აფხაზეთის ა/რ განათლებისა და კულტურის სამინისტროს ქვეპროგრამის „სპორტული ინიციატივების ფინანსური მხარდაჭერა“ ფარგლებში განაცხადების მიღება დაიწყო და  2026 წლის 10 დეკემბრის ჩათვლით გაგრძელდება.

პროგრამა მიზნად ისახავს ინიცირებული სპორტული პროექტების ფინანსურ მხარდაჭერას, აფხაზეთიდან დევნილი და ოკუპირებულ ტერიტორიაზე მცხოვრები ახალგაზრდებისა და სპორტსმენების სპორტულ ცხოვრებაში აქტიურ ჩართვას, მათი შესაძლებლობების განვითარებას და ადგილობრივ და საერთაშორისო შეჯიბრებებში მონაწილეობის ხელშეწყობას.

ამასთან, პროგრამის ფარგლებში ფინანსურად მხარდაჭერილი იქნება სპორტის სხვადასხვა სახეობის პოპულარიზაციის მიზნით განხორციელებული მასობრივი და საზოგადოებრივი ინტერესის მქონე სპორტული ღონისძიებები, მათ შორის ინკლუზიური სპორტული პროექტები.

დაფინანსების მოსაპოვებლად განაცხადის წარდგენის უფლება აქვთ საქართველოს ტერიტორიაზე, კანონმდებლობის შესაბამისად, რეგისტრირებულ იურიდიულ პირებს - არასამეწარმეო (არაკომერციულ) იურიდიულ პირებს (ა(ა)იპ) და საჯარო სამართლის იურიდიულ პირებს (სსიპ).

ერთი განაცხადის ფარგლებში მოთხოვნილი დაფინანსების მაქსიმალური ოდენობა შეადგენს 20 000 ლარს.

პროგრამის შესახებ დამატებითი ინფორმაცია და სარეგისტრაციო ფორმა ხელმისაწვდომია:

სამინისტროს ვებგვერდზე 

აფხაზეთის ა/რ მთავრობს ერთიან ელექტრონულ პორტალზე 

აფხაზეთის ა/რ განათლებისა და კულტურის მინისტრის პირველი მოადგილე გური ბაქრაძე აბესალომ რამიშვილის სახელობის აფროსნობის ტრადიციული ტურნირის გახსნის ცერემონიას დაესწრო.

ტურნირის დაწყებამდე გური ბაქრაძემ მონაწილეებსა და დამსწრე საზოგადოებას სიტყვით მიმართა. მან აფროსნობის ტრადიციის აღდგენისა და მისი შემდგომი განვითარების მნიშვნელობას გაუსვა ხაზი და სპორტსმენებს მრავალი წარმატებული ასპარეზობა და მნიშვნელოვანი გამარჯვება უსურვა როგორც საქართველოში, ისე მის ფარგლებს გარეთ.

ქვეყნის მასშტაბით გამართულ სპორტულ შეჯიბრებაში მონაწილეობა ხუთი საიალქნო კლუბის აფროსნებმა მიიღეს - მათ შორის იყო აფროსანთა კლუბი „ცხუმი“.

ტურნირი აჭარის ავტონომიური რესპუბლიკის აფროსნობის ფედერაციის ორგანიზებით გაიმართა და აფროსნობის პოპულარიზაციას, ახალგაზრდა სპორტსმენების პროფესიული შესაძლებლობების განვითარებასა და საქართველოში საზღვაო სპორტის ტრადიციების გაგრძელებას ისახავს მიზნად.

ღონისძიებას აჭარის ა/რ აფროსნობის ფედერაციის პრეზიდენტი დომენტი აფაქიძე, აფროსანთა კლუბ „ცხუმის“ დირექტორი ვახტანგ ხაბურზანია, მწვრთნელები და სპორტის სფეროს სხვა წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ავტონომიური რესპუბლიკის განათლებისა და კულტურის მინისტრის პირველ მოადგილე გური ბაქრაძესთან ერთად, ახალგაზრდა წარმატებულ სპორტსმენებს - გიორგი შონიასა და ანასტასია ჩხარტიშვილს შეხვდა.

მთავრობის თავმჯდომარემ სპორტსმენებს საერთაშორისო სპორტულ შეჯიბრებებში მიღწეული წარმატება მიულოცა და საჩუქრები გადასცა.

შეხვედრას აფხაზეთის მაგიდის ჩოგბურთის ფედერაციის პრეზიდენტი ომარ პაპავა, საქარველოს 15 წლამდელთა ნაკრების მწვრთნელი თავისუფალ ჭიდაობაში ბესო ქალდანი და მწვრთნელები ესწრებოდნენ.

სპორტსმენებმა საერთაშორისო სპორტულ შეჯიბრებებზე წარმატებით იასპარეზეს და მნიშვნელოვანი შედეგები აჩვენეს. აფხაზეთიდან დევნილმა გიორგი შონიამ, რუმინეთში გამართულ საერთაშორისო ტურნირზე, თავისუფალი სტილით ჭიდაობაში, 70 კგ წონით კატეგორიაში, ოქროს მედალი მოიპოვა, ხოლო აფხაზეთის მაგიდის ჩოგბურთის ფედერაციის წევრი ანასტასია ჩხარტიშვილი ლატვიის ღია ჩემპიონატზე ქალთა შორის, ვერცხლის მედლის მფლობელი გახდა.

აფხაზეთის ავტონომიური რესპუბლიკის მთავრობის თავმჯდომარის, გიორგი ჯინჭარაძის სვანეთში ვიზიტის ფარგლებში, მესტიის კულტურისა და ხელოვნების ცენტრმა აფხაზეთის ა/რ განათლებისა და კულტურის სამინისტროს შემოქმედებითი კოლექტივების ,,აფხაზეთისა" და ,,შავნაბადას" კონცერტს უმასპინძლა.

ანსამბლები მაყურებლის წინაშე მრავალფეროვანი მუსიკალური და ქორეოგრაფიული პროგრამით წარდგნენ - ქართული ტრადიციული ხალხური კომპოზიციები შეასრულა აფხაზეთის სიმღერის სახელმწიფო ანსამბლმა ,,შავნაბადამ"; კონცეპტუალური ფოლკლორული პროგრამა “ქორეონიკონი" წარადგინა სიმღერისა და ცეკვის სახელმწიფო აკადემიურმა ანსამბლმა ,,აფხაზეთმა", პროგრამაში სხვადასხვა კუთხის, სტილისა და ჟანრის ქორეოგრაფიული ნომრებია თავმოყრილი.

კონცერტს წინ უძღვოდა ფოტო-გამოფენა ,,კადრები აფხაზეთიდან", რომელიც სოხუმის პეიზაჟებსა და ისტორიულ, კულტურულ ღირსშესანიშნაობებს ასახავს.

საღამოს აფხაზეთის ა/რ მთავრობის თავმჯდომარე გიორგი ჯინჭარაძე, განათლებისა და კულტურის მინისტრი გიორგი ძაძამია, იუსტიციისა და სამოქალაქო ინტეგრაციის მინისტრი ალიონა ჩხოტუა, ჯანმრთელობისა და სოციალური დაცვის მინისტრი ბესიკ კუსიდი, ფინანსთა და ეკონომიკის მინისტრი თენგიზ ნასარიძე, აპარატის უფროსი გიორგი სუთიძე, აფხაზეთის ა/რ უმაღლესი საბჭოს დეპუტატი ვახტანგ ყოლბაია, სამეგრელო-ზემო სვანეთის მხარეში სახელმწიფო რწმუნებულის პირველი მოადგილე ნინო ვიბლიანი, მესტიის მერი კაპიტონ ჟორჟოლიანი, ადგილობრივი მოსახლეობა და სხვა მოწვეული სტუმრები ესწრებოდნენ.

აღნიშნული ღონისძიება აფხაზეთის ა/რ განათლებისა და კულტურის სამინისტროს ორგანიზებითა და აფხაზეთის ა/რ მთავრობის მხარდაჭერით გაიმართა და კიდევ ერთხელ გააცნო ფართო აუდიტორიას აფხაზეთის შემოქმედებითი კოლექტივების საქმიანობა, რომელიც ქართული კულტურული მემკვიდრეობის მნიშვნელოვანი ნაწილია.

აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე საზაფხულო საგანმანათლებლო ბანაკის დახურვის ღონისძიებას დაესწრო.

სასწავლო პროგრამის დასრულების შემდეგ, ბანაკის 35-მა მონაწილემ შესწავლილი მასალები, პრეზენტაციები და შემოქმედებითი ნომრები წარადგინა. შემაჯამებელ ღონისძიებაზე მინისტრის პირველმა მოადგილემ აფხაზეთიდან დევნილი მოზარდები სერტიფიკატებით დააჯილდოვა.

საღამოს მასწავლებელთა პროფესიული განვითარების ეროვნული ცენტრის დირექტორი ეკატერინე ხუციშვილი, პროგრამების მენეჯერი ანი კუდუხაშვილი, ბანაკის ლიდერები და მასწავლებლები დაესწრნენ.

აფხაზეთის ა/რ განათლებისა და კულტურის სამინისტროს ორგანიზებით, წყალტუბოს მუნიციპალიტეტმა აფხაზეთიდან დევნილ 35 მოზარდს 8 დღის განმავლობაში უმასპინძლა. ბანაკის ფარგლებში მონაწილეები ჩართული იყვნენ საგანმანათლებლო, შემეცნებით, კულტურულ და გასართობ აქტივობებში; გაიღრმავეს ცოდნა ისტორიის, ქართული ენისა და ლიტერატურის, უცხო ენის მიმართულებით; მოინახულეს გელათის ტაძარი, სათაფლიას მღვიმე, ქუთაისის ტექნოლოგიური ჰაბი და სხვა ადგილობრივი ღირსშესანიშნაობები.

აფხაზეთის ა/რ განათლებისა და კულტურის სამინისტროს ორგანიზებით, წყალტუბოს მუნიციპალიტეტში ამჯერად საგანმანათლებლო-შემეცნებითი ბანაკი იმართება; აფხაზეთიდან დევნილი მონაწილეებისათვის არაერთი შემეცნებითი და კულტურული აქტივობა ეწყობა. მათ შორის იყო ვიზიტი ქუთაისის ტექნოლოგიურ ჰაბში, სადაც მოზარდებმა ტექნოლოგიური მუზეუმი, საგანმანათლებლო, სამეწარმეო სივრცეები და თანამედროვე ტექნოლოგიური ლაბორატორიები დაათვალიერეს.

ქუთაისის ტექნოლოგიურ ჰაბში ბანაკის მონაწილეები აფხაზეთის ა/რ მთავრობის თავმჯდომარეს, გიორგი ჯინჭარაძეს, აფხაზეთის ა/რ განათლებისა და კულტურის მინისტრს, გიორგი ძაძამიასა და საქართველოს განათლების, მეცნიერებისა და ახალგაზრდობის მინისტრს, გივი მიქანაძეს შეხვდნენ. ბავშვებს შესაძლებლობა ჰქონდათ მათთვის საინტერესო და მნიშვნელოვან კითხვებზე ამომწურავი პასუხები მიეღოთ, ასევე თავიანთი ინიციატივები და სურვილები გაეზიარებინათ.

შეხვედრას მასწავლებელთა პროფესიული განვითარების ეროვნული ცენტრის დირექტორის მოადგილე იაკინთე ჩხარტიშვილი და პროგრამების მენეჯერი ანი კუდუხაშვილი, ბანაკის ლიდერები და მასწავლებლები ესწრებოდნენ.

აფხაზეთიდან დევნილი 35 მოზარდისათვის საგანმანათლებლო ბანაკში შექმნილია საინტერესო და მშვიდი გარემო, სადაც მონაწილეებს ცოდნის გაღრმავების, ახალი უნარების დაუფლების, თანატოლებთან დაახლოებისა და სამოქალაქო ცნობიერების ამაღლების შესაძლებლობა აქვთ. პროგრამა საგანმანათლებლო, შემეცნებით, კულტურულ და გასართობ აქტივობებს მოიცავს.

8 დღის განმავლობაში, პროფესიული განვითარების ეროვნული ცენტრის მასწავლებლები ბავშვებს, არაფორმალური განათლების მეთოდებით, ისტორიის, ქართული ენისა და ლიტერატურის, უცხო ენის, ღირებულებით განათლებისა და სამოქალაქო ცნობიერების მიმართულებით გაკვეთილებს უტარებენ.

სასწავლო პროგრამის დასრულების შემდეგ გაიმართება შემაჯამებელი ღონისძიება, სადაც მონაწილეები მოწვეულ სტუმრებს ბანაკის ფარგლებში მომზადებულ მასალებსა და პრეზენტაციებს წარუდგენენ, მიღებულ ცოდნასა და გამოცდილებას გაუზიარებენ.

აფხაზეთის ავტონომიური რესპუბლიკის განათლებისა და კულტურის სამინისტროს მიერ წყალტუბოს მუნიციპალიტეტში ორგანიზებულ საზაფხულო ბანაკში 14-17 წლის ასაკის 35 მოსწავლე მონაწილეობდა.

8 დღის განმავლობაში მონაწილეებს ისტორიის, ეთნო-კულტურის, კულტურული მემკვიდრეობისა და გარემოსდაცვითი საკითხების შესახებ სემინარები, აგრეთვე აფხაზეთის სიმღერისა და ცეკვის სახელმწიფო აკადემიური ანსამბლ „აფხაზეთის“ ქორეოგრაფისაგან ცეკვის გაკვეთილები ჩაუტარდათ. ბანაკის ფარგლებში მოეწყო ექსკურსია წყალტუბოსა და ქუთაისის ისტორიულ ადგილებში - მოზარდებმა მოწამეთას მონასტერი, პრომეთესა და სათაფლიას მღვიმეები მოინახულეს.

ბანაკის განმავლობაში შესწავლილი მასალები, კულტურული და საცეკვაო ნომრები მონაწილეებმა შემაჯამებელ ღონისძიებაზე წარადგინეს, რის შემდეგაც აფხაზეთის ავტონომიური რესპუბლიკის მთავრობის თავმჯდომარემ, გიორგი ჯინჭარაძემ და აფხაზეთის ავტონომიური რესპუბლიკის განათლებისა და კულტურის მინისტრმა, გიორგი ძაძამიამ მოზარდებს ბანაკში მონაწილეობის დამადასტურებელი სერტიფიკატები გადასცეს.

საზეიმო დახურვას წყალტუბოს მერის მოადგილე გიორგი კვასტიანი, კულტურის, განათლების, სპორტისა და ახალგაზრდობის საქმეთა სამსახურის უფროსი რიმა მარგიანი, წყალტუბოს მუნიციპალიტეტის საკრებულოს კულტურის, განათლების, ტურიზმის, სპორტისა და ახალგაზრდულ საქმეთა კომიტეტის თავმჯდომარე ლევან ჩანქსელიანი ესწრებოდნენ.

საზაფხულო ბანაკის ,,კულტურული და ბუნებრივი მემკვიდრეობა“ მიზანია, ხელი შეუწყოს მოზარდებში კულტურული მემკვიდრეობის შესახებ ცნობიერების ამაღლებას, ქართული კულტურული იდენტობის, მეხსიერებისა და ეროვნული ფასეულობების გაღრმავებას.

ვიქტორ სანეევის სახელობის სტიპენდიის მფლობელი მარიამ მარშავა და გიორგი მუმლაძე, ტყვიის სროლის 23-წლამდელთა ევროპის ჩემპიონატზე, 10-მეტრიან დისტანციაზე პნევმატიკური პისტოლეტით სროლაში, შერეულ წყვილთა ასპარეზობაში ბრინჯაოს მედლის მფლობელები გახდნენ.

მარიამ მარშავამ გუნდურ შეჯიბრში, მარიამ აბრამიშვილსა და სალომე ფროდიაშვილთან ერთად, ოქროს მედალიც მოიპოვა.

ვულოცავთ ჩვენს სტიპენდიატებს მოპოვებულ მედლებს და კიდევ უფრო დიდ წარმატებას ვუსურვებთ.

აფხაზეთის ავტონომიური რესპუბლიკის განათლებისა და კულტურის სამინისტრო მომავალშიც აქტიურად გააგრძელებს აფხაზეთიდან იძულებით გადაადგილებული ახალგაზრდების მხარდაჭერას.

აფხაზეთის ავტონომიური რესპუბლიკის განათლებისა და კულტურის სამინისტროში, უმაღლეს საგანმანათლებლო დაწესებულებებში ერთიანი ეროვნული გამოცდების გავლის გარეშე ჩარიცხვის უფლების მისანიჭებლად, აბიტურიენთა რეგისტრაცია მიმდინარეობს.
პროგრამაში მონაწილეობა შეუძლიათ აბიტურიენტებს, რომლებიც ბოლო 2 წლის განმავლობაში სწავლობდნენ და სრული ზოგადი განათლების დამადასტურებელი დოკუმენტი მიიღეს აფხაზეთის ოკუპირებულ ტერიტორიაზე არსებულ ზოგადსაგანმანათლებლო დაწესებულებაში და რომელთა სრული ზოგადი განათლება აღიარებულია საქართველოს კანონმდებლობით დადგენილი წესით.

განაცხადების მიღება 4 სექტემბრის ჩათვლით.

ონლაინ რეგისტრაცია შესაძლებელია აფხაზეთის ავტონომიური რესპუბლიკის ერთიან ელექტროულ პორტალზე

„საქართველოს უმაღლეს საგანმანათლებლო დაწესებულებაში ერთიანი ეროვნული გამოცდების გავლის გარეშე ჩარიცხვის წესი და პირობები“ დამტკიცებულია საქართველოს განათლების მეცნიერებისა და ახალგაზრდობის მინისტრის 2020 წლის 7 ივლისის №77/ნ ბრძანებით.

აფხაზეთის ავტონომიური რესპუბლიკის განათლებისა და კულტურის სამინისტრო აფხაზეთის ოკუპირებულ ტერიტორიაზე მცხოვრები აბიტურიენტების შერჩევისა და რეგისტრაციის პროცესს იწყებს.

პროგრამაზე ჩარიცხვის უფლებით სარგებლობენ აბიტურიენტები, რომლებიც ბოლო 2 წლის განმავლობაში სწავლობდნენ და სრული ზოგადი განათლების დამადასტურებელი დოკუმენტი მიიღეს აფხაზეთის ოკუპირებულ ტერიტორიაზე არსებულ ზოგადსაგანმანათლებლო დაწესებულებაში და რომელთა სრული ზოგადი განათლება აღიარებულია საქართველოს კანონმდებლობით დადგენილი წესით.

განაცხადების მიღება 5 სექტემბრის ჩათვლით გაგრძელდება.

ონლაინ რეგისტრაცია შესაძლებელია აფხაზეთის ავტონომიური რესპუბლიკის ერთიან ელექტროულ პორტალზე

,,სკოლისშემდგომი განათლებისათვის მომზადების პროგრამას" საქართველოს განათლების მეცნიერებისა და ახალგაზრდობის სამინისტრო ახორციელებს.

აფხაზეთის ავტონომიური რესპუბლიკის განათლებისა და კულტურის სამინისტრო აჭარის მოსახლეობას შუამთობას ულოცავს.

ბეშუმში გამართულ სახალხო დღესასწაულს აფხაზეთის ა/რ განათლებისა და კულტურის მინისტრი გიორგი ძაძამია დაესწრო. ღონისძიების ფარგლებში სხვადასხვა კულტურული და სპორტული სანახაობა მოეწყო, გაიმართა საპატიო ხულოელების დაჯილდოების ცერემონია.

მაღალმთიან აჭარაში შეკრებილ მოსახლეობას სიტყვით მიმართეს და დღესასწაული მიულოცეს საქართველოს პრეზიდენტმა, მიხეილ ყაველაშვილმა, საქართველოს პრემიერ-მინისტრმა, ირაკლი კობახიძემ, აჭარის ავტონომიური რესპუბლიკის მთავრობის თავმჯდომარე ზურაბ პატარაძემ, აჭარის ავტონომიური რესპუბლიკის უმაღლესი საბჭოს თავმჯდომარე ცოტნე ანანიძემ, საქართველოს პარლამენტის წევრმა, ანზორ ბოლქვაძემ და ხულოს მუნიციპალიტეტის მერმა, ვახტანგ ბერიძემ.

შუამთობის დღესასწაულს აფხაზეთის უმაღლესი საბჭოს მეთაური ჯემალ გამახარია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი, საქართველოს აღმასრულებელი და საკანონმდებლო ხელისუფლების, აჭარის მთავრობისა და აჭარის უმაღლესი საბჭოს წარმომადგენლები, სასულიერო პირები და სხვა მოწვეული სტუმრები ესწრებოდნენ.

შუამთობა აჭარის მაღალმთიანი რეგიონის სახალხო დღესასწაულია, რომელიც მთის ტრადიციების, კულტურისა და ერთიანობის შენარჩუნებას ემსახურება.

აფხაზეთის ავტონომიური რესპუბლიკის განათლებისა და კულტურის სამინისტრო სახელოვნებო მიმართულებით ორ ახალ პროგრამას იწყებს 

ახალი ინიციატივა სტუდენტებისათვის კულტურისა და ხელოვნების დამსახურებულ მოღვაწეთა სახელობით სტიპენდიებსა და სახელოვნებო სტაჟირებას მოიცავს.

პროგრამების შესახებ ინფორმაციის გავრცელების მიზნით, სახელოვნებო უმაღლეს საგანმანათლებლო დაწესებულებებში აფხაზეთიდან დევნილ სტუდენტებთან საინფორმაციო შეხვედრები გაიმართა. სამინისტროს კულტურისა და კულტურული მემკვიდრეობის დაცვის დეპარტამენტის წარმომადგენლებმა მონაწილეებს ახალი ინიციატივები გააცნეს, დეტალურად განუმარტეს მონაწილეობის პირობები, შერჩევის კრიტერიუმები და განაცხადის წარდგენის პროცედურები.

ალექსანდრე შერვაშიძის, დიმიტრი ჯაიანისა და გურამ ყურაშვილის სახელობის სტიპენდიები ახალგაზრდა ხელოვანთა პროფესიული განვითარების მხარდაჭერასა და შემოქმედებითი საქმიანობის წახალისებას ისახავს მიზნად. პროგრამა აფხაზეთიდან დევნილი, უმაღლესი სახელოვნებო საგანმანათლებლო პროგრამების ბაკალავრიატისა და მაგისტრატურის სტუდენტებისთვის არის განკუთვნილი. კანდიდატთა შერჩევის მნიშვნელოვანი კრიტერიუმია განსაკუთრებული შემოქმედებითი მიღწევები და მაღალი აკადემიური მოსწრება.

ამასთან, სამინისტროში პირველად ცხადდება ოთხთვიანი სტაჟირების პროგრამა სახელოვნებო უმაღლესი სასწავლებლების, აფხაზეთიდან დევნილი სტუდენტებისა და კურსდამთავრებულებისთვის. შერჩეული კანდიდატები სტაჟირებას აფხაზეთის შემოქმედებით კოლექტივებში გაივლიან. კერძოდ, პროფესიულ თეატრებში, კაპელასა და ანსამბლებში. პროგრამა ახალგაზრდებს მისცემს შესაძლებლობას, შეიძინონ პრაქტიკული გამოცდილება, გაიღრმავონ პროფესიული უნარები და სრულად წარმოაჩინონ საკუთარი შემოქმედებითი პოტენციალი.

აღნიშნული ინიციატივა სახელოვნებო განათლების მხარდაჭერას, ახალგაზრდა ნიჭიერი ხელოვანების პროფესიულ გაძლიერებასა და აფხაზეთის კულტურული სივრცისთვის ახალი შემოქმედებითი რესურსის განვითარებას შეუწყობს ხელს.

პროგრამებში მონაწილეობის მსურველთა განაცხადების მიღება მიმდინარე წლის 30 ივლისიდან 15 სექტემბრამდე გაგრძელდება.

კანდიდატთა წარდგენის წესი, პირობები და სავალდებულო დოკუმენტაციის ნუსხა გამოქვეყნებულია სამინისტროს ვებგვერდზე https://abkhazia.gov.ge

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე  

მიმდინარეობს განაცხადების მიღება ალექსანდრე შერვაშიძის, დიმიტრი ჯაიანისა და გურამ ყურაშვილის სახელობის სტიპენდიების მოსაპოვებლად 

კულტურისა და ხელოვნების დამსახურებულ მოღვაწეთა სახელობითი სტიპენდიები აფხაზეთის ავტონომიური რესპუბლიკის განათლებისა და კულტურის სამინისტროში წელს პირველად გამოცხადდა.

აღნიშნული ინიციატივის მიზანია, ხელი შეუწყოს და წაახალისოს აფხაზეთიდან დევნილი, ხელოვნების სფეროში გამორჩეული ნიჭისა და მიღწევების მქონე სტუდენტები.

სახელობითი სტიპენდია უმაღლესი საგანმანათლებლო დაწესებულებების აკრედიტებული საბაკალავრო და სამაგისტრო სახელოვნებო პროგრამების სტუდენტებს ენიჭებათ და ერთი სასწავლო წლის (10 თვის) განმავლობაში, ყოველთვიურად 300 ლარს ითვალისწინებს.

კანდიდატთა წარდგენის წესი და პირობები, აგრეთვე სავალდებულო დოკუმენტაციის ნუსხა იხილეთ ბმულზე 

განაცხადები მიიღება 2026 წლის 30 ივლისიდან 15 სექტემბრის ჩათვლით.

სამუშაო საათები: 10:00 საათიდან 18:00 საათამდე, შაბათ-კვირის გარდა.

აფხაზეთის შემოქმედებით კოლექტივებში სტაჟირების პროგრამაზე განაცხადების მიღება დაიწყო 

აფხაზეთის ავტონომიური რესპუბლიკის განათლებისა და კულტურის სამინისტრო სახელოვნებო პროგრამების სტუდენტებისა და კურსდამთავრებულებისთვის 4-თვიანი სტაჟირების პროგრამას წელს პირველად აცხადებს.

პროგრამის მიზანია ხელი შეუწყოს ახალგაზრდა, განსაკუთრებული ნიჭით გამორჩეულ ხელოვანებს განივითარონ პროფესიული უნარები, მიიღონ პრაქტიკული გამოცდილება და გამოავლინონ მათი შემოქმედებითი პოტენციალი.

შერჩეული კანდიდატები სტაჟირებას გაივლიან აფხაზეთის ავტონომიური რესპუბლიკის განათლებისა და კულტურის სამინისტროს შემოქმედებით კოლექტივებში:

• გურამ ყურაშვილის სახელობის აფხაზეთის სახელმწიფო საგუნდო კაპელა;
• სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი;
• სოხუმის გიორგი რატიანის სახელობის მოზარდ მაყურებელთა პროფესიული სახელმწიფო დრამატული თეატრი;
• აფხაზეთის სიმღერისა და ცეკვის სახელმწიფო აკადემიური ანსამბლი ,,აფხაზეთი“;
• აფხაზეთის სიმღერის სახელმწიფო ანსამბლი ,,შავნაბადა“.

დეტალური ინფორმაცია, მონაწილეობის პირობები და წარსადგენი დოკუმენტაციის ნუსხა იხილეთ მითითებულ ბმულზე  
განაცხადები მიიღება 2026 წლის 30 ივლისიდან 15 სექტემბრის ჩათვლით.

სამუშაო საათები: 10:00 საათიდან 18:00 საათამდე, შაბათ-კვირის გარდა.

მისამართი: ქ. თბილისი, დ. უზნაძის ქ. №68

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე  

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია ძიუდოში ,,აფხაზეთის ღია პირველობას" დაესწრო.

შეჯიბრი აფხაზეთის ძიუდოს აკადემიის ორგანიზებით ბაკურიანში გაიმართა. მასში საქართველოს სხვადასხვა რეგიონიდან 60-ზე მეტი სპორტსმენი მონაწილეობდა, მათ შორის იყვნენ აფხაზეთიდან იძულებით გადაადგილებული ახალგაზრდები. გამარჯვებულები გოგონებსა და ვაჟებს შორის 11 წონით კატეგორიაში გამოვლინდნენ.

ღონისძიების ფარგლებში, გიორგი ძაძამიამ მონაწილეებსა და ორგანიზატორებს სიტყვით მიმართა და პრიზიორების სიგელებითა და მედლებით დაჯილდოებაში მიიღო მონაწილეობა.

,,აღნიშნული ტურნირი კიდევ ერთხელ ადასტურებს, რომ სპორტი ახალგაზრდებისთვის არა მხოლოდ საკუთარი შესაძლებლობების გამოვლენის, არამედ ისეთი ღირებულებების განმტკიცების მნიშვნელოვანი საშუალებაა, რომლებიც წარმატებული და პასუხისმგებლობიანი საზოგადოების საფუძველს ქმნის. მადლობას ვუხდი ღონისძიების ორგანიზატორებს, მხარდამჭერ უწყებებს, მწვრთნელებსა და მონაწილეებს ჩემპიონატის წარმატებით განხორციელებისთვის. ვულოცავ გამარჯვებულებს დამსახურებულ ტიტულს და ყველა მონაწილეს დიდ წარმატებას ვუსურვებ", - აღნიშნა გიორგი ძაძამიამ.

ღონისძიებას აფხაზეთის ა/რ იძულებით გადაადგილებულ პირთა მინისტრის მოადგილე იგორ კოპალიანი, აფხაზეთის ავტონომიური რესპუბლიკის მომსახურების სააგენტოს დირექტორი ავთანდილ ქარაია, ვეტერანების საქმეთა სახელმწიფო სამსახურის დირექტორი კობა კობალაძე, დირექტორის მოადგილე ჯანდრი უბირია, ვეტერანები და სხვა მოწვეული სტუმრები ესწრებოდნენ.