სიახლეები

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მიერ „აფხაზეთიდან იძულებით გადაადგილებულ პირთა გასვლითი პროფილაქტიკური სამედიცინო გასინჯვების“ პროგრამის ფარგლებში ქალაქ ჯვარში მცხოვრებ აფხაზეთიდან იძულებით გადაადგილებული პირებისთვის ჯვარის ამბულატორიაში გეგმიური უფასო სამედიცინო-პროფილაქტიკური გამოკვლევები ჩატარდა.   გეგმიური ღონისძიების ფარგლებში დევნილმა მოსახლეობამ მიიღო: ოჯახის ექიმის, პედიატრის, კარდიოლოგის, ნევროლოგის, რევმატოლოგის, ონკოლოგის, მამოლოგის, თერაპევტის, გინეკოლოგის, ენდოკრინოლოგის, ქირურგის, უროლოგის, ოფთალმოლოგის, ოტორინოლარინგოლოგისა და დერმატოლოგის მომსახურება.  ჩატარდა ინსტრუმენტული გამოკვლევები: ექოსკოპია (მუცლის ღრუს და ფარისებრი ჯირკვლის) ელექტროკარდიოგრაფია, გლუკოზის განსაზღვრა სისხლში. ასევე, C ჰეპატიტის სკრინინგი.   ექიმების დანიშნულების შესაბამისად აფხაზეთიდან დევნილ მოსახლეობაზე გაიცა მედიკამენტები.   სამედიცინო გამოკვლევების პარალელურად აფხაზეთის ავტონომიური რესპუბლიკის იუსტიციის დეპარტამენტის თანამშრომლებმა დევნილ მოსახლეობას ყველა საჭირო საკითხზე უფასო იურიდიული კონსულტაციები გაუწიეს.   გამოკვლევების მიმდინარეობის პროცესს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, წალენჯიხის მუნიციპალიტეტის მერი ბესიკ ფარცვანია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, აფხაზეთის ავტონომიური რესპუბლიკის იუსტიციის დეპარტამენტის თავმჯდომარე იგორ კოპალიანი, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია, წალენჯიხის მუნიციპალიტეტის საკრებულოს თავმჯდომარის მოადგილე დარეჯან დადიანი ესწრებოდნენ.   გეგმიური სამედიცინო-პროფილაქტიკური გამოკვლევები ქალაქ ზუგდიდში, 25 ნოემბერს ზუგდიდის სკრინინგ ცენტრში, ხოლო 26 ნოემბერს აფხაზეთიდან იძულებით გადაადგილებულ პირთა ზუგდიდის პოლიკლინიკაში ჩატარდება

აფხაზეთის ავტონომიური რესპუბლიკის მთავრობისა და ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის ორგანიზებით, სამშვიდობო ინიციატივების პროგრამის ფარგლებში თბილისის მუნიციპალიტეტის საკრებულოს თამარ მეფის სახელობის დარბაზში ღონისძიება სახელწოდებით „საერთო წარსულით - საერთო მომავლისკენ“ გაიმართა.

ღონისძიებაზე მოეწყო წიგნის „საერთო წარსულით - საერთო მომავლისკენ“პრეზენტაცია. მოწვეულმა სტუმრებმა ისაუბრეს ქართულ-აფხაზურ ურთიერთობებზე და მასში სახალხო დიპლომატიის როლის გაძლიერებაზე, ხაზი გაესვა ამ პროცესებში სამშვიდობო პლატფორმის შექმნის აუცილებლობას.

პარალელურად, საკრებულოს შენობაში აფხაზეთის ტერიტორიაზე არსებული საქართველოს კულტურული მემკვიდრეობის ძეგლების ფოტოგამოფენა მოეწყო.

ღონისძიების ბოლოს წიგნის შექმნაში მონაწილე ყველა პირს ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატისგან სიმბოლური საჩუქრები გადაეცათ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პარლამენტის წევრი, განათლების, მეცნიერებისა და კულტურის კომიტეტის თავმჯდომარე მარიამ ჯაში, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრი დავით გვაძაბია, ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის პირველი მოადგილე ბელა კოპალიანი, აფხაზეთის ავტონომიური რესპუბლიკის უმაღლესი საბჭოს დეპუტატები, წიგნის „საერთო წარსულით - საერთო მომავლისკენ" ავტორთა ჯგუფი და დევნილი საზოგადოება ესწრებოდა.

სასტუმრო რუმსის საკონფერენციო დარბაზში შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ინიციატივით შემუშავებული ახალი საგრანტო პროგრამის „აწარმოე უკეთესი მომავლისთვის" პრეზენტაცია გაიმართა. ღონისძიებას აფხაზეთის ავტონომიური რეპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დაესწრო.

პროექტის შესახებ შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა ისაუბრა. პროგრამა ,,აწარმოე უკეთესი მომავლისთვის" საქართველოს ოკუპირებულ რეგიონებში მცხოვრები მოსახლეობისათვის ეკონომიკური სარგებლის მიღების ახალი გზებისა და შესაძლებლობების, უფრო პერსპექტიული, ალტერნატიული ბაზრების შეთავაზებას გულისხმობს.

ინიციატივა ხელს შეუწყობს სავაჭრო ურთიერთობების წახალისებას, რაც შესაძლებელს გახდეს გამყოფი ხაზების გასწვრივ ეკონომიკური ურთიერთობების გაფართოებას, ახალი შესაძლებლობების განვითარებასა და როგორც შიდა, ისე საგარეო ბაზრებზე წვდომას. ასევე, საქართველოს ოკუპირებულ რეგიონებში - აფხაზეთსა და ცხინვალის რეგიონში მცხოვრები მოსახლეობისათვის ეკონომიკური სარგებლის მიღების ახალი გზებისა და შესაძლებლობების, უფრო პერსპექტიული, ალტერნატიული ბაზრების შეთავაზებას.

პროგრამის ბენეფიციარი შეიძლება გახდეს აფხაზეთში, ან ცხინვალის რეგიონში, აგრეთვე საქართველოს კონტროლირებად ტერიტორიაზე ლეგიტიმურად მცხოვრები 18 წელს მიღწეული საქართველოს მოქალაქე ფიზიკური პირი ან რეგისტრირებული მეწარმე სუბიექტი. პროექტის ბენეფიციარებს გრანტის მიღება 35 ათასი ლარის ფარგლებში შეუძლიათ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ აფხაზეთიდან დევნილი აკადემიური წრეების წარმომადგენლებმა და ახალგაზრდებმა აფხაზეთის თეატრის დარბაზის განახლების პროცესი დაათვალიერეს.

დიმიტრი უზნაძის №68-ში მდებარე, 250 მაყურებელზე გათვლილი აფხაზეთის თეატრის დარბაზის სარემონტო სამუშაოები დეკემბრის პირველ ნახევარში დასრულდება.

„დევნილობის 25 წლის განმავლობაში, ჩვენ საზოგადოებას საკუთარი თეატრი არ გააჩნდა. როგორც ყველასათვის ცნობილია აფხაზეთის განათლებისა და კულტურის სამინისტროს სსიპ-ებს წარმოადგენს ჯერ კიდევ სოხუმში დაარსებული აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთი", გურამ ყურაშვილის სახელობის აფხაზეთის სახელმწიფო საგუნდო კაპელა, რომელიც ერთ-ერთი საუკეთესოა ევროპაში, ასევე სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი და სოხუმის მოზარდ-მაყურებელთა პროფესიული სახელმწიფო თეატრი „თეთრი ტალღა", რომელთა უნიჭიერესი მსახიობებით დაკომპლექტებულ დასებს წლების განმავლობაში სხვადასხვა თეატრების სცენებზე უწევდათ მოღვაწეობა. ვამაყობ, რომ შევძელით და ეს ნატვრა ავუსრულეთ ჩვენს დევნილ მოსახლეობას.

სულ მალე, რამდენიმე კვირაში დასრულდება ამ დარბაზის განახლების პროცესი და ყველა ჩვენ კოლექტივს საშუალება მიეცემა მაღალი ხელოვნება საკუთარი სცენიდან წარმოაჩინოს. უზომოდ მიხარია, რომ ჩვენი დევნილი მოსახლეობა კიდევ ერთ კერას შეიძენს, სადაც მათ სხვადასხვა ღონისძიების გამართვის შესაძლებლობა ექნებათ და დარწმუნებული ვარ მათ ანშლაგი და ოვაცია არ მოაკლდებათ", - განაცხადა ვახტანგ ყოლბაიამ.

აფხაზეთის თეატრის დარბაზის სარემონტო სამუშაოები აფხაზეთის ავტონომიური რესპუბლიკის განათლებისა და კულტურის სამინისტროს მიერ აფხაზეთის ავტონომიური რესპუბლიკის მთავრობის მიერ დამტკიცებული კომისიისა და მონიტორინგის კომისიის მეთვალყურეობით ხორციელდება.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით თბილისში, სარაჯიშვილის №108-ში მდებარე დევნილთა კომპაქტურ ჩასახლებაში აფხაზეთიდან და სამაჩაბლოდან იძულებით გადაადგილებულ პირებს სამედიცინო-პროფილაქტიკური გამოკვლევები ჩაუტარდათ.

გამოკვლევები ზაურ ხუბუტიას სახელობის დევნილთა საოჯახო მედიცინის ცენტრ „დიოსკურია"-ში გაიმართა. სამედიცინო აქციაში თანამედროვე აპარატურით აღჭურვილი სხვადასხვა პროფილის ექიმების ჯგუფი მონაწილეობდა, რომლის შემადგენლობაში ოჯახის ექიმი, პედიატრი, კარდიოლოგი, ნევროლოგი, ენდოკრინოლოგი, ქირურგი, უროლოგი, ოფთალმოლოგი, ოტორინოლარინგოლოგი და დერმატოლოგი შედიოდნენ.

პაციენტებს, საჭიროების შესაბამისად, ულტრასონოსკოპიური გამოკვლევა (მუცლის ღრუს, ფარისებრი ჯირკვლის), ელექტროკარდიოგრაფია და ლაბორატორიული კვლევა (შაქრის განსაზღვრა სისხლში) ჩაუტარდათ. ასევე, ექიმის დანიშნულების შესაბამისად მედიკამენტები გადაეცათ.

გამოკვლევების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილე თენგიზ კვირტია ესწრებოდა.

საქართველოს ფერმერთა ასოციაციის ინიციატივით ქალაქ ზუგდიდში, დადიანების სასახლეში „ფერმერის დღე" აღინიშნა. ღონისძიების მიზანი საქართველოში ფერმერთა საქმიანობის პოპულარიზაცია იყო. ღონისძიებაში მონაწილეობა მიიღეს ფერმერებმა ქვეყნის სხვადასხვა რეგიონიდან.

„ფერმერის დღე"-ზე ასევე, მეფუტკრეობის პროდუქციის ფართო ასორტიმენტით  წარმოდგენილი იყო დევნილ მეფუტკრეთა მიერ ჩამოყალიბებული კოოპერატივი „კოდორი 20015". რომელთა სტენდმაც სტუმართა დიდი ინტერესი გამოიწვია. ისაუბრეს კოოპერატივის სამომავლო გეგმებზე და ამ სექტორში დევნილთა უფრო ინტენსიური ჩართულობის პერსპექტივებზე. გარემოს დაცვისა და სოფლის მეურნეობის მინისტრმა ლევან დავითაშვილმა ფერმერებს გაწეული სამუშაოსთვის მადლობა გადაუხადა.

„ფერმერთა დღეს" აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია ესწრებოდა.

აფხაზეთის ავტონომიური რესპუბლიკის განათლებისა და კულტურის სამინისტრომ, სპორტისა და ახალგაზრდულ საქმეთა სამსახურის ორგანიზებითა და  აფხაზეთის რაგბის ფედერაციისა და გალის რესურსცენტრის  მხარდაჭერით (ქ. თბილისი, მუხიანის დასახლება, „ხვამლი-არენაზე“)  რაგბის ფესტივალი ჩაატარა.

ფესტივალში მონაწილეობდნენ საქართველოს სხვადასხვა რეგიონის მორაგბეთა შემდეგი გუნდები:  აფხაზეთი, ზუგდიდი, ხვამლი, ხვამლი 2, წიქარა - თბილისი, ავჭალა (თბილისი), თბილისის აკადემია - 1, თბილისის აკადემია - 2, ჩოხოსნები (თბილისი), რაგბის კლუბი „არმია“, სულ  200-ზე  მეტი მოზარდი.

ფესტივალს ესწრებოდა საქართველოს რაგბის ნაკრების კაპიტანი შალვა სოფიაშვილი, აფხაზეთის რაგბის ფედერაციის პრეზიდენტი სანდრო ესაკია, აფხაზეთის ა/რ განათლებისა და კულტურის სპორტისა და ახლაგაზრდულ საქმეთა სამსახურის  უფროსი ვიტალი ბენდელიანი, გალის რესურსცენტრის უფროსი ნონა შონია და სხვ.

ფესტივალის მიზანია რაგბის პოპულარიზაცია და ცხოვრების ჯანსაღი წესის დანერგვა აფხაზეთიდან დევნილ მოსახლეობაში.

აფხაზეთის ავტონომიური რესპუბლიკის განათლებისა და კულტურის სამინისტრომ, ვალერი არქანიას სახელობის არტ-გალერეაში აფხაზეთის საჯარო და საშუალო სკოლების ღვაწლმოსილი პედაგოგებისა და წარმატებული ახალგაზრდების (სტუდენტებისა და მოსწავლეების დაჯილდოების ცერემონიალი გამართა.

ღვაწლმოსილ პედაგოგებს თავდადებული საქმიანობისთვის, ხოლო წარმატებულ ახალგაზრდებს ნიჭიერებისა და შრომისმოყვარეობისათვის მადლობა გადაუხადეს, აღიარება მიულოცეს და საჩუქრები გადასცეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა მანანა ქვაჩახიამ.

აფხაზეთის ა/რ განათლების სისტემაში ხანგძლივი და ნაყოფიერი მოღვაწეობისთვის მადლობის სიგელებითა და ფასიანი საჩუქრებით დაჯილდოვდნენ: ციალა რუსია, სოხუმის შოთა რუსთაველის სახელობის №1 საშუალო სკოლის ინგლისური ენის პედაგოგი; ციური კბილაშვილი, ზემო აფხაზეთი, აჟარის საშუალო სკოლის მატემატიკის პედაგოგი; ჯულიეტა ჯიქია, ქ. გაგრის შოთა რუსთაველის სახელობის №1საშუალო სკოლის ქართული ენისა და ლიტერატურის პედაგოგი; . ნატრული ჩაგანავა-კვეშელავა, ქ. გალის №1 საშუალო სკოლის დაწყებითი კლასების პედაგოგი; ლოლა ხორგუანი, ქ. გალის №1 საშუალო სკოლის ინგლისური ენის პედაგოგი; მედიკო კვარაცხელია, ქ. სოხუმის №16 საშუალო სკოლის დირექტორი; ლეილა ფარცვანია, ქ. სოხუმის №1 საშუალო სკოლის ინგლისური ენის პედაგოგი; მანანა დოლიძე, ქ. სოხუმი, ამჟამად ქ. თბილისის №51 საჯარო სკოლის მათემატიკის მასწავლებელი.

აფხაზეთის ა/რ განათლებისა და კულტურის სამინისტროს მიერ ჩატარებული გამოკითხვა-კონკურსის შედეგად, აფხაზეთის საჯარო სკოლების საუკეთესო პედაგოგის წოდება მიენიჭათ: აფხაზეთის ა/რ მე-11 საჯარო სკოლის დაწყებითი კლასების პედაგოგს ირა გელანტიას, აფხაზეთის ა/რ მე-7 საჯარო სკოლის სამოქალაქო განათლების პედაგოგს ნინო ფარულავასს და აფხაზეთის ავტონომიური რესპუბლიკის მე-5 საჯარო სკოლის გეოგრაფიისა და სამოქალაქო განათლების პედაგოგს თეა კუხიანიძეს.

გარდა ამისა, ფხაზეთის ავტონომიური რესპუბლიკის მთავრობის ინიციატივით დაწესებული ილია ვეკუასა და ჟიული შარტავას სახელობის სტიპენდიები გადაეცათ საქართველოს სხვადასხვა უმაღლესი სასწავლებლების წარმატებულ სტუდენტებს. კერძოდ, ილია ვეკუას სახელობის სტიპენდია - სოხუმის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის გეოგრაფიის საბაკალავრო პროგრამის სტუდენტს ნინო ყრუაშვილს; ჟიული შარტავას სახელობის სტიპენდია კი ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის სამაგისტრო პროგრამის „განათლების მეცნიერებები“ სტუდენტს გიორგი დუნდუასა და კავკასიის უნივერსიტეტის ეკონომიკის სკოლის საბაკალავრო პროგრამის სტუდენტს დავით ესართიას.

დასასრულ, საქართველოს განათლების, მეცნიერების, კულტურისა და სპორტის სამინისტროს პროგრამის „ჩემი პირველი კომპიუტერი“ ფარგლებში აფხაზეთის საჯარო და საშუალო სკოლების 7-8-9 კლასების წარჩინებულ მოსწავლეებს ნოუთბუქები გადაეცათ.
ღვაწლმოსილი პადაგოგებისა და წარმატებული ახალგაზრდების დაჯილდოების ცერემონიალს ესწრებოდნენ აფხაზეთის ა/რ საჯარო სკოლების დირექტორები, მასწავლებლები, მოსწავლეები და მათი მშობლები.

ვალერი არქანიას სახელობის არტ-გალერეაში აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით სოხუმის კონსტანტინე გამსახურდიას სახელობის სახელმწიფო დრამატული თეატრის მსახიობ კახაბერ შარაბიძის 55 წლის იუბილისადმი მიძღვნილ საღამო გაიმართა.

სოხუმის თეატრის დირექტორსა და მსახიობს კახაბერ შარაბიძეს წელს სცენაზე მოღვაწეობის 35 და დაბადებიდან 55 შეუსრულდა. იგი 1983 წლიდან დღემდე ერთგულად ემსახურება სოხუმის კონსტანტინე გამსახურდიას სახელობის სახელმწიფო დრამატულ თეატრს, რომლის სცენაზეც არაერთი დასამახსოვრებელი როლი ითამაშა. მათ შორის განსაკუთრებით აღსანიშნავია მისი როლები სპექტაკლებში: „ერთი ცის ქვეშ,“ „მე, ბებია, ილიკო და ილარიონი“ და „მუნჯის ენა“. ამჟამად კი იგი მთავარ როლს ასრულებს სპექტაკლში „იესოს საქმე“.

სპეციალურად საიუბილეო საღამოსთვის შეიქმნა ვიდეო-კოლაჟი, სადაც მისი ცხოვრებისა და მოღვაწეობის ამსახველი ფოტო და ვიდეო მასალა არის თავმოყრილი.

საღამოზე მისმა მეგობრებმა ხელოვანის მოღვაწეობა და მის მიერ განვლილი შემოქმედებითი გზა გაიხსენეს.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ თეატრში მოღვაწეობის 35 წლისა და დაბადებიდან 55 წლის იუბილესთან დაკავშირებით სოხუმის კონსტანტინე გამსახურდიას სახელობის სახელმწიფო დრამატული თეატრის მსახიობ კახაბერ შარაბიძეს, აფხაზეთის ავტონომიური რესპუბლიკის მადლობის სიგელი გადასცა. ასევე, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავამ კულტურის სფეროში ხანგრძლივი, ნაყოფიერი მოღვაწეობის, თეატრალური ხელოვნების განვითარებაში შეტანილი პირადი წვლილის, მაღალი მოქალაქეობრივი პოზიციისა და საზოგადოებრივი აქტიურობისთვის კახაბერ შარაბიძეს აფხაზეთის უმაღლესი საბჭოს საპატიო სიგელი გადასცა.

ღონისძიებას აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, მსახიობის ახლობლები, მეგობრები და დევნილი საზოგადოება ესწრებოდა.

ვალერი არქანიას სახელობის არტ-გალერეაში აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით ღვაწლმოსილი მასწავლებლების, წარმატებული სტუდენტებისა და წარჩინებული მოსწავლეების დაჯილდოება გაიმართა.

წარმატებული მასწავლებლები და მოსწავლეები აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა მანანა ქვაჩახიამ დააჯილდოვეს.

აფხაზეთის ავტონომიური რესპუბლიკის პროგრამის ფარგლებში, წლის მასწავლებლის წოდება მიენიჭათ: აფხაზეთის ავტონომიური რესპუბლიკის მე-11 საჯარო სკოლის დაწყებითი კლასების პედაგოგ ირა გელანტიას, აფხაზეთის ავტონომიური რესპუბლიკის მე-5 საჯარო სკოლის გეოგრაფიისა და სამოქალაქო განათლების პედაგოგ თეა კუხიანიძესა და აფხაზეთის ავტონომიური რესპუბლიკის მე-7 საჯარო სკოლის სამოქალაქო განათლების პედაგოგ ნინო ფარულავას.

ასევე განათლების სფეროში გაწეული ღვაწლისათვის აჟარის საშუალო სკოლა, მათემატიკის მასწავლებელი ციური კბილაშვილი, სოხუმის შოთა რუსთაველის სახელობის №1 საშუალო სკოლის ინგლისურის მასწავლებელი ციალა რუსია, გაგრის შოთა რუსთაველის სახელობის №1 საშუალო სკოლის მასწავლებელი ჯულიეტა ჯიქია, გალის №1 საშუალო სკოლის დაწყებითი კლასების მასწავლებელი ნატრული ჩაგანავა-კვეშელავა, გალის №1 საშუალო სკოლა, ინგლისური ენის მასწავლებელი ლოლა ხორგუანი, მედიკო კვარაცხელია, სოხუმის №1 საშუალო სკოლის ინგლისური ენის მასწავლებელი ლეილა ფარცვანია და თბილისის №51 საჯარო სკოლის მათემატიკის მასწავლებელი მანანა დოლიძე დაჯილდოვდნენ. 

საქართველოს სხვადასხვა უმაღლესი სასწავლებლების წარმატებულ სტუდენტებს აფხაზეთის ავტონომიური რესპუბლიკის მთავრობის ინიციატივით დაწესებული ილია ვეკუასა და ჟიული შარტავას სახელობის სტიპენდიები გადაეცათ. ილია ვეკუას სახელობის სტიპენდიით დაჯილდოვდა - სოხუმის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის გეოგრაფიის საბაკალავრო პროგრამის სტუდენტი  ნინო ყრუაშვილი, ხოლო ჟიული შარტავას სახელობის სტიპენდია - ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტის სამაგისტრო პროგრამის „განათლების მეცნიერებები“ სტუდენტ  გიორგი დუნდუასა და კავკასიის უნივერსიტეტის ეკონომიკის სკოლის საბაკალავრო პროგრამის სტუდენტ დავით ესართიას გადაეცათ.

საქართველოს განათლების, მეცნიერების, კულტურისა და სპორტის სამინისტროს პროგრამის „ჩემი პირველი კომპიუტერი“ ფარგლებში აფხაზეთის საჯარო სკოლების 7, 8 და 9 კლასების 12 წარჩინებულ მოსწავლეს ნოუთბუქები  გადაეცათ.

ღონისძიებას აფხაზეთის ავტონომიური რესპუბლიკის საჯარო სკოლების დირექტორები, მასწავლებლები და მოსწავლეები ესწრებოდნენ.

    მ.წ. 18 ნოემბერს, ზუგდიდში, დადიანების სასახლეში, საქართველოს ფერმერთა ასოციაციის ინიციატივით „ფერმერის დღე“ აღინიშნა, რომლის მიზანი ფერმერთა საქმიანობის პოპულარიზაცია იყო. 
ღონისძიებაში მონაწილეობა მიიღეს ფერმერებმა ქვეყნის სხვადასხვა რეგიონიდან. „ფერმერთა დღის“ დღის სტუმრები იყვნენ საჯარო სექტორის წარმომადგენლები, მათ შორის, საქართველოს ვიცე-პრემიერი ,შინაგან საქმეთა მინისტრი- გ. გახარია, გარემოს დაცვისა და სოფლის მეურნეობის მინისტრი- ლევან დავითაშვილი, ეკონომიკისა და მდგრადი განვითარების მინისტრი- გ.ქობულია, რეგიონული განვითარებისა და ინფრასტრუქტურის მინისტრი მ. ცქიტიშვილი. ასევე, საერთაშორისო ორგანიზაციებისა და დიპლომატიური მისიის ხელმძღვანელები.
როგორც ყოველთვის, ხალხმრავლობა იყო დევნილ მეფუტკრეთა მიერ ჩამოყალობებულ კოოპერატივ „კოდორი 20015“-ის სტენდთან. სტუმართა ინტერესი გამოიწვია მეფუტკრეობის პროდუქციის ფართო ასორტიმენტმა, იყო ბევრი შეკითხვები კოოპერატივის შემდგომ გეგმებზე, დევნილთა ამ სექტორში უფრი ინტენსიურ ჩართულობის პერსპექტივებზე და ა.შ. 
გარემოს დაცვისა და სოფლის მეურნეობის მინისტრმა ლევან დავითაშვილმა ფერმერებს გაწეული სამუშაოსთვის, ხოლო ფერმერთა ასოციაციას ფერმერთა დღის აღნიშვნისთვის მადლობა გადაუხადა. „დღეს არის ძალიან მნიშვნელოვანი დღე, რომელიც აღინიშნება სამეგრელოში, ზუგდიდში. ეს არის 2015 წლიდან დაწყებული ძალიან კარგი ტრადიცია, რომელიც ფერმერებს აძლევს სტიმულს იმისთვის, რომ მათი სამუშაო, მათი წარმატებები დაფასდეს და ამავე დროს ერთმანეთს გავუზიაროთ წარმატების მაგალითები.“-განაცხადა მან.

აფხაზეთის ავტონომიური რესპუბლიკის განათლებისა და კულტურის სამინისტროში მორიგი ორთვიანი სტაჟირების შედეგი შეჯამდა. უკვე წლებია, რაც აფხაზეთის ავტონომიური რესპუბლიკის განათლებისა და კულტურის სამინისტრო წარმატებით ახორციელებს სტაჟირების სახელმწიფო პროგრამას, რომლის მიზანია სამინისტრომ თუნდაც მცირედი წვლილი შეიტანოს ქვეყნის მასშტაბით მაღალკვალიფიციური კადრების მომზადებაში, მათი პროფესიული დონის ამაღლებაში, პრაქტიკული უნარ-ჩვევების გამომუშავებასა და სრულყოფაში. ამჟამად ორთვიანი სტაჟირება სამინისტროს საზოგადოებასთან ურთიერთობის სამმართველოში გაიარა თეონა გიგიბერიამ, სოხუმის სახელმწიფო უნივერსიტეტის უცხო ენათა ფაკულტეტის სტუდენტმა.

თეონა გიგიბერიას სტაჟირების სერთიფიკატი გადასცა აფხაზეთის ა/რ განათლებისა და კულტურის მინისტრმა მანანა ქვაჩახიამ. მინისტრმა სტაჟიორის საქმიანობა დადებითად შეაფასა, მადლობა გადაუხადა მას სამინისტროს საქმიანიობაში აქტიური მინაწილეობისათვის და წარმატებები უსურვა.

აფხაზეთის ავტონომიური რესპუბლიკის მთავრობაში აფხაზეთიდან დევნილ პარამოფარიკავე ირმა ხეცურიანთან შეხვედრა გაიმართა. აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ მას 2018 წლის პარამოფარიკავეთა მსოფლიო ჩემპიონატზე მიღწეული უდიდესი წარმატება მიულოცა და აფხაზეთის ავტონომიური რესპუბლიკის მადლობის სიგელი და სამახსოვრო საჩუქარი გადასცა. ასევე, პარამოფარიკავეთა საერთაშორისო უმაღლესი დონის ტურნირებში მიღწეული მაღალი შედეგებისათვის აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავამ ირმა ხეცურიანი აფხაზეთის ავტონომიური რესპუბლიკის უმაღლესი საბჭოს საპატიო სიგელით დააჯილდოვა.

შეხვედრას აფხაზეთის ავტონომიური რესპუბლიკის მთავრობის წევრები ესწრებოდნენ.

პარამოფარიკავე ირმა ხეცურიანი აფხაზეთში, სოხუმში დაიბადა. 7 წლის ასაკში მას სახლის დატოვება მოუწია და საკუთარ ქვეყანაში დევნილად იქცა. სპორტულ კარიერაში მან მრავალ წარმატებას მიაღწია. 2018 წელს ირმა ხეცურიანი პარამოფარიკავეთა მსოფლიო ჩემპიონატის ოქროს მედლის მფლობელი გახდა. 2017 წელს ის ეტლით ფარიკაობაში გამართული მსოფლიო ჩემპიონატის გამარჯვებული გახდა. ასევე, ის, არის ევროპის ჩემპიონატებისა და მსოფლიო თასის გათამაშების არაერთგზის მონაწილე და მრავალი სხვადასხვა სინჯის მედლის მფლობელი. 2015, 2016, 2017 წლებში იყო რეიტინგის პირველი ნომერი ხმლით მოფარიკავეთა შორის ფარი B კატეგორიაში (სპინალური დაზიანება). 2017 წელს მან საუკეთესო ეტლით მოფარიკავე ქალის ტიტული მიიღო.

აფხაზეთის იუსტიციის დეპარტამენტის სამართლებრივი უზრუნველყოფის სამმართველოს სამართალშემოქმედების განყოფილების მესამე რანგის პირველი კატეგორიის უფროსი სპეციალისტის ვაკანტური თანამდებობის დასაკავებლად    სსიპ საჯარო  სამსახურის ბიუროს ადმინისტრირებულ ვებ–გვერდზე გამოცხადებული დახურული კონკურსის მეორე ეტაპი ჩატარდა.

ათი სამუშაო დღის ვადაში, კონკურსში მონაწილეობისათვის განაცხადი წარმოადგინა ათმა კანდიდატმა, რომელთაგან საკვალიფიკაციო მოთხოვნების შესაბამისად კონკურსის მეორე ეტაპზე–(ტესტირება) გადასვლის უფლება მოიპოვა 1 (ერთი) კანდიდატმა.