სიახლეები

საქართველოს პირველი ეროვნული გმირის, აფხაზეთის ავტონომიური რესპუბლიკის მინისტრთა საბჭოს ყოფილი თავმჯდომარის ჟიული შარტავას 75 წლისთავთან დაკავშირებით დაგეგმილი ღონისძიებების ფარგლებში, 7 მარტს ჟიული შარტავას სულის მოსახსენებელი პანაშვიდი გადაიხადეს მემორიალთან „ერთიანი საქართველოსათვის“.

პანაშვიდი თბილისის წმ. ალექსანდრე ნეველის სახელობის ტაძრის წინამძღვარმა მამა ბიძინა გუნიამ ბიჭვინთის ყოვლადწმინდა ღვთისმშობლის წინამძღვარ მამა დავით კონჯარიასთან ერთად გადაიხადა.

პანაშვიდს ესწრებოდნენ საბურთალოს წმ. ნინოს, წმ. ვასილისკოს, წმ. გრიგოლ ხანძთელის, მირქმის სახელობის ტაძრების წინამძღვრები და მრევლი, ასევე, აფხაზეთის ავტონომიური რესპუბლიკის მთავრობისა და განათლებისა და კულტურის სამინისტროს წარმომადგნლები და აფხაზეთის საჯარო სკოლების მოსწავლეები.

ჟიული შარტავას 75 წლის იუბილესთან დაკავშირებით საქართველოს პრემიერ-მინისტრმა მამუკა ბახტაძემ, შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, საქართველოს ფინანსთა მინისტრმა ივანე მაჭავარიანმა, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა (გია) გვაზავამ, საქართველოსა და აფხაზეთის ხელისუფლების წარმომადგენლებმა, საქართველოს ეროვნული გმირების ოჯახის წევრებმა, დევნილმა საზოგადოებამ გვირგვინით შეამკეს საქართველოს პირველი ეროვნული გმირის, აფხაზეთის ავტონომიური რესპუბლიკის მინისტრთა საბჭოს ყოფილი თავმჯდომარის ჟიული შარტავას საფლავი და პატივი მიაგეს საქართველოს ეროვნული გმირის ხსოვნას. გორის და ატენის მიტროპოლიტმა მეუფე ანდრიამ ჟიული შარტავას სულის მოსახსენებელი პანაშვიდი გადაიხადა.

საქართველოს სავაჭრო - სამრეწველო პალატის ტექნიკური დახმარების პროექტის – „მცირე და საშუალო მეწარმეთა შესაბამისობის პროგრამის დანერგვა” ფარგლებში, ბრიტანეთის მთავრობის კარგი მმართველობის ფონდის მხარდაჭერით, 2019 წლის 6 და 7 მარტს გაიმართა ტრეინინგი თემაზე – „როგორ გავზარდოთ მცირე და საშუალო მეწარმეთა შესაბამისობა პროდუქტის უსაფრთხოების ევროკავშირის რეგულაციებთან“. ტრეინინგში მონაწილეობა მიიღეს აფხაზეთის ა/რ ფინანსთა და ეკონომიკის სამინისტროს ეკონომიკურ ურთიერთობათა დეპარტამენტის თანამშრომლებმა.

2019 წლის 7 მარტი საქართველოს ეროვნული გმირის ჟიული შარტავას დაბადების დღეა. დღეს მას 75 წელი შეუსრულდებოდა. ამ დღის აღსანიშნავად ქუთაიში, აფხაზეთის ჟიული შარტავას სახელობის #6 საჯარო სკოლაში მოსწავლეებისა და პედკოლექტივის ინიციატივით ღონისძიება გაიმართა. ღონისძიებას ესწრებოდნენ აფხაზეთის ა/რ მთავრობის დევნილთა დეპარტამენტის თავმჯდომარის მოადგილე გიორგი ბულისკერია, აფხაზეთის ა/რ მთავრობის დევნილთა დეპარტამენტის აფხაზეთის ა/რ მთავრობის წარმომადგენლობების მართვის, კოორდინაციისა და მონიტორინგის სამმართველოს უფროსი გია კოკაია, წარმომადგენლობის ხელმძღვანელი ზაზა ჩაჩავა, წარმომადგენლობის უფროსი სპეციალისტი ციალა კოპალიანი, ჟიული შარტავაას თანამებრძოლები და ვეტერანები.

7 მარტს რუსთავის გიგა ლორთქიფანიძის სახელობის პროფესიულმა დრამატულმა თეატრმა დიმიტრი ჯაიანის სახელობის დარბაზში სპექტაკლი - ,,დაბადების დღე“ წარმოადგინა.

სპექტაკლის ჩვენება საქართველოს პირველი ეროვნული გმირის ჟიული შარტავას 75 წლისთავთან დაკავშირებული ღონისძიებების ფარგლებში მოეწყო.

საქართველოს ოლიმპიურ კომიტეტში აფხაზეთის ავტონომიური რესპუბლიკის მთავრობის, საქართველოს ტექნიკური უნივერსიტეტისა და საქართველოს ეროვნული ოლიმპიური კომიტეტის ერთობლივი ორგანიზებით აღმოსავლეთ კავკასიონის ერთ-ერთი მწვერვალისთვის ჟიული შარტავას სახელის მინიჭებასთან დაკავშირებული ალპინიადის მონაწილეთა დაჯილდოება გაიმართა. ასევე, მოეწყო ალპინიადისადმი მიძღვნილი  ვიდეო კლიპების პრეზენტაცია. ჟიული შარტავას სახელობის მწვერვალზე მოწყობილი პირველი ალპინიადის მონაწილე საქართველოს თავდაცვის სამინისტროს საჩხერის სამთო მომზადების სკოლის, საქართველოს მთამსვლელთა ფედერაციისა და საქართველოს ტექნიკური უნივერსიტეტის წარმომადგენლებს საპატიო სიგელები გადაეცათ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს ეროვნული ოლიმპიური კომიტეტის პრეზიდენტი ლერი ხაბელოვი, ვიცე-პრეზიდენტი ელგუჯა ბერიშვილი, აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, საქართველოს ტექნიკური უნივერსიტეტის ჟიული შარტავას სახელობის სახელმწიფო პოლიტიკის და მართვის სადოქტორო სკოლის დირექტორი ზურაბ ჯიბლაძე, საქართველოს ტექნიკური უნივერსიტეტის პროფესორები, ალპინიადის მონაწილეები, ჟიული შარტავას ოჯახის წევრები და მეგობრები ესწრებოდნენ.

დაჯილდოება საქართველოს პირველი ეროვნული გმირის, აფხაზეთის ავტონომიური რესპუბლიკის მინისტრთა საბჭოს ყოფილი თავმჯდომარის ჟიული შარტავას დაბადებიდან 75 წლისთავთან დაკავშირებული ღონისძიებების ფარგლებში გაიმართა.

ჟიული შარტავას სახელის მინიჭებასთან დაკავშირებული ეროვნული ალპინიადა 2018 წლის 21 სექტემბერს დაიწყო და 25 სექტემბერს დასრულდა. მასში მონაწილეობა  საქართველოს თავდაცვის სამინისტროს პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის - პარტნიორობის მომზადებისა და განათლების ცენტრის, საქართველოს მთამსვლელთა ფედერაციისა და საქართველოს ტექნიკური უნივერსიტეტის წარმომადგენლებმა მიიღეს. დალაშქვრის შედეგად აღმოსავლეთ კავკასიონზე, ხდის ხეობაში მდებარე უსახელო მწვერვალს (სიმაღლე 3700 მეტრი ზღვის დონიდან), საქართველოს ეროვნული გმირის ხსოვნის უკვდავსაყოფად, ჟიული შარტავას სახელი მიენიჭა.

ჟიული შარტავას დაბადებიდან 75 წლისთავთან დაკავშირებული ღონისძიებების ფარგლებში საქართველოს პარლამენტში პირველი ეროვნული გმირის სახელობის დარბაზი და მემორიალური დაფა გაიხსნა.

2019 წლის 6 მარტს იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკაში დროებით განსახლებული, აფხაზეთიდან დევნილი, ერთჯერადი მატერიალური დახმარების გამცემი კომისიის მესამე სხდომა გაიმართა. „აფხაზეთის ავტონომიური რესპუბლიკის ოკუპირებული ტერიტორიიდან იძულებით დაგაადგილებულ პირთა - დევნილთა სოციალური დაცვის მიზნით ერთჯერადი დახმარების  გაცემის წესის“ შესაბამისად, განხილული განცხადებებიდან ბენეფიციართა სოციალური მდგომარეობის გათვალისწინებით, კომისიამ გადაწყვიტა დაეკმაყოფილებინა 24 დევნილი ბენეფიციარი, რაზეც კვარტალური ბიუჯეტიდან გაიხარჯა 3550 ლარი. კომისია დარჩენილი განცხადებების განსახილველად კვლავ შეიკრიბება მარტის თვეში.

საქართველოს ოლიმპიურ კომიტეტში ამავე კომიტეტის, აფხაზეთის ავტონომიური რესპუბლიკის მთავრობისა და საქართველოს ტექნიკური უნივერსიტეტის ერთობლივი ორგანიზებით, აღმოსავლეთ კავკასიონის ერთ-ერთი მწვერვალისთვის ჟიული შარტავას სახელის მინიჭებასთან დაკავშირებული ალპინიადის მონაწილეთა დაჯილდოება გაიმართა. 

ხსენებული ეროვნული ალპინიადა 2018 წლის 21-25 სექტემბერს მოეწყო. ალპინიადაში საქართველოს თავდაცვის სამინისტროს პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის - პარტნიორობის მომზადებისა და განათლების ცენტრის, საქართველოს მთამსვლელთა ფედერაციისა და საქართველოს ტექნიკური უნივერსიტეტის წარმომადგენლები მონაწილეობდნენ. დალაშქვრის შედეგად აღმოსავლეთ კავკასიონზე, ხდის ხეობაში,ზღვის დონიდან 3700 მეტრზე მდებარე უსახელო მწვერვალს საქართველოს ეროვნული გმირის ხსოვნის უკვდავსაყოფად, ჟიული შარტავას სახელი მიენიჭა. ალპინიადის მონაწილეებს კი საპატიო სიგელები გადაეცათ საქართველოს პირველი ეროვნული გმირის, აფხაზეთის ავტონომიური რესპუბლიკის მინისტრთა საბჭოს ყოფილი თავმჯდომარის ჟიული შარტავას დაბადებიდან 75 წლისთავისადმი მიძღვნილი ღონისძიებების ფარგლებში. აქვე შედგა ალპინიადის ამსახველი ვიდეოკლიპის პრეზენტაცია. 

დაჯილდოების ცერემონიას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, საქართველოს ეროვნული ოლიმპიური კომიტეტის პრეზიდენტი ლერი ხაბელოვი, ვიცე-პრეზიდენტი ელგუჯა ბერიშვილი, აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, საქართველოს ტექნიკური უნივერსიტეტის ჟიული შარტავას სახელობის სახელმწიფო პოლიტიკის და მართვის სადოქტორო სკოლის დირექტორი ზურაბ ჯიბლაძე, საქართველოს ტექნიკური უნივერსიტეტის პროფესორები, ალპინიადის მონაწილეები, ჟიული შარტავას ოჯახის წევრები და მეგობრები ესწრებოდნენ.

    2019 წლის 5 მარტს აღმოსავლეთ საქართველოში აფხაზეთის ავტონომიური რესპუბლიკის თანამშრომლები და წარმომადგენლობის ხელმძღვანელის მოადგილე გრიგოლ ბენიძე შეხვდნენ გლადნის მე-7 მ/კ ყოფილ პროფტექნიკუმის შენობაში განსახლებულ აფხაზეთიდან დევნილ 13 ოჯახის წარმომადგენლებს. შეხვედრა საინფორმაციო-საკონსულტაციო ხასიათს ატარებდა. შეხვედრაზე მოსმენილი იქნა დევნილი მოსახლეობის წინაშე მდგარი სოციალურ-ეკონომიკური სახის პრობლემები. წარმომადგენლობის ხელმძღვანელის მოადგილემ დევნილებს გააცნო აფხაზეთის ავტონომიური რესპუბლიკის უწყებებში მიმდინარე პროგრამების შესახებ, გადასცა მათ სპეციალური ბუკლეტები და შეპირდა, რომ წარმომადგენლობა თავისი კომპეტენციის ფარგლებში კოორდინირებულად ითანამშრომლებს სახელმწიფო და ადგილობრივი თვითმმართველობის ორგანოებთან მათ წინაშე მდგარი პრობლემების მოსაგვარებლად.

2019 წლის 5 მარტს აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი სამეგრელო-ზემო სვანეთის რეგიონში რეზო ქობალია ზუგდიდის მუნიციპალიტეტის მერის პირველი მოადგილე გიორგი შენგელიასთან და მერიის სოციალური დაცვის განყოფილების უფროს გოგი რევიასთან ერთად იმყოფებოდნენ სოფელ ტყაიაში (გამსახურდიას ქუჩა ქარაიების უბანი) ხანძრის შედეგად დაზარალებულ აფხაზეთიდან (გალის რაიონ სოფ: საბერიოდან) იძულებით გადაადგილებულ გვაჯავების ოჯახში.
დავით გვაჯავას 4 სულიან ოჯახს ხანძრის შედეგად საცხოვრებელი სახლი დაეწვა. 
მუნიციპალიტეტის მერია გვაჯავების ოჯახს პროგრამით გათვალისწინებულ 1000 ლარიან დახმარებას გაუწევს და ბინის ქირით უზრუნველყოფს. აგრეთვე, მათ სამასალე მორები გადაეცემათ

     აფხაზეთის ავტონომიური რესპუბლიკის დევნილთა საქმეების დეპარტამენტის საქმიანობაში წარმატებული მონაწილეობისა  და აქტიური ჩართულობისათვის მადლობის სიგელით დაჯილდოვდა  დეპარტამენტის თავმჯომარის აპარატის უფროსი თამაზ ხასაია.

აფხაზეთის ა/რ სოფლის მეურნეობის, გარემოს დაცვისა და ბუნებრივი რესურსების დეპარტამენტის თანამშრომლები ზუგდიდის რაიონის ცალკეულ სოფლებსა და ქ. ზუგდიდში როგორც კომპაქტურად, ასევე ინდივიდუალურად ჩასახლებულ დევნილებს შეხვდნენ. საინფრომაციო შეხვედრების ძირითადი მიზანი გახლდათ ი.გ.პ მოსახლეობის აგრარულ პროექტებში და პროგრამებში ჩართულობისა და საარსებო წყაროებზე წვდომის ხელშეწყობა. კერძოდ, ამ მიმართულების ახალი სამშვიდობო ინიციატივის „ნაბიჯი უკეთესი მონავლისკენ“ შესაძლებლობისა და მოთხოვნების დაინტერესებული პირებისთვის გაცნობა. ამასთან, შეხვედრის მონაწილეებს გადაეცათ წინასწარმომზადებული კითხვარი, რომლის მიხედვითაც შეიქმნება მონაცემთა ბაზა პოტენციური ბენეფიციარებისთვის საინტერესო ბიზნეს-პროექტების შესწავლის მიზნით.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა მანანა ქვაჩახიამ აფხაზეთიდან დევნილ პედაგოგ თინა ოდიშარიას დედის დღე მიულოცეს და ნაყოფიერი პედაგოგიური მოღვაწეობისა და ახალგაზრდობის აღზრდის საქმეში გაწეული უანგარო შრომისათვის აფხაზეთის ავტონომიური რესპუბლიკის განათლებისა და კულტურის სამინისტროს სიგელი გადასცეს.

თინა ოდიშარია 1919 წლის 20 მარტს ზუგდიდის რაიონის სოფელ რუხში დაიბადა. 1958 წელს ოჯახთან ერთად საცხოვრებლად ქალაქ სოხუმში გადავიდა. მუშაობდა სოხუმის №16 საშუალო სკოლის დაწყებითი კლასის მასწავლებლად. წლების განმავლობაში ემსახურებოდა საგანმანათლებლო სისტემას და იყო გამორჩეული, სანიმუშო პედაგოგი. 1993 წლის 27 სექტემბერს, სოხუმის დაცემის დღეს მისი შვილი ლორენ ოდიშარია სოხუმში დახვრიტეს.

2019 წლის 20 მარტს თინა ოდიშარიას 100 წელი შეუსრულდება.

აფხაზეთის კულტურისა და ხელოვნების ცენტრის ორგანიზებით ვალერი არქანიას სახელობის არტ-გალერეაში ქალთა საერთაშორისო დღისადმი მიძღვნილი საღამო „მხოლოდ ქალები“ გაიმართა.

საღამოზე სხვადასხვა პროფესიის 10 წარმატებული ქალბატონი, მათ შორის კულტურის, ხელოვნებისა და სპორტის წარმომადგენლები, იურისტი, ჟურნალისტი, ექიმი, რეჟისორი და პედაგოგი, დააჯილდოვეს. დაჯილდოებულთა შორის იყო აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია.