აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
დავით ფაცაციამ მეორე მსოფლიო ომში დაღუპულთა ხსოვნას პატივი მიაგო

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრთან დავით ფაცაციასთან და აფხაზეთის ავტონომიური რესპუბლიკის მთავრობის წევრებთან ერთად „ვეტერანთა კულტურისა და დასვენების პარკში“, მეორე მსოფლიო ომში დაღუპულთა ხსოვნას პატივი მიაგო.

„ფაშიზმის დამარცხებაში ქართველმა მებრძოლებმა განსაკუთრებული წვლილი შეიტანეს. სწორედ ჩვენმა ქვეყანამ გაიღო უდიდესი მსხვერპლი კაცობრიობის ისტორიაში ყველაზე გამანადგურებელ ომში და თითოეული ჩვენგანის ვალია პატივი მივაგოთ თითოეულ გმირს, დავაფასოთ მათი თავგანწირვა, რითაც იხსნეს მომავალი თაობები სასტიკი ბოროტებისგან. ქედს ვიხრი ყველა იმ ქართველის ხსოვნის წინაშე, ვინც თავი შესწირა ფაშიზმის წინააღმდეგ ბრძოლას, ხოლო ცოცხალ გმირებს - მეორე მსოფლიო ომის ვეტერანებს, დიდი პატივისცემით ვულოცავ გამარჯვების დღეს, ვუსურვებ ჯანმრთელობას, მხნეობას და დიდხანს სიცოცხლეს ერთიან საქართველოში“, - განაცხადა დავით ფაცაციამ.

9 მაისს საქართველოში ფაშიზმე გამარჯვების დღე აღინიშნება. 1945 წლის 8 მაისს გერმანიამ კაპიტულაცია გამოაცხადა და მეორე მსოფლიო ომი დასრულდა, 9 მაისი ფაშიზმზე გამარჯვების დღედ გამოცხადდა.

მინისტრის აპარატის თანამშრომლებმა მამია ალასანიას ხსოვნას პატივი მიაგეს

დღეს, საქართველოს ეროვნული გმირის, მამია ალასანიას დაბადების დღეა. ამ თარიღთან დაკავშირებით იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის პირველმა მოადგილემ ბელა კოპალიანმა, მოადგილეებმა - დავით გვაძაბიამ და დემურ კეკელიამ, მინისტრის აპარატის თანამშრომლებთან ერთად ნარიყალას ეკლესიის ეზოში მამია ალასანიას ხსოვნას პატივი მიაგეს და მისი საფლავი ყვავილებით შეამკეს.

 
შეხვედრა „ქართველი ვეტერანების ამერიკელ მეგობრებთან“

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, ამერიკის შეერთებულ შტატებში მოქმედ საზოგადოებრივი გაერთიანების „ქართველი ვეტერანების ამერიკელი მეგობრების“ პრეზინდეტს ნიკოლოზ ქარჩავას შეხვდა.

შეხვედრაში, ასევე მონაწილეობნენ მინისტრის პირველი მოადგილე ბელა კოპალიანი, მინისტრის აპარატის იუსტიციის დეპარტამენტის ადამიანის უფლებათა დაცვის სამმართველოს უფროსი ავთანდილ ხაზალია, მინისტრის აპარატის სამოქალაქო ინტეგრაციის დეპარტამენტის სტრატეგიული კომუნიკაციებისა და პროექტების მართვის სამმართველოს უფროსი სალომე დოლიძე და კონფლიქტოლოგი, სამშვიდობო განათლების სამეცნიერო-კვლევითი ცენტრის დირექტორი ლევან გერაძე.

შეხვედრა გაცნობითი ხასიათის იყო და მონაწილეებმა ისაუბრეს მათ საქმიანობაზე, მიზნებსა და სამომავლო გეგმებზე, ასევე განიხილეს შემდგომი თანამშრომლობის საკითხები.

შეხვედრის ბოლოს, ნიკოლოზ ქარჩავამ დავით ფაცაციას განსაკუთრებული თანადგომისათვის საპატიო სიგელი გადასცა.

 
შეხვედრა საქართველოს სტუდენტური პარლამენტის წევრებთან
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის იუსტიციის დეპარტამენტის ადამიანის უფლებათა დაცვის სამმართველოს ინიციატივითა და ორგანიზებით 2021 წლის 27 აპრილს ZOOM პლატფორმის საშუალებით გაიმართა შეხვედრა თემაზე: „ოკუპირებულ აფხაზეთში არსებული მდგომარეობა“.
 
შეხვედრაში მონაწილეობნენ იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, მინისტრის მოადგილე დავით გვაძაბია, მინისტრის აპარატის ადამიანის უფლებათა დაცვის სამმართველოს უფროსი ავთანდილ ხაზალია, მინისტრის აპარატის თანამშრომლები, სტაჟიორები და საქართველოს სტუდენტური პარლამენტის წევრები.
 
შეხვედრა ოკუპირებულ აფხაზეთში არსებულ მდგომარეობასა და გამოწვევებთან დაკავშირებით საზოგადოებაში ცნობიერების ამაღლების და სამშვიდობო პროცესებში ახალგაზრდების ჩართულობის გაზრდის მიზნით გაიმართა.
შეხვედრა თემაზე „ბავშვთა უფლებები“
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ადამიანის უფლებათა დაცვის სამმართველოს ორგანიზებითა და ინიციატივით 2021 წლის 23 აპრილს ZOOM-ის პლატფორმის საშუალებით გაიმართა საინფორმაციო-საგანმანათლებლო შეხვედრა აფხაზეთის №2 საჯარო სკოლის მოსწავლეებთან და მასწავლებლებთან თემაზე:„ბავშვთა უფლებები“.
 
შეხვედრაში მონაწილეობნენ იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფ…
 
დავით ფაცაცია სამების საკათედრო ტაძარში აფხაზეთიდან გადმოსვენებულთა სამოქალაქო პანაშვიდს დაესწრო
სამების საკათედრო ტაძარში პატივი მივაგეთ 1992-1993 წლების შეიარაღებული კონფლიქტის შედეგად დაღუპულ და აფხაზეთიდან გადმოსვენებულ ჩვენს თანამოქალაქეებს.
 
საგულისხმოა, რომ საქართველოს ხელისუფლებისა და წითელი ჯვრის საერთაშორისო კომიტეტის ერთობლივი ძალიხსმევით 1992-1993 წლების შეიარაღებული კონფლიქტის შედეგად უგზო-უკვლოდ დაკარგული, კიდევ 13 პირის გადმოსვენება მოხდა.
 
მინდა მადლობა გადავუხადო წითელი ჯვრის საერთაშორისო კომიტეტს და შერიგებისა და სამოქალაქო თანასწორობის საკითხებში სახელმწიფო მინისტრის აპარატს ამ მნიშვნელოვან საქმეში მონაწილეობისათვის, რომელთა დახმარებით არაერთი უგზო-უკვლოდ დაკარგული ჩვენი მოქალაქის ნეშთის გადმოსვენება და იდენტიფიცირება მოხერხდა.
 
აღსანიშნავია, რომ წითელი ჯვრის საერთაშორისო კომიტეტის ეგიდით მომუშავე საკოორდინაციო მექანიზმში, რომელიც უგზო-უკვლოდ დაკარგულებთან დაკავშირებულ საკითხებზე მუშაობს, ჩართული არის როგორც ქართული ისე აფხაზური მხარეც. საქართველოს ხელისუფლება ყველაფერს აკეთებს იმისთვის, რომ მშვიდობიანი გზებით მოგვარდეს ყველა ის შედეგი, რაც შეიარაღებულმა კონფლიქტმა გამოიწვია, ამ საქმეში კი აფხაზური მხარის ჩართულობა ძალიან მნიშვნელოვან ნაბიჯს წარმოადგენს.
 
ვუსამძიმრებ გადმოსვენებულთა ოჯახებს და პატივს მივაგებ საქართველოს ერთიანობისთვის დაღუპული ჩვენი თანამოქალაქეების ხსოვნას!
დავით ფაცაციამ მოზარდებს წიგნის საერთაშორისო დღე მიულოცა
წიგნის საერთაშორისო დღესთან დაკავშირებით იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის სულიერების ცენტრის დირექტორთან - ბესიკ სილაგაძესთან ერთად საქართველოს საპატრიარქოს მოზარდთა თავშესაფარში იმყოფებოდა.
 
დავით ფაცაციამ მოზარდებს წიგნის საერთაშორისო დღე მიულოცა და სიმბოლური საჩუქრები, მათ შორის მინისტრის აპარატის თანამშრომლების მონაწილეობით შეგროვებული წიგნები გადასცა.
14 აპრილი - დედაენის დღე
ქართული ენა ერთ-ერთი უძველესია მსოფლიოში, მას აქვს საკუთარი ანბანი და დამწერლობა. "ქართული ანბანის სამ უძველეს სახეობასა" (ასომთავრულს, ნუსხურსა და მხედრულს) და „დედაენას“ ეროვნული კატეგორიის არამატერიალური კულტურული მემკვიდრეობის ძეგლის სტატუსი აქვთ მინიჭებული, ისინი სახელმწიფოს იდენტობის ნაწილს წარმოადგენენ და მრავალსაუკუნოვანი ქართული კულტურის ერთობას უზრუნველყოფენ.
 
1978 წელს საბჭოთა ხელისუფლებამ ახალი კონსტიტუცია მიიღო, რომლის მიხედვითაც ყველა საბჭოთა რესპუბლიკაში სახელმწიფო ენა მხოლოდ რუსული უნდა ყოფილიყო. ამ გადაწყვეტილებას ქართველი ხალხი წინ აღუდგა და ენის ღირსების დასაცავად მასობრივი გამოსვლები დაიწყო. პირველად საბჭოთა კავშირის ისტორიაში, კომუნისტურმა რეჟიმმა უკან დაიხია და ქართულ ენას სახელმწიფო ენის სტატუსი შეუნარჩუნდა.
 
,,ამ დღეს სახელმწიფო ენის სტატუსის დაკარგვის საშიშროების წინაშე დარჩენილმა ხალხმა მსოფლიოს უჩვენა, თუ რამდენს ნიშნავდა ქართული ენა საქართველოს სახელმწიფოსთვის. ქართველის ერის ერთსულოვანი ძალისხმევით საბჭოთა კავშირში უპრეცედენტო შემთხვევა მოხდა და მომავალ თაობებს შეუნარჩუნა ეს უნიკალური ენა.
 
დღეს, როდესაც რუსეთის ფედერაციის საოკუპაციო რეჟიმის მიერ ოკუპირებულ ტერიტორიებზე შეზღუდულია მშობლიურ ენაზე განათლების მიღების უფლება, მასობრივად ნადგურდება ქართული კულტურის ძეგლები, სამეცნიერო და საგანმანათლებლო დაწესებულებები, განსაკუთრებით მნიშვნელოვანია მთელი ქართული საზოგადოების ისევ ერთად დგომა და ერთობლივად სახელმწიფოს იდენტობის ნაწილის, მშობლიური ენის დაცვა.
გილოცავთ დედაენის დღეს!" - დავით ფაცაცია.
საგრანტო პროექტების წერის შემსწავლელი კურსი
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატისა და აფხაზეთის ავტონომიური რესპუბლიკის სავაჭრო-სამრეწველო პალატის ერთობლივი ორგანიზებით განხორციელდა პროექტი „საგრანტო პროექტების წერის შემსწავლელი კურსი“.
 
პროექტის დასრულების შემდგომ შემაჯამებელი ცერემონიალი გაიმართა, სადაც მონაწილეებს გადაეცათ სერტიფიკატები, ხოლო წარმატებული კურსდამთავრებულები დაჯილდოვნენ სპეციალური პრიზებით.
 
პროექტში მონაწილეობა მიიღეს აფხაზეთიდან იძულებით გადაადგილებულმა და სოციალურად დაუცველმა სტუდენტებმა. პროექტის ამოცანაა მათთვის ხელმისაწვდომი გახადოს ის საბაზისო ცოდნა, რაც დაეხმარებათ საგრანტო პროექტების წერაში და ამით კურსი მიზნად ისახავს ახალგაზრდების პოტენციალის მიზნობრივი განვითარებისა და აფხაზეთიდან დევნილი და სოციალურად დაუცველი სტუდენტების საქართველოს სამოქალაქო საზოგადოების მშენებლობის პროცესში უფრო ეფექტური ჩართულობის ხელშეწყობას.
 
პროექტი განხორციელდა აფხაზეთის ავტონომიური რესპუბლიკის მთავრობის, მიუნხენისა და ზემო ბავარიის სავაჭრო სამრეწველო პალატის პროექტების მენეჯერის კნუტ გერბერისა და სოხუმის სახელმწიფო უნივერსიტეტის მხარდაჭერით.

 

შეხვედრა საქართველოს სტუდენტური პარლამენტის წევრებთან

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ადამიანის უფლებათა დაცვის სამმართველოს ინიციატივითა და ორგანიზებით, აფხაზეთის ავტონომიური რესპუბლიკის უმაღლეს საბჭოში გაიმართა სამუშაო შეხვედრა ოკუპირებულ აფხაზეთის ტერიტორიაზე ადამიანის უფლებების დაცვის მდგომარეობასთან დაკავშირებით.

შეხვედრაში მონაწილეობდნენ იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის, აფხაზეთის ავტონომიური რესპუბლიკის უმაღლესი საბჭოსა და საქართველოს სტუდენტური პარლამენტის წარმომადგენლები.

მონაწილეებმა განიხილეს აფხაზეთის ოკუპირებულ ტერიტორიაზე ადამიანის უფლებების მდგომარეობა, ისაუბრეს ოკუპირებულ ტერიტორიაზე არსებულ გამოწვევებსა და მათი გადაჭრის შესაძლო გზებზე.

შეხვედრის დასასრულს, მონაწილეების მიერ დაიგეგმა ოკუპირებულ ტერიტორიაზე ადამიანის უფლებების დაცვის კუთხით ერთობლივად განსახორციელებელი ღონისძიებები. 

9 აპრილი - 1989 წლის ტრაგედიისა და 1991 წლის დამოუკიდებლობის აღდგენის დღე
1989 წლის 9 აპრილს საბჭოთა რეჟიმმა მშვიდობიანი საპროტესტო აქცია დაარბია, რასაც 21 ადამიანის სიცოცხლის მოსპობა, ასობით ადამიანის დაჭრა, მოწამვლა და დასახიჩრება მოჰყვა. აღნიშნული საყოველთაო დაუმორჩილებლობის შედეგად 1991 წლის 9 აპრილს საქართველომ დამოუკიდებლობა აღიდგინა.
 
„სიმბოლურია, რომ საქართველოს უახლეს ისტორიაში ამ ორ მნიშვნელოვან მოვლენას - დამოუკიდებლობისთვის ბრძოლაში თავის განწირვასა და საქართველოს დამოუკიდებლობის აღდგენას, აერთიანებს ერთი დღე - 9 აპრილი.
 
ზუსტად 30 წლის წინ ქართველმა ერმა, მათ შორის აფხაზეთის ავტონომიური რესპუბლიკისა და ცხინვალის რეგიონის მოსახლეობამ ერთხმად და თამამად გამოხატა თავისი სწრაფვა თავისუფლებისა და დამოუკიდებლობისკენ, რითაც 9 აპრილი იქცა საქართველოს ერთიანობის, დამოუკიდებლობისა და თავისუფლების სიმბოლოდ.
 
განსაკუთრებით დღეს, როდესაც რუსეთის მიერ საქართველოს ტერიტორიების 20% ოკუპირებულია და მათი მხრიდან პერმანენტულად გრძელდება ჩვენი მოქალაქეების ძირითადი უფლებებისა და თავისუფლებების უხეში დარღვევები, მნიშვნელოვანია, ქართველმა ერმა ისევ გამოიჩინოს ეროვნული ერთიანობა და დაიცვას ის ფუნდამენტური ღირებულებები, რის უზრუნველყოფასაც ჩვენმა მოქალაქეებმა გმირულად შესწირეს საკუთარი სიცოცხლე.
 
მადლობა ყველა გმირს, რომელთა სამაგალითო ერთობისა და თავდადების წყალობით საქართველომ მოიპოვა თავისუფლება და აღიდგინა სახელმწიფოებრივი დამოუკიდებლობა“ - განაცხადა დავით ფაცაციამ.
დავით ფაცაციას განცხადება საოკუპაციო ხაზთან მომხდარ ტრაგიკულ შემთხვევასთან დაკავშირებით

„ღრმა მწუხარებას გამოვთქვამ აფხაზეთის საოკუპაციო ხაზთან მომხდარ ტრაგიკულ ფაქტთან დაკავშირებით და ვუთანაგრძნობ დაღუპულთა ოჯახის წევრებს.

საოკუპაციო რეჟიმის მიერ დაწესებული თავისუფალი გადაადგილების უფლების უკანონო შეზღუდვის შედეგად, საქართველოს  ოთხი მოქალაქე დაიღუპა, რომლებიც უკანონო დაკავების თავიდან აცილების მიზნით, ენგურის გავლით საქართველოს კონტროლირებად ტერიტორიაზე ცდილობდნენ გადმოსვლას. აღნიშნული შემზარავი ტრაგედია წარმოაჩენს რუსეთის ფედერაციის ძალადობრივ პოლიტიკას, რომელიც წლებია გრძელდება ოკუპირებულ ტერიტორიაზე და ჩვენი არაერთი მოქალაქის სიცოცხლე შეეწირა.

დარწმუნებული ვარ, რომ უახლოეს პერიოდში, ოკუპაციით გამოწვეულ, მსგავს არაჰუმანურ ქმედებებზე აუცილებლად დადგება საოკუპაციო რეჟიმის პასუხიმგებლობის საკითხი.“ - განაცხადა დავით ფაცაციამ.

დაიწყო ნამუშევრების მიღება ესეების კონკურსზე - „ჩემი აფხაზეთი“
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი აცხადებს ესეების კონკურსს - „ჩემი აფხაზეთი“.
 
კონკურსის მიზანი - ქართულ-აფხაზური პოზიტიური ურთიერთობების თაობაზე საზოგადოების ცნობიერების ამაღლება.
 
კონკურსის პირობები:
• ესე უნდა მომზადდეს ქართულ ენაზე, ექსკლუზიურად კონკურსის ფარგლებში;
• ნამუშევარი უნდა ეხებოდეს აფხაზეთის თემას და მოიცავდეს პოზიტიურ ნიუანსებს;
• ნამუშევრის მოცულობა უნდა შეადგენდეს 800-1500 სიტყვას;
• ესე უნდა მომზადდეს ელექტრონულ (MS Word ან PDF) ფორმატში;
• ნამუშევარი უნდა მომზადდეს Sylfaen-ის შრიფტით, რომლის ზომა უნდა შეადგენდეს 11-ს, ხოლო ინტერვალი სტრიქონებს შორის - 1.15-ს.
 
სპეციალური საკონკურსო კომისიის მიერ გამოვლენილი 10 საუკეთესო ესეს ავტორის ვინაობა გამოქვეყნდება უწყების ოფიციალურ ვებ და სოციალურ გვერდებზე.
 
I, II და III ადგილის მფლობელებს გადაეცემათ ფულადი ჯილდოები.
 
ნაშრომის წარმოდგენის ბოლო ვადაა 2021 წლის 15 მაისი.
 
ყველა დაინტერესებულმა პირმა კონკურსში მონაწილეობის მისაღებად უნდა გაიაროს რეგისტრაცია ქვემოთ მითითებული აპლიკაციის მეშვეობით: რ ე გ ი ს ტ რ ა ც ი ა
ილორის ეკლესიის ეზოში ვაზის იშვიათი ჯიშები დაირგო
იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის ინიციატივით თბილისის ილორის წმინდა გიორგის სახელობის მშენებარე ეკლესიის ეზოში რამდენიმე ათეული აფხაზური და მეგრული ვაზის უნიკალური ჯიში დაირგო.
 
ეკლესიის ეზოში ვაზის იშვიათი ჯიშები იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა - დავით ფაცაციამ, მინისტრის პირველმა მოადგილემ - ბელა კოპალიანმა, აფხაზეთის სულიერების ცენტრის დირექტორმა - ბესიკ სილაგაძემ, ეკლესიის მოძღვარმა - მამა ლევანმა, მევენახე-მეღვინემ - სერგო ჭანტურიამ, სასულიერო პირებმა, აფხაზეთის ავტონომიური რესპუბლიკის მთავრობის წარმომადგენლებმა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის თანამშრომლებმა დარგეს.
 
ეკლესიის ეზოში მეგრული და აფხაზური ვაზის უნიკალური ჯიშები მევენახე-მეღვინე სერგო ჭანტურიას მხარდაჭერით დაირგო. აღსანიშნავია, რომ ბატონი სერგოს დახმარებით დასავლეთ საქართველოში დაბრუნებულ იქნა 20-ამდე ვაზის იშვიათი ჯიში, მათ შორის აფხაზური უნიკალური ჯიშები - აწნიჟი, აშუღაჟი, აშხაფში, ამლახუ და ავასირხვა. მისი დახმარებით ეკლესიის მიმდებარე ტერიტორიაზე იგეგმება მეგრული და აფხაზური ვაზის იშვიათი ჯიშებისგან ვენახის გაშენება.
 
ღონისძიების ფარგლებში, მინისტრის აპარატის თანამშრომლების მონაწილეობით მოეწყო ეკლესიის მიმდებარე ტერიტორიის დასუფთავების აქციაც.
მინისტრის აპარატის წლიური ანგარიშის წარდგენა

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა - დავით ფაცაციამ აფხაზეთის ავტონომიური რესპუბლიკის უმაღლეს საბჭოში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის

მინისტრის აპარატის 2020 წლის საქმიანობის ანგარიში წარადგინა.
ანგარიში ეხებოდა მინისტრის აპარატის მიერ ერთი წლის განმავლობაში გაწეულ საქმიანობას, ასევე წარდგენილი იყო მინისტრის აპარატის საქმიანობის ეფექტურობის გაზრდასთან დაკავშირებული ხედვები, მიმდინარე რეფორმები და დაგეგმილი პროექტები.

მოხსენების დასრულების შემდეგ, დავით ფაცაციამ დეპუტატების კითხვებს უპასუხა.