ვიტალი დარასელიას სახელობის სტიპენდია

ქ. ოჩამჩირეში დაბადებული და გაზრდილი, ყველა დროის ერთ-ერთი საუკეთესო ქართველი ფეხბურთელის, ნახევარმცველის, სპორტის დამსახურებული ოსტატის, მრავალი ჯილდოს, პრემიისა და პრიზის მფლობელის ვიტალი დარასელიას სახელობის სტიპენდია აფხაზეთიდან დროებით იძულებით გადაადგილებული, დროებით ოკუპირებულ აფხაზეთში მცხოვრები ან  აფხაზეთის ავტონომიური რესპუბლიკის სახელით მოასპარეზე ახალგაზრდა,  წარმატებული სპორტსმენების გამოვლენას, მხარდაჭერას და წახალისებას ემსახურება;

სტიპენდია ენიჭებათ საკონკურსო წლისა და წინა სპორტული სეზონის განმავლობაში დადასტურებული მაღალი სპორტული მიღწევების მქონე აფხაზეთიდან დროებით იძულებით გადაადგილებულ, დროებით ოკუპირებულ აფხაზეთში მცხოვრებ ან  აფხაზეთის ავტონომიური რესპუბლიკის სახელით მოასპარეზე  8-დან 17 წლამდე ახალგაზრდებს: სპორტის ოლიმპიურ, არაოლიმპიურ და პარალიმპიურ სახეობებში (ოლიმპიური თამაშების, მსოფლიოს, ევროპის, საქართველოს ჩემპიონებსა და პრიზიორებს, ასევე პრესტიჟული საერთაშორისო  და ადგილობრივი ტურნირების გამარჯვებულებს და პრიზიორებს);

სტიპენდია წესდება საკონკურსო წლისა და წინა სპორტული სეზონის განმავლობაში დადასტურებული მაღალი სპორტული მიღწევების მქონე ხუთ გამარჯვებულზე, თითოეულზე 400 (ოთხასი) ლარის ოდენობით ყოველთვიურად, კალენდარული წლის შვიდი თვის განმავლობაში;

კონკურსში მონაწილეობის მსურველებმა საკონკურსო განაცხადი უნდა წარმოადგინონ აფხაზეთის ავტონომიური რესპუბლიკის განათლებისა და კულტურის სამინისტროში მიმდინარე წლის 6 ივნისიდან 20 ივნისის ჩათვლით (შაბათ-კვირის გარდა, 10:00 საათიდან 17:00 საათამდე) თანდართულ დოკუმენტებთან ერთად:

• შესაბამისი სპორტული ფედერაციის წარდგინება (არადევნილი სპორტსმენის შემთხვევაში მითითებული უნდა იყოს, რომ სპორტსმენი რეგიონალურ შეჯიბრებებზე აფხაზეთის ავტონომიური რესპუბლიკის სახელით ასპარეზობს);
• სიგელები, დიპლომები, ჯილდოები ან/და წარმატების დამადასტურებელი ფოტო-ვიდეო მასალა;
• მწვრთნელის რეკომენდაცია;
• კონკურსანტის ავტობიოგრაფია/CV;
• პირადობის დამადასტურებელი მოწმობის ან პასპორტის ასლი;
• აფხაზეთიდან დროებით იძულებით გადაადგილებული პირის მოწმობის ასლი (ეს პუნქტი არ ეხება სპორტის სხვადასხვა სახეობებში აფხაზეთის ავტონომიური რესპუბლიკის სახელით მოასპარეზე სპორტსმენებს);

დამატებითი ინფორმაციისთვის, გთხოვთ დაგვიკავშირდეთ :

აფხაზეთის ავტონომიური რესპუბლიკის განათლებისა და კულტურის სამინისტრო, კულტურის, სპორტისა და ახალგაზრდული პოლიტიკის სამსახური;

საქართველო-თბილისი 0102, დ.უზნაძის ქუჩა №68 ;

საკონტაქტო ტელ:   +995  599 92 50 50;    +995  598 39 39 10