აფხაზეთის ავტონომიური რესპუბლიკის განათლებისა და კულტურის სამინისტრო „წარმატებული ახალგაზრდების მხარდაჭერის პროგრამის“ 2023 წლის II ეტაპის განხორციელებას იწყებს.

სამიზნე ჯგუფებს წარმოადგენენ აფხაზეთიდან იძულებით გადაადგილებული პირები, კერძოდ: ავტორიზებული პროფესიული საგანმანათლებლო დაწესებულებების პროფესიული სტუდენტები; ავტორიზებული უმაღლესი საგანმანათლებლო დაწესებულებების (ბაკალავრები, მაგისტრანტები) სტუდენტები; ავტორიზებული სამედიცინო/სტომატოლიგიური დაწესებულებების რეზიდენტები. თანადაფინანსება განსაზღვრულია შემდეგნაირად:

1. 500 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 80-დან 90%-მდე );
2. 700 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 90% დან 98%);
3. 1125 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 99% და 100%);
4. 300 ლარის ოდენობით - ავტორიზებული პროფესიული საგანმანათლებლო დაწესებულების პროფესიული სტუდენტების შემთხვევაში; სრული სასწავლო პერიოდის განმავლობაში (სწავლების ყველა საფეხურის გათვალისწინებით) პროგრამის ფარგლებში ერთი და იგივე პიროვნება ფინანსდება მხოლოდ 2-ჯერ (აღნიშნული მოთხოვნა არ ვრცელდება რეზიდენტურის სტუდენტებზე. რეზიდენტურაში სწავლება ფინანსდება მხოლოდ ერთხელ მიუხედავად იმისა, რომ სტუდენტი პირველად სარგებლობს წარმოდგენილი პროგრამით). ასევე, ერთი და იგივე პიროვნება არ დაფინანსდება 2-ჯერ ერთი კალენდარული წლის განმავლობაში. 

მოქალაქეთა განცხადებები მიიღება 1 მაისიდან 31  მაისის ჩათვლით.

განცხადებები მიიღება ელექტრონულ მისამართზე - apkhazeti@mes.gov.ge და ასევე აფხაზეთის ავტონომიური რესპუბლიკის განათლებისა და კულტურის სამინისტროში, მისამართი: თბილისი, უზნაძის ქ. №68

დამატებითი ინფორმაციისთვის დარეკეთ ნომრებზე: 598 17 41 78; 577 09 22 39. 

იხ. ვრცლად: https://bit.ly/3Y3abWc

იხ. განცხადების ბლანკი: https://bit.ly/3QApYbE

აფხაზეთის №15 საჯარო სკოლის რეაბილიტირებულ დარბაზში სასკოლო სპორტული ოლიმპიადა 2023-ის აფხაზეთის რეგიონული ტურნირები მინი-ფეხბურთსა და  კალათბურთში გაიმართა. შეჯიბრში აფხაზეთის სკოლები მონაწილეობდნენ.

ტურნირზე გამოვლინდნენ გამარჯვებული გუნდები, რომლებიც სასკოლო სპორტული ოლიმპიადა 2023-ის ზონალურ შეჯიბრში აფხაზეთის სახელით იასპარეზებენ.

გამარჯვებულებს ჯილდოები აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ გადასცა.

აფხაზეთის სკოლები სასკოლო სპორტულ ოლიმპიადაში აფხაზეთის ა/რ განათლებისა და კულტურის სამინისტროს შესაბამისი ქვეპროგრამის ფარგლებში მონაწილეობენ.

აფხაზეთის ა/რ განათლებისა და კულტურის სამინისტროს შესაბამისი ქვეპროგრამის ფარგლებში, ქ. სენაკში სასკოლო სპორტული ოლიმპიადის ფინალური თამაში გეზრბენში (ვაჟები, გოგონები) გაიმართა.

შეჯიბრში აფხაზეთის №1, №3, №7, №11 და №14 საჯარო სკოლების გუნდები (ვაჟები, გოგონები) მონაწილეობდნენ. პირველი ადგილი ვოვა ვეკუას სახ. აფხაზეთის №3 საჯარო სკოლის გუნდებმა (ვაჟები, გოგონები) დაიკავეს, მეორე ადგილზე აფხაზეთის №11 საჯარო სკოლის გუნდები გავიდნენ, ხოლო მესამე ადგილი თემურ ბოკუჩავას სახ. აფხაზეთის №7 საჯარო სკოლის გუნდებს ერგო.

აფხაზეთის №3 საჯარო სკოლის გუნდები სასკოლო სპორტული ოლიმპიადის ზონალურ შეჯიბრზე აფხაზეთის სახელით იასპარეზებენ.

აფხაზეთის ავტონომიური რესპუბლიკის განათლებისა და კულტურის სამინისტროს „წარმატებული ახალგაზრდების მხარდაჭერის პროგრამის“ 2023 წლის I ეტაპის გამარჯვებულები გამოვლენილია.

შემოსული განცხადებების განხილვის საფუძველზე, ყველაზე მაღალი მოსწრების მქონე 106 წარმატებული სტუდენტი დაფინანსდა.

„წარმატებული ახალგაზრდების მხარდაჭერის პროგრამის“ 2023 წლის II ეტაპისთვის განცხადებების მიღება მაისში გამოცხადდება.

აფხაზეთის ავტონომიური რესპუბლიკის განათლებისა და კულტურის სამინისტრო წლებია, რაც ქვეპროგრამას „აფხაზეთის სასკოლო სპორტული ოლიმპიადა“ ახორციელებს.

ამ ქვეპროგრამის ფარგლებში აფხაზეთის საჯარო და ოკუპირებული გალის რაიონის საშუალო სკოლის მოსწავლეები სასკოლო სპორტული ოლიმპიადის რეგიონულ თამაშებში წელსაც მონაწილეობენ.

10 აპრილს, აფხაზეთის №10 და №7 საჯარო სკოლების გუნდებს შორის ფრენბურთში (ვაჟები) ფინალური თამაში ჩატარდა. გაიმარჯვა აფხაზეთის №7 საჯარო სკოლის გუნდმა, რომლის წევრებსაც სპორტული ფორმები და სიგელები გადაეცა.

აფხაზეთის სახელით, ფრენბურთში (გოგონები) აფხაზეთის №7 საჯარო სკოლის გოგონათა გუნდი იასპარეზებს. საქართველოს ბავშვთა და სასკოლო სპორტის ეროვნული ფედერაციის მოთხოვნათა შესაბამისად, რეგიონული თამაშები იმართება მძლეოსნურ გეზრბენში (კროსი), მინი ფეხბურთში, 3X3 კალათბურთში, მაგიდის ჩოგბურთსა და ფრენბურთში.

აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია საქართველოში ამერიკის საელჩოსა და მისი პარტნიორი საერთაშორისო ორგანიზაციების წარმომადგენლებს შეხვდა.

შეხვედრას, რომლის ინიციატორიც ამერიკის საელჩო იყო, ესწრებოდნენ:   სპეციალური სტუმარი ვაშინგტონიდან, ევროპის ფინანსური დახმარების კოორდინატორი მარია ლონგი, ამერიკის საელჩოს პროექტების ხელმძღვანელი თამარ ხერგიანი, PH-international-ის საქართველოს წარმომადგენლობის დირექტორი ბერდია ნაცვლიშვილი, CENN-ის აღმასრულებელი დირექტორი ნანა ჯანაშია და პროექტების ხელმძღვანელი გიორგი ორკოდაშვილი.

შეხვედრაზე საქართველოში ამერიკის საელჩოსა და საერთაშორისო ორგანიზაციების თანადგომით, აფხაზეთის ავტონომიური რესპუბლიკის განათლებისა და კულტურის სამინისტროს მიერ განხორციელებული საგანმანათლებლო პროექტები - ონლაინ სკოლა, დისტანციური სწავლება , ინგლისური ენის კურსები დევნილი სტუდენტებისათვის და სხვ. - განიხილეს. მათი შედეგების გაანალიზებისა და შეჯამების შემდეგ კი სამომავლო თანამშრომლობის პერსპექტივებზე ისაუბრეს.

ამერიკის საელჩო საქართველოში  აფხაზეთის ა/რ განათლებისა და კულტურის სამინისტროს საიმედო პარტნიორი და მნიშვნელოვანი საგანმანათლებლო პროექტების ფინანსური მხარდამჭერია.

6 აპრილს სოხუმის კონსტანტინე გამსახურდიას სახელობის სახელმწიფო დრამატულმა თეატრმა, თეატრალურ ჯგუფ „ჯეოლაბთან“ ერთად, სპექტაკლის - „ვთამაშობთ კაბუკის“ პრემიერა გამართა. ეს არის მისტიკური კომედია, რომელიც მე-15 საუკუნის იაპონური პიესის „აბრეშუმის ფარანის“ მიხედვით დაიდგა. პიესა მოგვითხრობს ახალგაზრდა სამურაის - სინძაბუროსა და გოგონას - ოციუს მარადიულ სიყვარულზე. უცნაური აქ ისაა, რომ ოციუ ქალის აჩრდილია, თუმცა არც სინძაბურომ და არც მაყურებელმა ამის შესახებ სპექტაკლის ბოლომდე არაფერი იცის.

სპექტაკლის რეჟისორია დავით პაპავა, სცენოგრაფი და კოსტიუმების ავტორი – Molu, ქორეოგრაფი ნათია ბუნტური, ხოლო მუსიკალური გაფორმება ეკუთვნის დავით საყვარელიძეს.

პრემიერას აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია, იაპონიის ელჩი საქართველოში იმამურა აკირა და იაპონიის საელჩოს კულტურის ატაშე რიოსეი სუგინაკა ესწრებოდნენ.

სპექტაკლში სოხუმის თეატრის დასის ახალი წევრების, საინფორმაციო-ანალიტიკური ცენტრის მედიაპროექტის "გოგონები აფხაზეთიდან" ბლოგერების - მილენა აჟიბასა და ნინო პაპავას დებიუტი შედგა.

იაპონურ ტრადიციულ თეატრ „კაბუკის“ ელემენტებზე აგებულ უჩვეულოდ ლამაზ სანახაობაზე დასწრება მაყურებელს სოხუმის დრამატული თეატრის სცენაზე 7 და 8 აპრილსაც შეუძლია.

აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია და კავკასიის უნივერსიტეტის პრეზიდენტი კახა შენგელია -ის სტუდენტებს შეხვდნენ. შეხვედრის ფარგლებში მინისტრმა სამინისტროში არსებულ დაფინანსების შესაძლებლობებზე, მიმდინარე სტიპენდიებსა და ქვეპროგრამებზე ისაუბრა. შეხვედრის მიზანი იყო სტუდენტებისთვის სამინისტროს პროგრამებისა და სტიპენდიების გაცნობა. დამსწრე აუდიტორიას კი შესაძლებლობა ჰქონდა, ეკა ხოფერიასა და კახა შენგელიასთვის მათთვის საინტერესო თემებზე კითხვები დაესვა.

აფხაზეთის ავტონომიური რესპუბლიკის განათლებისა და კულტურის სამინისტრო ქვეპროგრამის - ,,პროფესიული უნარების განვითარების მხარდაჭერა სკოლებში“ განხორცილებას 2023 წელსაც აგრძელებს.

პროგრამის ფარგლებში აფხაზეთის №1, №2, №3 №5, №6, №10, №11, №21 საჯარო სკოლების (ზუგდიდი, ქუთაისი, სენაკი, ფოთი, თბილისი) საშუალო საფეხურის მოსწავლეები შოთა მესხიას ზუგდიდის სახელმწიფო სასწავლო უნივერსიტეტისა და პროფესიულ სასწავლებლებში - კოლეჯი „მერმისი“, კოლეჯი „იბერია“, კოლეჯი „ლაკადა“, კოლეჯი „ფაზისი“ - ჩატარებულ საინფორმაციო ტურებში მონაწილეობდნენ.

მოსწავლეები უნივერსიტეტსა და კოლეჯებში გაეცნენ სხვადასხვა მიმართულების ისეთ პროგრამებს, რომლებიც მათ პროფესიული არჩევანის გაკეთებაში დაეხმარება.

ვალერი არქანიას სახელობის არტ-გალერეაში, აფხაზეთის ავტონომიური რესპუბლიკის განათლებისა და კულტურის სამინისტროსა და საქართველოში ამერიკის საელჩოს თანამშრომლობის ფარგლებში, აფხაზეთიდან დევნილი სტუდენტებისთვის ინგლისური ენის კურსის პრეზენტაცია გაიმართა.

პრეზენტაციაზე ინგლისური ენის კურსის შექმნის მნიშვნელობაზე ისაუბრეს აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ, საქართველოში ამერიკის საელჩოს საზოგადოებრივ საქმეთა განყოფილების უფროსმა ალექსანდრე დანიელსმა და ამავე საელჩოს ინგლისური ენის პროგრამის კოორდინატორმა ლია გუმბერიძემ.

სტუდენტებს რამდენიმე თვის განმავლობაში ინგლისური ენის გაკვეთილებს ჩაუტარებს ფულბრაითის პროგრამის ინგლისური ენის ასისტენტი საქართველოში იასნიმე რაისი. სტუდენტებსა და პედადოგს შორის გაცნობითი შეხვედრა გუშინვე შედგა.

პროექტის მიზანია დაეხმაროს აფხაზეთიდან დევნილ სტუდენტებს ინგლისური ენის ცოდნის დონის ამაღლებაში.

პროგრამის მიზანია აფხაზეთიდან დევნილი მეცნიერების მხარდაჭერა და მათთვის სამეცნიერო კვლევებში ხელშეწყობა.

პროგრამის ფარგლებში შესაძლებელია დაფინანსდეს:  

 ა)  სამეცნიერო ლიტერატურის/კვლევის გამოცემა;

 ბ) სამგზავრო ხარჯები მეცნიერების, ბაკალავრიატის, მაგისტრატურის, დოქტორანტურის სტუდენტებისთვის;

  გ) აფხაზეთის მკვიდრი მეცნიერები, რომლებიც წარმოადგენენ კვლევებს მეცნიერების სხვადასხვა დარგში;

  დ) მეცნიერი, რომელიც არაა აფხაზეთის მკვიდრი, მაგრამ მისი კვლევა თემატურად დაკავშირებულია საქართველოს ამ კუთხესთან;

  ე) უპირატესობა მიენიჭება თანადაფინანსებით წარმოდგენილ და თემატურად აფხაზეთთან დაკავშირებულ პროექტებს;

   ვ) არ დაფინანსდება ზედიზედ 2 წლის განმავლობაში სამეცნიერო ნაშრომის ბეჭდვის თაობაზე ერთი და იგივე ავტორის მიერ შემოტანილი პროექტი.

პროგრამის გამოცხადებიდან 2023 წლის 1 ნოემბრამდე მიიღება ბეჭდვასთან დაკავშირებლი პროექტები; მეცნიერებისთვის და ასევე ბაკალავრიატის, მაგისტრატურის, დოქტორანტურის პროგრამების სტუდენტებისთვის  სამგზავრო ხარჯები დაფინანსდება 2023 წლის 30 ნოემბრამდე.

დაწვრილებითი ინფორმაციისთვის იხ.

პროგრამა: https://bit.ly/3jHgXlL

ანკეტა:  https://bit.ly/3YtLt18

აფხაზეთის ავტონომიური რესპუბლიკის განათლებისა და კულტურის სამინისტრო „წარმატებული ახალგაზრდების მხარდაჭერის პროგრამის“ 2023 წლის I ეტაპის განხორციელებას იწყებს.

სამიზნე ჯგუფებს წარმოადგენენ აფხაზეთიდან იძულებით გადაადგილებული პირები, კერძოდ: ავტორიზებული პროფესიული საგანმანათლებლო დაწესებულებების პროფესიული სტუდენტები; ავტორიზებული უმაღლესი საგანმანათლებლო დაწესებულებების (ბაკალავრები, მაგისტრანტები) სტუდენტები; ავტორიზებული სამედიცინო/სტომატოლიგიური დაწესებულებების რეზიდენტები. თანადაფინანსება განსაზღვრულია შემდეგნაირად:

1. 500 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 80-დან 90%-მდე );
2. 700 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 90% დან 98%);
3. 1125 ლარის ოდენობით - ავტორიზებული უმაღლესი საგანმანათლებლო დაწესებულების (ბაკალავრები, მაგისტრანტები) სტუდენტებისა და ავტორიზებული სამედიცინო/სტომატოლოგიური დაწესებულებების რეზიდენტების შემთხვევაში (აკადემიური მოსწრება სასწავლებელში ბოლო სემესტრში მიღებული ქულების საშუალო არითმეტიკულის გამოანგარიშებით 99% და 100%);
4. 300 ლარის ოდენობით - ავტორიზებული პროფესიული საგანმანათლებლო დაწესებულების პროფესიული სტუდენტების შემთხვევაში; სრული სასწავლო პერიოდის განმავლობაში (სწავლების ყველა საფეხურის გათვალისწინებით) პროგრამის ფარგლებში ერთი და იგივე პიროვნება ფინანსდება მხოლოდ 2-ჯერ (აღნიშნული მოთხოვნა არ ვრცელდება რეზიდენტურის სტუდენტებზე. რეზიდენტურაში სწავლება ფინანსდება მხოლოდ ერთხელ მიუხედავად იმისა, რომ სტუდენტი პირველად სარგებლობს წარმოდგენილი პროგრამით). ასევე, ერთი და იგივე პიროვნება არ დაფინანსდება 2-ჯერ ერთი კალენდარული წლის განმავლობაში. 

   მოქალაქეთა განცხადებები მიიღება 1 თებერვლიდან 28 თებერვლის ჩათვლით.

   განცხადებები მიიღება ელექტრონულ მისამართზე - apkhazeti@mes.gov.ge და ასევე აფხაზეთის ავტონომიური რესპუბლიკის განათლებისა და კულტურის სამინისტროში, მისამართი: თბილისი, უზნაძის ქ. №68

   დამატებითი ინფორმაციისთვის დარეკეთ ნომრებზე: 598 17 41 78; 577 09 22 39. 

   იხ. ვრცლად: https://bit.ly/3Y3abWc

   იხ. განცხადების ბლანკი: https://bit.ly/3QApYbE

ააიპ „ვახტანგ ფხაკაძის სახელობის საქველმოქმედო ფონდი „ლუტეცია“ ზუგდიდში, კომბინატის უბანში მდებარე აფხაზეთის №12 საჯარო სკოლის მოსწავლეებისთვის საგანმანათლებლო-მობილურ სივრცეს შექმნის. ასევე სკოლის ბიბლიოთეკას კომპიუტერული ტექნიკით, ავეჯითა და ინვენტარით აღჭურვავს, - ეს ყველაფერი ნათქვამია წერილში, რომელიც ამ დღეებში სკოლამ, საკუთარი მიმართვის პასუხად, ფონდ „ლუტეციას“ დირექტორის ნათია ფხაკაძე-ჩიგირინსკაიასგან მიიღო.

"საქველმოქმედო ფონდი ლუტეცია“ მომავალშიც მზად არის მხარი დაუჭიროს სკოლას „ბიბლიოთეკისა და საგანმანათლებლო სივრცის ფუნქციონირების პროცესში“, რადგან თავად ვახტანგ ფხაკაძე დიდ მნიშვნელობას ანიჭებდა ახალგაზრდებში განათლების ხელშეწყობას და ეს ფონდის მიზანიცაა.