აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
27 მაისი - ქართული დიასპორის დღე
გილოცავთ ქართული დიასპორის დღეს!
 
განსაკუთრებით მნიშვნელოვანია დღევანდელი დღის აღნიშვნა, რადგან ქართულ დიასპორას და დიასპორულ ორგანიზაციებს განსაკუთრებული როლი აკისრიათ ქვეყნის განვითარებაში, ქართული სახელმწიფოს მშენებლობაში და ქვეყნის ერთიანობის განმტკიცებაში. სიმბოლურია, რომ ეს დღე საქართველოს დამოუკიდებლობის დღის მომდევნო დღეს - 27 მაისს აღინიშნება!
 
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის თანამშრომლებთან ერთად, ონლაინ ფორმატში შევხვდი - ბელგიის სამეფოში, შვედეთის სამეფოში, იტალიის რესპუბლიკაში, თურქეთის რესპუბლიკაში, პოლონეთის რესპუბლიკაში, ნიდერლანდების სამეფოში, დიდ ბრიტანეთსა და ჩრდილოეთ ირლანდიის გაერთიანებულ სამეფოში მოქმედ ქართული დიასპორის წარმომადგენლებს.
 
შეხვედრაზე ვისაუბრეთ, თუ რაოდენ მნიშვნელოვანია ქართული დიასპორის ჩართულიბა და როლი კონფლიქტების მშვიდობიანად მოგვარებასა და აფხაზეთის ოკუპირებული ტერიტორიაზე არსებული მდგომარეობის შესახებ საერთაშორისო საზოგადოების ინფორმირებლობის გაზრდაში. ასევე, განვიხილეთ ერთობლივად განსახორციელებელი პროექტები და პროგრამები.
 
სამწუხაროდ, კორონავირუსის პანდემიამ შეაფერხა ქართულ დიასპორულ ორგანიზაციებთან ერთად დაგეგმილი ის ღონისძიებები, რომელთა განხორციელებაც მიმართული იყო - დეოკუპაციის პროცესში დიასპორული ორგანიზაციების ჩართულობის ხელშეწყობისკენ, ასევე მსოფლიოსთვის რუსეთის ფედერაციის მიერ საქართველოს ტერიტორიების ოკუპაციით გამოწვეული პრობლემების გაზიარებისკენ. თუმცა, სიამაყით შემიძლია ვთქვა, რომ ჩვენ ამ ნაწილში მცირე ნაბიჯი გადავდგით და ვგეგმავთ კიდევ უფრო მეტ აქტიურობას.
 
 მადლობას ვუხდი ჩვენს თანამემამულეებს აქტიურობისთვის, რადგან ეს დაინტერესება, დეოკუპაციის, აფხაზეთის თემის წინ წამოწევის და საერთაშორისო ჩართულობის კუთხით, მათ შორის მათი საერთაშორისო გამოცდილება, უაღრესად მნიშვნელოვანია ჩვენი ქვეყნის გაერთიანების, განვითარებისა და პოპულარიცაზიის პროცესში.
 
იმედი მაქვს, რომ ჩვენი თანამშრომლობა გაგრძელდება, განვითარდება და გაძლიერდება. ხაზგასმით მინდა ვთქვა, რომ ქართული დიასპორის წამომადგენლების აქტიურობა იმ ქვეყნებში, სადაც ისინი ცხოვრობენ არის ჩვენთვის, აფხაზეთის ავტონომიური რესპუბლიკის ლეგიტიმური ხელისუფლებისთვის ძალიან მნიშვნელოვანი და ეს იმას ნიშნავს, რომ ჩვენ მეტი შესაძლებლობა გვექნება უფრო მეტი პროგრამა განვახორციელოთ ოკუპირებულ ტერიტორიაზე.
 
კიდევ ერთხელ მადლობას ვუხდი ქართული დიასპორების წარმომადგენლებს საინტერესო შეხვედრისთვის. კიდევ ერთხელ გილოცავთ ქართული დიასპორის დღეს და გისურვებთ ძლიერ, ერთიან და თავისუფალ საქართველოში ცხოვრებას!
ონლაინ შეხვედრა ქართული დიასპორის წარმომადგენლებთან
27 მაისს - ქართული დიასპორის დღეს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, თავის პირველ მოადგილესთან - ბელა კოპალიანთან და სამოქალაქო ინეტგრაციის დეპარტამენტის სტრატეგიული კომუნიკაციებისა და პროექტების მართვის სამმართველოს უფროსთან - სალომე დოლიძესთან ერთად გამართა ონლაინ შეხვედრა ქართული დიასპორის წარმომადგენლებთან.
 
ონალინ შეხვედრაში მონაწილეობდნენ სხვადასხვა ქვეყნებში მოქმედი ქართული დიასპორის წარმომადგენლები: იანა მაისურაძე - ბელგიის სამეფო; ნენო გაბელია - იტალიის რესპუბლიკა; თეონა ვარშალომიძე - თურქეთის რესპუბლიკა; თემურ პოტასკაევი - შვედეთის სამეფო; კესარია კაკაბაძე - საქართველოს ახალგაზრდა ელჩი დიდ ბრიტანეთსა და ჩრდილოეთ ირლანდიის გაერთიანებულ სამეფოში; ეკატერინე ბერუაშვილი - პოლონეთის რესპუბლიკაში ქართული დიასპორის ვიცე- თავმჯდომარე; ნინო გოგოხია - გაეროში საქართველოს წარმომადგენელი; თიკა სვანიძე - ნიდერლანდების სამეფო, ფონდი - „დიასპორების ალიანსი საქართველოსთვის“ და ფონდის პროექტების კოორდინატორი - ეკა კვირტია.
 
მინისტრის აპარატის წარმომადგენლებმა, მონაწილეებს დიასპორის დღე მიულოცეს. ისაუბრეს ქართული დიასპორის როლსა და მნიშვნელობაზე კონფლიქტის მშვიდობიანი გზებით მოგვარებასა და საერთაშორისო საზოგადოების წინაშე აფხაზეთის ოკუპირებული ტერიტორიაზე არსებული მდგომარეობის აქტუალიზაციაზე.
 
შეხვედრის ფარგლებში დაიგეგმა ერთობლივად განსახორციელებელი პროექტები და პროგრამები
გილოცავთ საქართველოს დამოუკიდებლობის დღეს
,,ძმანო და დანო!
საქართველოს ისტორიაში ყოფილა დიდებული წამები და ეს წამი არის ერთ-ერთი უდიდებულესი. როდესაც ამ 70 წლის მანძილზე, ამ ტანჯვასა და ვაებაში, ამ სისხლის ღვრაში პირველად, ასე შეკრული, ასე მთლიანი, წარმოდგა ქართველი ერი ღვთის წინაშე!"
 
სიმბოლურია, რომ ამ სიტყვების ავტორი, საქართველოს ეროვნული გმირი მერაბ კოსტავა სწორედ საქართველოს დამოუკიდებლობის დღეს, 26 მაისს დაიბადა. მერაბ კოსტავა იყო ქვეყნის თავისუფლებისა და დამოუკიდებლობისთვის მებრძოლი გმირი. ის იყო მაგალითი, იმისა, თუ როგორ უნდა გიყვარდეს სამშობლო და როგორ უნდა იბრძოლო ქვეყნის ეროვნული ინტერესებისთვის.
 
საქართველომ, 70 წლიანი საბჭოთა ოკუპაციის მიუხედავად, ქართველი ერის უდიდესი ძალისხმევისა და საოცარი ერთობის შედეგად შეძლო 1991 წლის 9 აპრილს აღედგინა დამოუკიდებლობა, რასაც 1918 წლის 26 მაისის დამოუკიდებლობის აქტი დაედო საფუძვლად.
 
26 მაისი - დამოუკიდებლობის დღე, ყველაზე მნიშვნელოვანი თარიღია ჩვენი ქვეყნის ისტორიაში, რადგანაც დამოუკიდებლობა - ერთად ბრძოლის, საერთო ძალისხმევისა და საზოგადოების გმირობის შედეგად მიიღწევა და იმ ადამიანთა მხრებზე დგას, რომლებმაც თავი შესწირეს სამშობლოს თავისუფლებასა და ერთიანობას.
 
დღეს, როდესაც საქართველოს ტერიტორიების 20 პროცენტი ოკუპირებულია და რუსეთის საოკუპაციო რეჟიმის მიერ რამდენიმე ათეული წელია მიმდინარეობს ჩვენი მოქალაქეების უფლებებისა და თავისუფლებების უხეში დარღვევები, განსაკუთრებით გვმართებს იმ ღირებულებების ერთგულება, რისთვისაც ოდითგანვე იღწვოდა ქართველი ერი და მშვიდობიანი გზებით გავაგრძელოთ ბრძოლა ეროვნული თვითმყოფადობისა და ტერიტორიული ერთიანობისთვის.
 
მჯერა, რომ ისტორიული კანონზომიერება სრულად აღდგება და მშვიდობიანი პოლიტიკითა და სახელმწიფოს განვითარებით, შევძლებთ ქვეყნის ტერიტორიული მთლიანობის აღდგენასა და ჩვენს აფხაზ და ოს თანამოქალაქეებთან ერთად, ღირსეულ ადგილის დავიმკვიდრებას, პროგრესული, თავისუფალი დასავლური სამყაროს გვერდით.
 
კიდევ ერთხელ გილოცავთ დამოუკიდებლობის დღეს! 
მინისტრის აპარატის მიერ ინიცირებული კანონპროექტების განხილვა აფხაზეთის ავტონომიური რესპუბლიკის უმაღლეს საბჭოში
25 მაისს, აფხაზეთის ავტონომიური რესპუბლიკის უმაღლესი საბჭოს პლენალურ სხდომაზე განხილულ იქნა იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ინიციატივით შემუშავებული 6 კანონპროექტი:
  • „პროფესიული განათლების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,თავდაცვის ძალების რეზერვისა და სამხედრო სარეზერვო სამსახურის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,მობილიზაციის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,არასამხედრო ალტერნატიული შრომითი სამსახურის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,სამხედრო სავალდებულო სამსახურის გადავადების მოსაკრებლის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • „საქართველოს ადმინისტრაციულ სამართალდარღვევათა კოდექსში“ ცვლილების შეტანის თაობაზე“ საქართველოს კანონის პროექტი.
 
მინისტრის აპარატის მიერ მომზადებული კანონპროექტები მიზნად ისახავს აფხაზეთის ავტონომიური რესპუბლიკის მთავრობის შესაბამისი საქმიანობის საკანონმდებლო სივრცეში მოქცევას და მისი როგორც ლეგიტიმური ხელისუფლების როლის ამაღლებას, რათა მოქნილი და ეფექტური საქმიანობის განხორციელებით უზრუნველყოფილ იქნეს აფხაზეთის ავტონომიური რესპუბლიკის მოსახლეობის საჭიროებებზე ორიენტირებული, კონსტიტუციით გარანტირებული უფლებების დაცვა, პროფესიული განათლების ხელმისაწვდომობა და სამხედრო სავალდებულო/სამხედრო სარეზერვო სამსახურში დევნილთა შეუფერხებელი გაწვევის ხელშეწყობა.
 
კანონპროექტები აფხაზეთის ავტონომიური რესპუბლიკის უმაღლესი საბჭოს კომიტეტებსა და ფრაქციებში საგანგებოდ იყო შესწავლილი.
 
აფხაზეთის ავტონომიური რესპუბლიკის უმაღლესი საბჭოს პრეზიდიუმმა მხარი დაუჭირა პლენარულ სხდომაზე მათ გატანას განსახილველად.
აფხაზეთის ავტონომიური რესპუბლიკის უმაღლესი საბჭოს დეპუტატებმა თითეული კანონპროექტის განხილვის საფუძველზე კენჭი უყარეს მათ. მხარდაჭერილი პროექტები საკანონმდებლო ინიციატივის წესით საქართველოს პარლამენტში წარდგება განსახილველად და დასამტკიცებლად.
 
აფხაზეთის ავტონომიური რესპუბლიკის უმაღლესი საბჭოს პლენარული სხდომის მუშაობაში მონაწილეობდნენ იუსტიციისა და სამოქალაქო ინეტრგაციის საკითხებში აფხაზეთის ავტონომიური რესპუბლიკის მინისტრის მოადგილე - დავით გვაძაბია და მინისტრის აპარატის იუსტიციის დეპარტამენტის უფროსი - ელისო გვასალია.
სამეცნიერო კონფერენცია სამცხე-ჯავახეთის სახელმწიფო უნივერსიტეტში

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, სამცხე-ჯავახეთში სახელმწიფო რწმუნებულთან - ბესიკ ამირანაშვილთან ერთად მონაწილეობა მიიღო აფხაზეთისა და სამაჩაბლოს კონფლიქტების მშვიდობიანი მოგვარების გზების ძიებისადმი მიძღვნილ მორიგ სამეცნიერო კონფერენციაში, რომელიც ეხებოდა ეკონომიკური და ხალხთა შორის ურთიერთოებების აღდგენას.

სამეცნიერო კონფერენცია არასამთავრობო ორგანიზაცია – „აფხაზთა და ქართველთა ერთობის საზოგადოება „ერთობა ხვალისთვის“, საქართველოს მცირე და საშუალო საწარმოთა ასოციაციისა და სამცხე-ჯავახეთის სახელმწიფო უნივერსიტეტის ორგანიზებითა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მხარდაჭერით გაიმართა.

კონფერენციაში, ასევე მონაწილეობდნენ სამცხე-ჯავახეთის სახელმწიფო უნივერსიტეტის რექტორი - მაკა ბერიძე, სამცხე-ჯავახეთში სახელმწიფო რწმუნებულის ადმინისტრაციის, ადგილობრივი ხელისუფლების, არასამთავრობო ორგანიზაციის – „აფხაზთა და ქართველთა ერთობის საზოგადოება „ერთობა ხვალისთვის“, საქართველოს მცირე და საშუალო საწარმოთა ასოციაციისა და სამცხე-ჯავახეთის სახელმწიფო უნივერსიტეტის წარმომადგენლები.

საუნივერსიტეტო სამეცნიერო კონფერენციების ციკლი მიზნად ისახავს სამაჩაბლოსა და აფხაზეთის კონფლიქტის აქტუალიზაციას, კონფლიქტის შედეგად დაშორიშორებულ საზოგადოებას შორის ნდობის აღდგენის და მისი მოგვარების გზების მოძიების პროცესში ფართო მასების ჩართულობის, აფხაზური კულტურისა და ხელონების პოპულარიზაციის ხელშეწყობას.

ცნობისთვის, სამეცნიერო კონფერენციები ორი კვირის მანძილზე იმართება საქართველოს სხვადასხვა რეგიონში, ხოლო შემაჯამებელი კონფერენცია მოეწყობა შოთა რუსთაველის სახელობის ბათუმის სახელმწიფო უნივერსიტეტში.

თბილისის ილორის წმინდა გიორგის სახელობის ეკლესიის ეზოში აფხაზეთის ისტორიული ტრადიციების სახლი გაიხსნა
მოციქულ სვიმონ კანანელის ხსენების დღეს, „აფხაზეთობის“ დღესასწაულთან დაკავშირებით თბილისის ილორის წმინდა გიორგის სახელობის ეკლესიაში ახალქალაქის, კუმურდოსა და კარის ეპარქიის მიტროპოლიტმა ნიკოლოზ ფაჩუაშვილმა წირვა-ლოცვა აღავლინა.
 
ლოცვის დასრულების შემდგომ ილორის წმინდა გიორგის სახელობის ტაძრის მიმდებარე ტერიტორიაზე იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით გაიმართა ღონისძიება - „აფხაზეთობა - 2021“.
 
ღონისძიებაზე აფხაზური ისტორიის სახლი გაიხსნა და მოეწყო ფოტოგამოფენა - „ხელნაწერები საუბრობენ დაფარულზე“, ქართულ-აფხაზური უნიკალური ურთიერთობები, უძველეს ხელნაწერებში დაცული ცნობები აფხაზეთზე და იქ არსებული კულტურულ-ისტორიული ძეგლების მდგომარეობა დღეს. გამოფენაზე, ასევე, წარმოდგენილი იყო ხელნაწერთა ეროვნულ ცენტრში დაცული უნიკალური ხელნაწერის - ფოტორეპროდუქცია ჯორჯ ბაირონის პოეზია გადაწერილი ილორში.
 
ღონისძიების ფარგლებში, ასევე, გაიმართა კონცერტი აფხაზეთის ცეკვისა და სიმღერის სახელმწიფო ანსამბლი „აფხაზეთის“, ანსამბლი „შავნაბადას“ და ბავშვთა ანსამბლი „გუმბათის“ მონაწილეობით, მოეწყო კალიგრაფ ლეილა ბაღბაიას გამოფენა - მასტერკლასი და აფხაზური სამზარეულოს დეგუსტაცია.
 
დასასრულს, მინისტრმა დავით ფაცაციამ „განსაკუთრებული დამსახურებისთვის“ ჯილდო გადასცა აფხაზეთის ღვაწლმოსილ ადამიანებს, ვინც წლების განმავლობაში თავისი პროფესიული და საზოგადოებრივი საქმიანობით განსაკუთრებული წვლილი შეიტანეს ქართულ-აფხაზური ურთიერთობების პოპულარიზაციისა და კონფლიქტის მშვიდობიანად მოგვარების საქმეში: ბატონ გურამ ოდიშარიას, ბატონ ვლადიმერ ბარქაიას, ბატონ რევაზ სულუხიას.
 
აღნიშნული ჯილდო ყოველწლიურ ტრადიციად იქცევა და აფხაზეთობის დღეს გადაეცემათ აფხაზეთის საზოგადოების გამოჩენილი წარმომადგენლებს.
 
ღონისძიებას ესწრებოდნენ: აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის უმაღლესი საბჭოს თავმჯდომარე ჯემალ გამახარია, აფხაზეთის მთავრობის თავმჯდომარის მოადგილე ანზორ მარგიანი, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, საქართველოს პარლამენტის თავმჯდომარის მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, საქართველოს პარლამენტის კულტურის კომიტეტის თავმჯდომარე ელისო ბოლქვაძე, აფხაზეთის ავტონომიური რესპუბლიკის მთავრობის წევრები, აფხაზეთის უმაღლესი საბჭოს დეპუტატები, აფხაზეთის ავტონომიური რესპუბლიკის მთავრობის, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის წარმომადგენლები, სასულიერო პირები და დევნილი საზოგადოება.
 
ღონისძიება აფხაზეთის ავტონომიური რესპუბლიკის მთავრობისა და აფხაზეთის სულიერების ცენტრის მხარდაჭერით გაიმართა.
 
23 მაისი მოციქულ სვიმონ კანანელის ხსენების დღეა. სრულიად საქართველოს კათოლიკოს-პატრიარქის ილია მეორის ინიციატივით და ლოცვა კურთხევით ეს დღე „აფხაზეთობის“ დღედ დადგინდა.
 
„აფხაზეთობა“ ყოველწლიურად სხვადასხვა გასართობი და შემეცნებითი ღონისძიებებით აღიშნიშნება, რომელშიც აფხაზეთის ავტონომიური რესპუბლიკის ხელისუფლებასთან ერთად აფხაზეთიდან დევნილი შემოქმედებითი კოლექტივები და დევნილი საზოგადოება იღებს მონაწილეობას.
რეგიონებში მცხოვრები დევნილი მოზარდებისთვის შემეცნებით-გასართობი ღონისძიებები გაიმართა
23 მაისი მოციქულ სვიმონ კანანელის ხსენების დღეა. სრულიად საქართველოს კათოლიკოს-პატრიარქის ილია მეორის ინიციატივით და ლოცვა-კურთხევით 23 მაისი „აფხაზეთობის“ დღედ დადგინდა. ამ თარიღთან დაკავშირებით, მთელი კვირის განმავლობაში სხვადასხვა სახის ღონისძიებები იმართება.
 
მიმდინარე წლის 19-20 მაისს, „აფხაზეთობის“ კვირეულის ფარგლებში, ფოთში, ზუგდიდში, ქუთაისსა და წყალტუბოში არსებულ დევნილთა კომპაქტურ ჩასახლებებში, აფხაზეთის ოკუპირებული რეგიონიდან დევნილი ბავშვებისთვის გაიმართა სხვადასხვა სახის გასართობი ღონისძიებები, რომლის ფარგლებშიც ბავშვებს საჩუქრები გადაეცათ .
 
ღონისძიებები ჩატარდა, აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროს და აფხაზეთის ავტონომიური რესპუბლიკის სავაჭრო-სამრეწველო პალატის ინიციატივით, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატისა და მიუნხენისა და ზემო ბავარიის სავაჭრო პალატის მხარდაჭერით.
 
ქ. ზუგდიდში გამართულ ღონისძიებას იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი - დავით ფაცაცია დაესწრო, რომელმაც აფხაზეთიდან დევნილ ბავშვებს საჩუქრები გადასცა.
 
ღონისძიებებში მონაწილეობას იღებდნენ აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრის მოადგილე - გიორგი ჯინჭარაძე, აფხაზეთის ავტონომიური რესპუბლიკის სავაჭრო-სამრეწველო პალატის პრეზიდენტი - გოგიტა თედორაძე და სამეგრელო-ზემო სვანეთისა და იმერეთის რეგიონებში აფხაზეთის ავტონომიური რესპუბლიკის მთვარობის წარმომადგენლობების ხელმძღვანელები.
აფხაზეთის დღესთან დაკავშირებით საცხენოსნო შეჯიბრი გაიმართა
აფხაზეთის დღესთან დაკავშირებით კაჭრეთის „ამბასადორის“ საცხენოსნო კლუბის ბაზაზე „აფხაზეთის თასზე“ საცხენოსნო შეჯიბრი გაიმართა. ტურნირი ყოველწლიურად იმართება და მასში საქართველოს სხვადასხვა რეგიონებიდან მოწვეულ სპორტსმენებთან ერთად აფხაზეთიდან დევნილი მხედრებიც მონაწილეობენ. მიმდინარე წელს შეჯიბრი ორ ასაკობრივ ჯგუფში ჩატარდა და 20-მდე სპორტსმენი მონაწილეობდა.
 
პირველი ადგილის მფლობელი გახდა აფხაზეთიდან დევნილი თეონა ლაშხია, რომელიც აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ დააჯილდოვა. შეჯიბრის გამარჯვებულებს, ასევე, თასები და სამახსოვრო პრიზები გადაეცათ.
 
ღონისძიებას შერიგებისა და სამოქალაქო თანასწორობის საკითხებში საქართველოს სახელმწიფო მინისტრი თეა ახვლედიანი, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, აფხაზეთის მთავრობის წევრები, აფხაზეთის უმაღლესი საბჭოს დეპუტატები, ადგილობრივი ხელისუფლების, საქართველოში აკრედიტებული დიპლომატიური კორპუსის, საერთაშორისო ორგანიზაციების, კულტურისა და ხელოვნების სფეროს წარმომადგენლები ესწრებოდნენ.
 
ღონისძიების ფარგლებში, საცხენოსნო შეჯიბრის შემდეგ, აფხაზეთის გურამ ყურაშვილის სახელობის საგუნდო კაპელისა და აფხაზეთის სიმღერისა და ცეკვის სახელმწიფო აკადემიურ ანსამბლ „აფხაზეთის“ მონაწილეობით კონცერტი გაიმართა. მოეწყო, ასევე, ფოტოგამოფენა „კადრები აფხაზეთიდან“ და ცნობილი მხატვრის ელდარ ქავშბაიას ნამუშევრების გამოფენა.
 
ტურნირი აფხაზეთის ავტონომიური რესპუბლიკის მთავრობის, აფხაზეთის განათლებისა და კულტურის სამინისტროს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის, კულტურის, სპორტის და ახალგაზრდულ საქმეთა სააგენტოს, საქართველოს საცხენოსნო ხალხური თამაშობების განვითარების ეროვნული ფედერაციის, აფხაზეთის საცხენოსნო ხალხური თამაშობებისა და საცხენოსნო სპორტის ფედერაციის და კაჭრეთის ამბასადორის საცხენოსნო კლუბის მხარდაჭერით ჩატარდა.
სამეცნიერო კონფერენცია აკაკი წერეთლის სახელმწიფო უნივერსიტეტში
19 მაისს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ მონაწილეობა მიიღო აფხაზეთის კონფლიქტის მშვიდობიანი მოგვარების გზების ძიებისადმი მიძღვნილ მორიგ სამეცნიერო კონფერენციაში.
 
საუნივერსიტეტო სამეცნიერო კონფერენცია არასამთავრობო ორგანიზაცია – „აფხაზთა და ქართველთა ერთობის საზოგადოება „ერთობა ხვალისთვის“, ქ. ქუთაისის აკაკი წერეთლის სახელმწიფო უნივერსიტეტისა და საქართველოს მცირე და საშუალო საწარმოთა ასოციაციის ორგანიზებით გაიმართა და ეკონომიკური და ხალხთა შორის ურთიერთოებების აღდგენას ეხებოდა.
 
სამეცნიერო კონფერენციების ციკლი მიზნად ისახავს აფხაზეთის კონფლიქტის აქტუალიზაციას, ქართველთა და აფხაზთა შორის ნდობის აღდგენის და კომფლიქტის მოგვარების გზების მოძიების პროცესში ფართო მასების ჩართულობის, აფხაზური კულტურისა და ხელონების პოპულარიზაციის ხელშეწყობას.
გიგა ოთხოზორიას მკვლელობიდან ხუთი წელი შესრულდა
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, შერიგებისა და სამოქალაქო თანასწორობის საკითხებში სახელმწიფო მინისტრ-თეა ახვლედიანთან, სამეგრელო-ზემო სვანეთის სახელმწიფო რწმუნებულ-მალხაზ თორიასა და ადგილობრივი ხელისუფლების წარმომადგენლებთან ერთად გიგა ოთხოზორიას ხსოვნას პატივი მიაგო და მისი საფლავი ყვავილებით შეამკო.
 
„დღეს, 5 წელი შესრულდა, გაუტეხელი გმირის, ვაჟკაცის, მოუდრეკელი ქართველის, სამშობლოსთვის თავდადებული - გიგა ოთხოზორიას მკვლელობიდან, რომელიც საკუთარ სამშობლოში თავისუფალი გადაადგილებისთვის, საოკუპაციო რეჟიმის მიერ სასტიკად იქნა მოკლული 2016 წლის 19 მაისს.
 
ვერცერთი სიტყვა და ვერანაირი ქმედება ვერ იქნება საკმარისი გიგა ოთხოზორიას ოჯახის გასამხნევებლად. განსაკუთრებული მადლობა მინდა გადავუხადო შვილმკვდარ დედას, ქალბატონ ჯულიეტას, საქართველოს უერთგულესი შვილის აღზრდისათვის. სწორედ თქვენ ბრძანდებით ყველაზე ძლიერი და ღირსეული დედა, რადგან ჩვენი სამშობლოს დასაცავად ყველაზე ძვირფასი გაიღეთ. ქედს ვიხრი თქვენი გამძლეობის წინაშე.
 
კიდევ ერთხელ ვუსამძიმრებ გიგა ოთხოზორიას ოჯახს და აფხაზეთის ავტონომიური რესპუბლიკის მთავრობის სახელით თანადგომას ვუცხადებ მათ.“ - განაცხადა დავით ფაცაციამ.
 
აფხაზეთიდან დევნილი ზუგდიდში მცხოვრები გიგა ოთხოზორია ე.წ. მესაზღვრემ, რაშიდ კანჯი ოღლიმ, სოფელ ხურჩაში საქართველოს კონტროლირებად ტერიტორიაზე 2016 წლის 19 მაისს მოკლა და მიიმალა. ქართულმა მართლმსაჯულებამ მას დაუსწრებლად 14 წლით თავისუფულების აღკვეთა მიუსაჯა.
 
დავით ფაცაცია, ასევე ესტუმრა ოთხოზორიების ოჯახს და გიგა ოთხოზორიას შვილებს პლანშეტური კომპიუტერები გადასცა საჩუქრად.
სამეცნიერო კონფერენცია გორის სახელმწიფო უნივერსიტეტში

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ მონაწილეობა მიიღო არასამთავრობო ორგანიზაცია – „აფხაზთა და ქართველთა ერთობის საზოგადოება „ერთობა ხვალისთვის“, გორის სახელმწიფო უნივერსიტეტისა და საქართველოს მცირე და საშუალო საწარმოთა ასოციაციის ორგანიზებით გამართულ სამაჩაბლოსა და აფხაზეთის კონფლიქტის მშვიდობიანი მოგვარების გზების ძიებისადმი მიძღვნილ მორიგ სამეცნიერო კონფერენციაში, რომელიც ეხებოდა ეკონომიკური და ხალხთა შორის ურთიერთოებების აღდგენას.

საუნივერსიტეტო სამეცნიერო კონფერენციების ციკლი მიზნად ისახავს სამაჩაბლოსა და აფხაზეთის კონფლიქტის აქტუალიზაციას, კონფლიქტის შედეგად დაშორიშორებულ საზოგადოებას შორის ნდობის აღდგენის და მისი მოგვარების გზების მოძიების პროცესში ფართო მასების ჩართულობის, აფხაზური კულტურისა და ხელონების პოპულარიზაციის ხელშეწყობას.

ცნობისთვის, სამეცნიერო კონფერენციები ორი კვირის მანძილზე გაიმართება საქართველოს სხვადასხვა რეგიონში, შემაჯამებელი კონფერენცია კი შოთა რუსთაველის სახელობის ბათუმის სახელმწიფო უნივერსიტეტში გაიმართება.

სამეცნიერო კონფერენცია კოლეჯ „სპექტრში“

2021 წლის 14 მაისს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ მონაწილეობა მიიღო სოხუმის სახელმწიფო უნივერსიტეტის, არასამთავრობო ორგანიზაცია – „აფხაზთა და ქართველთა ერთობის საზოგადოება „ერთობა ხვალისთვის“, კოლეჯ „სპექტრისა“ და საქართველოს მცირე და საშუალო საწარმოთა ასოციაციის ორგანიზებით გამართულ აფხაზეთის კონფლიქტის მშივდობიანი მოგვარების გზების ძიებისადმი მიძღვნილ მორიგ სამეცნიერო კონფერენციაში, რომელიც ამჯერად ეკონომიკური და ხალხთა შორის ურთიერთოებების აღდგენას ეხებოდა.

ღონისძიება მიზნად ისახავს აფხაზეთის კონფლიქტის აქტუალიზაციას, ქართველთა და აფხაზთა შორის ნდობის აღდგენის და კომფლიქტის მოგვარების გზების მოძიების პროცესში ფართო მასების ჩართულობის, აფხაზური კულტურისა და ხელონების პოპულარიზაციის ხელშეწყობას.

აღნიშნული საკითხებისადმი მიძღვნილი სამეცნიერო კონფერენციები ორი კვირის მანძილზე გაიმართება საქართველოს სხვადასხვა რეგიონში, შემაჯამებელი კონფერენცია კი შოთა რუსთაველის სახელობის ბათუმის სახელმწიფო უნივერსიტეტში გაიმართება.

მინისტრის აპარატის ინიცირებული კანონპროექტების განხილვა

13 მაისს, აფხაზეთის ავტონომიური რესპუბლიკის უმაღლესი საბჭოს ადამიანის უფლებათა, იურიდიულ და საპროცედურო საკითხთა კომიტეტში განხილულ იქნა იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ინიციატივით მომზადებული 7 კანონპროექტი:

  • „საქართველოს მოქალაქეობის შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტი;
  • „პროფესიული განათლების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,თავდაცვის ძალების რეზერვისა და სამხედრო სარეზერვო სამსახურის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,მობილიზაციის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,არასამხედრო ალტერნატიული შრომითი სამსახურის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • ,,სამხედრო სავალდებულო სამსახურის გადავადების მოსაკრებლის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტი;
  • „საქართველოს ადმინისტრაციულ სამართალდარღვევათა კოდექსში“ ცვლილების შეტანის თაობაზე“ საქართველოს კანონის პროექტი.

მინისტრის აპარატის მიერ შემუშავებული კანონპროექტები მიზნად ისახავს აფხაზეთის ავტონომიური რესპუბლიკის მთავრობის შესაბამისი საქმიანობის საკანონმდებლო სივრცეში მოქცევას და მისი როგორც ლეგიტიმური ხელისუფლების როლის ამაღლებას. რათა მოქნილი და ეფექტური საქმიანობის განხორციელებით უზრუნველყოფილ იქნეს აფხაზეთის ავტონომიური რესპუბლიკის მოსახლეობის საჭიროებებზე ორიენტირებული, კონსტიტუციით გარანტირებული უფლებების დაცვა, პროფესიული განათლების ხელმისაწვდომობა და სამხედრო სავალდებულო/სამხედრო სარეზერვო სამსახურში დევნილთა შეუფერხებელი გაწვევის ხელშეწყობა.

სხდომაზე კანონპროექტების განხილვის საფუძველზე, კომიტეტის წევრებმა 7 კანონპროექტიდან 6-ის უმაღლესი საბჭოს პრეზიდიუმის სხდომაზე განსახილველად წარდგენას მხარი ერთხმად დაუჭირეს. რაც შეეხება მე-7 კანონპროექტს, კერძოდ „საქართველოს მოქალაქეობის შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტს, გამოთქმული მოსაზრებების გათვალისწინებით, მიზანშეწონილად ჩაითვალა, უმაღლესი საბჭოს ადამიანის უფლებათა, იურიდიულ და საპროცედურო საკითხთა კომიტეტისა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის მოსაზრებების შეჯერება და 20 მაისს განსახილველად წარდგენა


სხდომა ნაწილობრივ დისტანციურ რეჟიმში წარიმართა, მასში მონაწილეობდნენ აფხაზეთის ავტონომიური რესპუბლიკის უმაღლესი საბჭოს დეპუტატები, ამავე საბჭოს თავმჯდომარის კაბინეტის წევრები, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატისა და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს წარმომადგენლები. 

სამეცნიერო კონფერენცია სოხუმის სახელმწიფო უნივერსიტეტში
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა დავით ფაცაციამ, აფხაზეთის ავტონომიური რესპუბლიკის მთავრობის თავმჯდომარე - რუსლან აბაშიძესთან ერთად, მონაწილეობა მიიღო სოხუმის სახელმწიფო უნივერსიტეტისა და არასამთავრობო ორგანიზაცია – „აფხაზთა და ქართველთა ერთობის საზოგადოება „ერთობა ხვალისთვის“ ორგანიზებით გამართულ აფხაზეთის კონფლიქტის მშივდობიანი მოგვარების გზების ძიებისადმი მიძღვნილ სამეცნიერო კონფერენციაში.
 
კონფერენციაში მონაწილეობნენ საქართველოს პარლამენტისა და აფხაზეთის ავტონომიური რესპუბლიკის უმაღლესი საბჭოს წევრები, აფხაზეთის ავტონომიური რესპუბლიკის მთავრობის წარმომადგენლები, სოხუმის სახელმწიფო უნივერსიტეტის აკადემიური და ადმინისტრაციული პერსონალი, ამავე უნივერსიტეტის სამშვიდობო განათლების ცენტრის მკვლევარები, გორის სახელმწიფო სასწავლო უნივერსიტეტის წარმომადგენლები, ასოციაცია „მშვიდობიანი და საქმიანი კავკასიას“, ქართველთა და აფხაზთა ერთობის საზოგადოება „ერთობა ხვალისთვის“, მცირე ბიზნეს-ასოციაციის წარმომადგენლები და სხვა ქართველი საზოგადო მოღვაწეები.
 
ღონისძიება მიზნად ისახავს აფხაზეთის კონფლიქტის აქტუალიზაციას, ქართველთა და აფხაზთა შორის ნდობის აღდგენის და კომფლიქტის მოგვარების გზების მოძიების პროცესში ფართო მასების ჩართულობის, აფხაზური კულტურისა და ხელონების პოპულარიზაციის ხელშეწყობას.
 
ღონისძიების ფარგლებში აღნიშნული საკითხებისადმი მიძღვნილი სამეცნიერო კონფერენციები ორი კვირის მანძილზე გაიმართება საქართველოს სხვადასხვა რეგიონში, შემაჯამებელი კონფერენცია კი შოთა რუსთაველის სახელობის ბათუმის სახელმწიფო უნივერსიტეტში გაიმართება.
დავით ფაცაციამ მეორე მსოფლიო ომის ვეტერან აგრაფინა თავართქილაძეს გამარჯვების დღე მიულოცა

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია აფხაზეთიდან დევნილ, მეორე მსოფლიო ომის ერთადერთ ვეტერან ქალბატონს, 97 წლის აგრაფინა თავართქილაძეს სახლში ესტუმრა, ფაშიზმზე გამარჯვების დღე მიულოცა და დღესასწაულთან დაკავშირებით საჩუქრები გადასცა.

დავით ფაცაციამ 97 წლის ვეტერანს ფაშიზმის წინააღმდეგ შეუპოვარი ბრძოლისთვის, თავისუფლების სიყვარულისა და მთელ სამყაროში მშვიდობის დამყარებაში შეტანილი საკუთარი წვლილისთვის მადლობა გადაუხადა და უსურვა ჯანმრთელობა, კეთილდღეობა და დიდხანს სიცოცხლე ერთიან საქართველოში.