აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
ერთიანი ეროვნული გამოცდების გავლის გარეშე ჩარიცხვისა და დაფინანსებისთვის რეგისტრაცია იწყება

 ,,ერთიანი ეროვნული გამოცდების გარეშე ჩარიცხვისა და დაფინანსების წესის’’ დამტკიცების თაობაზე საქართველოს განათლების, მეცნიერების, კულტურისა და სპორტის მინისტრის 2020 წლის 7 ივლისის №77/ნ ბრძანების შესაბამისად, აფხაზეთის ა/რ განათლებისა და კულტურის სამინისტრო აფხაზეთის ა/რ ოკუპირებულ ტერიტორიაზე მყოფი აბიტურიენტების რეგისტრაციას იწყებს.

რეგისტრაცია შეუძლიათ აფხაზეთის ავტონომიურ რესპუბლიკაში ლეგიტიმურად მცხოვრებ პირებს, რომლებიც ბოლო 2 წლის განმავლობაში სწავლობდნენ და სრული ზოგადი განათლების დამადასტურებელი დოკუმენტი მიიღეს „ოკუპირებული ტერიტორიების შესახებ“ საქართველოს კანონით გათვალისწინებულ  ოკუპირებულ ტერიტორიაზე არსებულ ზოგად საგანმანათლებლო დაწესებულებაში და მათი სრული ზოგადი განათლება აღიარებულ იქნა ,,ოკუპირებულ ტერიტორიებზე მიღებული ზოგადი განათლების აღიარების წესის დამტკიცების შესახებ" საქართველოს განათლებისა და მეცნიერების მინისტრის 2009 წლის 19 მარტის ბრძანების №147 შესაბამისად.

რეგისტრაციისთვის მიჰყევით ბმულს:

https://docs.google.com/…/1FAIpQLSeMlOBx556Qoshn88…/viewform

რეგისტრაციის ვადა:  2023 წლის პირველი აგვისტოდან 2023 წლის  4 სექტემბრის ღამის 00:00 საათი.

დამატებითი კითხვებისთვის დარეკეთ ნომრებზე:  +995 599 741 652; +995 599 855 494; +995 599 855 493.

 

 

აფხაზეთის ავტონომიური რესპუბლიკის განათლებისა და კულტურის მინისტრად ნანა გაბელია დაინიშნა

აფხაზეთის ავტონომიური რესპუბლიკის განათლებისა და კულტურის მინისტრად ნანა გაბელია დაინიშნა

ახლადდანიშნული მინისტრი თანამშრომლებს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ წარუდგინა. წარდგენას აფხაზეთის ა/რ განათლებისა და კულტურის მინისტრი ეკა ხოფერია და სამინისტროს თანამშრომლები ესწრებოდნენ.

შეხვედრაზე აფხაზეთის მთავრობის თავმჯდომარემ ეკა ხოფერიას განათლების სფეროში 3 წლის განმავლობაში გაწეული ეფექტიანი და ნაყოფიერი საქმიანობისთვის განსაკუთრებული მადლობა გადაუხადა.

ნანა გაბელიას საჯარო სექტორში, სხვადასხვა პოზიციაზე მუშაობის მრავალწლიანი გამოცდილება აქვს. იგი 2021 წლიდან დღემდე იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის თანამდებობას იკავებდა.

სპეციალური და შეზღუდული საჭიროების მქონე მოსწავლეთა მშობლებს ცნობიერების ამაღლების კურსი ჩაუტარდათ

ქ. ზუგდიდში, აფხაზეთის №1 საჯარო სკოლაში, აფხაზეთის ა/რ განათლებისა და კულტურის სამინისტრომ, ბიბლიოთეკა კულტურულ ცენტრ „თანადგომასთან“ ერთად, პროგრამის „ნეიროპლასტიურობა და განათლება“ ფარგლებში, სპეციალური და შეზღუდული საჭიროების მქონე მოსწავლეთა მშობლებისთვის „ცნობიერების ამაღლების კურსი“ ჩაატარა. პროგრამაში ოკუპირებული გალის რაიონის საჯარო/საშუალო სკოლების მოსწავლეების 30 მშობელი მონაწილეობდა. ისინი გაეცნენ ამ დარგში არსებული წარმოსახვითი უნარების განვითარებისა და გაცნობიერების სტრატეგიებს, რომელთა გამოყენებაც მოსწავლეთა სწავლის უნარების განვითარების კუთხით აუცილებელი და მნიშვნელოვანია.

პროექტის ბოლოს მასში მონაწილე მშობლებს შესაბამისი სერტიფიკატები გადაეცათ.

აფხაზეთის ა/რ განათლებისა და კულტურის სამინისტროში დიმიტრი (არზაყან) ემუხვარისა და ჟიული შარტავას სახელობის სტიპენდიების მოსაპოვებლად განცხადებების მიღება დაიწყო!

აფხაზეთის ავტონომიური რესპუბლიკის მთავრობის ინიციატივით,  აფხაზეთის საკითხის პოპულარიზაციისა და გააქტიურების  მიზნით დაწესდა დიმიტრი (არზაყან) ემუხვარის და ჟიული შარტავას სახელობის სტიპენდიები (აფხაზეთის ავტონომიური რესპუბლიკის მთავრობის დადგენილება №12 25.02.2016).

დიმიტრი (არზაყან) ემუხვარის სტიპენდია გამიზნულია პოლიტიკის მეცნიერების დარგში განსაკუთრებული მიღწევებითა და წარმატებებით წარმოჩენილი  აფხაზეთის თემატიკაზე მომუშავე იმ ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის  სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომი, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

ჟიული შარტავას სახელობის სტიპენდია გამიზნულია (გარდა პოლიტიკის მეცნიერების დარგში) განსაკუთრებული მიღწევებითა და წარმატებებით წარმოჩენილი აფხაზეთის თემატიკაზე მომუშავე იმ ბაკალავრიატისა და მაგისტრატურის აკრედიტირებული უმაღლესი საგანმანათლებლო პროგრამის სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომი, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

 სტიპენდიატს სტიპენდია ეძლევა დანიშვნის დღიდან ყოველთვიურად ერთი სასწავლო წლის განმავლობაში თვეში 200 ლარის ოდენობით (ათი თვე).

დიმიტრი (არზაყან) ემუხვარისა და ჟიული შარტავას სახელობის სტიპენდიების მისანიჭებლად სტუდენტების წარდგენის უფლება აქვთ ავტორიზებულ  უმაღლეს  საგანმანათლებლო დაწესებულებებს. 

განაცხადების  წარდგენის  ვადად  განისაზღვრა 2023  წლის 01 ივლისიდან 31 ივლისის ჩათვლით პერიოდი.

გამოცხადებული  ვადის  გასვლის  შემდეგ  წარდგენილი  განაცხადები  არ  განიხილება.

ინფორმაციისთვის დარეკეთ ნომრებზე: 577 09 22 39.

იხ. ვრცლად: https://shorturl.at/CQ459

აფხაზეთის ა/რ განათლებისა და კულტურის სამინისტრომ ილია ვეკუას სახელობის სტიპენდიის მოსაპოვებლად განცხადებების მიღება დაიწყო

აკადემიკოს ილია ვეკუას სახელობის სტიპენდია გათვალისწინებულია მათემატიკის, გამოყენებითი მათემატიკისა და კომპიუტერული მეცნიერებების მიმართულების ბაკალავრიატისა და მაგისტრატურის განსაკუთრებული მიღწევებითა და წარმატებებით წარმოჩენილი სტუდენტებისათვის, რომლებსაც აქვთ 80% და მეტი აკადემიური მოსწრება, გამოქვეყნებული აქვთ სამეცნიერო ნაშრომი, მონაწილეობდნენ სამეცნიერო კონფერენციებში და არიან საზოგადოებრივად აქტიურები.

აკადემიკოს ილია ვეკუას სახელობის სტიპენდიის მისანიჭებლად სტუდენტის წარდგენის უფლება აქვს საქართველოს ავტორიზებულ უნივერსიტეტებს.

განცხადებები მიიღება 2023 წლის 01 ივლისიდან 10 აგვისტოს ჩათვლით.

ინფორმაციისთვის დარეკეთ ნომრებზე: 598 17 41 78;

577 09 22 39.

 

იხ. ვრცლად: https://shorturl.at/lJKM8

რუსლან აბაშიძემ და ეკა ხოფერიამ აფხაზეთის №12 საჯარო სკოლაში მობილური საგანმანათლებლო სივრცე გახსნეს

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ და აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ ქ. ზუგდიდში, კომბინატის დასახლებაში მდებარე აფხაზეთის №12 საჯარო სკოლაში მობილური საგანმანათლებლო სივრცე გახსნეს.

მობილური საგანმანათლებლო სივრცე „ვახტანგ ფხაკაძის სახელობის საქველმოქმედო ფონდ „ლუტეციას“ (ფონდის დირექტორი ნათია ფხაკაძე-ჩიგირინსკაია) დაფინანსებითა და აფხაზეთის ა/რ განათლებისა და კულტურის სამინისტროს თანადაფინანსებით მოეწყო.

ამავე თანამშრომლობის ფარგლებში, მობილური სივრცე კომპიუტერული ტექნიკით, საჭირო ავეჯითა და ინვენტარით აღიჭურვა.

ეკა ხოფერია ოლიმპიური დღისადმი მიძღვნილ გარბენს დაესწრო

საერთაშორისო ოლიმპიური დღის აღსანიშნავად, აფხაზეთის რეგიონალური ოლიმპიური ორგანიზაციისა და აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, საქართველოს ეროვნული ოლიმპიური კომიტეტის მხარდაჭერით, ლისის ტბის მიდამოებში, ტრადიციული ოლიმპიური გარბენი და სხვა სპორტული შეჯიბრებები ჩატარდა.

ოლიმპიურ გარბენში თბილისისა და აფხაზეთის საჯარო სკოლების მოსწავლეები მონაწილეობდნენ.

I, II, III ადგილებზე გასულებს, გოგონებსა და ვაჟებს შორის, შესაბამისი ხარისხის მედლები, თასები და სერტიფიკატები გადაეცათ.

ოლიმპიური გარბენის გამარჯვებულებს მედლები და სიგელები გადასცეს აფხაზეთის ა/რ განათლებისა და კულტურის მინისტრმა ეკა ხოფერიამ, საქართველოს ეროვნული ოლიმპიური კომიტეტის ვიცე-პრეზიდენტმა მამუკა ხაბარელმა, აფხაზეთის რაგიონალური ოლიმპიური ორგანიზაციის თავმჯდომარემ ირაკლი ცხოვრებაშვილმა.

ქ. ზუგდიდში ვლადიმერ (სიომა) ბარქაიას ხსოვნისადმი მიძღვნილი ტურნირი ჩატარდა

ქ. ზუგდიდში, დაბა კახათის სტადიონზე, 2011-2012 წლებში დაბადებულ ნორჩ ფეხბურთელთა მონაწილეობით, ლეგენდარული ქართველი ფეხბურთელის ვლადიმერ (სიომა) ბარქაიას ხსოვნისადმი მიძღვნილი ტურნირი ჩატარდა.

ტურნირი აფხაზეთის ა/რ განათლებისა და კულტურის სამინისტროს კულტურის, სპორტისა და ახალგაზრდული პოლიტიკის სამსახურის, კახათის ბავშვთა ს. კ. „კოლხასა“ და ს.კ „დინამო სოხუმის“ ორგანიზებითა და აფხაზეთის ა/რ მთავრობის მხარდაჭერით მოეწყო.  

ტურნირის ბოლოს ადგილები ასე გადანაწილდა: 

       2011 წელს დაბადებულთა შორის:  

I ადგილი - „ფოთის კოლხეთი“;  

II ადგილი - „დინამო სოხუმი“;  

III ადგილი - „გოლდენ აკადემია ქუთაისი“.

       2012 წელს დაბადებულთა შორის: 

I ადგილი - კახათის საფეხბურთო სკოლა „კოლხა“; 

II ადგილი - „გოლდენ აკადემია ქუთაისი“;

III ადგილი - „მაღლაკი წყალტუბო“

ტურნირში გამარჯვებული გუნდები სპეციალური პრიზებით, თასებით, მედლებითა და სიგელებით დაჯილდოვდნენ.

ეკა ხოფერიამ აფხაზეთის 22-ე საჯარო სკოლის ბიბლიოთეკას მხატვრული და შემეცნებითი ხასიათის ლიტერატურა ჩაუტანა

აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია, სასწავლო წლის დასრულებასთნ დაკავშირებით, ბორჯომში მდებარე აფხაზეთის 22-ე საჯარო სკოლას ეწვია. მინისტრმა სკოლის ბიბლიოთეკას, საწიგნე ფონდის შესავსებად, კომპანია „ბიბლუსის“ მიერ გადმოცემული წიგნები ჩაუტანა. გარდა ამისა, ეკა ხოფერიამ უკლებლივ ყველა მოსწავლეს საჩუქრად მათ მიერვე არჩეული წიგნი და საკანცელარიო ნივთების ნაკრები გადასცა.

რუსლან აბაშიძემ და ეკა ხოფერიამ ინგლისური ენის შემსწავლელი პროგრამის მონაწილე სტუდენტებს სერტიფიკატები გადასცეს

აფხაზეთის ავტონომიური რესპუბლიკის განათლებისა და კულტურის სამინისტროს მიერ ორგანიზებული ინგლისური ენის შემსწავლელი 12 კვირიანი ინტენსიური პროგრამა წარმატებით დასრულდა. 

სასწავლო კურსი საქართველოში ამერიკის საელჩოს მხარდაჭერით და საელჩოს მოხალისე პედაგოგის იასმინ მითაიშვილი-რაისის ჩართულობით განხორციელდა. პროგრამის ფარგლებში აფხაზეთიდან იძულებით გადაადგილებულმა ოცდაერთმა სტუდენტმა ინგლისური ენის ცოდნა გაიუმჯობესა.

სტუდენტებს პროგრამის წარმატებით დასრულება მიულოცეს და სერტიფიკატები გადასცეს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ა/რ განათლებისა და კულტურის მინისტრმა ეკა ხოფერიამ და ამერიკის შეერთებული შტატების საელჩოს ინგლისური ენის პროგრამის კოორდინატორმა ლია გუმბერიძემ.

ანსამბლებმა - „აფხაზეთმა“ და „შავნაბადამ“ ბაქოსა და ლუიზიანაში, საქართველოს დამოუკიდებლობის დღისადმი მიძღვნილ მიღებაზე, კონცერტები გამართეს

26 მაისს, საქართველოს ეროვნული დღესასწაულის - დამოუკიდებლის დღის აღსანიშნავად, საქართველოს სახელმწიფო დროშის ფერებში განათდა ქ. ბაქოს ღირსშესანიშნავი სიმბოლოს - „ჰეიდარ ალიევის ცენტრის“ შენობა. საქართველოს სახელმწიფო დროშის ფონზე აფხაზეთის სიმღერისა და ცეკვის სახელმწიფო აკადემიურმა ანსამბლმა „აფხაზეთმა“ საქართველოს ეროვნული ჰიმნი შეასრულა.

გარდა ამისა, ანსამბლი „აფხაზეთი“ ქ. ბაქოში, საქართველოს საელჩოს ორგანიზებით გამართულ საზეიმო მიღებაზე, კულტურული პროგრამის ფარგლებში, დამსწრე საზოგადოების წინაშე საინტერესო პროგრამით წარსდგა.

30 მაისს, დანიაში, ლუიზიანას თანამედროვე ხელოვნების მუზეუმში, საქართველოს დამოუკიდებლობის დღისადმი მიძღვნილ საზეიმო მიღებაზე, აქ წარმოდგენილი ნიკო ფიროსმანის გამოფენის ფონზე, აფხაზეთის სიმღერის სახელმწიფო ანსამბლმა „შავნაბადამ“ კონცერტი გამართა.

ანსამბლ „შავნაბადას“ მიერ შესრულებულმა ქართული მრავალხმიანი პოლიფონიის შედევრებმა, საგალობლებმა და ინსტრუმენტულმა მუსიკამ დამსწრეთა დიდი მოწონება და ოვაციები დაიმსახურა.

ნიკო ფიროსმანის გამოფენა და ქართული ფოლკლორი ერთად - ეს არის გზავნილი, საერთაშორისო ასპარეზზე საქართველოს უნიკალური კულტურული მემკვიდრეობის წარმოჩენის, ჩვენი ქვეყნის ცნობადობის ამაღლებისა და ორმხრივი ურთიერთობების კიდევ უფრო განმტკიცების გზაზე.

ბავშვთა დაცვის საერთაშორისო დღეს მიეძღვნა

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ და აფხაზეთის ა/რ განათლებისა და კულტურის მინისტრმა ეკა ხოფერიამ, ბავშვთა დაცვის საერთაშორისო დღესთან დაკავშირებით, ქ. ზუგდიდში „დისტანციური სწავლების" პროგრამაში ჩართულ მოსწავლეებს კომპიუტერები გადასცეს. კომპიუტერები სამინისტროს ამჯერად სწორედ ამ მოსწავლეებისთვის კომპანია „ლისი დეველოპმენტმა“ და სამშენებლო კომპანია „ანაგმა“ აჩუქეს.

რუსლან აბაშიძე და ეკა ხოფერია შემდეგ აფხაზეთის №1 საჯარო სკოლაში გამართულ, ბავშვთა საერთაშორისო დღისადმი მიძღვნილ კონცერტს დაესწრნენ.

„აფხაზეთის დღე - 2023“ - ფოტოგამოფენა „კადრები აფხაზეთიდან“

აფხაზეთის ავტონომიური რესპუბლიკის განათლებისა და კულტურის სამინისტრომ, აფხაზეთის ავტონომიური რესპუბლიკის მთავრობის მხარდაჭერით, „აფხაზეთის დღე“ საინტერესოდ და მრავალფეროვნად  

ვ. არქანიას არტ-გალერეაში ფოტოგამოფენა „კადრები აფხაზეთიდან“ (მესამე ნაწილი) მოეწყო. ფოტოგამოფენა „ადამიანები - აფხაზეთიდან, ადამიანები - აფხაზეთში“, თავის დროზე აფხაზეთში მცხოვრები ან უბრალოდ იქ დაბადებული ცნობილი ადამიანების ფოტოებს აერთიანებს.  

ფოტოგამოფენის გმირებთან და სხვა სტუმრებთან შეხვედრის შემდეგ აფხაზეთის თეატრის დარბაზში შედგა მუსიკალური საღამო, რომელსაც აფხაზეთის ა/რ განათლებისა და კულტურის მინისტრი ეკა ხოფერია უძღვებოდა. დამსწრეთ ასევე მიმართეს აფხაზეთის ა/რ მთავრობის თავმჯდომარემ რუსლან აბაშიძემ, საქართველოს პარლამენტის ვიცესპიკერმა გიორგი ვოლსკიმ და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველმა მოადგილემ ლია გიგაურმა.    

იამვე საღამოზე სოხუმის მოზარდმაყურებელთა სახელმწიფო თეატრ „თეთრ ტალღას“ მისი დამაარსებლის, საქართველოს და აფხაზეთის სახალხო არტისტის, გიორგი რატიანის სახელი მიენიჭა.  

კონცერტში მონაწილეობდნენ აფხაზეთის სიმღერისა და ცეკვის სახელმწიფო აკადემიური ანსამბლის ძველი და ახალი თაობის წარმომადგენლები, აფხაზეთის სახელმწიფო ანსამბლი „შავნაბადა“ და გოგონათა ფოლკლორული ანსმბლი „გუმბათი“.   

გამოფენას და მოსიკალურ საღამოს საქართველოს საკანონმდებლო და აღმასრულებელი ხელისუფლების, აფხაზეთის მთავრობისა და უმაღლესი საბჭოს, საქართველოში აკრედიტებული დიპლომატიური კორპუსის, საერთაშორისო და არასამთავრობო ორგანიზაციების, კულტურის სფეროს წარმომადგენლები და ვეტერანები ესწრებოდნენ.   

ეკა ხოფერია აფხაზეთის მე-15 საჯარო სკოლაში მე-12 კლასელების ბოლო ზარს დაესწრო

17 მაისს ზუგდიდის რ-ნი სოფ. ზედა ეწერში, აფხაზეთის მე-15 საჯარო სკოლის მე-12 კლასელებისთვის ბოლო ზარი დაირეკა.

მოსწავლეებმა ამ ამაღელვებელ დღეს კონცერტი და სამახსოვრო ავტოგრაფსესია მიუძღვნეს.

მოსწავლეებს სკოლის დამთავრება მიულოცეს და წარმატებები უსურვეს აფხაზეთის ა/რ განათლებისა და კულტურის მინისტრმა ეკა ხოფერიამ და აფხაზეთის მე-15 საჯარო სკოლის დირექტორმა დარეჯან ჯონჯუამ.

აფხაზეთის ა/რ უმაღლეს საბჭოში მინიტრ ეკა ხოფერიას მოუსმინეს

15 მაისს, აფხაზეთის ა/რ უმაღლესი საბჭოს პლენარულ სხდომაზე, ინტერპელაციის წესით, აფხაზეთის ავტონომიური რესპუბლიკის განათლებისა და კულტურის მინისტრს ეკა ხოფერიას მოუსმინეს.

სხდომას აფხაზეთის ა/რ უმაღლესი საბჭოს თავმჯდომარე ჯემალ გამახარია უძღვებოდა.

მინისტრმა პასუხი გასცა უმაღლესი საბჭოს წევრების მიერ წინასწარ წერილობით დასმულ შეკითხვებს, რომლებიც შეეხებოდა  კულტურის, სპორტისა და ახალგაზრდულ საქმეთა სააგენტოს, თეატრების, კაპელას, ანსამბლების საქმიანობას; აფხაზეთის სახელით მოასპარეზე  სპორტული გუნდების და კლუბების დაფინანსებას; სსიპ-ების მუშაობას, მათი შემოსავლების გაზრდის მიზნით ღონისძიებების ჩატარებას და სხვ.

დებატებში მონაწილეობდნენ აფხაზეთის უმაღლესი საბჭოს წევრები. ჯემალ გამახარიამ დადებითად შეაფასა ინტერპელაციის წესით მინისტრის მოსმენა  და აღნიშნა, რომ  კულტურა მათთვის პრიორიტეტებს შორის პრიორიტეტია.