოფილი ნავთობგადამამუშავებელი ქარხნის ტერიტორიაზე მცხოვრებ დევნილებს შეხვდა. ვახტანგ ყოლბაია იმერეთისა და აჭარის რეგიონში აფხაზეთის მთავრობის წარმომადგენლებთან ერთად ადგილზე გაეცნო დევნილთა საყოფაცხოვრებო პირობებს და მათი პრობლემები მოისმინა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებლის განცხადებით აღნიშნულ კომპაქტურ ჩასახლებებში ჯერ კიდევ არსებობს პრობლემები, რომელიც ეხება შიდა ინფრასტრუქტურის მოწესრიგებას.

„ეს საკითხი მოგვარებადია და საჭიროა ამ პროცესში აქტიურად ჩაერთონ აფხაზეთის ავტონომიური რესპუბლიკის მთავრობა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს აჭარისა და სამეგრელო-ზემო სვანეთის სამმართველო და აჭარის ადგილობრივი ხელისუფლება," - აღნიშნა ბათუმში ყოფნისას ვახტანგ ყოლბაიამ.

ვახტანგ ყოლბაიმ დევნილთა საკითხებთან დაკავშირებით შეხვედრები სამეგრელოსა და იმერეთის რეგიონის აფხაზეთის მთავრობის წარმომადგენლობებში გამართა

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ დევნილთა საკითხებთან დაკავშირებით შეხვედრები სამეგრელოსა და იმერეთის რეგიონის აფხაზეთის მთავრობის წარმომადგენლობებში გამართა. ვახტანგ ყოლბაიამ წარმომადგენლობების ხელმძღვანელობისაგან დევნილ მოსახლეობაში არსებული პრობლემები მოისმინა. ქუთაისში შეხვედრისას გამოიკვეთა ის რიგი საკითხები, რომელთა მოგვარებაც შესაძლებელია ქუთაისის მერიასთან და ადგილოლბრივ მუნიციპალიტეტთან თანამშრომლობის გზით.

ზუგდიდში ყოფნისას, ვახტანგ ყოლბაიამ ჭითაწყარის საავადმყოფოს ტერიტორიაზე მდებარე კომპაქტურ ჩასახლებაში მცხოვრები იძულებით გადაადგილებული პირები მოინახულა, რომლებსაც ძლიერი წვიმის შედეგად დაზიანებულმა სახურავმა პრობლემები შეუქმნა.

დევნილთა პრობლემის გაცნობის შემდგომ გადაწყდა, რომ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს აჭარისა და სამეგრელო-ზემო სვანეთის სამმართველოს წარმომადგენლობის დახმარებით უმოკლეს ვადაში სტიქიით მიყენებული პრობლემები გადაიჭრება და უახლოეს დღეებში აღდგენითი სამუშაოები დაიწყება.

აფხაზეთის მთავრობის ხელშეწყობით დევნილი ბავშვები ესპანეთში დასასვენებლად გაემგზავრნენ

აფხაზეთის ავტონომიური რესპუბლიკის მთავრობისა და ინტეგრაციისა და სოლიდარობის ფონდის „FINSOL"-ის ერთობლივი პროექტის ფარგლებში, გალის რაიონიდან გადმოსული და აფხაზეთიდან დევნილი სოციალურად დაუცველი ბავშვები საზაფხულო არდადეგებს ესპანეთის სამეფოში გაატარებენ.

სოციალურად დაუცველი მოზარდები მოხალისე, ესპანურ ოჯახებში 2 თვის განმავლობაში იცხოვრებენ და კულტურულ-საგანმანათლებლო პროგრამებში ჩაერთვებიან.

დევნილი მოზარდების მგზავრობისა და იქ ცხოვრების ხარჯებს აფხაზეთის მთავრობა და „FINSOL"-ი უზრუნველყოფს.

აფხაზეთის ავტონომიური რესპუბლიკის მთავრობა და ფონდი „FINSOL"-ი 2008 წლიდან თანამშრომლობს. ხელშეკრულების თანახმად, ყოველწლიურად დევნილი ბავშვები საზაფხულო არდადეგებს ესპანეთში ატარებენ.

ბავშვები თბილისის აეროპორტიდან აფხაზეთის დევნილთა საქმეების დეპარტამენტის თავმჯდომარემ გიორგი ბობოხიძემ გააცილა.

აფხაზეთის ავტონომიური რესპუბლიკის მთავრობის მილოცვა ამერიკის დამოუკიდებლობის დღესთან დაკავშირებით

საქართველოში ამერიკის შეერთებული შტატების ელჩს რიჩარდ ნორლანდს და სრულიად ამერიკელ ხალხს ვულოცავთ ამერიკის შეერთებული შტატების დამოუკიდებლობის დღეს. ვუსურვებ რა მათ ქვეყანას მშვიდობას, წარმატებებს და შემდგომ განვითარებას, მადლიერების გრძნობით ავღნიშნავთ ამერიკელი ხალხის თანადგომას საქართველოსადმი და განსაკუთრებით აფხაზეთიდან იძულებით გადაადგილებულ პირთა მიმართ.

ასევე, ფრიად ვაფასებთ ამერიკის შეერთებული შტატები დაუღალავ ძალისხმევას აფხაზეთის კონფლიქტის მშვიდობიან და სამართლიან მოგვარებაში.

აფხაზეთის ავტონომიური რესპუბლიკის მთავრობა.

აფხაზეთის ავტონომიური რესპუბლიკის განათლებისა და კულტურის სამინისტროში აფხაზეთიდან დევნილი მხატვრების ნამუშევრების გამოფენა მოეწყო

აფხაზეთის ავტონომიური რესპუბლიკის განათლებისა და კულტურის სამინისტროს ჰოლში პირველად აფხაზეთიდან დევნილი მხატვრების ნამუშევრების გამოფენა მოეწყო.

გამოფენაზე წარმოდგენილი იყო რამინ აფაქიძეს, ელდარ ქავშბაიას, ირმა გელანტიასა და დათო მარკოზიას ნახატები. პარალელურად, აფხაზეთიდან დევნილი მხატვრების შემოქმედების ამსახველი პერსონალური კატალოგების პრეზენტაცია გაიმართა. კატალოგში, რომელიც აფხაზეთის ავტონომიური რესპუბლიკის განათლებისა და კულტურის სამინისტროს პროგრამის - „კულტურის განვითარების მხარდაჭერა" ფარგლებში გამოიცა თითოეული მხატვრის 30-მდე ნამუშევარია შესული.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის განათლებისა და კულტურის მინისტრი ალექსანდრე აპლაკოვი დაესწრნენ.

აფხაზეთის ავტონომიური რესპუბლიკის მთავრობამ აქციაში „გაიღე სისხლი - გადაარჩინე სიცოცხლე“ - მიიღო მონაწილეობა

აქციის ფარგლებში, აფხაზეთის ავტონომიური რესპუბლიკის მთავრობის თამჯდომარის მოვალეობის შემსრულებელმა ვახტანგ ყოლბაიამ და მთავრობის თანამშრომლებმა მ.იაშვილის სახელობის ბავშვთა კლინიკურ საავადმყოფოში არსებულ სისხლის ბანკში ლეიკემიით დაავადებული ბავშვების დასახმარებლად სისხლი გაიღეს.

ვახტანგ ყოლბაიამ იაშვილის სახელობის ბავშვთა კლინიკაში აფხაზეთიდან გადმოსული ეთნიკურად აფხაზი და დევნილი ბავშვები მოინახულა, რომლებიც ამჟამად სახლემწიფო პროგრამით მკურნალობენ. 

ვახტანგ ყოლბაიამ ჟენევის მოლაპარაკებების შედეგები აფხაზეთის უმაღლესი საბჭოს დეპუტატებს გააცნო

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აფხაზეთის ავტონომიური რესპუბლიკის უმაღლეს საბჭოში 25-26 ივნისს გამართული ჟენევის მოლაპარაკებების 24-ე რაუნდის შესახებ ინფორმაციით წარსდგა. შეხვედრას უმაღლესი საბჭოს დეპუტატები და აპარატის თანამშრომლები ესწრებოდნენ.

აფხაზეთის უმაღლესი საბჭოს დეპუტაციას მიეწოდა ვრცელი და  ამომწურავი ინფორმაცია აფხაზეთის მთავრობის თავმჯდომარის მოვალეობის შემსრულებლის პირველი ოფიციალური ვიზიტისა და ჟენევის მოლაპარაკებების 24-ე რაუნდის შედეგების შესახებ.

ვახტანგ ყოლბაია და ელგუჯა გვაზავა ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრს შეხვდნენ

აფხაზეთის ავტონომიური რესპუბლიკის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრს დავით დარახველიძეს შეხვდნენ.

შეხვედრაზე საუბარი შეეხო აფხაზეთიდან იძულებით გადაადგილებულ პირთა განსახლების საკითხების მოგვარების მიმდინარე პროცესს, მათ შორის ახალი მშენებლობებისა და არსებული კორპუსების რეაბილიტაციას. ყურადღდება გამახვიდლა დევნილთა ხელახალი რეგისტრაციისა და რიგი სოციალური პრობლემების საკითხებზე, ასევე იმსჯელეს იძულებით გადაადგილებულ პირთათვის საცხოვრებელი კორპუსების მშენებლობების ხარისხზე, რის გამოც დევნილთა ნაწილი უკმაყოფილებას გამოთქვამს.

დავით დარახველიძემ მშენებლობის პროცესში დევნილთა დასაქმების აუცილებლობასა და აჭარაში მცხოვრები ე.წ. კომპენსირებული დევნილების საკითხებზეც ისაუბრა.

აღინიშნა სამინისტროსა და აფხაზეთის მთავრობის რეგიონალური სამსახურების მჭიდრო და ურთიერთ შეთანხმებული მუშაობის აუცილებლობა.

შეხვედრის დასასრულს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი, აფხაზეთის ავტონომიური რესპუბლიკის უმაღლესი საბჭოს თავმჯდომარე და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სამომავლო, მჭიდრო თანამშრომლობაზე შეთანხმდნენ.

ვახტანგ ყოლბაია სრულიად საქართველოს კათოლიკოს პატრიარქს ილია II -ს შეხვდა

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია უწმიდესსა და უნეტარესს, სრულიად საქართველოს კათოლიკოს პატრიარქს, მთავარეპისკოპოსს მცხეთა-თბილისისა და მიტროპოლიტს ბიჭვინთისა და ცხუმ-აფხაზეთის ილია II -ს შეხვდა.

შეხვედრისას აფხაზეთში მიმდინარე მოვლენებზე, პატრიარქის რუსეთის ფედერაციაში ვიზიტსა და მსოფლიო პატრიარქთან შეხვედრის საკითხებზე ისაუბრეს. ასევე, საუბარი შეეხო ვახტანგ ყოლბაიას პირველ, ოფიციალურ ვიზიტს ჟენევაში, სადაც მან მონაწილეობა მიიღო ჟენევის ფორმატით მიმდინარე მოლაპარაკებებში.

ვახტანგ ყოლბაია საქართველოს შრომის, ჯანმრთელობისა და სოციალური დაცვის მინისტრს დავით სერგეენკოს შეხვდა

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოს შრომის, ჯანმრთელობისა და სოციალური დაცვის მინისტრს დავით სერგეენკოს შეხვდა.

შეხვედრაზე საყოველთაო გაფართოებული ჯანდაცვის პროგრამასა და ამ პროგრამით გათვალისწინებულ სამედიცინო მომსახურეობაზე ისაუბრეს, რომლითაც დევნილი მოსახლეობა პირველი ივლისიდან ისარგებლებს.

შეხვედრისას საუბარი შეეხო აფხაზეთიდან დევნილი სამედიცინო დაწესებულებებისა და გალის რაიონში მოქმედ სამედიცინო ცენტრებში არსებულ მდგომარეობას.

ჯომარდობაში აფხაზეთის ღია ჩემპიონატზე გამარჯვება სოხუმის სახელმწიფო უნივერსიტეტის გუნდმა მოიპოვა

ჯომარდობაში აფხაზეთის ღია ჩემპიონატი დასრულდა. ტურნირი ბორჯომის მუნიციპალიტეტში, სოფელ ჩითახევის ჰესთან საქართველოს ჯომარდობის ეროვნული ფედერაციის ორგანიზებით გაიმართა და მასში მონაწილეობა 16-მდე გუნდმა მიიღო. ქართველებთან ერთად ჩემპიონატში აფხაზები, ჩეჩნები, აზერბაიჯანში მცხოვრები ქართველები და ფერეიდნელები მონაწილეობდნენ.

პირველი და მეორე ადგილის მფლობელები სოხუმის სახელმწიფო უნივერსიტეტის გუნდები გახდნენ. მესამე ადგილი თბილისის ზღვის კომპაქტური ჩასახლების გუნდმა „დიოსკურიამ" მოიპოვა.

საპრიზო ადგილებზე გასულ მონაწილებსა და გუნდებს თასები და სიგელები გადაეცათ.

აფხაზეთის ღია საერთაშორისო ჩემპიონატი აფხაზეთის ავტონომიური რესპუბლიკის მთავრობის, საქართველოს სპორტის და ახალგაზრდობის საქმეთა სამინისტროს, აფხაზეთის ა/რ განათლებისა და კულტურის სამინისტროსა და სოხუმის სახელმწიფო უნივერსიტეტის მხარდაჭერით ჩატარდა. ტურნირს პარტნიორები იყვნენ ენერგეტიკული სასმელების კომპანია „Speeds" და  ნატურალური მინერალური წყალი „სნო".

ჩემპიონატის ჩატარების მიზანია ახალგაზრდებში ჯანსაღი ცხოვრების წესის ჩამოყალიბება, სპორტის შედარებით ახალი და ექსტრემალური სახეობის პოპულარიზაცია.

ვახტანგ ყოლბაია ჟენევის მოლაპარაკებების მორიგ რაუნდში მონაწილეობას მიიღებს

ჟენევის მოლაპარაკებების მორიგ, 24-ე რაუნდში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ქართული დელეგაციასთან ერთად ჟენევაში გაეგმზავრა.

დელეგაციას ხელმძღვანელობს საგარეო საქმეთა მინისტრის მოადგილე დავით ზალკალიანი.

მოლაპარაკებები ჟენევაში 25-26 ივნისს გაიმართება.

სამტრედიაში აფხაზეთიდან დევნილ 73 ოჯახს რეაბილიტირებული ბინა გადაეცა

სამტრედიაში, ყოფილი საავადმყოფოს შენობაში, აფხაზეთიდან დევნილ 73 ოჯახს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ რეაბილიტირებული ბინის გასაღები გადასცა. ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დაესწრო.

რეაბილიტირებულ კორპუსში იმ დევნილებმა მიიღეს საცხოვრებელი ფართები, რომლებიც 20 წლის განმავლობაში იმერეთის რეგიონში და ქ.თბილისში ქირით ან ნათესავებთან ცხოვრობდნენ. აფხაზეთიდან იძულებით გადაადგილებულმა პირებმა ბინები სამინისტროს მიერ შემუშავებული კრიტერიუმის დაკმაყოფილების შემდეგ მიიღეს.

რეაბილიტაციის შემდგომ შენობის მდგომარეობა მისაღებია, თუმცა მცირე ხარვეზებზე დაგეგმარების კუთხით, დავით დარახველიძემ შენიშვნები გამოთქვა და სამშენებლო კომპანიებს მომავალში განსაკუთრებული ყურადღების გამახვილება მშენებლობის ხარისხზე მოსთხოვა.

ვახატანგ ყოლბაია აფხაზეთიდან დევნილებს მათ წინაშე არსებული სხვა პრობლემების შესახებ ესაუბრა და მათი მოგვარების პროცესში, შესაბამის სახელმწიფო უწყებებთან ერთად აქტიურად ჩართვას შეპირდა.