თბილისის საკრებულოს გალერეაში ხელნაწერთა ეროვნული ცენტრის კონკურს „ქართული კალიგრაფიის“ გამარჯვებულთა და ფინალისტთა დაჯილდოების ცერემონიალი გაიმართა.

კონკურსში  მონაწილეობა სკოლის მოსწავლეებმა,  უმაღლესი სასწავლებლების სტუდენტებმა და კალიგრაფიის თემით დაინტერესებულმა  სულ 931 ადამიანმა  მიიღო, ფინალში კი მხოლოდ 50-მდე მონაწილე გადავიდა.  დაჯილდოების ცერემონიალს ესწრებოდნენ აღმსრულებეილი ხელისუფლების, კერძო კომპანიებისა და უნივერსიტეტების წარმომადგენლები, რომლებმაც კონკურსანტები სხვადასხვა პრიზებითა და ფასიანი საჩუქრებით დააჯილდოვეს.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის განათლებისა და კულტურის მინისტრმა დიმიტრი ჯაიანმა კონკურსში გამარჯვებულ  მოსწავლეებსა   და პედაგოგს აფხაზეთიდან, სპეციალური პრიზები გადასცეს. 

კონკურსი მიზნად ისახავდა ქართული კულტურის მნიშვნელოვანი მონაპოვრის - ქართული დამწერლობის და კალიგრაფიის პოპულარიზაციას, ხელით წერის კულტურის განვითარებას ახალგაზრდა თაობაში, სხვა დაინტერესებულ პირებში და ამ გზით მათი შემოქმედებითი უნარის წარმოჩენას; ასევე ქართული კალიგრაფიული ხელოვნებისა და ანბანის პოპულარიზაციას, როგორც ქვეყნის შიგნით, ისე საერთაშორისო ასპარეზზე.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის მთავრობის წევრები ქართველ რეჟისორს გიორგი ოვაშვილს შეხვდნენ.

შეხვედრაზე ისაუბრეს კულტურის როლზე კონფლიქტების დარეგულირებისა და ტრანსოფრმირების საკითხებში.

გიორგი ოვაშვლის ორი ფილმი „გაღმა ნაპირი" და "სიმინდის კუნძული" აფხაზეთის თემატიკას ეხება.

შეხვედრაზე კინორეჟისორმა აღნიშა, რომ საქართველოს კულტურის სამინისტროს მხარდაჭერით, პრეოქტის ფარგლებში უკვე განხორციელდა ფილმის ,,გაღმა ნაპირის"-ს თარგმნა აფხაზურ ენაზე. ,,დამზადებული ათასი  ცალი კომპაქტდისკი, რომელიც საჩუქრად გადაეცემა ენგურს გაღმა მცხოვრებ ჩვენს აფხაზ თანამემამულეებს''- განცხადა გიორგი ოვაშვილმა.

უახლოეს პერიოდში კულტურის სამინისტროსთან ერთად, აფხაზეთის ავტონომიური რესპუბლიკის მთავრობისა და შერიგებისა და სამოქალაქო თანასწორობის საკითხებში სახელმწიფო მინისტრის აპარატისთვის, მოხდება  აღნიშნული კომპაქტდისკების გადმოცემა გასავრცელებლად, რისი ნახვის ინტერესიც უკვე გამოხატეს აფხაზებმა.

ფილმში  ,,გაღმა ნაპირი", რომელიც სხვადასხვა პრესტიჟული კინო-ფესტივალის პრიზიორია, მოქმედება 90-იანი წლების თბილისსა და აფხაზეთში ვითარდება. მთავარი გმირი, აფხაზეთიდან დევნილი 12 წლის თედო ბექაურია.

რეჟისორის მეორე ფილმის "სიმინდის კუნძული" სიუჟეტი მდინარე ენგურზე ვითარდება, სადაც გლეხები გაზაფხულის წყალდიდობის შემდეგ წარმოქმნილ კუნძულებზე სიმინდის მოსაყვანად ნოყიერი ნიადაგის მოძებნას ცდილობენ. ნამუშევრის მთავარი გმირები აფხაზი მოხუცი, მისი შვილიშვილი და ქართველი ჯარისკაცია.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში ბულგარეთის საგანგებო და სრულფლებიან ელჩს პლამენ ბონჩევის შეხვდა.

შეხვედრაზე ბატონმა პლამენ ბონჩევიმ კიდევ ერთხელ დაადასტურა ბულგარეთის მთავრობის მხარდაჭერა არაღიარების პოლიტიკის მიმართ. ასევე, განხილული იქნა მომავალი თანამშრომლობის კონკრეტული ნაბიჯები, მათ შორის იძულებით გადაადგილებულ პირთა დასახმარებლად ბულგარეთის შესაძლო ჩართვა ჰუმანიტარულ პროექტებში.

შეთანხმდნენ, რომ აფხაზეთის ავტონომიური რესპუბლიკის მთავრობა ბულგარეთის საეჩოსთან გააგრძელებს აქტიურ თანამშრომლობას.

საქართველოს პარლამენტის ტერიტორიული მთლიანობის აღდგენის საკითხთა დროებითი კომისიისა და საგარეო ურთიერთობათა კომიტეტის ერთობლივი შეხვედრა საქართველოში მოქმედ არასამთავრობო ორგანიზაციებთან, მიზნად ისახავდა კონფლიქტების მოწესრიგების თვალსაზრისით სამოქალაქო საზოგადოების მოსაზრებებისა და პოზიციების მოსმენას. შეხვედრა გაიმართა სახელწოდებით „არასამთავრობო ორგანიზაციების საექსპერტო შეფასებები კონფლიქტების მშვიდობიან ტრანსფორმირება-მოგვარებაში".

შეხვედრაში ასევე მონაწილეობდნენ სახელმწიფო მინისტრის მოადგილე შერიგებისა და სამოქალაქო ინტეგრაციის საკითხებში, ქეთევან ციხელაშვილი, საქართველოს საგარეო საქმეთა მინისტრის მოადგილე, დავით დონდუა, აფხაზეთის უმაღლესი საბჭოს თავმჯდომარე გია გვაზავა, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ყოფილი სამხრეთ ოსეთის ავტონომიური ოლქის დროებით ადმინისტრაციის ხელმძღვანელი დიმიტრი სანაკოევი, საქართველოს განათლებისა და მეცნიერების მინისტრის მოადგილე ლია გიგაური.

საგარეო საქმეთა მინისტრის მოადგილემ, დავით დონდუამ და სახელმწიფო მინისტრის მოადგილემ შერიგებისა და სამოქალაქო ინტეგრაციის საკითხებში, ქეთევან ციხელაშვილმა ჟენევის მოლაპარაკებათა ფორმატის მნიშვნელობაზე და ამ გზით კონფლიქტის დარეგულირების შესაძლებლობებზე ისაუბრეს. ასევე კონფლიქტის ზონაში მცხოვრები მოსახლეობის სოციალურ და კულტურულ საკითხებზეც გაამახვილეს ყურადღება. სამოქალაქო სექტორის წარმომადგენლებმა მათ მიერ ამ მიმართულებით განხორციელებული ღონისძიებების შესახებ და აფხაზი და ოსი მოსახლების განწყობებზეც ისაუბრეს. მათი დიდი ნაწილის მოსაზრებით, საჭიროა სამშვიდობო მიმართულებით საქმიანობა და სამშვიდობო მოლაპარაკებების პოპულარიზაცია. ასევე, აღინიშნა, რომ აუცილებელია ახალგაზრდობას გაუჩნდეს სამშვიდობო პროცესში ჩართვის მოტივაცია, რათა პროცესი წინ წავიდეს.

შეხვედრაზე მოწვეულმა ექსპერტებმა თავიანთი შეფასებები და მოსაზრებები წარმოადგინეს დასმულ საკითხთან დაკავშირებით. მათი განცხადებით, უნდა შეიქმნას კომპლექსური მიდგომა, რომელიც კონსოლიდირებულად უნდა გატარდეს და რისი კონტურებიც სახელმწიფოს მხრიდან გამოიკვეთა. რაც შეეხება კონფლიქტის მეორე მხარეს, ექსპერტთა შეფასებით იგრძნობა, რომ ისინი მზად არიან ურთიერთობის დათბობისათვის.

პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარის, გიორგი ვოლსკის განცხადებით, „შეხვედრაზე გამოთქმული კონკრეტული წინადადებებიც და საპირისპირო მოსაზრებებიც ძალიან საინტერესო და მნიშვნელოვანია სტრატეგიის დაგეგმვისას და ხედვების ჩამოყალიბებისას. მე ვფიქრობ, ასეთ წარმომადგენლობით ფორმატში კარგია შეხვედრა, მაგრამ მომავალში სექტორებად უნდა დაიყოს ვინც მუშაობს საერთაშორისო ურთიერთობაზე, სახალხო დიპლომატიის მიმართულებით, ასევე არსებობს სამეცნიერო ჯგუფები, რომლებიც კონკრეტიკაზე მუშაობენ, მათთან უშუალოდ გავაგრძელებთ მუშაობას.

დღეს კონკრეტულად წინადადებების, მოსაზრებების შეფასებაზე საუბარი ნაადრევია. დღევანდელი შეკრების მიზანია, გაერთიანდეს საზოგადოებრივი ორგანიზაციების ძალიასხმევა იმისათვის, რათა სწორ სტრატეგიულ ნაბიჯებამდე მვიდეთ. გავაანალიზოთ, ჩამოვაყალობოთ, კიდევ რამდენჯერმე შევხვდეთ და საზოგადოებას შევთავაზოთ უკვე საბოლოოდ ჩამოყალიბებული მიდგომები, რომელსაც იზიარებს ექსპერტთა დიდი ნაწილი".

შეხვედრა სასტუმრო „ქორთიარდ მარიოტში" გაეროს განვითარების პროგრამის (UNDP) მხარდაჭერით, გაიმართა.

ზუგდიდის გამგეობის შენობაში აფხაზეთის ავტონომიური რესპუბლიკის მთავრობის ღია სხდომა გაიმართა; სხდომას აფხაზეთის მთავრობის მინისტრებთან ერთად სამეგრელო-ზემო სვანეთის მხარის გუბერნატორი ლევან შონია, ზუგდიდის მუნიციპალიტეტის საკრებულოს თავმჯდომარე ლაშა გოგია, ზუგდიდის მუნიციპალიტეტის გამგებელი ედიშერ თოლორაია, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე მამუკა ცოტნიაშვილი, არასამთავრობო ორგანიზაციების წარმომადგენლები და დევნილი საზოგადოება ესწრებოდნენ.

სხდომაზე მთავრობის თავმჯდომარემ სოზარ სუბარის მიერ დღეს დევნილ მოსახლეობასთან შეხვედრისას წარმოთქმული პირობა გააცნო, რაც დევნილთათვის 2 500 ბინის მშენებლობას გულისხმობს. ვახტანგ ყოლბაიამ სხდომის მსვლელობისას დამსწრე საზოგადოებას აფხაზეთის მთავრობის საქმიანობის ძირითად მიმართულებებში განხორციელებული პროექტები და სამომავლო გეგმები გააცნო. გარდა ამისა, საუბარი შეეხო საზოგადოებრივი მაუწყებლის „მეორე არხის“ ეთერში აფხაზეთის საინფორმაციო უზრუნველყოფის ცენტრის სატელევიზიო მაუწყებლობის გახსნას, რომელიც 15 თებერვლიდან, კვირაში ერთხელ იმაუწყებლებს. მთავრობის თავმჯდომარემ ასევე განსაკუთრებით ხაზი გაუსვა ადგილობრივ ხელისუფლებასთან მჭიდრო თანამშრომლობის მნიშვნელობას და თანადგომისათვის მათ მადლობა გადაუხადა.

აფხაზეთის კულტურისა და განათლების მინისტრმა დიმა ჯაიანმა იმ პროექტებზე ისაუბრა, რა მიმრთულებითაც სამინისტრო მუშაობს, კერძოდ, სკოლების სრულფასოვან მუშაობაზე, წარჩინებული მოსწავლეების საზღვარგარეთ სასწავლებლად გაგზავნაზე. ჯაიანმა განსაკუთრებული მადლობა გადაუხადა გალის ტერიტორიაზე პედაგოგიური საქმიანობით დაკავებულ ადამიანებს და მათ გმირები უწოდა.

აფხაზეთის ჯანდაცვის მინისტრმა ქეთევან ბაკარაძემ ყურადღება გაამახვილა ჯანდაცვის სამინისტროს მიერ ჩატარებული დევნილთა უფასო-პროფილაქტიკური გამოკვლევების წარმატებებსა და ზუგდიდში ახალი სამედიცინო ცენტრის გახსნის დადებით შედეგებზე.

სოფლის მეურნეობის დეპარტამენტის თავმჯდომარე ვალერი ბასარიამ დევნილ მოსახლეობას გააცნო იაპონიის საელჩოს მიერ გამოყოფილი თანხებით სამეგრელოში დაგეგმილი ბიზნეს-პროექტები, რომლებშიც დევნილი მოსახლეობა დასაქმდება.

ეკონომიკის მინისტრმა მურმან ფარფალიამ აფხაზეთის მთავრობის ბიუჯეტის ძირითად მიმართულებებზე ისაუბრა. ასევე აღინშნა ბიუჯეტში დარჩენილი თანხების დევნილებისთვის გადანაწილების თაობაზე, რომელიც აფხაზეთის მთავრობაში ჩატარებული რეორგანიზაციის შედეგად იქნა მოპოვებული.

სხდომა არასამთავრობო ორგანიზაციებთან და დევნილებთან დიალოგის ფორმატში გაგრძელდა.

ვახტანგ ყოლბაიას განცხადებით, აფხაზეთის მთავრობას მჭიდრო, საქმიანი ურთიერთობა აქვს სამეგრელოს თითქმის ყველა მუნიციპალიტეტის ხელმძღვანელობასთან, დევნილთა სამინისტროსთან და სხვა უწყებებთან, რაც კიდევ უფრო მეტად შეუწყობს ხელს დევნილთა წინაშე არსებული პრობლემების გადაწყვეტას.

„ბატონ ლევან შონიას ინიციატივა რეგიონალური შეკრების შესახებ, ჩვენი მინისტრების მონაწილეობით, მართლაც საუცხოო წინადადებაა ჩვენთვის. დღევანდელ სხდომაზე ყველა პრობლემაზე საუბრის საშუალება მოგვეცა. სათქმელი და გადასაწყვეტი საკითხები კი ბევრი გვაქვს. ჩვენმა წარმომადგენლობამ ძალიან საქმიანი და მჭიდრო ურთიერთობადაამყარა არა მარტო ადგილობრივ ხელისუფლებასთან, არამედ ამ რეგიონის მუნიციპალიტეტების ყველა წარმომადგენლობასთან, რაც მჭიდრო და საქმიანი თანამშრომლობის საწინდარია. დღეს ძალიან ბევრ საკითხს შევეხეთ, გამოიყო თემები, რომელიც უახლოეს მომავალში უნდა გადაწყდეს. ამავე დროს განვიხილეთ უმიშვნელოვანესი პროექტის პერსპექტივები, რომლის პრეზენტაცია დღეს ბატონმა სოზარ სუბარმა მოახდინა. პროექტი დევნილთათვის 2 500 ბინის მშენებლობას გულისხმობს. ამ პრეზენტაციას ზუგდიდელებთან ერთად ყველანი ვესწრებოდით, რომლის მიხედვითაც 2016 წლისთვის ზუგდიდში დევნილთა ბინით უზრუნველყოფის საკითხი პარაქტიკულად გადაწყდება. რა თქმა უნდა, არის ბევრი სოციალური პრობლემა, რომლის მოგვარებასაც ვფიქრობ, ერთობლივი მუშაობით შევძლებთ“, – განაცხადა ვახტანგ ყოლბაიამ.

აფხაზეთის ავტონომიური რესპუბლიკის საინფორმაციო უზრუნველყოფის ცენტრი მაუწყებლობას იწყებს. უყურეთ ყოველ კვირას, 17:00 საათზე, საზოგადოებრივი მაუწყებლის „მეორე არხზე“, გადაცემას „აფხაზეთი“.

აფხაზეთის №2 საჯარო სკოლას ეროვნული გმირის, აფხაზეთის ომში დაღუპული  ჯუმბერ ბეთაშვილის სახელი მიენიჭა. ამასთან დაკავშირებით დღეს, გელოვანის ქ. №4-ში   მდებარე აფხაზეთის №2 საჯარო სკოლაში საზეიმო ცერემონიალი გაიმართა. 

საზეიმო ცერემონიალს ქალაქ თბილისის საკრებულოს, აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის უმაღლესი საბჭოსა და აფხაზეთის ა/რ განათლებისა და კულტურის სამინისტროს წარმომადგენლები, ჯუმბერ ბეთაშვილის ახლობელ-მეგობრები და თანამებრძოლები დაესწრნენ. 

მოსწავლეებმა დამსწრე საზოგადოებისათვის საზეიმო კონცერტი გამართეს, წაიკითხეს  ეროვნული გმირისადმი მიძღვნილ ლექსები და ჩანახატებს.

ჯუმბერ ბეთაშვილი 1993 წლის 27 სექტემბერს ჟიული შარტავასა და მის თანმხლებ პირებთან ერთად აფხაზეთის მინისტრთა საბჭოს შენობაში იმყოფებოდა და მისი აღებისას გმირულად დაიღუპა. 

აფხაზეთის №2 საჯარო სკოლისთვის ჯუმბერ ბეთაშვილის სახელის მინიჭების გადაწყვეტილება თბილისის საკრებულომ ამავე სკოლის დირექციის მიმართვის საფუძველზე მიიღო.

აფხაზეთის ავტონომიური რესპუბლიკის სოფლის მეურნეობის დეპარტამენტის ორგანიზებით აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის სოციალურ-ეკონომიკური მდგომარეობის, დევნილთა დასაქმების პერსპექტივებისა და ქვეყნის აგრარულ სექტორში მიმდინარე პროცესებში ჩართულობის საკითხებზე მრგვალი მაგიდა გაიმართა.

მრგვალი მაგიდა მისასალმებელი სიტყვით აფხაზეთის მთავრობის თავმჯდომარის მოვალეობის შემრულებელმა ვახტანგ ყოლბაიამ გახსნა.

აფხაზეთის ა/რ სოფლის მეურნეობის დეპარტამენტის თავმჯდომარემ ვალერი ბასარიამ დამსწრე საზოგადოებას მიაწოდა ინფორმაცია აფხაზეთის ოკუპირებულ ტერიტორიაზე მცხოვრები მოსახლეობის სოციალურ-ეკონომიკური პრობლემების შესახებ.

მოხსენებით გამოვიდა სსიპ ,,აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლებისა და დასაქმების ხელშემყობი ცენტრი-ბიზნეს ინკუბატორის" ხელმძღვანელი ალუ გამახარია, რომელმაც საქართველოს სოფლის მეურნეობაში მიმდინარე პროცესებში აფხაზეთიდან დევნილი მოსალხეობის ჩართულობაზე, მათ პრობლემებსა და დასაქმების პერსპექტივებზე ისაუბრა. მოხსენების დასასრულს დისკუსია გაიმართა. სამომავლოდ დაიგეგმა შეხვედრები და ამ მიმართულებით კოორდინირებული მუშაობა ცენტრლურ სტრუქტურებთან და არასამთავრობო სექტორთან.

შეხვედრას აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვითა მინისტრის მოადგილე მამუკა ცოტნიაშვილი, ყოფილი სამხრეთ ოსეთის ავტონომიური ოლქის დროებით ადმინისტრაციის ხელმძღვანელი დიმიტრი სანაკოევი, საქართველოს პარლამენტის ტერიტორიული მთლიანობის აღდგენის საკითხთა დროებითი კომისიის, საქართველოს სოფლის მეურნეობისა და ეკონომიკის სამინისტროს, საგარეო საქმეთა სამინსტოს, შერიგებისა და სამოქალაქო თანასწორობის საკითხებში სახელმწიფო მინისტრის აპარატის, აფხაზეთის მთავრობის წევრები და დევნილთა საკითხებზე მომუშავე არასამთავრობო ორგანიზაციების წარმომადგენლები ესწრებოდნენ.

ვახტანგ ყოლბაიას განცხადებით, დევნილთა დასაქმების მიმართულებით, აფხაზეთის მთავრობა მუშაობას ააქტიურებს და სულ მალე ამ მხრივ კონკრეტული შედეგებიც იქნება. მისივე თქმით, აფხაზეთის მთავრობა მზადაა ყველა დაინტერესებულ უწყებასთან შენქმას შესაბამისი სამუშაო ჯგუფი.

„ყველა ერთად მივედით იმ დასკვნამდე, რომ სამთავრობო სტქუქტურებთან და არასამთავობო ორგანიზაციებთან გვჭირდება უფრო მეტი კოოპერირება. რეალურად შესაძლებელია ჩვენი დევნილი მოსახლეობისათვის მეტი სამუშაო ადგილის გამოძებნა, მცირე თუ საშუალო ბიზნესში მათი ჩართვა. დევნილების დასაქმების ორგანიზებაში მონაწილეობენ საერთაშორისო ორგანიზაციები, ეკონომიკის, სოფლის მეურნეობისა შერიგებისა და სამოქალაქო თანასწორობის სამინისტროები. მათთან თანამშრომლობა და უშუალო კონტაქტი სამუშაო ადგილების შექმნის და სამომავლო წინსვლის ერთგვარი გარანტია. შრომითი მოწყობის თვალსაზრისით, ძალიან საინტერესო თემაა ასევე სოფლის კოოპერატივებში დევნილთა ინტენსიური ჩართვა.

დღეს შევთანხმდით, რომ დაინტერესებულ უწყებებთან შევქმნათ სამუშაო ჯგუფი და დავგეგმოთ ისეთი საქმიანობა, რომელიც საკანონმდებლო ინიციატივის შექმნისა და ასეთი ღონისძიებების ერთად დაგეგმვის შესაძლებლობას მოგვცემს", - განაცხადა ვახტანგ ყოლბაიამ.

პარალელურად აფხაზეთიდან დევნილი მეწარმეების მიერ დამზადებული სოფლის მეურნეობის პროდუქციის გამოფენა მოეწყო.

აფხაზეთის ავტონომიური რესპუბლიკის სოფლის მეურნეობის დეპარტამენტის ორგანიზებით აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის სოციალურ-ეკონომიკური მდგომარეობის, დევნილთა დასაქმების პერსპექტივებისა და ქვეყნის აგრარულ სექტორში მიმდინარე პროცესებში ჩართულობის საკითხებზე მრგვალი მაგიდა გაიმართა.
მრგვალი მაგიდა მისასალმებელი სიტყვით აფხაზეთის მთავრობის თავმჯდომარის მოვალეობის შემრულებელმა ვახტანგ ყოლბაიამ გახსნა.

აფხაზეთის ა/რ სოფლის მეურნეობის დეპარტამენტის თავმჯდომარემ ვალერი ბასარიამ დამსწრე საზოგადოებას მიაწოდა ინფორმაცია აფხაზეთის ოკუპირებულ ტერიტორიაზე მცხოვრები მოსახლეობის სოციალურ-ეკონომიკური პრობლემების შესახებ.

მოხსენებით გამოვიდა სსიპ ,,აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლებისა და დასაქმების ხელშემყობი ცენტრი-ბიზნეს ინკუბატორის“ ხელმძღვანელი ალუ გამახარია, რომელმაც საქართველოს სოფლის მეურნეობაში მიმდინარე პროცესებში აფხაზეთიდან დევნილი მოსალხეობის ჩართულობაზე, მათ პრობლემებსა და დასაქმების პერსპექტივებზე ისაუბრა. მოხსენების დასასრულს დისკუსია გაიმართა. სამომავლოდ დაიგეგმა შეხვედრები და ამ მიმართულებით კოორდინირებული მუშაობა ცენტრლურ სტრუქტურებთან და არასამთავრობო სექტორთან.

შეხვედრას აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვითა მინისტრის მოადგილე მამუკა ცოტნიაშვილი, სამხრეთ ოსეთის დროებით ადმინისტრაციის ხელმძღვანელი დიმიტრი სანაკოევი, საქართველოს პარლამენტის ტერიტორიული მთლიანობის აღდგენის საკითხთა დროებითი კომისიის, საქართველოს სოფლის მეურნეობისა და ეკონომიკის სამინისტროს, საგარეო საქმეთა სამინსტოს, შერიგებისა და სამოქალაქო თანასწორობის საკითხებში სახელმწიფო მინისტრის აპარატის, აფხაზეთის მთავრობის წევრები და დევნილთა საკითხებზე მომუშავე არასამთავრობო ორგანიზაციების წარმომადგენლები ესწრებოდნენ.

ვახტანგ ყოლბაიას განცხადებით, დევნილთა დასაქმების მიმართულებით, აფხაზეთის მთავრობა მუშაობას ააქტიურებს და სულ მალე ამ მხრივ კონკრეტული შედეგებიც იქნება. მისივე თქმით, აფხაზეთის მთავრობა მზადაა ყველა დაინტერესებულ უწყებასთან შენქმას შესაბამისი სამუშაო ჯგუფი.

„ყველა ერთად მივედით იმ დასკვნამდე, რომ სამთავრობო სტქუქტურებთან და არასამთავობო ორგანიზაციებთან გვჭირდება უფრო მეტი კოოპერირება. რეალურად შესაძლებელია ჩვენი დევნილი მოსახლეობისათვის მეტი სამუშაო ადგილის გამოძებნა, მცირე თუ საშუალო ბიზნესში მათი ჩართვა. დევნილების დასაქმების ორგანიზებაში მონაწილეობენ საერთაშორისო ორგანიზაციები, ეკონომიკის, სოფლის მეურნეობისა შერიგებისა და სამოქალაქო თანასწორობის სამინისტროები. მათთან თანამშრომლობა და უშუალო კონტაქტი სამუშაო ადგილების შექმნის და სამომავლო წინსვლის ერთგვარი გარანტია. შრომითი მოწყობის თვალსაზრისით, ძალიან საინტერესო თემაა ასევე სოფლის კოოპერატივებში დევნილთა ინტენსიური ჩართვა.

დღეს შევთანხმდით, რომ დაინტერესებულ უწყებებთან შევქმნათ სამუშაო ჯგუფი და დავგეგმოთ ისეთი საქმიანობა, რომელიც საკანონმდებლო ინიციატივის შექმნისა და ასეთი ღონისძიებების ერთად დაგეგმვის შესაძლებლობას მოგვცემს“, – განაცხადა ვახტანგ ყოლბაიამ.

პარალელურად აფხაზეთიდან დევნილი მეწარმეების მიერ დამზადებული სოფლის მეურნეობის პროდუქციის გამოფენა მოეწყო.

აფხაზეთის ავტონომიური რესპუბლიკის იუსტიციის დეპარტამენტის არქივის სამმართველოს ორგანიზებით ჩატარდა ლექცია-სემინარი თემაზე: ,,საარქივო საქმის განვითარება აფხაზეთის ავტონომიური რესპუბლიკის ეროვნული ფონდის შემქმნელ წყარო დაწესებულებებში".

ლექცია-სემინარი აფხაზეთის ავტონომიური რესპუბლიკის იუსტიციის დეპარტამენტში გაიმართა, რომელიც აფხაზეთის ავტონომიური რესპუბლიკის იუსტიციის დეპარტამენტის თავმჯდომარემ იგორ კოპალიანმა გახსნა.

შეხევდრას ესწრებოდნენ აფხაზეთის ავტონომიური რესპუბლიკის უმაღლესი საბჭოსა და აფხაზეთის ავტონომიური რესპუბლიკის მთავრობის წარმომადგენლები. აფხაზეთის ავტონომიური რესპუბლიკის დაწესებულებებში საარქივო საქმეთა წარმოებაზე პასუხისმგებელი პირები, ეროვნული საარქივო ფონდის დოკუმენტების შენახვა-დაცვის, გამოყენების, ეროვნული საარქივო ფონდის ფორმირების, საქმის წარმოებისა და დაწესებულებების დოკუმენტების სამეცნიერო-ტექნიკური დამუშავების განყოფილების უფროსი  გიორგი პარკაია, იუსტიციის დეპარტამენტის თანამშრომლები და სხვა კომპეტეტნტური პირები.

განსახილველი თემების ირგვლივ გაიმართა დისკუსია და შეჯამდა  განსახილველი თემების ირგვლივ  მუშაობა.

აფხაზეთის ავტონომიური რესპუბლიკის იუსტიციის დეპარტამენტში 2015 წლის 10 თებერვალს  აფხაზეთის ავტონომიური რესპუბლიკის იუსტიციის დეპარტამენტის არქივის სამმართველოს მიერ ჩატარებული იქნა ლექცია-სემინარი  (ტრენინგი) თემაზე: ,,საარქივო საქმის განვითარება  აფხაზეთის ავტონომიური რესპუბლიკის ეროვნული ფონდის შემქმნელ წყარო დაწესებულებებში“. ლექცია-სემინარის (ტრენინგის) ორგანიზატორები იყვნენ აფხაზეთის ავტონომიური რესპუბლიკის იუსტიციის დეპარტამენტის აპარატის უფროსი – ავთანდილ ხაზალია, აფხაზეთის ავტონომიური რესპუბლიკის იუსტიციის დეპარტამენტის არქივის სამმართველოს უფროსი – სვეტლანა ხუბულავა და ამავე დეპარტამენტის სამართალშემოქმედების სამმართველოს სამართლებრივი უზრუნველყოფის განყოფილების მთავარი სპეციალისტი – ასმათ ანდრიბავა.  ლექცია-სემინარი (ტრენინგი) დაიწყო 13:00 საათზე და იგი გახსნა აფხაზეთის ავტონომიური რესპუბლიკის იუსტიციის დეპარტამენტის თავმჯდომარემ იგორ კოპალიანმა. მან ისაუბრა აფხაზეთის ავტონომიური რესპუბლიკის არქივის სამმართველოს ფუნქციურ დატვირთვაზე, მის მნიშვნელობაზე და მოწვეულ სტუმრებს მადლობა გადაუხადა მობრძანებისა და ლექცია-სემინარში (ტრენინგში) მონაწილეობის მიღებისათვის.   ლექცია-სემინარს (ტრენინგს) ესწრებოდნენ: დეპარტამენტის თავმჯდომარის მოადგილეები ვასილ ზაქარაია და დავით თუნგია (არქივის სამმართველოს კურატორი). აგრეთვე, დეპარტამენტის თავმჯდომარის თანაშემწე ეკატერინე გვასალია, ეროვნული საარქივო ფონდის დოკუმენტების შენახვა-დაცვის, გამოყენების, ეროვნული საარქივო ფონდის ფორმირების, საქმის წარმოებისა და დაწესებულებების დოკუმენტების სამეცნიერო-ტექნიკური დამუშავების განყოფილების უფროსი  გიორგი პარკაია, უფროსი სპეციალისტი დარეჯან გაბისკირია და დეპარტამენტის ადამიანური რესურსების მართვისა  და საქმის წარმოების სამმართველოს კადრებისა და საქმის წარმოების განყოფილების უფროსი სოფიო ადეიშვილი. ლექცია-სემინარს (ტრენინგს) ასევე ესწრებოდნენ აფხაზეთის ავტონომიური რესპუბლიკის უმაღლესი საბჭოსა და აფხაზეთის ავტონომიური რესპუბლიკის მთავრობის წარმომადგენლები. ასევე,  მთავრობის აღმასრულებელი ხელისუფლების დაწესებულებათა სტრუქტურული ერთეულების წარმომადგენლები, კერძოდ, აფხაზეთის ავტონომიური რესპუბლიკის დაწესებულებებში საარქივო საქმეთა წარმოებაზე პასუხისმგებელი პირები. ღონისძიებას უძღვებოდა დეპარტამენტის თავმჯდომარის მოადგილე დავით თუნგია.  ლექცია-სემინარზე (ტრენინგზე) მოისმინეს ავტონომიური რესპუბლიკის იუსტიციის დეპარტამენტის არქივის სამმართველოს უფროსის – სვეტლანა ხუბულავას მოხსენება, თემაზე – ,,ეროვნული საარქივო ფონდის არსი და მნიშვნელობა  საარქივო კანონმდებლობის შესაბამისად“ და ეროვნული საარქივო ფონდის დოკუმენტების შენახვა-დაცვის, გამოყენების, ეროვნული საარქივო ფონდის ფორმირების, საქმის წარმოებისა და დაწესებულებების დოკუმენტების სამეცნიერო-ტექნიკური დამუშავების განყოფილების უფროსი სპეციალისტის ელა გაბისონიას მოხსენება თემაზე – ,,მოთხოვნები საქმეთა  ნომენკლატურის შედგენისა და საქმეთა ფორმირებისადმი“. მომხსენებელმა სვეტლანა ხუბულავამ ისაუბრა აღმასრულებელ დაწესებულებებში არსებულ და სამომავლოდ კანონმდებლობის შესაბამისად გასატარებელ ღონისძიებათა შესახებ, რაც მოწვეულმა სტუმრებმა მიზანშეწონილად მიიჩნიეს. არქივის სამმართველოს უფროსმა სპეციალისტმა ელა გაბისონიამ კი აღნიშნა, თუ როგორ უნდა ხორციელდებოდეს აფხაზეთის ავტონომიური რესპუბლიკის აღმასრულებელ დაწესებულებებში ნომენკლატურის შედგენა, დოკუმენტების ფორმირება და საქმის წარმოება აღნიშნულის საფუძველზე.   განსახილველი თემების ირგვლივ გაიმართა დისკუსია. დისკუსიაში მონაწილეობა მიიღეს აფხაზეთის ავტონომიური რესპუბლიკის უმაღლესი საბჭოს წარმომადგენელმა ზურაბ გახარიამ, აღმოსავლეთ საქართველოსა და სამეგრელო-ზემო სვანეთის რეგიონებში აფხაზეთის მთავრობის წარმომადგენლობების წარმომადგენლებმა ლევან ბარათელმა და  ლელა კვეკვესკირმა.   განსახილველი თემების ირგვლივ  მუშაობა შეაჯამა აფხაზეთის ავტონომიური რესპუბლიკის იუსტიციის დეპარტამენტის  აფხაზეთის ავტონომიური რესპუბლიკის არქივის სამმართველოს უფროსმა სვეტლანა ხუბულავამ.  ლექცია-სემინარის (ტრენინგის) დასასრულს სიტყვით გამოვიდა აპარატის უფროსი ავთანდილ ხაზალია, რომელმაც დამსწრე საზოგადოებას მადლობა გადაუხადა მობრძანებისა და ლექცია-სემინარში (ტრენინგში) მონაწილეობისათვის.

საქართველოს თასი 2015 აფხაზეთის რეგიონის ტურნირი დასრულდა. ფინალში ასმც 8:2 ანგარიშით გალის ,,მზიური" დაამარცხა და გამარჯვებულის ტიტული მოიპოვა. ტურნირის საუკეთესო მოთამაშედ "ასმც" კაპიტანი გიორგი ჭანტურიძე დასახელდა. "ასმც" და მზიური საქართველოს თასი 2015 ფინალურ ეტაპზე იასპარეზებენ.

საქართველოს ფუტსალის ასოციაციის ორგანიზებით, აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდობის საქმეთა სამსახურის, აფხაზეთის სპორტული მომზადების ცენტრის მხარდაჭერითა და თანადგომით, სპორტკომპლექს „არენაში" 29-30-31 იანვარს პირველად ჩატარდა აფხაზეთის თასის გათამაშება ფუტსალში.

ტურნირში მონაწილეობა მიიღო აფხაზეთის 8 გუნდმა: "ასმც" - „აფხაზეთი", „ამირანი" - ოჩამჩირე, „მზიური" - გალი, „გაგრა" - გაგრა, „კოლხა" - გულირიფში, „სოხუმი" - სოხუმი, „დიოსკურია" - სოხუმი, „ცხუმი" - სოხუმი. აღნიშნული გუნდები საქართველოს ჩემპიონატის სხვადასხვა ლიგაში თამაშობენ.

გამარჯვებულ გუნდებს შესაბამისი ხარისხის დიპლომები გადაეცათ.

ასურელი მამის, ღირსი ანტონ მარტყოფელის (VI ს) ხსენების დღესთან დაკავშირებით აფხაზეთის ავტონომიური რესპუბლიკის ხელისუფლების წარმომადგენლები და აფხაზეთის მთავრობის აპარატის თანამშრომლები მარტყოფის ღვთაების მამათა მონასტერს სტუმრობდნენ და მონასტერში მოღვაწე ბერებს, რომელთა შორის ბევრი აფხაზეთიდან დევნილია, სურსათ-სანოვაგე შესწირეს.

მარტყოფის მამათა მონასტერი, საქართველოს ტერიტორიული მთლიანობის დაკარგვის შემდგე, ცხუმ-აფხაზეთის ეპარქიის რეზიდენციად ითვლება. ეპარქიას ისტორიულ საფუძველზე დაყრდნობითა და არსებული ვითარების გათვალისწინებით, რამოდენიმე წელია განაგებს სრულიად საქართველოს კათოლიკოს პატრიარქი,მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II. მარტყოფის მამათა მონასტრის წინამძღვარია აფხაზეთის მკვიდრი, არქიმანდრიტი ბენიამინი (ბელქანია).

აღსანიშნავია, რომ მარტყოფის ,,ღვთაების'' ეზოში დაკრძალულია თანამედროვე ქართული ეკლესიის ერთ-ერთი ცნობილი მოღვაწე, კოდორის ხეობაში ტრაგიკულად დაღუპული იღუმენი ელისე (ბელქანია).

ზუგდიდში აფხაზეთის მთავრობის წევრებმა ქეთევან ბაკარაძემ, კონსტანტინე კუჭუხიძემ, ვალერი ბასარიამ, დავით თუნგიამ და სამეგრელო-ზემო სვანეთის რეგიონში აფხაზეთის მთავრობის წარმომადგენლობის ხელმძღვანელმა ოთარ გოგოხიამ 2014 წლის საქმიანობის ანგარიში წარადგინეს.

შეხვედრას დევნილი მოსახლეობის, არასამთავრობო ორგანიზაციების, მერიისა და გამგეობის წარმოამდგენლები, ასევე საზღვრისპირა სოფლების სკოლების პედაგოგები დაესწრნენ. ღონისძიების ფარგლებში ნაჩვენები იყო დოკუმენტური ფილმი ,,აფხაზეთის ლეგიტიმური მთავრობა დევნილობაში - თანამედროვე რეალიები".

დღესვე მთავრობის წევრებმა აფხაზეთიდან იძულებით გადაადგილებულ პირთა ზუგდიდის პოლიკლინიკა მოინახულეს, გაეცვნენ პოლიკლინიკისა და მისი ტერიტორიის კეთილმოწყობის პროექტებს, რომელთა მიხედვით გათვალისწინებულია მწვანე ზონისა და რენდგენის ლაბორატორიის შექმნა. ქეთევან ბაკარაძემ ზუგდიდის დევნილთა პოლიკლინიკის მთავარ ექიმს თამაზ ჯანაშიას აფხაზეთიდან დევნილი მოსახლეობის ჯანმრთელობის დაცვის საქმეებში უანგაროდ გაწეული თანადგომისა და შეტანილი წვლილისათვის სიგელი გადასცა. მთავრობის წევრებმა სოფელ რუხის ტერიტორიაზე მშენებარე საავადმყოფოც მოინახულეს.

სახელმწიფო უსაფრთხოებისა და კრიზისების მართვის საბჭოს მდივანმა დავით სუჯაშვილმა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელ ვახტანგ ყოლბაიასა და აფხაზეთის მთავრობის წარმომადგენლებთან შეხვედრა გამართა. შეხვედრას ასევე ესწრებოდნენ უსაფრთხოებისა და კრიზისების მართვის საბჭოს დეპარტამენტის ხელმძღვანელები, გიორგი ბალანიშვილი და ლაშა ხვედელიძე.

შეხვედრაზე აფხაზეთის პრობლემის გარშემო არსებული ვითარება განიხილეს. ასევე, საუბარი შეეხო ბოლო პერიოდში რეგიონში მიმდინარე პროცესებს, აფხაზეთის მთავრობის მუშაობის მიმართულებებს, შიდა და საგარეო კუთხით.

როგორც შეხვედრაზე განაცხადეს, საჭიროა მუშაობის გააქტიურება როგორც ქვეყნის შიგნით, ისე საგარეო კუთხით. უნდა აღინიშნოს, რომ ამ პროცესში აქტიურად არიან ჩართულები შესაბამისი სამინისტროები.