ნდობის აღდგენისა და შერიგების საკითხებში აფხაზეთის ა/რ მინისტრის აპარატის პარტნიორობითა და აქტიური თანამშრომლობით არასამთავრობო ორგანიზაციამ საქართველოს „SOS ბავშვთა სოფელმა“ ზუგდიდის მუნიციპალიტეტის სოფელ ინგირის №2 საჯარო სკოლაში პროექტ  „ჯანსაღი ცხოვრების წესის პოპულარიზაციის“ ფარგლებში სტადიონი გახსნა.
პროექტის მთავარი მიზანი დევნილთა ჩასახლებაში სპორტულ-გამაჯანსაღებელი ინფრასტრუქტურის მოწყობა და ინვენტარით აღჭურვა იყო. ეს მეტად მნიშვნელოვანი და აუცილებელია იქ მცხოვრები დევნილებისთვის, ბავშვების მიერ ჯანსაღი ცხოვრების წესის დაცვისა და განმტკიცების ხელის შეწყობის კუთხით.
სტადიონის გახსნას აფხაზეთის ა/რ მთავრობის თავმჯდომარის მოვალეობის შემსრულებელი ვახტანგ ყოლბაია, ა/რ მთავრობის წევრები, ზუგდიდის მერის მოადგილე მაიზერ ნანავა და ადგილობრივი ხელისუფლების წარმომადგენლები დაესწრნენ. ღონისძიებაზე ჯანსაღი ცხოვრების წესსა და ბავშვის ფიზიკური და ფსიქო-ემოციური განვითარებისთვის მის როლზე ისაუბრეს.
პროექტი ავსტრიის სპორტის სამინისტროს, ავსტრიის „SOS ბავშვთა სოფლის“, ზუგდიდის მუნიციპალიტეტის მერიისა და აფხაზეთის ავტონომიური რესპულიკის მთავრობის მხარდაჭერით განხორციელდა.

2018 წლის 30 მაისს ზუგდიდის მუნიციპალიტეტის სოფელ ინგირში  დევნილთა ჩასახლებაში (ყოფილი სკოლა-ინტერნატის შენობის მიმდებარე ტერიტორია) ავსტრიის სპორტის სამინისტროს,ავსტრიის ეს-ო-ეს ბავშვთა სოფელის, აფხაზეთის ავტონომიური რესპუბლიკის მთავრობის და ზუგდიდის მუნი-ციპალიტეტის მერიის  მხარდაჭერით  გაიხსნა საფეხბურთო მოედანი და ბავშვთა ატრაქციონი.

მოწვეულ სტუმრებს შორის იყვნენ აფხაზეთის ა/რ  მთავრობის წარმომადგენლები, ზუგდიდის მუნიციპალიტეტის  მერიის,სახელმწიფო რწმუნებულის-გუბერნიის აპარატის თანამშრომლები.

შეკრებილ საზოგადოებას სიტყვით მიმართა აფხაზეთის ა/რ თავმჯდომარის მოვალეობის შემსრულებელმა ვახტანგ ყოლბაიამ, მადლობა გადაუხადა ყველას ვინც მონაწილეობა მიიღო ამ პროექტის განხორციელებაში და ღონისძიების ჩატარებაში. ხაზი გაუსვა რაოდენ მნიშვნელოვანია ჯანსაღი ცხოვრების წესის დაცვა ბავშვის ფიზიკური და ფსიქო-ემოციური განვითარებისათვის.შესაბამისად, ბავშვების სპორ-ტულ აქტივობებში ჩართვა ხელს უწყობს მათი თვითშეფასების ამაღლებას, აკადემიური მოსწრების გაუმჯობესებას,შფოთვის დაძლევას, თვითგამოხატვისა და სხვა სოციალური უნარების განვითარებას.

  შედგა   საფეხბურთო მატჩი აფხაზეთის №1 საჯარო სკოლისა და სოფ. ინგირის მე- 2 საჯარო სკოლის  მოსწავლეებს შორის. მატჩი დამთავრდა აფხაზეთის №1  საჯარო სკოლის საფეხბურთო გუნდის გამარჯვებით.მათ თასი გადასცა აფხაზეთის ა/რ თავმჯდომარის მოვალეობის შემსრულებელმა ვახტანგ ყოლბაიამ.

თამაშის შემდეგ ჩატარდა მხიარული სტარტები. სპორტული ჟინი გადაედო ყველას, დიდსა და პატარას.

2018 წლის 30 მაისს  აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარის მოვალეობის შემსრულებელ დავით მიქავასთან   გაიმართა თათბირი. დღის წესრიგის გარშემო მოხსენებით გამოვიდა  დეპარტამენტის თავმჯდომარის მოადგილე  გიორგი ბულისკერია.  თათბირს ესწრებოდნენ აპარატის უფროსი თამაზ ხასაია,  წარმომადგენლობების მართვის, კოორდინაციისა და მონიტორინგის სამმართველოს უფროსის მოადგილე პაატა ძანძავა,  უფროსი სპეციალისტი  ვარლამ ნარსია,  აღმოსავლეთ საქართველოში აფხაზეთის ა.რ. მთავრობის წარმომადგენლობის ხელმძღვანელის მოადგილე გრიგოლ ბენიძე, წვევამდელთა აღრიცხვის, გაწვევისა და მობილიზაციის სამსახურის უფროსი  ვალერიან კვინიკაძე.

თათბირზე განიხილეს მთავრობის წარმომადგენლობის წვევამდელთა აღრიცხვის, გაწვევისა და მობილიზაციის სამსახურის საქმიანობასთან დაკავშირებული სხვადასხვა  საკითხები და დასახეს პრობლემების გადაჭრის მიზნით გასატარებელი ღონისძიებები.

აფხაზეთის ავტონომიური რესპუბლიკის იუსტიციის დეპარტამენტის ხელმძღვანელმა იგორ კოპალიანმა, „კვირას“ პრესკლუბში, სირიის მიერ საქართველოს ოკუპირებული ტერიტორიების აღიარების ფაქტზე, აფხაზეთის ლეგიტიმური მთავრობის პოზიცია გაახმოვანა.
“ნიშანდობლივია, რომ მოსკოვში მდებარე სირიის არაბული რესპუბლიკის საელჩოდან გავრცელდა ე.წ. კომუნიკე, რომელშიც საუბარია ასადის რეჟიმსა და საქართველოს ოკუპირებულ ტერიტორიებზე დიპლომატიური ურთიერთობების ამოქმედებაზე. მოგეხსენებათ, ასადის რეჟიმი არ გახლავთ ავტორიტეტი მსოფლიო თანამეგობრობისთვის, პრაქტიკულად ამ განცხადებით რეჟიმმა მოახდინა სხვა რეჟიმის აღიარება. ოკუპირებული ტერიტორიების არაღიარება საერთაშორისო თანამეგობრობის ურყევი ნებაა და ამიტომ ასადის ქმედებას გაგრძელება არ მოჰყვება. რუსეთის მხრიდან განხორციელებული ეს გამოწვევა არ იქონიებს უკუშედეგებს.
აფხაზეთის ლეგიტიმური მთავრობის ხელმძღვანელმა უკვე გაავრცელა საპროტესტო ნოტა ამასთან დაკავშირებით, რასაკვირველია, პოზიცია გაიზიარეს ქვეყნის პრეზიდენტმა, პრემიერ-მინისტრმა და პარლამენტის თავმჯდომარემ. საქართველოს საგარეო საქმეთა სამინისტრომ  უკვე დაიწყო დოკუმენტზე მუშაობა, რომლის მიხედვითაც იგი წყვეტს სირიასთან დიპლომატიურ ურთიერთობებს.
რაც შეეხება ინფორმაციას, რომ თითქოს სომხეთმა აღიარა ოკუპირებულ ტერიტორიებზე არსებული პასპორტები, სიმართლეს არ შეესაბამება. ჩვენ, ჩვენის მხრივ, შემოღებული გვაქვს ნეიტრალური პირადობის მოწმობები, რომლებითაც ოკუპირებულ ტერიტორიაზე მცხოვრები მოქალაქეები სარგებლობენ, ამ მოწმობებს აღიარებს რამდენიმე ქვეყანა, მათ შორის, ევროკავშირიც და შესაძლოა, სწორედ ამ მოწმობების აღიარებაზე იყო საუბარი”, – განაცხადა კოპალიანმა.

სირიის ძალადობრივი რეჟიმის მხრიდან, რომელიც ძალადობრივ ქმედებებს ახორციელებს საკუთარი მშვიდობიანი მოსახლეობის წინააღმდეგ, აფხაზეთისა და ცხინვალის რეგიონების, საქართველოს ამ ძირძველი კუთხეების ე.წ. დამოუკიდებლობის აღიარება არანაირ საფრთხეს არ წარმოშობს საერთაშორისო არაღიარების პროცესისთვის.

სირიის რეჟიმის მიერ მიღებული აღნიშნული გადაწყვეტილება შეიძლება შევაფასოთ, როგორც სირიის  მიერ რუსეთიდან  პოლიტიკური, სამხედრო, ეკონომიკური, ფინანსური და სხვა სარგებლის მიღების მიზნით განხორციელებული ქმედება. სამწუხაროა, რომ საოკუპაციო რეჟიმები ამ ფაქტით ოკუპირებულ ტერიტორიაზე მცხოვრებ მოსახლეობაში ილუზიების შექმნას ცდილობენ.

ეს არის რუსეთის მიერ მანიპულირებადი რეჟიმის კიდევ ერთი მცდელობა საერთაშორისო სამართლის ნორმების უხეში დარღვევისა, რასაც ადეკვატური ქმედებები მოყვება საქართველოს სახელმწიფოსა და საერთაშორისო საზოგადოების მხრიდან, მაგრამ არც დღეს, არც ხვალ და არც მომავალში ამ  ე.წ. აღიარებას არანაირი მომავალი არა აქვს" - განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობის, აფხაზეთის რეგიონული ოლიმპიური ორგანიზაციის მხარდაჭერითა და აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდულ საქმეთა სამსახურის ორგანიზებით გლდანის სპორტულ კომპლექსში  სპორტულ-კულტურული ღონისძიება „მეგობრობა გზად და ხიდად" გაიმართა.

ღონისძიება მიეძღვნა საქართველოს დამოუკიდებლობის აღდგენის 100 წლისთავს და მასში აფხაზეთიდან და სამაჩაბლოდან დევნილმა  ახალგაზრდებმა  მიიღეს მონაწილეობა.

სპორტული ასპარეზობები ჩატარდა ბავშვებსა და ვეტერანებს შორის მინი-ფეხბურთში, კალათბურთში, ბაგირის გადაძალვაში. ჩატარდა ასევე ინტელექტუალური თამაში „სპორტული ვიქტორინა". გამარჯვებული გუნდები თასებით, მედლებით და ფასიანი საჩუქრებით დაჯილდოვდნენ. ღონისძიების ფარგლებში გაიმართა  კონცერტი აფხაზეთისა და სამაჩაბლოს  სახელოვნებო ჯგუფების მონაწილეობით.

ქართული სპორტის განვითარებაში გაწეული განსაკუთრებული ღვაწლისათვის წარმატებული ვეტერანი სპორტსმენები - ვიქტორ სანეევი, კახი კახიაშვილი, ლერი ხაბელოვი, ლუკა კურტანიძე, ვლადიმერ გუცაევი, ვლადიმერ ბარქაია აფხაზეთის უმაღლესი საბჭოს საპატიო სიგელებით და ფასიანი საჩუქრებით დაჯილდოვდნენ.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, სამხრეთ ოსეთის დროებითი ადმინისტრაციის ხელმძღვანელი დიმიტრი სანაკოევი, აფხაზეთის მთავრობის წევრები და უმაღლესი საბჭოს დეპუტატები ესწრებოდნენ.

პროექტის მიზანია ხელი შეუწყოს აფხაზეთისა და სამხრეთ ოსეთის ახალგაზრდების დამეგობრებას, სხვადასხვა ერთობლივ სპორტულ-კულტურულ პროექტში მათ ჩართვას, დევნილ ახალგაზრდებში სპორტისადმი ინტერესის გაღვივებას.

26 მაისი, საქართველოს დამოუკიდებლობის აღდგენიდან 100 წლის იუბილე ზუგდიდში განსაკუთრებულად და მასშტაბურად აღინიშნა. სხვადასხვა ორგანიზაციებთან ერთად ჩართული იყო აფხაზეთის ავტონომიური რესპუბლიკის მთავრობის წარმომადგენლობა  აფხაზეთიდან დევნილ მოსახლეობასთან ერთად, წარმომადგენლობის მხარდაჭერით აფხაზეთიდან დევნილ  ნუგზარ შოგირაძეს გამოეყო ცალკე პავილიონი, სადაც მან გამოფინა თავისი ნამუშევრები (ხალხური საკრავები ,,ფანდური, ჩონგური და ბასფანდური“ ასევე სხვადასხვა სახის ხის ნაკეთობები). აფხაზეთის ავტონომიური რესპუბლიკის მთავრობის წარმომადგენლობის თანამშრომლებმა ადგილობრივ ხელისუფლების წარმომადგენლებთან ერთად ზვიად გასახურდიას გამზირზე განლაგებული სივრცეები დაათვალიერეს და ღონისძიების მონაწილეებს 26 მაისი მიულოცეს

აფხაზეთის ავტონომიური რესპუბლიკის განათლებისა და კულტურის სამინისტრომ, აფხაზეთის ა/რ მთავრობისა და აფხაზეთის რეგიონული ოლიმპიური ორგანიზაციის მხარდაჭერით, აფხაზეთისა და სამაჩაბლოს ახალგაზრდები მონაწილეობით, სპორტულ-კულტურული ღონისძიება „მეგობრობა გზად და ხიდად“ გამართა. ღონისძიების ინიციატორი და ორგანიზატორი იყო აფხაზეთის ა/რ განათლებისა და კულტურის სამინისტროს სპორტისა და ახალგაზრდულ საქმეთა სამსახური.

ღონისძიება საქართველოს დამოუკიდებლობის აღდგენის მე-100 წლისთავს და საქართველოს ძირძველი კუთხეების აფხაზეთისა და სამაჩაბლოს ახალგაზრდების მეგობრობას მიეძღვნა.

ღონისძიება სპორტული და კულტურული ნაწილებისაგან შედგებოდა. სპორტული ასპარეზობები ჩატარდა ბავშვებსა და ვეტერანებს შორის, მინი-ფეხბურთში, კალათბურთში, ბაგირის გადაძალვაში. ასევე ჩატარდა ინტელექტუალური თამაში „სპორტული ვიქტორინა“. 
სპორტულ ასპარეზობებში მონაწილე აფხაზეთისა და სამაჩაბლოს გუნდები, ვეტერანი სპორტსმენები თასებით, მედლებით, ფასიანი საჩუქრებით დაჯილდოვდნენ. ღონისძიებაში მონაწილე ყველა მხატვრულ კოლექტივს გადაეცა ფასიანი საჩუქარი.

ასევე ქართული სპორტის განვითარებაში გაწეული განსაკუთრებული ღვაწლისათვის მოწვეული წარმატებული ვეტერანი სპორტსმენები - ვიქტორ სანეევი, კახი კახიაშვილი, ლერი ხაბელოვი, ლუკა კურტანიძე, ვლადიმერ გუცაევი, ვლადიმერ ბარქაია აფხაზეთის უმაღლესი საბჭოს საპატიო სიგელებით და ფასიანი საჩუქრებით დაჯილდოვდნენ.

ღონისძიებას ესრებოდნენ: აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ა/რ განათლებისა და კულტურის მინისტრი მანანა ქვაჩახია, მინისტრის პირველი მოადგილე როლანდ ნიჟარაძე, აფხაზეთის მთავრობის წევრები, სამხრეთ ოსეთის ადმინისტრაციის ხელმძღვანელი დიმიტრი სანაკოევი და სხვ.

აფხაზეთის კვირეულისა და საქართველოს დამოუკიდებლობის 100 წლის იუბილის ფარგლებში ქალაქ ქუთაისში აფხაზეთის ავტონომიური რესპუბლიკის მთავრობის თავმჯდომარესთან არსებულმა ეკონომიკურმა საბჭომ პირველი გასვლითი სხდომა გამართა და ინდოელ ინვესტორებს უმასპინძლა. აფხაზეთის სსიპ "ბიზნესინკუბატორში" ქართულ-ინდური ჩაის მწარმოებელი კომპანია "სინერჯი ცხრა"-ს გახსნის ცერემონია და სოფელ რიონის ჩაის პირველადი გადამამუშავებელი, რეაბილიტირებული ფაბრიკის პრეზენტაცია გაიმართა. ეკონომიკური საბჭოს სხდომაზე მოწვეულმა იმერეთის რეგიონში მოღვაწე დევნილმა ბიზნესმენებმა წარმოადგინეს თავიანთი პროექტები რომელიც მიზნად ისახავს ინდოელ პარტნიორებთან სხვადასხვა ბიზნესში ურთიერთობების გაღრმავებას და ერთობლივი პროექტების განხორციელებას. პროექტები გულისხმობს რეგიონში მცხოვრები დევნილი და ადგილობრივი მოსახლეობის დასაქამებას.

"მივესალმები ყველა იმ პროექტს, რომელიც მიზნად ისახავს დევნილი მოსახლეობის დასაქმებას. ჩვენი ეკონომიკური საბჭო გააგრძელებს მუშაობას რათა მომავალშიც ხელი შეუწყოს ყველა იმ კონტაქტს რომელიც მიმართულია ბიზნესის განვითარებისა და საერთაშორისო პარტნიორებთან ურთიერთობის გაღრმავებისათვის. მოხარული ვარ იმით, რომ დღეს ვიმყოფებით ქუთაისში და ადგილობრივ ხელისუფლებასთან ერთად ჩვენი წვლილი შეგვაქვს ბიზნესის განვითარების ხელშეწყობაში", - აღნიშნა ვახტანგ ყოლბაიამ.

ღონისძიებას  იმერეთში სახელმწიფო რწმუნებულის - გუბერნატორის მოადგილე იოსებ ხახალეიშვილი, სსიპ ბიზნესინკუბატორის ხელმძღვანელი ალუ გამახარია და აფხაზეთის მთავრობის წევრები ესწრებოდნენ.

აფხაზეთის ავტონომიური რესპუბლიკის განათლებისა და კულტურის სამინისტრო საქართველოს რესპუბლიკის დამოუკიდებლობის გამოცხადებიდან 100 წლისთავისადმი მიძღვნილ ღონისძიებებს აგრძელებს.  ამჯერად სამინისტროს სახელოვნებო განათლების განყოფილებისა და აფხაზეთის ავტონომიური რესპუბლიკის ახალგაზრდობის შემოქმედებითი კავშირის „ახალგაზრდობა, მშვიდობა და განვითარება“ ორგანიზებით,  საგურამოში, ილია ჭავჭავაძის სახლ-მუზეუმში გაიმართა  შემოქმედებითი საღამო, რომლის მხარდამჭერები იყვნენ ქ. თბილისის მერია და აფხაზეთის ა/რ მთავრობა.

ღონისძიებაზე გამოფენილი იყო  იუბილესადმი მიძღვნილი   ნახატები, ხელთნაკეთი ნივთები,  ნაქარგები და ა.შ. მოზარდებმა წაიკითხეს ლექსები, ჩანახატები, ესსები, წარმოადგინეს ლიტერატურული კომპოზიცია „ჩემი სამშობლო ჩემი გულია“.  გიორგი უშიკიშვილის  ფოლკლორული სკოლის მომღერლებმა კი ქართული, აფხაზური და ლაზური სიმღერები შეასრულეს.

დასასრულ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა მანანა ქვაჩახიამ ღონისძიების მონაწილეებს თბილისის საკრებულოსა და აფხაზეთის ა/რ განათლებისა და კულტურის სამინისტროს სპეციალური დიპლომები და საჩუქრები გადასცეს.

ღონისძიებას აფხაზეთის ა/რ უმაღლესი საბჭოს თავმჯდომარე ელგუჯა გვაზავა, აფხაზეთის ა/რ უმაღლესი საბჭოს თავმჯდომარის მოადგილე ჯემალ გამახარია, თბილისის მუნიციპალიტეტის საკრებულოს წევრი, დიდუბის რაიონის მაჟორიტარი დეპუტატი ვლადიმერ ძნელაძე, აფხაზეთის მთავრობის წევრები და უმაღლესი საბჭოს დეპუტატები, სტუდენტები, მოზარდები და საზოგადოების წარმომადგენლები ესწრებოდნენ.

აფხაზეთის განათლებისა და კულტურის სამინისტროს სახელოვნებო განათლების განყოფილებისა და აფხაზეთის ავტონომიური რესპუბლიკის ახალგაზრდობის შემოქმედებითი კავშირის „ახალგაზრდობა, მშვიდობა და განვითარება" ინიციატივით საგურამოში, ილია ჭავჭავაძის სახლ-მუზეუმში საქართველოს რესპუბლიკის დამოუკიდებლობის გამოცხადებიდან 100 წლისთავისადმი მიძღვნილი კულტურულ-საგანმანათლებლო შემოქმედებითი ღონისძიება „ჩემი სამშობლო ჩემი გულია" გაიმართა.

ღონისძიებაზე წარმოდგენილი იყო იუბილესადმი მიძღვნილი მხატვრული ნამუშევრების გამოფენა. თბილისის გ.უშიკიშვილის სახელობის ფოლკლორული სკოლის მომღერლებმა ქართული, აფხაზური და ლაზური სიმღერები შეასრულეს.

პროექტის გამარჯვებულები თბილისის საკრებულოს, აფხაზეთის ავტონომიური რესპუბლიკის მთავრობისა და აფხაზეთის განათლებისა და კულტურის სამინისტროს სპეციალური დიპლომებით დაჯილდოვდნენ. ნომინანტებს საჩუქრები  აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა მანანა ქვაჩახიამ გადასცეს.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე ჯემალ გამახარია, თბილისის მუნიციპალიტეტის საკრებულოს წევრი, დიდუბის რაიონის მაჟორიტარი დეპუტატი ვლადიმერ ძნელაძე, აფხაზეთის მთავრობის წევრები და უმაღლესი საბჭოს დეპუტატები, სტუდენტი ახალგაზრდობა, მოზარდები და ინტელიგენციის წარმომადგენლები ესწრებოდნენ.

პროექტი ქალაქ თბილისის მერიისა და აფხაზეთის ავტონომიური რესპუბლიკის მთავრობის მხარდაჭერით ჩატარდა.

საქართველოს პარლამენტის პირველი რესპუბლიკის სახელობის დარბაზში საქართველოს დამოუკიდებლობის 100 წლისთავისადმი მიძღვნილი მრგვალი მაგიდა თემაზე, „საქართველოს დემოკრატიული რესპუბლიკა და აფხაზეთი" გაიმართა. მრგვალ მაგიდას ტერიტორიული მთლიანობის აღდგენის საკითხთა დროებითი კომისიის თავმჯდომარე გედევან ფოფხაძე უძღვებოდა. მისასალმებელი სიტყვით გამოვიდა სოხუმის უნივერსიტეტის რექტორი ზურაბ ხონელიძე.

ღონისძიებაში ტერიტორიული მთლიანობის აღდგენის საკითხთა დროებით კომისიასთან ერთად, პარლამენტის ვიცესპიკერი და ტერიტორიული მთლიანობის აღდგენის საკითხთა დროებითი კომისიის წევრი გიორგი ვოლსკი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა , აფხაზეთის მთავრობის წევრები, უმაღლესი საბჭოს დეპუტატები, აკადემიური წრეებისა და საექსპერტო საზოგადოების წარმომადგენლები მონაწილეობდნენ.

ღონისძიებაზე, ერთიან დამოუკიდებელ სახელმწიფოში -1918 წლის მაისი - 1921 წლის თებერვალი - სამწლიანი თანაცხოვრების, ქართული სახელმწიფოსა და აფხაზეთის ავტონომიის მშენებლობის გამოცდილებასთან დაკავშირებით, მოხსენება აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილემ ჯემალ გამახარიამ წარადგინა.

„26 მაისი - საქართველოს დამოუკიდებლობის გამოცხადება, ერთ-ერთი უმნიშვნელოვანესი თარიღი და მოვლენაა საქართველოს ისტორიაში. შეიძლება ითქვას, რომ ამ დღეს, XV საუკუნის ბოლოს დაშლილი ერთიანი ქართული სახელმწიფო მკვდრეთით აღდგა. ჩვენს ერში ვერ ჩაკლეს სახელმწიფოებრიობის შეგრძნება, სახელმწიფოებრივი აზროვნება, სახელმწიფოს აღდგენისკენ მისწრაფება, სახელმწიფოს აღდგენის შინაგანი მოთხოვნილება", - განაცხადა მომხსენებელმა.

აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილის შეფასებით, 1918-1921 წლები ქართულ-აფხაზური ურთიერთობების თვალსაზრისით იყო უაღრესად მნიშვნელოვანი, რომელიც გარკვეული დასკვნების გაკეთების საშუალებას იძლევა. მისი შეფასებით, ქართველებმა და აფხაზებმა დამოუკიდებელ დემოკრატიულ სახელმწიფოში მშვიდობიანი თანაარსებობა მოახერხეს.

ჯემალ გამახარიამ ხაზგასმით აღნიშნა, აფხაზეთის მკვიდრთა განსაკუთრებული დამსახურება, მათი გამორჩეული როლი და ადგილი საქართველოს დემოკრატიული რესპუბლიკის გამოცხადებასა და მშენებლობაში. მან მოხსენებისას, ამ საქმეში, კონკრეტული ადამიანების დამსახურებებზე და ღვაწლზე ისაუბრა.

აფხაზეთის ავტონომიური რესპუბლიკის უმაღლესი საბჭოს თავმჯდომარის მოადგილე მიიჩნევს, რომ აფხაზურ და ქართულ მხარეებს შორის უნდა მოხდეს მედიატორის გარეშე დიალოგი. მისივე თქმით, 1991 წელს, საქართველოს მიეცა აფხაზურ მხარესთან ჩრდილოელი მედიატორის გარეშე დიალოგის წარმოების საშუალება და მოხერხდა კიდეც სერიოზული საკონსტიტუციო საკითხებზე შეთანხმების მიღწევა.

შეხვედრის დასასრულ, ტერიტორიული მთლიანობის აღდგენის საკითხთა დროებითი კომისიის თავმჯდომარემ მადლობა გადაუხადა მოწვეულ სტუმრებს საინტერესო მოხსენებისთვის და დისკუსიისთვის. მან ხაზი გაუსვა ქართული პოლიტიკური და სამეცნიერო აზრის თანხვედრის მნიშვნელობას.

აფხაზეთის სიმღერისა და ცეკვის სახელმწიფო ანსამბლ „აფხაზეთმა“, საქართველოს დამოუკიდებლობის აღდგენის 100 წლისთავისა და „აფხაზეთის დღესთან“ დაკავშირებით, შოთა რუსთაველის სახელობის სახელმწიფო დრამატულ თეატრში ანსამბლის დაარსების 40 წლის იუბილესადმი მიძღვნილი საანგარიშო კონცერტი გამართა.

ანსამბლს იუბილე მიულოცეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა გვაზავამ, საქართველოს კულტურისა და ძეგლთა დაცვის მინისტრმა მიხეილ გიორგაძემ. მიხეილ გიორგაძემ აფხაზეთის სიმღერისა და ცეკვის სახელმწიფო ანსამბლ „აფხაზეთის“ სამხატვრო ხელმძღვანელს ლევან ღვინჯილიას ხელოვნების ქურუმის ჯილდო გადასცა, ხოლო ანსამბლის წევრებს აფხაზეთის ავტონომიური რესპუბლიკის მთავრობის მადლობისა და აფხაზეთის ავტონომიური რესპუბლიკის უმაღლესი საბჭოს საპატიო სიგელები გადაეცათ.

საიუბილეო საღამოს დასაწყისში დამსწეთ ანსამბლის 40 წლიანი ისტორიის ამსახველი დოკუმენტური ფილმი უჩვენეს. ანსამბლი მაყურებლის წინაშე ამჯერად განახლებული პროგრამით წარსდგა. კონცერტის ბოლოს კი ანსამბლის ყოფილ და მოქმედ წევრებს საპატიო ჯილდოები გადაეცათ, კერძოდ  ანსამბლის ვეტერან წევრებს - საქართველოს ქორეოგრაფიის ამაგდარის ორდენები, ხოლო აფხაზეთის სახელმწიფო ანსამბლის ყოფილ მთავარ ქორეოგრაფს, ქორეოგრაფთა კავშირის თავმჯდომარეს თეიმურაზ დარჯანიას და აფხაზეთის სახელმწიფო ანსამბლის ქორეოგრაფს, ქორეოგრაფთა კავშირის თავმჯდომარის მოადგილეს სერგო გეგეჭკორს -  საქართველოს ქორეოგრაფიის „ბრწყინვალების ორდენი“.

ანსამბლ „აფხაზეთის“ საიუბილეო-საანგარიშო კონცერტს საქართველოს საკანონმდებლო და აღმასრულებელი ხელისუფლების წარმომადგენლები, საქართველოში აკრედიტებული დიპლომატიური კორპუსი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აფხაზეთიდან დევნილი და არადევნილი საზოგადოება დაესწრო.

საქართველოს დამოუკიდებლობის აღდგენის 100 წლისთავისა და "აფხაზეთის დღესთან" დაკავშირებით შოთა რუსთაველის სახელობის სახელმწიფო დრამატულ თეატრში აფხაზეთის სიმღერისა და ცეკვის სახელმწიფო ანსამბლ "აფხაზეთი"-ს, საანგარიშო-საიუბილეო კონცერტი გაიმართა. 2018 წელს ანსამბლ "აფხაზეთს" დაარსებიდან 40 წელი შეუსრულდა.

რუსთაველის თეატრში შეკრებილ საზოგადოებას მიესალმნენ და ანსამბლს იუბილე მიულოცეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავამ, საქართველოს კულტურისა და სპორტის მინისტრმა მიხეილ გიორგაძემ. აფხაზეთის ხელისუფლების გადაწყვეტილებით ანსამბლის წევრებს აფხაზეთის ავტონომიური რესპუბლიკის მთავრობის მადლობისა და აფხაზეთის ავტონომიური რესპუბლიკის უმაღლესი საბჭოს საპატიო სიგელები გადაეცათ, ხოლო მიხეილ გიორგაძემ ანსამბლის სამხატვრო ხელმძღვანელ ლევან ღვინჯილიას ხელოვნების ქურუმის ჯილდო გადასცა.

ღონისძიებაზე ნაჩვენები იყო ანსამბლის შექმნის ისტორიის ამსახველი დოკუმენტური ფილმი. საიუბილეო კონცერტზე ანსამბლი „აფხაზეთი" მაყურებლის წინაშე განახლებული პროგრამით წარსდგა.

სხვადასხვა ნომინაციაში საპატიო ჯილდოები გადაეცათ ანსამბლის ყოფილ და მოქმედ წევრებს. ქართული ხალხური ცეკვის პოპულარიზაციაში შეტანილი განსაკუთრებული წვლილისათვის ანსამბლის ვეტერანი წევრები საქართველოს ქორეოგრაფიის ამაგდარის ორდენით დაჯილდოვდნენ. აფხაზეთის სახელმწიფო ანსამბლის ყოფილი მთავარი ქორეოგრაფი, ქორეოგრაფთა კავშირის თავმჯდომარე თეიმურაზ დარჯანია და აფხაზეთის სახელმწიფო ანსამბლის ქორეოგრაფი, ქორეოგრაფთა კავშირის თავმჯდომარის მოადგილე სერგო გეგეჭკორი საქართველოს ქორეოგრაფიის „ბრწყინვალების ორდენით" დაჯილდოვდნენ.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები, საქართველოში აკრედიტებული დიპლომატიური კორპუსი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აფხაზეთიდან დევნილი საზოგადოება ესწრებოდნენ.

ფრაქცია „ქართული ოცნების" თავმჯდომარის, მამუკა მდინარაძის ინიციატივით, აფხაზეთის დღის აღსანიშნავად, პარლამენტში გამოფენა სახელწოდებით „ჩემი სახლი აფხაზეთში" გაიმართა. გამოფენაზე წარმოდგენილ ნამუშევრებში ასახული იყო ბავშვების წარმოდგენაში არსებული აფხაზეთი, რომელიც მათ საკუთარი თვალით არასოდეს უნახავთ.

ღონისძიების მონაწილეებს მისასალმებელი სიტყვით პარლამენტის თავმჯდომარემ, ირაკლი კობახიძემ მიმართა.

გამოფენა „ჩემი სახლი აფხაზეთში" ფრაქცია „ქართული ოცნების" თავმჯდომარემ, მამუკა მდინარაძემ გახსნა.

ფრაქცია „ქართული ოცნების" თავმჯდომარემ მადლობა გადაუხადა აფხაზეთის ჯუმბერ ბეთაშვილის სახელობის მეორე საჯარო და ვოვა ვეკუას სახელობის მესამე საჯარო სკოლის მოსწავლეებს გამოფენაში მონაწილეობისთვის.

პარლამენტში შეკრებილ საზოგადოებას სიტყვით პარლამენტის თავმჯდომარის მოადგილე გიორგი ვოლსკიმ და პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარე, გედევან ფოფხაძემ მიმართეს. მათი თქმით ძალიან მნიშვნელოვანია აფხაზეთთან ემოციური კავშირის შენარჩუნება.

ღონისძიების მონაწილეებს მისასალმებელი სიტყვით, ასევე მიმართეს: აფხაზეთის ავტონომიური რესპუბლიკის მთავარობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის უმაღლესი საბჭოს თავმჯდომარე ელგუჯა გვაზავამ, შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა.

ფრაქცია „ქართული ოცნების" თავმჯდომარე, მამუკა მდინარაძემ გამოფენაში მონაწილე მოსწავლეებს სიგელები გადასცა.