აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

26 მაისი - საქართველოს დამოუკიდებლობის დღე

ეს დღე ჩვენი ქვეყნის ერთ-ერთი უმნიშვნელოვანესი დღესასწაულია. 1918 წლის 26 მაისს სახელმწიფოებრიობისათვის ხანგრძლივი ბრძოლის შემდეგ საქართველომ დამოუკიდებლობა გამოაცხადა. 

ბრძოლა ცხადია, ამით არ დამთავრებულა და მოწინააღმდეგემ მერეც არაერთი წინააღმდეგობა დაგვახვედრა ამ გზაზე. საქართველოს დამოუკიდებლობისათვის ბრძოლაში დაღუპულ გმირთა ხსოვნას თბილისში, გმირთა მოედანზე პატივი მიაგეს საქართველოს ხელისუფლების, აფხაზეთის ავტონომიური რესპუბლიკის ხელისუფლების წარმომადგენლებმა, აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა, რომელიც წინა დღეს ზუგდიდში ხურჩასთან ვერაგულად მოკლული გიგა ოთხოზორიას ოჯახში იმყოფებოდა სამძიმრის სათქმელად.

გიგა ოთხოზორია 26 მაისს - საქართველოს დამოუკიდებლობის დღეს დაკრძალეს, ისიც ხომ სინამდვილეში დამოუკიდებლობისა და თავისუფლებისათვის ბრძოლას შეეწირა: ქვეყნის გასაყოფად აღმართული „საზღვარი“ ვერ იგუა და ეს არ აპატიეს.

ქუთაისში აფხაზეთის ავტონომიური რესპუბლიკის "ბიზნესინკუბატორის" ტერიტორიაზე კომპანია "ჯეოტურანის" დასავლეთ საქართველოს რეგიონლური ცენტრის პრეზენტაცია გაიმართა

ქუთაისში აფხაზეთის ავტონომიური რესპუბლიკის სსიპ "ბიზნეს-ინკუბატორის" ტერიტორიაზე კომპანია "ჯეოტურანის" დასავლეთ საქართველოს რეგიონლური ცენტრის პრეზენტაცია გაიმართა.

ცენტრის მიზანია ევროპული სტანდარტებისა და თანამედროვე ტექნოლოგიების დანერგვა წყლისა და გაზის მაგისტრალური მილსადენების მშენელბლობაში, რომელიც ხელს შეუწყობს ქუთაისში მიმდინარე და მომავალში დაგეგმილი პროექტების ხარისხიან შესრულებას.

ახალგაზრდების სტაჟირების, კვალიფიკაციის ამაღლებისა და დასაქმების მიზნით, აფხაზეთის ავტონომიური რესპუბლიკის „ბიზნეს-ინკუბატორსა" და კომპანია „ჯეოტურანს" შორის თანამშრომლობის მემორანდუმი გაფორმდა.

პირველ ეტაპზე  სწავლების კურს აფხაზეთიდან დევნილი მოსახლეობით დაკომპლექტებული ჯგუფები გაივლიან.

ცენტრის გახსნას აფხაზეთის ავტონომიური რესპუბლიკის სსიპ „ბიზნეს-ინკუბატორის"დირექტორი ალუ გამახარია, აფხაზეთის ავტონომიური რესპუბლიკის ფინანსთა და ეკონომიკის მინისტრი მურმან ფარფალია,  იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა, კომპანია „ჯეოტურანის" პარტნიორი ორგანიზაციების წარმომადგენლები და ქუთაისის მერი შოთა მურღულია ესწრებოდნენ.

ასევე, „ბიზნეს-ინკუბატორი" მომავალში სასტაჟიორო ბაზის განვითარებას გეგმავს ახალგაზრდების დასაქმებისა და კვალიფიკაციის ამაღლების მიზნით.

გიგა ოთხოზორიას ხსოვნას

აფხაზეთის ავტონომიური რესპუბლიკის განათლებისა და კულტურის სამინისტრო ღრმა მწუხარებასა და შეშფოთებას გამოთქვამს ზუგდიდის რაიონის სოფელ ხურჩასთან ახალგაზრდა ვაჟკაცის, არსებულ მძიმე რეალობასთან შინაგანად შეურიგებელი გიგა   ოთხოზორიას მუხანათურად მკვლელობის გამო და თანაგრძნობას უცხადებს განსვენებულის დედას -  აფხაზეთის №1 საჯარო სკოლის მასწავლებელს ჯულიეტა ჭანტურიას და მის ოჯახს.

გიგა ოთხოზორიას მკვლელობამ კიდევ უფრო მძაფრად გვაგრძნობინა, რომ ფრონტის ხაზი კვლავაც მდინარე ენგურზე გადის და მის წასაშლელად ყველანი უნდა გავერთიანდეთ!

აფხაზეთის ავტონომიური რესპუბლიკის მთავრობის განცხადება

 

საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II ლოცვა კურთხევითა და ინიციატივით სვიმონ კანანელის ხსენების დღე - 23 მაისი გამოცხადდა  „აფხაზეთის დღედ".

2015 წლის 23 მაისს, აფხაზეთიდან დევნილებმა, საქართველოს სხვადასხვა კუთხის მკვიდრებთან და დიასპორების წარმომადგენლებთან ერთად, ფართოდ აღნიშნეს ეს დღე, როგორც იმედისა და საქართველოს მომავალი გაერთიანების სიმბოლო.

2016 წლის გაზაფხულიდან მიმდინარეობდა განხორციელება სპეციალური პროგრამისა, რომელიც ეძღვნებოდა „აფხაზეთის დღის" ფართო მასშტაბით აღნიშვნას, მაგრამ 2016 წლის 19 მაისს ზუგდიდის რაიონის სოფელ ხურჩაში დატრიალებული ტრაგედიის გამო აფხაზეთის ავტონომიური რესპუბლიკის მთავრობა შეუძლებლად მიიჩნევს 23 მაისს კოტე მარჯანიშვილის სახელობის სახელმწიფო დრამატულ თეატრში „აფხაზეთის დღისადმი" მიძღვნილი საზეიმო ღონისძიებების გამართვას, რის გამოც ბოდიშს ვუხდით ყველა მოწვეულ სტუმარს.

აფხაზეთის ავტონომიური რესპუბლიკის ხელისუფლების განცხადება 2016 წლის 19 მაისს ზუგდიდის რაიონის სოფელ ხურჩაში მომხდარ მკვლელობასთან დაკავშირებით

აფხაზეთის ავტონომიური რესპუბლიკის ხელისუფლება შეძრწუნებულია 2016 წლის 19 მაისს ზუგდიდის რაიონის სოფელ ხურჩაში მომხდარ მკვლელობასთან დაკავშირებით და თანაგრძნობას უცხადებს გარდაცვლილი გიგა ოთხოზორიას ოჯახს და ახლობლებს. აღნიშნული დანაშაულებრივი ქმედება ერთის მხრივ ნათელი მაგალითია იმ განუკითხაობისა რაც საქართველოს ოკუპირებულ ტერიტორიებზე სუფევს, სადაც საერთაშორისო სამართლის ნორმების შესაბამისად მთელი პასუხისმგებლობა ეკისრება რუსეთის ფედერაციას და მეორეს მხრივ წარმოადგენს აშკარა პროვოკაციას, რომელიც მიმართულია ვითარების დესტაბილიზაციისკენ რეგიონში და სამშვიდობო ინიციატივების მინიმუმამდე დაყვანისაკენ.

აფხაზეთის მთავრობა გმობს მომხდარ ფაქტს და იმედოვნებს, რომ უახლოეს პერიოდში შესაძლებელი გახდება გამოკვლეულ იქნას მისი პოლიტიკური და სამართლებრივი მოტივები და დამნაშავენი წარსდგებიან მართლმსაჯულების წინაშე.

აფხაზეთის ავტონომიური რესპუბლიკის ხელისუფლება კიდევ ერთხელ უსამძიმრებს გარდაცვლილის ოჯახს და უცხადებს მორალურ თანადგომას.

სოხუმის არაყიშვილის სახელობის სამუსიკო სასწავლებლის საიუბილეო საღამო გაიმართა

სოხუის დ. არაყიშვილის სახელობელს სამუსიკო სასწავლებელს თბილისში 20 წელი შეუსრულდა. სასწავლებელი სოხუმში გასული საუკუნის 30-იან წლებში დაარსდა და თავისი არსებობის 85 წელს ითვლის.

ამ თარიღის აღსანიშნავად, თბილისის კონსერვატორიის დიდ საკონცერტო დარბაზში საიუბილეო გაიმართა, რომელშიც მონაწილეობა მიიღეს სასწავლებლის მოსწავლეებმა, მასწავლებლებმა, კურსდამთავრებულებმა, სიმფონიურმა ორკესტრმა რევაზ ჯავახიშვილის ხელმძღვანელობით. მოსწავლეთა მიერ შესრულდა საგუნდო ნაწარმოები ორგანის თანხლებით; ასევე ბახის, ვივალდის, მოცარტის, ვერდის, პუჩინის, შოსტაკოვიჩის, არაყიშვილის, ალექსი მაჭავარიანის, აზარაშვილისა და სხვათა ნაწარმოებები.

ღონისძიება საქართველოს კულტურისა და ძგლთა დაცვის სამინისროსა და აფხაზეთის ავტონომიური რესპუბლიკის განათლებისა და კულტურის სამინისტროს ხარდაჭერით ჩატარდა.

გაიმართა სამაჩაბლოდან და აფხაზეთიდან დევნილ მოსწავლეთა დეკორატიულ-გამოყენებითი ხელოვნების ნამუშევართა გამოფენა

აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით,  ვალერი არქანიას არტ-გალერეაში სსიპ საზოგადოებრივკოლეჯ „მერმისის“ სამაჩაბლოდან და აფხაზეთიდან დევნილ მოსწავლეთა დეკორატიულ-გამოყენებითი ხელოვნების   ნამუშევართა გამოფენა გაიმართა. გამოფენის მიზანი იყო აფხაზეთის ახალგაზრდა შემოქმედთა ხელოვნების პოპულარიზაცია და მისი ფართოსაზოგადოებისთვის გაცნობა.

გამოფენის პარალელურად გაიმართა შემოქმედებითი საღამო, რომელშიც აფხაზეთიდან დევნილ  შემოქმედებით კოლექტივებთან ერთად  მონაწილეობდნენ ხელოვნების სხვადასხვა სფეროს  წარმომადგენლები: ტარიელ ხარხელაური, მამუკა შამათავა, ელენე გამგონლიძე, ნინო ბაშარული,  ნუგზარკვაშალი, ზურაბ დოიჯაშვილი, ია მაისაია და სხვ. საღამოს უძღვებოდა აფხაზეთის ა/რ განათლებისა და კულტურის სამინისტროს სახელოვნებო განათლების სამსახურის უფროსი ნინო ნასიძე.

საღამოს ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ა/რ განათლებისა და კულტურის მინისტრი დიმიტრი ჯაიანი, აფხაზეთის ავტონომიური რესპუბლიკის მთავრობის წევრები და ფართო საზოგადოებრიობის წარმომადგენლები.

ვალერი არქანიას არტ-გალერეაში სამაჩაბლოდან და აფხაზეთიდან დევნილ მოსწავლეთა დეკორატიულ-გამოყენებითი ხელოვნების ნამუშევართა გამოფენა გაიმართა

აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით, ვალერი არქანიას არტ-გალერეაში სსიპ საზოგადოებრივ კოლეჯ „მერმისის“, სამაჩაბლოდან და აფხაზეთიდან დევნილ მოსწავლეთა დეკორატიულ-გამოყენებითი ხელოვნების ნამუშევართა გამოფენა გაიმართა. გამოფენის მიზანი იყო აფხაზეთის ახალგაზრდა შემოქმედთა ხელოვნების პოპულარიზაცია და მისი ფართო საზოგადოებისთვის გაცნობა.

გამოფენის პარალელურად გაიმართა შემოქმედებითი საღამო, რომელშიც აფხაზეთიდან დევნილ შემოქმედებით კოლექტივებთან ერთად მონაწილეობდნენ ხელოვნების სხვადასხვა სფეროს წარმომადგენლები: ტარიელ ხარხელაური, მამუკა შამათავა, ნინო ბაშარული, ნუგზარ კვაშალი, ზურაბ დოიჯაშვილი, ია მაისაია. ასევე ახალგაზრდა პოეტები და მომღერლები.

ღონისძიებას ესწრებოდნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის მთავრობის წევრები.

გარდაბანში სოციალურად დაუცველი ოჯახებისათვის საქველმოქმედო აქცია ჩატარდა

გარდაბნის რაიონის სოფელ ვაზიანში, თურქეთის საერთაშორისო თანამშრომლობისა და კოორდინაციის სააგენტო „TIKA"-ს თბილისის საკოორდინაციო ოფისის აფხაზეთის ავტონომიური რესპუბლიკის მთავრობასთან კოორდინაციით გახსნილ სამკერვალო მინი-ფაბრიკაში შეიკერა ფეხსაცმელები, რომლებიც  თურქეთის სააგენტო „TIKA"- მ  შეიძინა და გარდაბანში მცხოვრებ სოციალურად დაუცველ ოჯახებს გადასცა.

საქველმოქმედო აქციას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, თურქეთის თანამშრომლობისა და კოორდინაციის სააგენტო „TIKA"-ს  თბილისის ოფისის კოორდინატორი მუსტაფა ქორქმაზი,  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის  მოადგილე გოგი ფაცაცია და გარდაბნის მუნიციპალიტეტის გამგებელი გოჩა ჯამარაული ესწრებოდნენ.

აფხაზეთის მთავრობასა და ჩიჩუების სამედიცინო ცენტრ „მზერას“ შორის ურთიერთთანამშრომლობის მემორანდუმი გაფორმდა

აფხაზეთის ავტონომიური რესპუბლიკის მთავრობასა და ჩიჩუების სამედიცინო ცენტრს „მზერას" შორის ურთიერთთანამშრომლობის მემორანდუმი გაფორმდა.

მემორანდუმს ხელი აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და ცენტრის დირექტორმა ალექსანდრე ჩიჩუამ მოაწერეს. ხელმოწერის ცერემონიას აფხაზეთის ჯანმრთელობისა და სოციალური დაცვის მინისტრი ქეთევან ბაკარაძე და მინისტრის მოადგილეები ესწრებოდნენ.

მემორანდუმი ითვალისწინებს აფხაზეთის ავტონომიური რესპუბლიკის ჯანმრთელობისა და სოცილური დაცვის სამინისტროსთან ერთად ერთობლივ გასვლით ღონისძიებებში მონაწილეობას, იძულებით გადაადგილებულ პირთათვის ამბულატორიულ-საკონსულტაციო და სადიაგნოსტიკო დახმარების (პაციენტთა მიღება, გასინჯვა, აპარატულ-ინსტრუმენტული გამოკვლევები, კონსულტირება და სხვა) გაწევას შეღავათიანი ტარიფებით, ასევე აფხაზეთის ავტონომიური რესპუბლიკის სამედიცინო დაწესებულებების სამედიცინო პერსონალის მომზადება/გადამზადებას (კვალიფიკაციის ამაღლება და დახელოვნება).

თბილისში ილორის წმინდა გიორგის ტაძრის საძირკველი აკურთხეს

თბილისში, ვახუშტი ბაგრატიონის ქუჩაზე ილორის წმინდა გიორგის ტაძრის  საძირკველი აკურთხეს. კურთხევის წირვა-ლოცვა მეუფე მელქისედეკმა აღავლინა.  კურთხევას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი  ვახტანგ ყოლბაია, აფხაზეთის ა/რ უმაღლესი საბჭოს თავმჯდომარე გია გვაზავა, აფხაზეთის ა/რ განათლებისა და კულტურის მინისტრი დიმიტრი ჯაიანი, აფხაზეთის ავტონომიური რესპუბლიკის მთავრობის  და უმაღლესი საბჭოს წევრები ესწრებოდნენ. 

მეუფე მელქისდეკმა პატრიარქის სახელით მადლობა გადაუხადა აფხაზეთის ხელისუფლებას ტაძრის მშენებლობაში შეტანილი წვლილისთვის და  აფხაზეთის მთავრობა დალოცა.

ვახტანგ ყოლბაიამ მადლობა გადაუხადა საქართველოს კათოლიკოს-პატრიარქს და ტაძრის მშენებლობაში მონაწილე ყველა ადამიანს.

„მინდაკიდევ ერთხელ მივულოცო ჩვენს მოსახლეობას, მრევლს, აფხაზეთიდან დევნილ საზოგადოებას აღდგომის ბრწყინვაალე დღესასწაული. ჩვენ ყველას გვაძლიერებს ის მოვლენა, რომ აფხაზეთის დღის აღნიშვნა ჩვენმა პატრიარქმა თავისი ლოცვა-კურთხევით სვიმონ კანანელის ხსენების დღეს მიუსადაგა.

სვიმონ კანანელისა და აფხაზეთის დღისამდი მიძღვნილი მსვლელობა მრევლისა მომავალ კვირას ზუგდიდში დასრულდება. ნიშანდობლივი და სიმბოლურია ისიც, რომ ბრწყინვალე აღდგომის დღეებში მოხდა ტაძრის საძირკვლის კურთხევა. მინდა ყველას მივულოცო ეს შესანიშნავი დღე, რაც დიდი მადლი და  ძალაა ჩვენთვის. ილორის სალოცავი განსაკუთრებული ძალის მატარებელი იყო მუდამ. აფხაზეთში დაბრუნებას კიდიდი მოთმინება, ნებისყოფა და სულის სიმტკიცე სჭირდება. კიდევ ერთხელ დიდი მადლობა მინდაგადავუხადო პატრიარქს, მთელ საზოგადოებას, ეკლესიის წინამძღვარ მამა ლევანს, მეუფე მელქისედეკს,რომელმაც დღევანდელი წირვა ჩაატარა და ეკლესიის საძირკველი აკურთხა,“ – განაცხადა ვახტანგ ყოლბაიამ.

გაიმართა აფხაზეთის ღია პირველობა ფარიკაობაში

აფხაზეთის ავტონომიური რესპუბლიკის განათლებისა და კულტურის სამინისტროს, სპორტისა და ახალგაზრდობის საქმეთა სამსახურის ორგანიზებით, 2016 წლის 12-15მაისს ქ. თბილისში, საქართველოს ფარიკაობის ფედერაციის სპორტულ დარბაზში გაიმართა აფხაზეთის ღია პირველობა ფარიკაობაში 2001-2002, 2003-2004, 2004-2005 წ.წ. დაბადებულ გოგონებსა და ვაჟებს შორის ხმალში, რაპირასა და დაშნაში. შეჯიბრებაში  საქართველოს რეგიონების მოფარიკავეებთან ერთად აზერბაიჯანის, სომხეთის, რუსეთის, ირანის სპორტსმენები მონაწილეობდნენ.

შეჯიბრების შედეგების მიხედვით, აფხაზეთის სპორტსმენები შემდეგი საპრიზო ადგილების მფლობელები გახდნენ:
      ხმალში:
ალექსი ფოფხაძე - III ადგილი, ლიზა ჩიგოგიძე -  III ადგილი, თეკლა ბიწაძე - III ადგილი, ალექსანდრე თავართქილაძე - II ადგილი.
      რაპირაში:
გიორგი ხარაიშვილი - III ადგილი, ნატალია ხარაიშვილი - II ადგილი.
აფხაზეთის ღია პირველობას ფარიკაობაში ესწრებოდნენ აფხაზეთის მთავრობის თავმჯდომარის  მოვალეობის შემსრულებელი ვახტანგ ყოლბაია, აფხაზეთის ა/რ განათლებისა და კულტურის მინისტრი დიმიტრი ჯაიანი, თბილისის სამხატვრო აკადემიის რექტორი გია გუგუშვილი, ცნობილი ხატმწერი ქეთი მატაბელი.

აფხაზეთის ღია პირველობაში გამარჯვებული და პრიზიორი სპორტსმენები დაჯილდოვდნენ თასებით, მედლებით და დიპლომებით.

სამხატვრო აკადემიის რექტორმა გია გუგუშვილმა და ცნობილმა ხატმწერმა ქეთი მატაბელმა გამარჯვებულთათვის  სპეციალური პრიზები დააწესეს. ქეთი მატაბელმა თავისი ნამუშევრებით დააჯილდოვა საუკეთესო ტექნიკური მოფარიკავე და ყველაზე უმცროსი ასაკის მოფარიკავე. საუკეთესო ტექნიკური მოფარიკავის სპეციალური პრიზი წილად ხვდა აფხაზეთის წარმომადგენელს  ალექსანდრე თავართქილაძეს.

თბილისში მშენებარე ილორის წმინდა გიორგის ტაძრის საკურთხეველი ეკურთხა

დღეს, ვახუშტი ბაგრატიონის ქუჩაზე, აფხაზეთის ავტონომიური რესპუბლიკის მთავრობის თავმჯდომარე ვახტანგ ყოლბაია, აფხაზეთის უმაღლესი საბჭოს თავმჯდმარე გია გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ილორის წმინდა გიორგის ტაძრის მშენებლობის საძირკვლის კურთხევას დაესწრნენ. კურთხევის წირვა-ლოცვა მეუფე მელქისედეკმა აღავლინა. მეუფე მელქისდეკმა პატრიარქის სახელით მადლობა გადაუხადა აფხაზეთის ხელისუფლებას ტაძრის მშენებლობაში შეტანილი წვლილისთვის და დალოცა აფხაზეთის მთავრობა.

ვახტანგ ყოლბაიამ აფხაზეთის დღისადმი მიძღვნილი ღონისძიებების შესახებ ისაუბრა. მან მადლობა გადაუხადა კათოლოკოს პატრიარქსა და ტაძრის მშენებლობაში მონაწილე ყველა ადამიანს.

„მინდა კიდევ ერთხელ მივულოცო ჩვენს მოსახლეობას, მრევლს, აფხაზეთიდან დევნილ საზოგადოებას აღდგომის ბრწყინვაალე დღესასწაული. ჩვენ ყველას გვაძლიერებს ის მოვლენა, რომ აფხაზეთის დღის აღნიშვნა ჩვენმა პატრიარქმა თავისი ლოცვა-კურთხევით სვიმონ კანანელის ხსენების დღეს მიუსადაგა. ამ დღეებში დაგეგმილია მრევლის ერთი ნაწილის მსვლელობა სვიმონ კანანელისა და აფხაზეთის დღისამდი მიძღვნილი ღონისძებების ფარგლებში, რაც მომავალ კვირას ზუგდიდში დასრულდება. ნიშანდობლივი და სიმბოლურია ისიც, რომ ბრწყინვალე აღდგომის დღეებში მოხდა ტაძრის საძირკვლის კურთხევა. მინდა ყველას მივულოცო ეს შესანიშნავი დღე. ეს დიდი მადლი და ძალაა ჩვენთვის. ილორის სალოცავი განსაკუთრებული ძალის მატარებელი იყო მუდამ. აფხაზეთში დაბრუნებას კი დიდი მოთმინება, ნებისყოფა და სულის სიმტკიცე სჭირდება. კიდევ ერთხელ დიდი მადლობა მინდა გადავუხადო პატრიარქს, მთელ საზოგადოებას, ეკლესიის წინამძღვარ მამა ლევანს, მეუფე მელქისედეკს, რომელმაც დღევანდელი წირვა და ეკლესიის საძირკვლის კურთხევა ჩაატარა,"-განაცხადა ვახტანგ ყოლბაიამ.

აფხაზეთის მთავრობის ორგანიზებით ფარიკაობაში აფხაზეთის ღია პირველობა ჩატარდა

აფხაზეთის მთავრობის მხარდაჭერითა და აფხაზეთის ავტონომიური რესპუბლიკის განათლებისა და კულტურის სამინისტროს სპორტისა ახალგაზრდობის საქმეთა სამსახურის ორგანიზებით, ფარიკაობაში აფხაზეთის ღია საერთაშორისო პირველობა გაიმართა. შეჯიბრი საქართველოს ფარიკაობის ფედერაციის სპორტულ დარბაზში საზეიმოდ გაიხსნა.

ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის განათლებისა და კულტურის მინისტრი დიმიტრი ჯაიანი დაესწრნენ.

ტურნირში აფხაზეთიდან დევნილ და საქართველოს სხვა რეგიონის წარმომადგენლებთან ერთად მონაწილეობა მიიღეს სომეხმა, აზერბაიჯანელმა, თურქმა, რუსმა და არაბმა სპორტსმენებმა.

ფარიკაობაში აფხაზეთის ღია პირველობა წელს მეხუთედ გაიმართა და შეჯიბრი ფარიკაობის სამივე სახეობაში (დაშნა, ხმალი, რაპირა) ჩატარდება. გამარჯვებული სპორტსმენები თასებით, მედლებითა და დიპლომებით დაჯილდოვდებიან. ტურნირის მიზანია, ფარიკაობის, როგორც სპორტის ოლიმპიური სახეობის პოპულარიზაცია და განვითარება. ასევე, ნიჭიერი სპორტსმენების გამოვლენა, სპორტული ოსტატობის ამაღლება და ჯანსაღი თაობის აღზრდა.

მეცნიერებათა ეროვნულ აკადემიაში გამოჩენილი მეცნიერისა და საზოგადო მოღვაწის ილია ვეკუას 109-ე წლისთავისადმი მიძღვნილი საღამო გაიმართა

საქართველოს მეცნიერებათა ეროვნული აკადემიაში გამოჩენილი მეცნიერის, საზოგადო მოღვაწის, საქართველოს მეცნიერებათა აკადემიის აკადემიკოსის, ფიზიკა-მათემატიკის მეცნიერებათა დოქტორის, ეროვნული აკადემიის ყოფილი პრეზიდენტის, მსოფლიოს მრავალი სამეცნიერო აკადემიის მიერ აღიარებული მეცნიერის ილია ვეკუას დაბადებიდან 109-ე წლისთავისადმი მიძღვნილი საღამო „შეშელეთიდან მთაწმინდამდე" გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია უძღვებოდა, რომელმაც მეცნიერის ცხოვრებასა და მოღვაწეობაზე ისაუბრა.

ილია ვეკუას 109-ე წლისთავისადმი მიძღვნილი საღამოს აფხაზეთის ავტონომიური რესპუბლიკის უმაღლესი საბჭოს თავმჯდომარე გია გვაზავა, საქართველოს მეცნიერებათა ეროვნული აკადემიის ვიცე-პრეზიდენტი, აკადემიკოსი როინ მეტრეველი, ქართველი მეცნიერები, აფხაზეთის მთავრობის წევრები და დევნილი საზოგადოება დაესწრნენ.

ღონისძიება აფხაზეთის ავტონომიური რესპუბლიკის მთავრობისა, აფხაზეთის ავტონომიური რესპუბლიკს უმაღლესი საბჭოსა და ცხუმ-აფხაზეთის მეცნიერებათა აკადემიის ორგანიზებით გაიმართა.