-
სამოქმედო გეგმა
-
აფხაზური ენის განვითარება და პოპულარიზაცია
-
აფხაზეთის მეცნიერთა მხარდაჭერის პროგრამა
-
წარმატებული ახალგაზრდების მხარდაჭერის ქვეპროგრამა
-
ნიკოლოზ თაბუკაშვილის სახელობის პრემია
-
აფხაზეთის არქიტექტურულ–ისტორიული ნაგებობების ონლაინ რუკა
-
abculture.ge
-
აფხაზეთის საჯარო სკოლები
-
რესურსცენტრები
-
ონლაინ მუზეუმი
-
დიმიტრი (არზაყან) ემუხვარისა და ჟიული შარტავას სახელობის სტიპენდიები
-
ანგარიშები
-
გიორგი შარვაშიძის სახელობის პრემია
-
ვიქტორ სანეევის სახელობის სტიპენდია
-
ვიტალი დარასელიას სახელობის სტიპენდია
-
აკადემიკოს ილია ვეკუას სახელობის სტიპენდია
განათლებისა და კულტურის სამინისტრო
ახალი ამბები
განათლებისა და კულტურის სამინისტრო
2025-10-16
აფხაზეთის განათლების და კულტურის მინისტრმა სოხუმის ილია ვეკუას ფიზიკა-ტექნიკის ინსტიტუტის თანამშრომლებსა და მოწვეულ სტუმრებს სიტყვით მიმართა, ინსტიტუტის ისტორიულ მნიშვნელობასა და თაობათა აღზრდაში მათ როლზე ისაუბრა. ბექა ღვაჩლიანმა ილია ვეკუას ფიზიკა-ტექნიკის ინსტიტუტის თანამშრომლებს ხანგრძლივი და ნაყოფიერი შრომისთვის მადლობა გადუხადა და სიგელები გადასცა.
80 წლის საიუბილეო თარიღი სოხუმის ილია ვეკუას სახელობის ფიზიკა-ტექნიკის ინტიტუტის თანამშრომლებსა და სამეცნიერო აკადემიურის სფეროს წარმომადგენლებს, საქართველოს განათლების, მეცნიერებისა და ახალგაზრდობის საქმეთა კომიტეტის თავმჯდომარე მარიამ ლაშხმა, საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ, საქართველოს თავდაცვის მინისტრის მოადგილე დავით კუპატაძემ და სახელმწიფო სამხედრო სამეცნიერო-ტექნიკური ცენტრი „დელტა“-ს დირექტორმა დავით ახვლედიანმა მიულოცეს.
საიუბილეო თარიღთან დაკავშირებით სოხუმის ილია ვეკუას ფიზიკა-ტექნიკის ინსტიტუტის ორგანიზებით საერთაშორისო კონფერენცია "თანამედროვე მასალები და ტექნოლოგიები“ იმართება, რომელიც 17 ოქტომბერს დასრულდება.
განათლებისა და კულტურის სამინისტრო
2025-10-09
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად აფხაზეთის შემოქმედებითი კოლექტივის წარმომადგენლებს შეხვდა.
აფხაზეთის მთავრობის თავმჯდომარემ შემოქმედებითი კოლექტივების წარმომადგენლებს, აფხაზეთის მთავრობის გადაწყვეტილება გააცნო, რაც მათი საქმიანობის მხარდაჭერის მიზნით დამატებითი ფინანსური რესურსების გამოყოფას ითვალისწინებს.
შეხვედრაზე მთავრობის წარმომადგენლებმა ყურადღება გაამახვილეს სამშვიდობო პროცესში კულტურული დიალოგის მნიშვნელობაზე და შემოქმედებითი ინიციატივების ხელშეწყობის შესაძლებლობებზე ისაუბრეს.
შეხვედრაში კონსტანტინე გამსახურდიას სახელობის სოხუმის სახელმწიფო დრამატული თეატრის, გიორგი რატიანის სახელობის სოხუმის მოზარდ მაყურებელთა თეატრის, აფხაზეთის სიმღერის სახელმწიფო ანსამბლ „შავნაბადას“, აფხაზეთის სახელმწიფო თეატრ „აზდაკის ბაღის“, გურამ ყურაშვილის სახელობის აფხაზეთის სახელმწიფო საგუნდო კაპელას და აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთის“ წარმომადგენლები მონაწილეობდნენ.
ღონისძიებას აფხაზეთის მთავრობის თავმჯდომარის პირველი მოადგილე ანზორ მარგიანი, აფხაზეთის ფინანსთა და ეკონომიიკის მინისტრი თენგიზ ნასარიძე, აფხაზეთის განათლებისა და კულტურის სამინისტროს კულტურის სამსახურის და აფხაზეთის კულტურის, სპორტის და ახალგაზრდულ საქმეთა სააგენტოს წარმომადგენლები ესწრებოდნენ.
განათლებისა და კულტურის სამინისტრო
2025-10-07
აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, მასწავლებლის საერთაშორისო დღესთან დაკავშირებით, აფხაზეთის ღვაწლმოსილი პედაგოგებისა და აფხაზეთის საჯარო სკოლების წლის საუკეთესო მასწავლებლების დაჯილდოება გაიმართა.
პედაგოგებს მასწავლებლის დღე მიულოცეს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილმა და აფხაზეთის განათლებისა და კულტურის მინისტრმა ბექა ღვაჩლიანმა.
ღონისძიებაზე აფხაზეთის ავტონომიური რესპუბლიკის ღვაწლმოსილი პედაგოგები ეთერი ლაშხია, გულნაზ ბაციაშვილი, მზიანა ბოკუჩავა, ზაირა გვაგვალია, მანანა გიორხელიძე, ნანული ჯახუა და თინათინ კალანდია ასევე, აფხაზეთის საჯარო სკოლების 2025 სასწავლო წლის საუკეთესო მასწავლებლები ირმა კილასონია, თეა კუხიანიძე და ნინო ფარულავა სამინისტროს სიგელებითა და საჩუქრებით დაჯილდოვდნენ.
ღონისძიების ფარგლებში, მომავალი თაობის აღზრდასა და განათლებაში შეტანილი განსაკუთრებული წვლილისთვის თეონა სართანიას, რიტა კეთილაძეს, მანანა ჯოლოგუას, ლონდა ღურწკაიას, მაყვალა მეფორიას და მადინა ცირდავას საქართველოს განათლების, მეცნიერებისა და ახალგაზრდობის სამინისტროსგან სპეციალური სერტიფიკატები გადაეცათ.
დაჯილდოებას აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის მთავრობის წევრები, უმაღლესი საბჭოს დეპუტატები, აფხაზეთის საჯარო სკოლების მასწავლებლები და დირექტორები ესწრებოდნენ.
აფხაზეთის ღვაწლმოსილი პედაგოგებისა და აფხაზეთის საჯარო სკოლების წლის საუკეთესო მასწავლებლების დაჯილდოება აფხაზეთის განათლებისა და კულტურის სამინისტროს ორგანიზებით ყოველწლიურად იმართება.
განათლებისა და კულტურის სამინისტრო
2025-10-04
ჯანსუღ კახიძის სახელობის თბილისის მუსიკალურ-კულტურულ ცენტრში საგუნდო მუსიკის კონცერტი გაიმართა, რომელსაც აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, აფხაზეთის მთავრობის თავმჯდომარე გიორგი ჯინჭარაძესთან და აფხაზეთის მთავრობის წევრებთან ერთად დაესწრო.
ღონისძიებაში საქართველოს სახელმწიფო საგუნდო კაპელა, აფხაზეთის სახელმწიფო კაპელა და სოლისტ-ინსტრუმენტალისტები მონაწილეობდნენ. კონცერტზე შესრულდა ნოდარ მამისაშვილის, მერაბ გაგნიძის, იოსებ ბარდანაშვილის და ზვიად ბოლქვაძის ნაწარმოებები.
ქართული საგუნდო მუსიკის კონცერტი თბილისის მერიის მხარდაჭერით, 33-ე საერთაშორისო მუსიკალური ფესტივალის „შემოდგომის თბილისი“ ფარგლებში გაიმართა.
განათლებისა და კულტურის სამინისტრო
2025-10-04
საქართველოს ეროვნული ოლიმპიური კომიტეტის მუზეუმის დარბაზში, ვიქტორ სანეევის იუბილისადმი მიძღვნილი საღამო და ფილმის “სოხუმი-თბილისი-სიდნეი” ჩვენება გაიმართა, რომელსაც აფხაზეთის ავტონომიური რესპუბლიკის განათლების და კულტურის მინისტრი ბექა ღვაჩლიანი საქართველოს ეროვნული ოლიმპიური კომიტეტის პრეზიდენტ ლერი ხაბელოვთან ერთად დაესწრო.
გოგი თორაძის რეჟისორობით შექმნილი ფილმი “სოხუმი-თბილისი-სიდნეი” ლეგენდარული ქართველი სპორტსმენის ვიქტორ სანეევის ცხოვრებაზე, წარმატებისკენ მიმავალ გზასა და მის მოგონებებზე გვიამბობს.
ღონისძიებაზე მოწვეულ სტუმრებს სიტყვით აფხაზეთის განათლებისა და კულტურის მინისტრმა, საქართველოს ეროვნული ოლიმპიური კომიტეტის პრეზიდენტმა, სპორტის სფეროს წარმომადგენლებმა და ვიქტორ სანეევის მეგობრებმა მიმართეს, გაიხსენეს ფრაგმენტები და მოგონებები ვიქტორ სანეევის შესახებ და მისი სპორტული მიღწევების მნიშვნელობაზე ისაუბრეს.
დღესვე ვიქტორ სანეევის ხსოვნის საპატივცემულოდ, ვაკეში, მისი საცხოვრებელი სახლის წინ (ფალიაშვილის ქუჩა N66, I სადარბაზო) მემორიალური დაფა გაიხსნა. ღონისძიებას სპეციალური მოწვევით ვიქტორ სანეევის მეუღლე იანა ხვარცკია ესწრებოდა.
ლეგენდარული ქართველი სპორტსმენი სამხტომში, ვიქტორ სანეევი 1945 წლის 3 ოქტომბერს ქალაქ სოხუმში დაიბადა. ზედიზედ სამჯერ გახდა ოლიმპიური ოქროს მედლის პრიზიორი, სამჯერ იყო დასახელებული საქართველოს წლის საკუეთესო ქართველ სპორტსმენად. ვიქტორ სანეევი 2022 წლის 3 იანვარს ავსტრალიაში გარდაიცვალა.
განათლებისა და კულტურის სამინისტრო
2025-10-02
გაგრის დაცემის დღესთან დაკავშირებით აფხაზეთის განათლების და კულტურის მინისტრმა ბექა ღვაჩლიანმა, აფხაზეთის მთავრობის თავმჯდომარე გიორგი ჯინჭარაძესთან და აფხაზეთის უმაღლესი საბჭოს თავმჯდომარე ჯემალ გამახარიასთან ერთად, გმირთა მემორიალი ყვავილებით შეამკო და მათ ხსოვნას პატივი მიაგო.
მემორიალთან ასევე აფხაზეთის ავტონომიური რესპუბლიკის მთავრობის წევრები, ვეტერანთა საქმეთა სახელმწიფო სამსახურისა და აფხაზეთის მეომართა კავშირის წარმომადგენლები იმყოფებოდნენ.
2 ოქტომბერს გაგრის დაცემიდან 33 წელი გავიდა.
განათლებისა და კულტურის სამინისტრო
2025-09-29
აფხაზეთის განათლების და კულტურის მინისტრმა ბექა ღვაჩლიანმა, აფხაზეთის მთავრობის წევრებთან და უმაღლესი საბჭოს დეპუტატებთან ერთად, მემორიალი „საქართველოსთვის“ ყვავილებით შეამკეს და აფხაზეთის შეიარაღებული კონფლიქტის დროს გარდაცვლილი ქართველის გმირების ხსოვნას პატივი მიაგეს.
ღონისძიება გოგონათა ანსამბლ „გუმბათის“ შესრულებულ საქართველოს ეროვნული ჰიმნის ფონზე გაიხსნა.
აფხაზეთის უმაღლესი საბჭოს თავმჯდომარე ჯემალ გამახარიამ, აფხაზეთის განათლებისა და კულტურის მინსიტრთან ერთად მოწვეულ სტუმრებს და ახალგაზრდებს სიტყვით მიმართა და ქართველი გმირების ღვაწლსა და მათ ისტორიულ გმირობაზე ისაუბრა.
საზოგადოებას სიტყვით ასევე მიმართეს ჟიული შარტავას საზოგადოების თავმჯდომარე ვახტანგ ყოლბაიამ, ჟიული შარტავას ოჯახის წევრებმა და თანამებრძოლებმა.
ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები, სოხუმის სახელმწიფო უნივერსიტეტის რექტორი, აფხაზეთის საჯარო სკოლების მოსწავლეები, ვეტერანები, ჟიული შარტავას საზოგადოების წარმომადგენლები, შარტავას ოჯახის წევრები და მეგობრები ესწრებოდნენ.
1993 წლის 27 სექტემბერს - სოხუმის დაცემის დღეს, აფხაზეთის ავტონომიური რესპუბლიკის მინისტრთა საბჭოს და თავდაცვის საბჭოს თავმჯდომარე ჟიული შარტავა, აფხაზეთის მთავრობის წევრებთან ერთად ტყვედ აიყვანეს და დახვრიტეს. თბილისში ბესარიონ ჟღენტის ქუჩაზე მდებარე მემორიალი „საქართველოსთვის“ სწორედ აფხაზეთში დაღუპული გმირების სულების საპატივცემულოდ დგას.
განათლებისა და კულტურის სამინისტრო
2025-09-28
ღონისძიებაზე მსოფლიოს კრივის ფედერაციის (WBF) სარეიტინგო ბრძოლები, საქართველოს ჩემპიონის ქამრის გათამაშება და მსოფლიოს ჩემპიონის ქამრისთვის 12-რაუნდიანი ბრძოლა გაიმართა.
ფინალურ ორთაბრძოლაში, 72 კგ წონით კატეგორიაში ქართველი მოკრივე გივი თოდუა, ტაილანდელ სპორტსმენს, ფიმირ ჩონკუნის, შეხვდა, რომელიც ქართველი მებრძოლის გამარჯვებით დასრულდა.
პოფესიონალურ კრივის საღამოზე, აფხაზეთის განათლების და კულტურის მინისტრი, საქართველოს სპორტის მინისტრ შალვა გოგოლაძესთან და თბილისის მერ კახი კალაძესთან ერთად დაესწრო.
საღამოს სპეციალური მოწვევით მსოფლიო დონის კრივის ვარსკვლავი ლენოქს ლუისი ესწრებოდა.
განათლებისა და კულტურის სამინისტრო
2025-09-28
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, აფხაზეთის განათლების და კულტურის მინისტრ ბექა ღვაჩლიანთან ერთად საბურთალოს ძმათა სასაფლაოზე საქართველოს ეროვნული გმირის გენო ადამიას საფლავი ყვავილებით შეამკო და მის ხსოვნას პატივი მიაგო.
აფხაზეთის შეიარაღებული კონფილიქტის დროს გენერალ-მაიორმა გენო ადამიამ უარი განაცხადა სოხუმის დატოვებაზე და მცირე ძალებით განაგრძო სეპარატისტებთან წინააღმდეგობის გაწევა. გარდაიცვალა ბრძოლაში, 28 სექტემბერს, კელასურის ხიდზე.
გენერალ-მაიორის საფლავზე, აფხაზეთის მთავრობის თავმჯდომარის მოადგილე ანზორ მარგიანი, აფხაზეთის ჯანმრთელობისა და სოციალური დაცვის მინისტრი ბესიკ კუსიდი, გენო ადამიას ოჯახის წევრები და ვეტერანები იმყოფებოდნენ.
განათლებისა და კულტურის სამინისტრო
2025-09-27
აფხაზეთის ავტონომიური რესპუბლიკის თავმჯდომარე გიორგი ჯინჭარაძე, აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანთან ერთად, სოხუმის დაცემის დღესთან დაკავშირებით წარმოდგენილ სპექტაკლს “ზღვის თეატრს” დაესწრო.
რეჟისორ ალექსანდრე ელოშვილის წარმოდგენა დევნილობაში მყოფი ენთუზიაზმით სავსე ახალგაზრდა მსახიობების ცხოვრებაზე მოგვითხრობს, რომელთაც სურთ ქალაქში ახალი თეატრი შექმნან.
სპექტაკლს საქართველოს აღმასრულებელი და საკანონმდებლო ხელისუფლების წარმომადგენლები, აფხაზეთის მთავრობის წევრები და უმაღლესი საბჭოს დეპუტატები, საქართველოში აკრედიტებული დიპლომატიური კორპუსის წარმომადგენლები, სასულიერო პირები და ეროვნული გმირების ოჯახის წევრები დაესწრნენ.
ღონისძიება აფხაზეთის ავტონომიური რესპუბლიკის მთავრობისა და აფხაზეთის განათლებისა და კულტურის სამინისტროს მხარდაჭერით განხორციელდა.
განათლებისა და კულტურის სამინისტრო
2025-09-27
აფხაზეთის ავტონომიური რესპუბლიკის განათლების და კულტურის მინისტრმა ბექა ღვაჩლიანმა, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან, ერთად საბურთალოს ძმათა სასაფლაოზე საქართველოს ეროვნული გმირის გენერალ-მაიორის გენო ადამიას და აფხაზეთის ავტონომიური რესპუბლიკის უმაღლესი საბჭოს ყოფილი თავმჯდომარის თამაზ ნადარეიშვილის საფლავები ყვავილებით შეამკეს და პატივი მიაგეს მათ ხსოვნას.
აფხაზეთში 1993 წლის 27 სექტემბერს განვითარებული ტრაგიკული მოვლენებიდან 32 წელი გავიდა. აფხაზეთის ომი 1992 წლის 14 აგვისტოს დაიწყო და 13 თვე და 13 დღე გაგრძელდა. შეიარაღებულ დაპირისპირებას 30 ათასამდე ადამიანის სიცოცხლე ემსხვერპლა, 300 000-ზე მეტი კი საკუთარი სახლიდან დევნილად იქცა.
განათლებისა და კულტურის სამინისტრო
2025-09-27
სამების ტაძარში საქართველოს კათოლიკოს-პატრიარქის თანამოსაყდრემ, სენაკისა და ჩხოროწყუს მიტროპოლიტმა, მეუფე შიომ ჯვართამაღლების დღესთან დაკავშირებით წირვა-ლოცვა აღავლინა და აფხაზეთში საქართველოს ტერიტორიული მთლიანობისთვის ბრძოლაში დაღუპულთა სულების მოსახსენებელი პანაშვიდი გადაიხადა.
სამების საკათედრო ტაძარში წირვას, აფხაზეთის მთავრობის წევრები, უმაღლესი საბჭოს დეპუტატები და აფხაზეთიდან დევნილი მოქალაქეები ესწრებოიდნენ.
განათლებისა და კულტურის სამინისტრო
2025-09-27
აფხაზეთის ავტონომიური რესპუბლიკის მთავრობის თავმჯდომარე, აფხაზეთის განათლების და კულტურის მინისტრ ბექა ღვაჩლიანთან და აფხაზეთის მთავრობის წევრებთან ერთად, ვაკის პანთეონში ჟიული შარტავას საფლავი ყვავილებით შეამკეს და მის ხსოვნას პატივი მიაგეს.
ეროვნული გმირის საფლავზე ასევე იმყოფებოდნენ შერიგებისა და სამოქალაქო თანასწორობის საკითხებში საქართველოს სახელმწიფო მინისტრი თეა ახვლედიანი, აფხაზეთის ავტონომიური რესპუბლიკის მთავრობის წევრები, ჟიული შარტავას საზოგადოების წარმომადგენლები და ჟიული შარტავას ოჯახის წევრები.
1993 წლის 27 სექტემბერს, სოხუმის დაცემის დღეს რუსმა ოკუპანტებმა და აფხაზმა სეპარატისტებმა აფხაზეთის უზენაესი საბჭოს თავმჯდომარე ჟიული შარტავა, გურამ გაბისკირია და რაულ ეშბა, რომლებმაც ქალაქის დატოვებაზე უარი თქვეს, მთავრობის სახლის წინ 30-მდე ქართველთან ერთად დახვრიტეს, ალექსანდრე ბერულავა კი უგზო-უკვლოდ დაიკარგა.
განათლებისა და კულტურის სამინისტრო
2025-09-27
27 სექტემბერს აფხაზეთის შეიარაღებული კონფლიქტიდან 32 წელი გავიდა, ამ თარიღთან დაკავშირებით, საქართველოს აღმასრულებელი და საკანონმდებლო ხელისუფლების წარმომადგენლებმა, აფხაზეთის მთავრობის წევრებმა, აფხაზეთის უმაღლესი საბჭოს დეპუტატებმა და ვეტერანებმა საქართველოს ტერიტორიული მთლიანობისთვის დაღუპულთა ხსოვნას პატივი მიაგეს და გმირთა მემორიალი გვირგვინით შეამკეს.
განათლებისა და კულტურის სამინისტრო
2025-09-22
აფხაზეთის განათლების და კულტურის მინისტრმა ბექა ღვაჩლიანმა, სოხუმის უნივერსიტეტის სტუდენტებსა და აკადემიურ პერსონალს ახალი სასწავლო წლის დაწყება მიულოცა და წარმატებები უსურვა.
„მინდა მთელი საქართველოს მასშტაბით მივულოცო უნივერსიტეტში ახალი სასწავლო წლის დაწყება ყველა პირველკურსელსა და სტუდენტს, განსაკუთრებით კი ჩვენს აფხაზეთიდან დევნილ ახალგაზრდებს! მინდა ნაყოფიერი, სიახლეებითა და თავგადასავლებით აღსავსე სასწავლო წელი გისურვოთ, დარწმუნებული ვარ, რომ აქ მიიღებთ ხარისხიან განათლებას, რაც დაგეხმარებათ პიროვნულ და კარიერულ განვითარებაში. თქვენი განათლება და ცოდნა კი იქნება ჩვენი ქვეყნის გაძლიერებისა და განვითარების საფუძველი.“ - ბექა ღვაჩლიანი.
მინისტრთან ერთად ადგილზე აფხაზეთის უმაღლესი საბჭოს თავმჯდომარე ჯემალ გამახარია, აფხაზეთის მთავრობის წევრები და უმაღლესი საბჭოს დეპუტატები იმყოფებოდნენ.
ღონისძების ბოლოს სოხუმის უნივერსიტეტის რექტორმა აფხაზეთის მთავრობის წევრებს და მოწვეულ სტუმრებს სიმბოლური საჩუქრები გადასცა.
სოხუმის სახელმწიფო უნივერსიტეტში ახალი სასწავლო წელი დღეს ოფიციალურად დაიწყო.