აფხაზეთის ავტონომიური რესპუბლიკის მთავრობის ორგანიზებით აფხაზეთიდან დევნილ ბავშვებს კინოთეატრმა რუსთაველმა უმასპინძლა.

25-მდე დევნილი მოზარდი ფილმის „ოზი დიდებული და ძლევამოსილი" კინოჩვენებას დაესწრო. ამჯერად მოზარდები გლდანის კომპაქტური ჩასახლების ობიექტიდან რეგიონული მართვის საკითხებში აფხაზეთის ავტონომიური რესპუბლიკის მინისტრის აპარატმა მიიწვია.

აფხაზეთის ავტონომიური რესპუბლიკის განათლებისა და კულტურის სამინისტროში სტაჟიორთა მიღება განხორციელდება სამინისტროში წარდგენილი საბუთებისა და სამინისტროში არსებულ სტაჟირების საბჭოს წევრებთან გასაუბრების საფუძველზე.

1. სტაჟირება განხორციელდება სამინისტროს შემდეგ სტრუქტურულ ქვედანაყოფებში:
  ა) პროგრამებისა და საინფორმაციო ანალიტიკური დეპარტამენტი - 2 სტაჟიორი;
  ბ) შიდა აუდიტის სამსახური - 2სტაჟიორი;
  გ) საზოგადოებასთან ურთიერთობის სამმართველო - 1 სტაჟიორი;
  დ) განათლების სამმართველო - 1 სტაჟიორი;
  ე) გალის საგანმანათლებლო რესურსცენტრი - 1 სტაჟიორი;
  ვ) საბიუჯეტო-საფინანსო და შესყიდვების სამსახური - 2 სტაჟიორი;
  ზ)იურიდიული, საქმისწარმოებისა და კადრების სამმართველო - 2 სტაჟიორი;
  თ) მატერიალურ-ტექნიკური უზრუნველყოფის სამმართველო - 3 სტაჟიორი;
  ი) განათლები, კულტურისა და სპორტის დეპარტამენტი - 1 სტაჟიორი;
2. სტაჟირების მსურველი იურიდიულ, საქმისწარმოებისა და კადრების სამმართველოში წარადგენს შემდეგ საბუთებს:
  ა) პირადი განცხადება (მინისტრის სახელზე);
  ბ) პირადობის დამადასტურებელი მოწმობის ასლი;
  გ) დახასიათება - შუამდგომლობა (თუ კანდიდატი დამამთავრებელი კურსის სტუდენტია);
  დ) ავტობიოგრაფია;
  ე) დიპლომის ასლი ან ცნობა უმაღლესი სასწავლებლიდან;
  ვ) ორი ფოტოსურათი 3X4.
3. სამინისტროს კანცელარიაში საბუთების მიღება განხორციელდება 2013 წლის 25 მარტიდან 2013 წლის 2 აპრილის ჩათვლით 10:00 საათიდან 17:00 საათამდე.
4. შერჩეულ კანდიდატებთან გასაუბრება შედგება 2013 წლის 4 აპრილს.
5. გასაუბრებაზე მოწვეული იქნება მხოლოდ შერჩეული კანდიდატები.
6. სტაჟირების წარმატებით გავლის შემთხვევაში სტაჟიორს ეძლევა სტაჟირების სერტიფიკატი.
7. სტაჟირების მსურველი აუცილებელ დოკუმენტაციას წარადგენს სამინისტროში,
მისამართი: დ.უზნაძის №68, მე-2 სართული ან სამინისტროს ელექტრონულ მისამართზე - info@meca.gov.ge
ტელ: (+995 32) 2 96 39 84

აფხაზეთის ავტონომიური რესპუბლიკის მთავრობის ინიციატივითა და აფხაზეთის განათლებისა და კულტურის სამინისტროს ორგანიზებით, დაუნის სინდრომის საერთაშორისო დღესთან დაკავშირებით, შეზღუდული შესაძლებლობების მქონე 40-მდე მოზარდს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრმა უმასპინძლა.

ღონისძიების ფარგლებში ფოტო-გამოფენა მოეწყო. ასევე, შეზღუდული შესაძლებლობების მქონე მოზარდებისთვის ხატვის მასტერ-კლასები და სხვადასხვა შემეცნებით-გასართობი პროგრამა ჩატარდა. ყველა ბავშვს სამახსოვრო საჩუქარი გადაეცა.

საღამოს დასასრულს, სიმღერის - „საქართველოს შვილები" პრეზენტაცია გაიმართა, რომელიც მხედველობა დაქვეითებული და აფხაზეთიდან დევნილი ბავშვების მონაწილეობით შესრულდა. სიმღერა აფხაზეთის ა/რ განათლებისა და კულტურის სამინისტროს ხელშეწყობით ჩაიწერა.

ღონისძიების მიზანია შეზღუდული შესაძლებლობების მქონე მოზარდების საზოგადოებრივი ინტეგრაციის ხელშეწყობა და მათი ჩართვა სხვადასხვა აქტივობებში.

საღამო სათამაშოების მაღაზია „პეპელა", „ცეროდენა", სუპერმარკეტი „აკვავიტა", საკანცელარიო მაღაზია „უნიპაპი" და საჩუქრების მაღაზია „wonderful toy"-ის მხარდაჭერით განხორციელდა.

2011 წლის 19 დეკემბერს, გაერთიანებული ერების ორგანიზაციამ 21 მარტი დაუნის სინდრომის საერთშორისო დღედ გამოაცხადა.

აფხაზეთის ავტონომიური რესპუბლიკის მთვარობის მხარდაჭერითა და აფხაზეთის ჯანდაცვის სამინისტროს ორგანიზებით თბილისში, ჯავახეთის ქ. №68-ში კომპაქტურად ჩასახლებულ აფხაზეთიდან დევნილებს სამედიცინო-პროფილაქტიკური გასინჯვები ჩაუტარდათ.

სამედიცინო აქციის ფარგლებში, აღნიშნულ ობიექტში ჩასახლებულმა 100-მდე იძულებით გადაადგილებულმა პირმა უფასო სამედიცინო მომსახურება გაიარა. დევნილებმა თერაპევტის, პედიატრის, ექიმი-სპეციალისტების (კარდიოლოგი, ნევროლოგი, ოფთალმოლოგი, ოტორინოლარინგოლოგი), კონსულტაციები მიიღეს. ასევე, ულტრასონოგრაფიული, ელექტროკარდიოგრაფიული და ლაბორატორიული გამოკვლევები ჩაუტარდათ.

აფხაზეთის ჯანდაცვის სამინისტრომ იძულებით გადაადგილებულ პირებს ჰუმანიტარული დახმარებაც გადასცა. ყველა მათგანმა საჭიროებისამებრ უფასო მედიკამენტები და წნევის საზომი აპარატი მიიღო სამედიცინო-პროფილაქტიკურ გასინჯვებს მთელი დღის განმავლობაში დევნილთა პოლიკლინიკის ექიმები ატარებდნენ.

აფხაზეთის ავტონომიური რესპუბლიკის მთავრობის, აფხაზეთის უმაღლესი საბჭოსა და საქართველოს თავდაცვის სამინისტროს ხელმძღვანელმა პირებმა, ასევე შეიარაღებული ძალების გაერთიანებული შტაბისა და ვეტერანთა საქმეების დეპარტამენტის წარმომადგენლებმა დაღუპულ გმირთა მემორიალი გვირგვინით შეამკეს და პატივს მიაგეს მათ ხსოვნას.

მთავრობის წევრებმა ასევე ვაშლიჯვრის ძმათა სასაფლაო გვირგვინით შეამკეს და სანთლები დაანთეს. დეკანოზმა დავით ლონდარიძემ საქართველოს ტერიტორიული მთლიანობისთვის დაღუპულთა სულის მოსახსენიებელი პანაშვიდი გადაიხადა.

დღესვე, მერაბ ბერძენიშვილის სახელობის საერთაშორისო ცენტრ „მუზაში" საბრძოლო ოპერაციის მე-20 წლისთავისადმი მიძღვნილი საღამო გაიმართა. საზოგადოებამ კიდევ ერთხელ გაიხსენა 1993 წლის 15-16 მარტს აფხაზეთში განვითარებულ მოვლენები და დაღუპულ მებრძოლთა გმირობის ისტორიები. ცენტრში მიწვეული სტუმრებისთვის აფხაზეთის ომის შესახებ დოკუმენტური ფილმის ჩვენება მოეწყო. ღონისძიებას ომში დაღუპული გმირების ოჯახის წევრებიც დაესწრნენ.

20 წლის წინ, 1993 წლის 15-16 მარტს საქართველოს შეიარაღებულმა ძალებმა ყველაზე ფართომასშტაბიანი იერიში წარმატებით მოიგერიეს და სოხუმი დაცემისგან იხსნეს.

გიორგი შარვაშიძის სახელობის პრემიაზე განაცხადები მიიღება შემდეგ დარგებში: ლიტერატურა, მეცნიერება, ხელოვნება, პუბლიცისტიკა, არქიტექტურა.

გიორგი შარვაშიძის სახელობის პრემია ენიჭება ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგში 2011-2013 წლებში შექმნილ ნაწარმოებებს, რომლებმაც მხატვრული, სამეცნიერო და სხვა ღირსებათა გამო საერთო ეროვნული აღიარება მოიპოვეს და წარმოადგენს შენაძენს ქართული ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგში.

გიორგი შარვაშიძის სახელობის პრემია გაიცემა არა უმეტეს ოთხისა, თითოეული 3000 ლარის ოდენობით.

გიორგი შარვაშიძის სახელობის პრემიის მოსაპოვებლად კონკურსში კანდიდატთა წარდგენის პირობები და წესი:

ა) გიორგი შარვაშიძის სახელობის პრემიის მოსაპოვებლად კანდიდატთა წარდგენის უფლება აქვთ იმ სასწავლო-სამეცნიერო დაწესებულებებს, შემოქმედებით და სხვა საზოგადოებრივ ორგანიზაციებს, რომლებიც მოღვაწეობენ ლიტერატურის, მეცნიერების, ხელოვნების, პუბლიცისტიკისა და არქიტექტურის დარგებში და აქვთ შესაბამისი ავტორიტეტი და კომპეტენცია.

ბ) პრემიის მოსაპოვებლად შეიძლება წარდგენილ იქნეს პირი მისი მოქალაქეობის მიუხედავად;

გ) პრემიის მოსაპოვებლად წარდგენილი კანდიდატი არ შეიძლება იყოს კომისიის წევრი.

დ) ლიტერატურული და პუბლიცისტური ნაწარმოებების წარდგენა უნდა მოხდეს დასრულებული სახით გამოქვეყნების შემდეგ. ხელოვნების სხვადასხვა დარგებში შექმნილი ნაწარმოებების საკონკურსოდ წარდგენა შეიძლება მას შემდეგ, რაც მათ სრულად გაეცნობა საზოგადოება კონცერტებზე, გამოფენებზე, კინოთეატრებში, მასმედიის საშუალებების მეშვეობით; არქიტექტურის დარგში შექმნილი ნაწარმოებების საკონკურსოდ წარდგენა უნდა მოხდეს ობიექტის მშენებლობის დასრულების შემდეგ. Mმეცნიერების დარგში შექმნილი ნაშრომის საკონკურსოდ წარდგენა შეიძლება სამეცნიერო ნაშრომის გამოქვეყნების ან/და მისი პრაქტიკული განხორციელების შემდეგ.

ე) დაუშვებელია პრემიის მოსაპოვებლად კომისიის მიერ უარყოფილი ნაწარმოების (ნაშრომის) ხელმეორედ წარდგენა. პრემიის მოსაპოვებლად ავტორის განმეორებით წარდგენა შესაძლებელია მხოლოდ ახალი ნაწარმოებით (ნაშრომით).

ვ) ავტორთა ჯგუფისათვის პრემიის მინიჭებისას, პრემია ავტორთა შორის ნაწილდება თანაბრად.

კონკურსზე მონაწილეობისათვის აფხაზეთის ავტონომიური რესპუბლიკის განათლებისა და კულტურის სამინისტროში წარდგენილი უნდა იქნეს შემდეგი დოკუმენტაცია :

1. წარდგინება, ანუ ნაწარმოების, ნაშრომის აღწერა-დახასიათება იმ განსაკუთრებული ღირსებების აღნიშვნით, რის გამოც ხდება მისი ავტორის გიორგი შარვაშიძის სახელობის პრემიაზე წარდგინება. დოკუმენტს ხელს აწერს წარმდგენი ორგანიზაციის ხელმძღვანელი.

2. საკონკურსო ნაწარმოების, ნაშრომის შესახებ პრესაში გამოქვეყნებული რეცენზიები, აუდიო, ვიდეო, ფოტო და სხვა მასალები ნაწარმოებზე, ნაშრომზე წარმოდგენის შესაქმნელად.

3. კანდიდატის ბიოგრაფია (CV ).

4. ლიტერატურული ნაწარმოები 12 ეგზემპლარად, სამეცნიერო ნაშრომი 12 ეგზემპლარად, სიმფონიური ნაწარმოების პარტიტურა 12 ეგზემპლარად, აუდიო, ვიდეო ჩანაწერები.წარმოდგენილი ნაშრომები ავტორებს უკან არ უბრუნდებათ.

5. კანდიდატის ორი ფოტოსურათი (6X9 სმ).

საკონკურსო განცხადებებისა და თანდართული მასალების მიღების ვადები :

1. საკონკურსო განცხადებები და მასალები მიიღება აფხაზეთის ავტონომიური რესპუბლიკის განათლებისა და კულტურის სამინისტროში 2013 წლის 1 ივნისამდე, შაბათ-კვირის გარდა, 10:00 სთ-დან 17:00 სთ-მდე.

2. კონკურსის საბოლოო შედეგები და პრემიის ლაურეატთა სია გამოქვეყნდება 2013 წლის 23 ნოემბერს.

დამატებითი ცნობებისათვის მოგვმართეთ:
თბილისი, უზნაძის ქ. #68,
აფხაზეთის ავტონომიური რესპუბლიკის განათლებისა და კულტურის სამინისტრო.
საკონტაქტო პირი: ია მაისაია, ეკა გადილია.
ტელ: 2 95-18-49 

აფხაზეთის ავტონომიური რესპუბლიკის მთავრობის ინიციატივით და ორგანიზებით ქ. თბილისში, ბაქოს ქ. №6 ჩასახლებულ 100-მდე დევნილ ოჯახს მრავალპროფილიანი სამედიცინო გამოკვლევები ჩაუტარდა.

სამედიცინო გამოკვლევები აფხაზეთის დევნილი სამედიცინო დაწესებულებების მაღალკვალიფიციური სპეციალისტებით დაკომპლექტებულმა ექიმთა ჯგუფმა ჩაატარა.

სამედიცინო აქციას აფხაზეთის ავტონომიური რესპუბლიკის მთავრობის წევრები და საქართველოს ოკუპირებული ტერიტორიებიდან იძულებით გადაადგილებულ პირთა, განსახლების და ლტოლვილთა სამინისტროს წარმომადგენლები დაესწრნენ.

აფხაზეთის ავტონომიური რესპუბლიკის მთავრობა სამედიცინო გამოკვლევებს სხვა კომპაქტურად ჩასახლებული დევნილების ობიექტებშიც გეგმავს.

აფხაზეთის ავტონომიური რესპუბლიკის მთავრობის ინიციატივით და მხარდაჭერით, ნოდარ დუმბაძის სახელობის მოზარდ მაყურებელთა თეატრში ქალთა საერთაშორისო დღისადმი მიძღვნილ კონცერტი გაიმართა.

ღონისძიებას აფხაზეთის ავტონომიური რესპუბლიკის მთავრობის წევრები და აფხაზეთიდან დევნილი 400-მდე ქალბატონი დაესწრო, მათ შორის თბილისში მცხოვრები აფხაზი ქალბატონები.

თეატრის სცენაზე, მაყურებლის წინაშე აფხაზეთის სიმღერისა და ცეკვის სახელმწიფო ანსამბლი სპეციალური პროგრამით წარსდგა. ასევე აფხაზეთის სახელმწიფო ახალგაზრდული კაპელას მიერ შესრულდა თანამედროვე საგუნდო და საესტრადო მუსიკალური ნაწარმოებები.

ღონისძიება აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით გაიმართა.

აფხაზეთის ავტონომიური რესპუბლიკის მთავრობის მიერ ორგანიზებულ სამედიცინო აქციის ფარგლებში ქ. თბილისში, მუხიანის  II მ/რ, კორ. 33 - ყოფ. „ოპტიკა" და მუხინის II მ/რ, კორ. 32 - ყოფ. „პროფ. ტექნიკუმ"-ში ჩასახლებულ 100-მდე დევნილს მრავალპროფილიანი სამედიცინო გამოკვლევები ჩაუტარდა.

სამედიცინო გამოკვლევებს აფხაზეთის დევნილი სამედიცინო დაწესებულებების მაღალკვალიფიციური სპეციალისტებით დაკომპლექტებული ექიმთა ჯგუფი ატარებდა.

სამედიცინო აქციას აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის მინისტრი გენადი გადელია და მთავრობის წევრები დაესწრნენ.

აფხაზეთის ავტონომიური რესპუბლიკის მთავრობა უფასო სამედიცინო გამოკვლევებს სხვა კომპაქტურად ჩასახლებული დევნილების ობიექტებშიც გეგმავს.

აფხაზეთის განათლებისა და კულტურის სამინისტრო იწყებს ოკუპირებული ტერიტორიის (გალის რაიონი) აბიტურიენტთა რეგისტრაციას 2013 წლის ეროვნული გამოცდების მოსამზადებელ ცენტრში ჩარიცხვის მიზნით.

4 თვის განმავლობაში ცენტრის სპეციალისტები გადაამზადებენ აბიტურიენტებს შემდეგ სასწავლო დისციპლინებში: ქართული ენა და ლიტერატურა, მათემატიკა, ზოგადი უნარ-ჩვევები, უცხო-ენა(რუსული).

ცენტრი ფუნქციონირებს აფხაზეთის №1 საჯარო სკოლის ბაზაზე.

მისამართი: ქ. ზუგდიდი, აღმაშენებლის გამზირი №222.

აფხაზეთის ავტონომიური რესპუბლიკის მთავრობის ინიციატივითა და მხარდაჭერით, საქართველოს პარლამენტის ეროვნულ ბიბლიოთეკაში აფხაზური ენის თვითმასწავლებელი - ელექტრონული პროგრამის „ვისწავლოთ აფხაზური ენა" პრეზენტაცია გაიმართა. პრეზენტაციას საქართველოს განათლებისა და მეცნიერების მინისტრი გიორგი მარგველაშვილი და აფხაზეთის განათლებისა და კულტურის მინისტრი ალექსანდრე აპლაკოვი დაესწრნენ.

გიორგი მარგევლაშვილმა აღნიშნული პროგრამა მნიშვნელოვან და პროგრესულ ნაბიჯად შეაფასა. „ძალიან მნიშვნელოვანია ამ პროგრამის შექმნა, ვინაიდან მთელის საქართველოს მასშტაბით შესაძლებელი გახდება ახფაზური ენის შესწავლა. ჩვენ აფხაზეთის განათლების სამინისტროსთან ერთად ვიწყებთ საერთო პოლიტიკის შემუშავებას აფხაზეთის საგანმანათლებლო სივრცის მიმართულებით" - განაცხადა საქართველოს განათლებისა და მეცნიერების მინისტრმა.

პროგრამა აფხაზეთის ავტონომიური რესპუბლიკის განათლებისა და კულტურის სამინისტროს შესაბამისი პროექტის საფუძველზე შეიქმნა. პროგრამაზე დაყრდნობით ნებისმიერ მსურველს შესაძლებლობა ექნება გაეცნოს და შეისწავლოს აფხაზური ენა.

საქართველოს კონსტიტუციის თანახმად, აფხაზური ენა, ქართულ ენასთან ერთად, აფხაზეთის ტერიტორიაზე მეორე სახელმწიფო ენაა. პროექტის მიზანი არის აფხაზური ენის, კულტურისა და იდენტობის შენარჩუნება და მის განვითარებაზე ზრუნვა.

აფხაზეთის ავტონომიური რესპუბლიკის მთავრობას დღეს აშშ სახელმწიფო დეპარტამენტის ჰუმანიტარული დახმარების ოფისის დირექტორი (ევროპასა და აზიაში) ჯერალდ ობერნდორფერი სტუმრობდა.

ვიზიტის ფრგლებში, ჯერალდ ობერნდორფერი აფხაზეთის ავტონომიური რესპუბლიკის მთავრობის წევრებს შეხვდა. შეხვედრას ხუთი არასამთავრობო ორგანიზაციის (Ects Georgia, CounterParty, IRD, AMCOR, Hellinicare) წარმომადგენელი ესწრებოდა.

შეხვედრაზე, ჯანდაცვის კუთხით დევნილი მოსახლეობისთვის ჰუმანიტარული დახმარების საკითხებზე იმსჯელეს. მხარეებმა ასევე, იძულებით გადაადგილებულ პირთა სამედიცინო დაწესებულებების საჭირო აპარატურითა და შესაბამისი ინვენტარით უზრუნველყოფის შესაძლებლობები განიხილეს.

აფხაზეთის ავტონომიური რესპუბლიკის მთავრობასა და აშშ სახელმწიფო დეპარტამენტის ჰუმანიტარული დახმარების ოფისს შორის მჭიდრო ურთიერთთანამშრომლობა გაგრძელდება.

აფხაზეთის ავტონომიური რესპუბლიკის მთავრობის თავმჯდომარის გიორგი ბარამიას ინიციატივით, დევნილი ბავშვებისათვის საჩუქრების დარიგება გრძელდება. საქველმოქმედო აქციის ფარგლებში, საჩუქრები კოდორის ხეობიდან დევნილი ბავშვებისათვის თეთრიწყაროს რაიონის სოფელ წინწყაროსა და სოფელ ქვემო ბოლნისში დარიგდა.

პარალელურ რეჟიმში საჩუქრები გადაეცათ თბილისში, წერეთლის №130-ში, თევდორე მღვდლის №13-ში, ორხევის დასახლების, საგარეჯოს რაიონის, დმანისისა და ქუთაისის კომპაქტურ ჩასახლებებში მცხოვრებ დევნილ ბავშვებს.

საქველმოქმედო აქცია აფხაზეთის დევნილთა დეპარტამენტის ორგანიზებით განხორციელდა. საჩუქრები ბავშვებისათვის ფონდმა „კეთილი სამარინელი საქართველოში" გამოყო.

აფხაზეთის ავტონომიური რესპუბლიკის მთავრობის თავმჯდომარე გიორგი ბარამია სამცხე-ჯავახეთის რეგიონში დევნილთა კომპაქტურად ჩასახლების რამდენიმე ობიექტს სტუმრობდა. იძულებით გადაადგილებულმა პირებმა მთავრობის თავმჯდომარეს მათი პრობლემები გააცნეს და ობიექტებში არსებულ პირობებზე ესაუბრნენ.

დევნილებთან შეხვედრის შემდეგ, აფხაზეთის მთავრობის თავმჯდომარემ საჩუქრები სანატორიუმებში („ბალნეოლოგიური", „ბორჯომი", „ლიკანი2" და „ლიკანი3") მცხოვრებ ბავშვებს გადასცა. საჩუქრები ასევე მიიღეს პანსეონატ „პლატო"-სა და საერთო საცხოვრებელ „მთისხევში" ჩასახლებულმა დევნილმა მოზარდებმა. საერთო ჯამში, აფხაზეთის ავტონომიური რესპუბლიკის მთავრობისაგან საჩუქრები 500-მდე დევნილ ბავშვს დაურიგდა.

აღნიშნულ კომპაქტურ ჩასახლებებში 822 აფხაზეთიდან დევნილი ოჯახი ცხოვრობს.

ღონისძიება აფხაზეთის დევნილთა საქმეების დეპარტამენტის ორგანიზებითა და საქველმოქმედო ფონდის „კეთილი სამარინელი საქართველოში" მხარდაჭერით მოეწყო.

აფხაზეთის ავტონომიური რესპუბლიკის მთავრობის თავმჯდომარე გიორგი ბარამია სამცხე-ჯავახეთის რეგიონში დევნილთა კომპაქტურად ჩასახლების რამდენიმე ობიექტს სტუმრობდა. იძულებით გადაადგილებულმა პირებმა მთავრობის თავმჯდომარეს მათი პრობლემები გააცნეს და ობიექტებში არსებულ პირობებზე ესაუბრნენ.

დევნილებთან შეხვედრის შემდეგ, აფხაზეთის მთავრობის თავმჯდომარემ საჩუქრები სანატორიუმებში („ბალნეოლოგიური", „ბორჯომი", „ლიკანი2" და „ლიკანი3") მცხოვრებ ბავშვებს გადასცა. საჩუქრები ასევე მიიღეს პანსეონატ „პლატო"-სა და საერთო საცხოვრებელ „მთისხევში" ჩასახლებულმა დევნილმა მოზარდებმა. საერთო ჯამში, აფხაზეთის ავტონომიური რესპუბლიკის მთავრობისაგან საჩუქრები 500-მდე დევნილ ბავშვს დაურიგდა.

აღნიშნულ კომპაქტურ ჩასახლებებში 822 აფხაზეთიდან დევნილი ოჯახი ცხოვრობს.

ღონისძიება აფხაზეთის დევნილთა საქმეების დეპარტამენტის ორგანიზებითა და საქველმოქმედო ფონდის „კეთილი სამარინელი საქართველოში" მხარდაჭერით მოეწყო.