აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
აფხაზეთის ავტონომიური რესპუბლიკის მთავრობის თავმჯდომარის ვიზიტი ესპანეთის სამეფოში

ესპანეთში სამუშაო ვიზიტით მყოფმა აფხაზეთის მთავრობის თავმჯდომარემ გიორგი ბარამიამ 27 ივლისს შეხვედრა მადრიდის ოლქის, ტრეს-კანტოსის მუნიციპალიტეტის ხელმძღვანელთან ხესუს მორენა გარსიასთან გამართა.

შეხვედრაზე მხარეებმა თანამშრომლობის საკითხები და იძულებით გადაადგილებულ პირთა მიმართ განსახორციელებელი ჰუმანიტარული სახის პროექტები განიხილეს. შეხვედრამ კონსტრუქციულ გარემოში ჩაიარა.

შეხვადრას ესპანეთის სამეფოში, საქართველოს საგანგებო და სრულუფლებიანი ელჩი ზურაბ პოლოლიკაშვილი ესწრებოდა.

აფხაზეთის ავტონომიური რესპუბლიკის მთავრობის თავმჯდომარის ვიზიტი ესპანეთის სამეფოში

ესპანეთში სამუშაო ვიზიტით მყოფმა აფხაზეთის მთავრობის თავმჯდომარემ გიორგი ბარამიამ 27 ივლისს შეხვედრა მადრიდის ოლქის, ტრეს-კანტოსის მუნიციპალიტეტის ხელმძღვანელთან ხესუს მორენა გარსიასთან გამართა.

შეხვედრაზე მხარეებმა თანამშრომლობის საკითხები და იძულებით გადაადგილებულ პირთა მიმართ განსახორციელებელი ჰუმანიტარული სახის პროექტები განიხილეს. შეხვედრამ კონსტრუქციულ გარემოში ჩაიარა.

შეხვადრას ესპანეთის სამეფოში, საქართველოს საგანგებო და სრულუფლებიანი ელჩი ზურაბ პოლოლიკაშვილი ესწრებოდა.

აფხაზეთის სახელმწიფო კაპელა ფესტივალ „ჩვენებურების“ ფარგლებში კონცერტებს იტალიაში გამართავს

„ქართული კულტურა საქართველოში და მის ფარგლებს გარეთ" ასოციაციის პრეზიდენტის გიული ალასანიას ინიციატივით, აფხაზეთის სახელმწიფო კაპელა ფესტივალ „ჩვენებურების" ფარგლებში იტალიაში კონცერტებს გამართავს. პროექტი პრეზიდენტის ადმინისტრაციის, აფხაზეთის ავტონომიური რესპუბლიკის მთავრობისა და იტალიის ქართული დიასპორის  მხარდაჭერით ხორციელდება.

ფესტივალის ფარგლებში კონცერტები დაგეგმილია რომში და კალაბრიაში. ფესტივალზე შესრულდება თანამედროვე საგუნდო მუსიკისა და ქართული ფოლკლორის გამორჩეული ნაწარმოებები, როგორც ევროპელი მსმენელისთვის, ასევე ქართული დიასპორის წარმომადგენლებისათვის.

აფხაზეთის სახელმწიფო კაპელა ფესტივალ „ჩვენებურებში" მონაწილეობის მისაღებად დღეს გამთენიისას გაემგზავრა. ისინი თბილისის საერთაშორისო აეროპორტიდან აფხაზეთის ავტონომიური რესპუბლიკის განათლებისა და კულტურის მინისტრმა თეიმურაზ მაისურაძემ გააცილა.

დევნილი ბავშვები 3D ფორმატში გადაღებული ფილმის „წარმოუდგენელი ადამიანი-ობობა“ ჩვენებას დაესწრნენ

 

აფხაზეთის ავტონომიური რესპუბლიკის მთავრობის ინიციატივითა და კინოთეატრ „რუსთაველი"-ს მხარდაჭერით დევნილი ბავშვებისათვის მორიგი საქველმოქმედო აქცია გაიმართა.

მოზარდები კინოთეატრ „რუსთაველს" დღეს სტუმრობდნენ. აქციაში აფხაზეთიდან დევნილი 30-მდე ბავშვი ჩაერთო. ამჯერად ბავშვები 3D ფორმატში გადაღებული ფილმის „წარმოუდგენელი ადამიანი-ობობა" ჩვენებას დაესწრნენ.

ღონისძიება რეგიონული მართვის საკითხებში აფხაზეთის მინისტრის აპარატის ორაგნიზებით მოეწყო.

აფხაზეთის ავტონომიური რესპუბლიკის მთავრობის ორგანიზებით დევნილი ბავშვები გონიოში დაისვენებენ

აფხაზეთის ავტონომიური რესპუბლიკის მთავრობის მხარდაჭერით აფაზეთიდან დევნილი ბავშვები დღეს, გონიოში დასასვენებლად გაემგზავრნენ. 12-დან 16 წლამდე, სოციალურად დაუცველი 35 მოზარდი საზაფხულო ბანაკებში იცხოვრებს.

პროექტის ფარგლებში, ბავშვებს ტრენინგ-კურსები ჩუტარდებათ. მოზარდები ასევე კულტურულ-საგანმანათლებლო პროგრამებში და სხვადასხვა შემოქმედებით ჯგუფებთან მუშაობაში ჩაერთვებიან. ბავშვები ლიდერებთან ერთად ადგილობრივ ღირსშესანიშნაობებსაც გაეცნობიან. მოზარდები გონიოს საზაფხულო ბანაკებში 31 აგვისტომდე დარჩებიან.

პროექტი, აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით იმართება.

აფხაზეთიდან დევნილი ბავშვები უკრაინაში გამართულ საერთაშორისო ფესტივალში მიიღებენ მონაწილეობას

აფხაზეთის ავტონომიური რესპუბლიკის მთავრობის და საქართველოში უკრაინის საელჩოს მხარდაჭერით, აფხაზეთიდან დევნილი 12-დან 15 წლამდე ასაკის მოზარდები ბავშვთა მე-11 საერთაშორისო ფესტივალში „მოდით შევცვალოთ სამყარო უკეთესობისკენ" მიიღებენ მონაწილეობას, რომელიც უკრაინაში, „არტეკის" საერთაშორისო საბავშვო ცენტრში გაიმართება.

დევნილი მოზარდები უკრაინაში თბილისის საერთაშორისო აეროპორტიდან გამთენიისას გაემგზავრნენ. ბავშვები აფხაზეთის ავტონომიური რესპუბლიკის განათლებისა და კულტურის მინისტრმა თეიმურაზ მაისურაძემ  გააცილა.

ფესტივალზე ახალგაზრდებს შესაძლებლობა ექნებათ გაეცნონ მსოფლიოს ხალხთა კულტურას და თავად წარმოაჩინონ საქართველოს კულტურული ტრადიციები. ბავშვები ასევე ჩაერთვებიან ერთა ლიგის მესამე გენერალური ასამბლეის მუშაობაში, სადაც მსოფლიოს მრავალ დელეგაციასთან ერთად, მონაწილეობას მიიღებენ დისკუსიებში ბავშვთა უფლებებსა და სხვა აქტუალურ საკითხებზე.

აფხაზეთიდან დევნილი ბავშვები ესპანეთში გაემგზავრნენ

აფხაზეთის ავტონომიური რესპუბლიკის მთავრობის ინიციატივითა და ინტეგრაციისა და სოლიდარობის ფონდის „FINSOL"-ის მხარდაჭერით აფხაზეთიდან დევნილი ბავშვები დასასვენებლად ესპანეთში გაემგზავრნენ.

სოციალურად დაუცველი მოზარდები ესპანეთში 31 აგვისტომდე დარჩებიან. ბავშვები ესპანურ ოჯახებში იცხოვრებენ.

დევნილი მოზარდების მგზავრობისა და იქ ცხოვრების ხარჯებს აფხაზეთის მთავრობა და „FINSOL" -ი უზრუნველყოფს. აფხაზეთის ა/რ მთავრობა და ფონდი „FINSOL"-ი 2008 წლიდან თანამშრომლობს. ხელშეკრულების თანახმად, ყოველწლიურად სოციალურად დაუცველი, დევნილი ბავშვები საზაფხულო არდადეგებს ესპანეთში ატარებენ.

ბავშვები აფხაზეთის დევნილთა საქმეების დეპარტამენტის თავმჯდომარემ, გიორგი ბობოხიძემ თბილისის აეროპორტიდან დღეს დილით გააცილა.

გალაკტიონ ტაბიძის 120 წლისთავისადმი მიძღვნილი კრებულის „გალაკტიონი, ზღვა და აფხაზეთი“ პრეზენტაცია გაიმართა

საქართველოს პარლამენტის ეროვნული ბიბლიოთეკის საგამოფენო დარბაზში, გალაკტიონ ტაბიძის 120 წლისთავისადმი მიძღვნილი  ლიტერატურული საღამო და კრებულის „გალაკტიონი, ზღვა და აფხაზეთი" პრეზენტაცია მოეწყო. ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ბარამია, გალაკტიონ ტაბიძის ძმისშვილი ნოდარ ტაბიძე, ქართველი პოეტები და მწერლები დაესწრნენ.

ნატო კორსანტიას წიგნში „გალაკტიონი, ზღვა და აფხაზეთი" თავმოყრილია დიდი პოეტის აფხაზეთისადმი მიძღვნილი ლექსები, დღიურები, უბის წიგნაკები და ჩანაწერები. გალაკტიონი სიღრმით ეცნობოდა აფხაზეთის ისტორიულ ძეგლებს, ქალაქებს, სოფლებს, უბრალო ადამიანებს, მათ ტრადიციებს და ამ ყველაფერს წიგნში აქსოვდა. კრებულში გაეცნობით აფხაზეთში შექმნილ ნაწარმოებებს, საზოგადოებისთვის აქამდე უცნობ  საარქივო მასალებს და თანამედროვეთა მოგონებებს დიდი პოეტის აფხაზეთთან ურთიერთობებზე.

ლიტერატურული საღამო აფხაზეთის ავტონომიური რესპუბლიკის მთავრობის მხარდაჭერითა და აფხაზეთის განათლებისა და კულტურის სამინისტროს ორგანიზებით გაიმართა.

აფხაზეთის ავტონომიური რესპუბლიკის მთავრობის ორგანიზებით თბილისში „აფხაზური კულტურის საღამო“ გაიმართა

აფხაზეთის ავტონომიური რესპუბლიკის მთავრობის ორგანიზებით, თბილისში „აფხაზური კულტურის საღამო" გაიმართა. ღონისძიება დღეს, ევროპის სახლში მოეწყო, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ბარამია და მიწვეული სტუმრები ესწრებოდნენ.

პროგრამის ფარგლებში, ევროპის სახლის საგამოფენო დარბაზში ნუგზარ ანთელავას ქართულ-აფხაზური წიგნის „აფხაზური მითები და რიტუალები" პრეზენტაცია შედგა, რომელიც აფხაზი ხალხის მითოშემოქმედებისა და რიტუალური პრაქტიკის სალექსიკონო აღწერას წარმოადგენს. პარალელურად მოეწყო აფხაზი მხატვრის, ელდარ ქავშბაიას აფხაზური მითების თემაზე ექსკლუზიურად შექმნილი ილუსტრაციების გამოფენა.

„აფხაზური კულტურის საღამო" ახალგაზრდა აფხაზი დიზაინერის, თინა კიუტის მიერ აფხაზეთის ისტორიულ ქალაქებზე შექმნილი საღამოს კაბებისა და აფხაზეთის ქალაქებზე შექმნილი სლაიდ-შოუს ჩვენებით დასრულდა.

კოდორის ხეობიდან დევნილი ბავშვები 3D ფორმატში გადაღებული ანიმაციური ფილმის „მადაგასკარი 3“ ჩვენებას დაესწრნენ

აფხაზეთის ავტონომიური რესპუბლიკის მთავრობის თავმჯდომარის გიორგი ბარამიას ინიციატივით, საქველმოქმედო აქცია დევნილი ბავშვებისათვის გრძელდება. აფხაზეთის ა/რ მთავრობამ ამჯერად კოდორის ხეობიდან დევნილი ბავშვები 3D ფორმატში გადაღებული ანიმაციური ფილმის „მადაგასკარი 3" კინოჩვენებაზე მიიწვია.

მოზარდები კინოთეატრ „რუსთაველს" დღეს სტუმრობდნენ. აქციაში კოდორის ხეობიდან დევნილი 30-მდე ბავშვი ჩაერთო. მათთან ერთად, ფილმის ჩვენებას აფხაზეთის მთავრობის წარმომადგენლებიც დაესწრნენ.

ღონისძიება რეგიონული მართვის საკითხებში აფხაზეთის მინისტრის აპარატის ორაგნიზებითა და კინოთეატრ „რუსთაველის" მხარდაჭერით მოეწყო.

არზაყან ემუხვარის ცხოვრების ამსახველი წიგნის -„ქედუხრელი რაინდი“ პრეზენტაცია გაიმართა

აფხაზეთის ავტონომიური რესპუბლიკის მთავრობის თავმჯდომარის გიორგი ბარამიას ინიციატივით, აფხაზეთის მთავრობის პირველი თავმჯდომარის, არზაყან ემუხვარის ცხოვრებისა და მოღვაწეობის ამსახველი წიგნი - „ქედუხრელი რაინდი" გამოიცა, რომლის პრეზენტაცია საქართველოს ეროვნულ არქივში გაიმართა. პრეზენტაციის პარალელურად, ოქუმის სკოლის დაარსებიდან 160 წლისთავისადმი მიძღვნილი, აფხაზეთში პირველი საგანმანათლებლო კერების საარქივო მასალების გამოფენა მოეწყო. ღონისძიებას საქართველოს პრეზიდენტის დედა გიული ალასანია დაესწრო.

გიორგი ბარამიამ არზაყან ემუხვარის შთამომავალსა და ნაშრომის - „ქედუხრელი რაინდი" ავტორს, ნატო მარშანიას ქართულ ისტორიოგრაფიაში კიდევ ერთი საინტერესო წიგნის შემატებისთვის მადლობა გადაუხადა.

აფხაზეთის მთავრობის თავმჯდომარის განცხადებით, აუცილებელია, რომ თაობებმა იცოდნენ იმ გმირების შესახებ, რომლებიც ქვეყნისა და ქართულ-აფხაზური ურთიერთობების ისტორიას ქმნიან.

„ვფიქრობ სიმბოლურია, რომ არზაყან ემუხვარი, საქართველოს დემოკრატიული რესპუბლიკის მთავრობის პირველი თავმჯდომარის ნოე ჟორდანიას გვერდით განისვენებს საფრანგეთში, ლევილის ქართულ სასაფლაოზე. ასევე სიმბოლურია, რომ წიგნის პრეზენტაცია იმ გამოფენის ფონზე მიმდინარეობს, რომელიც ისტორიულ სამურზაყანოში ქართულ საგანმანათლებლო კერების დაარსებას ეძღვნება. სწორედ ოქუმის სკოლა იყო პირველი საგანმანათლებლო კერა მთელ აფხაზეთში, რომელმაც საქართველოს მისცა გამოჩენილი მოღვაწეები არზაყან ემუხვარი, აკაკი ჩხენკელი და ილია ვეკუა. ჩვენ ვაგრძელებთ სახელოვანი წინაპრების საქმეს. დარწმუნებული ვართ, რომ ისტორიული სამართლიანობა აღსდგება, რასაც საქართველოს უკუპირებული ტერიტორიების დეოკუპაცია და ქვეყნის გამთლიანება ჰქვია,"- განაცხადა გიორგი ბარამიამ.

ღონისძიება აფხაზეთის ავტონომიური რესპუბლიკის მთავრობის მხარდაჭერით, აფხაზეთის განათლებისა და კულტურის სამინისტროსა  და საქართველოს ეროვნულ არქივის ორგანიზებით გაიმართა.

წყალდიდობის შედეგად დაზარალებულ დევნილ ოჯახებს სასურსათო პროდუქტები გადაეცათ

აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებით, ნუცუბიძის მე-4 მ/რ-ში, წყალდიდობის შედეგად დაზარალებულმა, ყოფილ თბილრენმშენის კომპაქტურ ჩასახლების ობიექტში მცხოვრებმა დევნილებმა დახმარება მიიღეს.

აღნიშნულ ობიექტში ჩასახლებულ, აფხაზეთიდან იძულებით გადაადგილებულ, 70-მდე ოჯახს სხვადასხვა სახის სასურსათო პროდუქტი გადაეცა.

7-8 ივნისს ჟენევის მოლაპარაკებების მე-20 რაუნდი გაიმართება

7-8 ივნისს ჟენევის მოლაპარაკებების მორიგი, მე-20 რაუნდი გაიმართება. აფხაზეთის ავტონომიური რესპუბლიკის მთავრობის თავმჯდომარე გიორგი ბარამია ჟენევის მოლაპარაკებებში მონაწილეობის მისაღებად შვეიცარიაში უკვე გაემგზავრა. ქართულ დელეგაციას საგარეო საქმეთა მინისტრის მოადგილე სერგი კაპანაძე უხელმძღვანელებს.

ქართული მხარე მოლაპარაკებებზე დააყენებს რუსეთის მიერ ძალის გამოუყენებლობის ვალდებულების აღების და საქართველოს ოკუპირებულ ტერიტორიებზე უსაფრთხოების საერთაშორისო მექანიზმების შექმნის აუცილებლობის საკითხებს, განიხილავს აფხაზეთსა და ცხინვალის ოკუპირებული რეგიონებიდან იძულებით გადაადგილებული პირებისა და დევნილების საცხოვრებელ ადგილებში დაბრუნების ფუნდამენტური უფლების უზრუნველყოფისთვის აუცილებელ პირობებს, იმსჯელებს  საქართველოს ოკუპირებულ რეგიონებში ადამიანის უფლებების დარღვევის შესახებ.

აფხაზეთის ბაგა-ბაღის „სინათლე“-ს აღსაზრდელებს საჩუქრები გადაეცათ

აფხაზეთის ავტონომიური რესპუბლიკის მთავრობის თავმჯდომარის გიორგი ბარამიას ინიციატივით, აფხაზეთის ბაგა-ბაღის „სინათლე"-ს აღსაზრდელებს სხვადასხვა სახის საჩუქრები გადაეცათ. 38-მა დევნილმა ბავშვმა საკანცელარიო და ჰიგიენური ნაკრები საჩუქრად მიიღო.

აღნიშნული აქცია საქველმოქმედო ხასიათს ატარებდა, რომელიც განსაკუთრებულ დავალებათა საკითხებში აფხაზეთის მინისტრის აპარატის ორგანიზებით განხორციელდა.

აფხაზეთიდან დევნილ ბავშვებს უფასო სამედიცინო გამოკვლევები ჩაუტარდათ

ბავშვთა დაცვის საერთაშორისო დღესთან დაკავშირებით, აფხაზეთის ავტონომიური რესპუბლიკის მთავრობის ინიციატივითა და ჟვანიას სახელობის ბავშვთა ახალი კლინიკის მხარდაჭერით, აფხაზეთიდან დევნილ 15 წლამდე ასაკის 100 ბავშვს უფასო სამედიცინო-პროფილაქტიკური გასინჯვები ჩაუტარდა.

გამოკვლევებს აფხაზეთის ავტონომიური რესპუბლიკის მთავრობის თავმჯდომარე გიორგი ბარამია და აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის მინისტრი ლექსო ლაგვილავა დაესწრნენ. ბავშვებს საჩუქრებიც დაურიგდათ.

ღონისძიება აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინისტროს ორგანიზებით მოეწყო და მისი მიზანია ბენეფიციართა ჯანმრთელობის მდგომარეობის შესწავლა, ქრონიკულ პაციენტთა გამოვლენა და პრევენციული ღონისძიებების დასახვა.

მსგავ აქციებს აფხაზეთის ავტონომიური რესპუბლიკის მთავრობა მომავალშიც განახორციელებს.