აფხაზეთის ავტონომიური რესპუბლიკის მთავრობა
АҦСНЫТӘИ АВТОНОМТӘ РЕСПУБЛИКА АИҲАБЫРА
უწყებები
2018-08-14    |    წარმომადგენლობა იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში
აფხაზეთის ა/რ მთავრობის წარმოამდგენლობის თანამშრომლებმა ქ. ქუთაისში საქართველოს ტერიტორიული მთლიანობისათვის დაღუპულთა მემორიალი ყვავილებით შეამკეს.

აფხაზეთში შეიარაღებული კონფლიქტის დაწყებიდან 26 წელი გავიდა. ამ ტრაგიკული დღის აღსანიშნავად  იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ - ში აფხაზეთის ა/რ მთავრობის წარმოამდგენლობის თანამშრომლებმა ქ. ქუთაისში საქართველოს ტერიტორიული მთლიანობისათვის დაღუპულთა მემორიალი ყვავილებით შეამკეს.

2018-08-14    |    მთავრობის აპარატი
აფხაზეთის ხელისუფლებამ გმირთა მემორიალი გვირგვინით შეამკო

 

14 აგვისტოს, აფხაზეთში შეიარაღებული კონფლიქტის დაწყებიდან 26 წელი შესრულდა. ამ ტრაგიკულ თარიღთან დაკავშირებით გმირთა მოედანზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის უმაღლესი საბჭოს თავმჯდომარემ ელგუჯა გვაზავამ, აფხაზეთის მთავრობის წევრებმა და აფხაზეთის უმაღლესი საბჭოს დეპუტატებმა გვირგვინით შეამკეს გმირთა მემორიალი და კიდევ ერთხელ პატივი მიაგეს საქართველოს ტერიტორიული მთლიანობისათვის დაღუპული გმირების ხსოვნას.

დღესვე აფხაზეთის ხელისუფლებამ ნუცუბიძის პლატოზე მდებარე სკულპტურული მემორიალი „საქართველოსთვის" ყვავილებით შეამკო.

აფხაზეთში შეიარაღებული დაპირისპირება 1992 წლის 14 აგვისტოს დაიწყო, რომელიც ომში გადაიზარდა. პირველი შეტაკებები ოჩამჩირისა და გულრიფშის რაიონებში მოხდა. სამხედრო დაპირისპირება 403 დღე გაგრძელდა, რასაც ორივე მხრიდან ათიათასობით მშვიდობიანი მოქალაქე და ჯარისკაცი შეეწირა, ხოლო იმ დროისათვის სამასი ათასამდე ადამიანი დევნილი გახდა.

2018-08-08    |    მთავრობის აპარატი
ვახტანგ ყოლბაიამ 2008 წლის აგვისტოს ომში დაღუპული გმირების ხსოვნას პატივი მიაგო

2008 წლის აგვისტოს ომის მე-10 წლისთავთან დაკავშირებით სენაკსა და ზუგდიდში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, ქალაქ სენაკის მერმა ლევან კუპრეიშვილმა და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა ალექსანდრე ჩიკვაიძემ ომის დროს  დაღუპული სამხედროების თემურ ბოკუჩავასა და ბადრი ბერანძის საფლავები მოინახულეს და მათ ხსოვნას პატივი მიაგეს.

„2008 წლის აგვისტო საქართველოს უახლესი ისტორიის ერთ-ერთი ყველაზე ტრაგიკული დღეა. ამ ბიჭებმა სიცოცხლე არ დაიშურეს ჩვენი სამშობლოს დასაცავად. აგვისტოს საზარელმა დღეებმა მრავალი ახალგაზრდის სიცოცხლე შეიწირა და ტერიტორიები დროებით დაგვაკარგვინა, მიუხედავად ამისა, ჩვენ მშვიდობიანი თანაცხოვრების იმედს არ ვკარგავთ. ყოველი ჩვენთაგანის ვალია ამ გმირების სახელები სამუდამოდ უკვდავვყოთ", - განაცხადა ვახტანგ ყოლბაიამ

კაპრალ თემურ ბოკუჩავას მეუღლის მაია ცეცხლაძის ინიციატივით, თემურ ბოკუჩავას სახელობის სენაკის მე-7 საჯარო სკოლაში, წარმატებული მე-12 კლასელისთვის ოჯახის დაფინანსებით მისი სახელობის სტიპენდია დაწესდება.

კაპრალი თემურ ბოკუჩავა 1983 წელს სოხუმში დაიბადა. ის ათი წლისაც არ იყო, როდესაც მშობლიური ქალაქის იძულებით დატოვება მოუწია. ოჯახი სენაკში გადავიდა საცხოვრებლად. სწავლობდა სენაკის მეშვიდე საშუალო სკოლაში, რომელიც ახლა მის სახელს ატარებს.  2001 წელს ჯარში გაიწვიეს. მსახურობდა სენაკში, იყო კოდორის ხეობაში, ცხინვალის სამშვიდობო ძალების შემადგენლობაში. დაიღუპა 2008 წლის 8 აგვისტოს ცხინვალის მისადგომებთან საქართველოს ერთიანობისთვის ბრძოლაში. დაჯილდოებულია მედლით მხედრული მამაცობისთვის (სიკვდილის შემდეგ).

კაპრალი ბადრი ბერანძე 1987 წელს გალში დაიბადა. აფხაზეთის ომის შემდეგ ის ქობულეთში იზრდებოდა. იგი ყოველთვის მშობლიურ მხარეში დაბრუნებაზე ოცნებობდა. 2008 წლის 8 აგვისტოს ის 21 წლის გახდა და იმავე დღეს ცხინვალთან საქართველოს ერთიანობისთვის ბრძოლაში დაიღუპა. დაჯილდოებულია ვახტანგ გორგასლის I ხარისხის ორდენით (სიკვდილის შემდეგ).

2018-08-07    |    იძულებით გადაადგილებულ პირთა სამინისტრო
დეპარტამენტის ორგანიზებით გრძელდება სოციალურად დაუცველი პენსიონერი დევნილებისათვის უფასო გამოკვლევები ,,მედისონის თვალის კლინიკა”-ში

2018 წლის  6-7  აგვისტოს  დეპარტამენტის დევნილთა პრობლემებზე  მომუშავე ადგილობრივ და საერთაშორისო ორგანიზაციებთან ურთიერთობის განყოფილების ორგანიზებით და ,,მედისონის თვალის კლინიკის” ხელმძღვანელობის კეთილი ნებით ქ. თბილისში ჩუღურეთის რაიონში კომპაქტურ ჩასახლებებში განსახლებულ  სოციალურად დაუცველ 30

პენსიონერ დევნილს  ჩაუტარდა უფასო კონსულტაცია და  თვალის პირველადი დიაგნოსტიკა, რაც მოიცავს  მხედველობის სიმახვილის დადგენას, თვალის ფსკერის გამოკვლევას, ბიომიკროსკოპიას, თვალის წნევის გაზომვას, მხედველობის ველის გამოკვლევას, ხელოვნური ბროლის ნომრისა და თვალის რეფრაქციის დადგენას, სათვალის შერჩევას.

აღნიშნული აქცია ეტაპობრივად გაგრძელდება ქ. თბილისის დანარჩენი რაიონების ორგანიზებულ ჩასახლებებში განსახლებული სოციალურად დაუცველი პენსიონერი დევნილებისათვის.

2018-08-07    |    მთავრობის აპარატი
აფხაზეთის ავტონომიური რესპუბლიკის მთავრობის განცხადება საქართველოს სუვერენიტეტის წინაღმდეგ რუსეთის მიერ განხორციელებულ სამხედრო აგრესიის 10 წლისთავთან დაკავშირებით

ათი წელი გავიდა მას შემდეგ, რაც რუსეთის ფედერაციამ საქართველოს წინააღმდეგ სამხედრო აგრესია განახორციელა და აგრძელებს ჩვენი ქვეყნის სუვერენიტეტის ხელყოფას, რითაც დღემდე არღვევს მის მიერვე 2008 წლის 12 აგვისტოს დადებულ ცეცხლის შეწყვეტის შესახებ ხელშეკრულებას და იგნორირებას უკეთებს  ჯარების გაყვანის თაობაზე  ნაკისრ ვალდებულებას. უფრო მეტიც, ოკუპაცია მოახდინა კოდორის ხეობის, სადაც არანაირ საბრძოლო მოქმედებებს ადგილი არ ჰქონია, რის გამოც ადგილობრივი მოსახლეობა იძულებული გახდა დაეტოვებინა  მუდმივი საცხოვრებელი ადგილები, ხოლო დარჩენილებს კი სიცოცხლის რისკის ფასად უწევთ თავიანთ სახლებში ცხოვრება. მათი, ისევე, როგორც ოკუპირებულ ტერიტორიებზე მაცხოვრებელთა უფლებების დაცვაზე პასუხისმგებლობა ცალმხრივად რუსეთის ფედერაციას ეკისრება.     

2008 წლის ომი, იყო რუსეთის მცდელობა შეეჩერებინა საქართველოს ევროპული სწრაფვა და არ დაეშვა ევროატლანტიკურ სტრუქტურებში გაწევრიანება. ეს იყო მცდელობა, ქართველი ხალხის არჩევანის ჩაკვლისა ძალადობრივი გზით, რაც საერთაშორისო ნორმების უხეშ დარღვევას წარმოადგენს და მიუღებელია XXI საუკუნის ცივილიზებული, დემოკრატიული სამყაროსათვის.

ჩვენ მუდამ გვემახსოვრებიან ის გმირები, რომელთაც ჩვენი ქვეყანა დაიცვეს. მათ შორის ბევრი აფხაზეთის მკვიდრიც იყო, რომელთაც ერთხელ უკვე გამოსცადეს თავს მოხვეული  ომის სიმწარე, მაგრამ თავიანთი მამულიშვილური ვალი ვაჟკაცურად მოიხადეს ერისა და ქვეყნის წინაშე.

აფხაზეთის ავტონომიური რესპუბლიკის მთავრობა გმობს საქართველოს წინააღმდეგ განხორციელებულ აგრესიას და იმედოვნებს, რომ მთელი პროგრესული, დემოკრატიული სამყაროს თანადგომითა და ძალისხმევით, საქართველოს ხელისუფლების სამშვიდობო პოლიტიკის წარმოებით მიღწეული იქნება შედეგი - აღდგება საქართველოს ტერიტორიული მთლიანობა და ჩვენი სამშობლო დაიკავებს ღირსეულ ადგილს დემოკრატიულ სახელმწიფოთა რიგებში.

2018-08-07    |    მთავრობის აპარატი
აფხაზეთის ავტონომიური რესპუბლიკის ხელისუფლებამ აგვისტოს ომში დაღუპულ გმირთა ხსოვნას პატივი მიაგო

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავამ, ასევე აფხაზეთის ავტონომიური რესპუბლიკის მთავრობის წევრებმა და უმაღლესი საბჭოს დეპუტატებმა  მუხათგვერდის ძმათა სასაფლაოზე, 2008 წლის აგვისტოს ომში დაღუპულ გმირთა მემორიალი გვირგვინით შეამკეს და პატივი მიაგეს მათ ხსოვნას.

2018-08-06    |    იძულებით გადაადგილებულ პირთა სამინისტრო
დიდუბის რაიონში განსახლებულ სოციალურად დაუცველ პენსიონერ დევნილთა საყურადღებოდ:

მიმდინარე წლის 9-10 აგვისტოს  აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებითა და ,,მედისონის თვალის კლინიკის” ხელმძღვანელობის კეთილი ნებით კლინიკაში  ტარდება  ქ. თბილისში დიდუბის რაიონში  კომპაქტურ ჩასახლებებში განსახლებული სოციალურად დაუცველი პენსიონერი დევნილებისთვის  უფასო კონსულტაციები და თვალის პირველადი დიაგნოსტიკა.

პირველადი დიაგნოსტიკა მოიცავს:

  • მხედველობის სიმახვილის დადგენა
  • სათვალის შერჩევა
  • თვალის ფსკერის გამოკვლევა
  • თვალის ნაპრალოვანი სანათით (ბიომიკროსკოპია) გამოკვლევა
  • თვალის წნევის გაზომვა
  • მხედველობის ველის გამოკვლევა
  • ხელოვნური ბროლის ნომრის დადგენა
  • თვალის რეფრაქციის დადგენა

 საკონტაქტო პირი:    ნინო ლემონჯავა        ტელ.  599 85 52 76

2018-08-05    |    განათლებისა და კულტურის სამინისტრო
საზაფხულო ბანაკი“ აფხაზეთის საჯარო და ოკუპირებული ტერიტორიის გალის რაიონის საშუალო სკოლების მოსწავლეებისათვის საინტერესოდ დასრულდა

2018 წლის 27 ივლისიდან 3 აგვისტოს ჩათვლით აფხაზეთის ავტონომიური რესპუბლიკის განათლებისა და კულტურის სამინისტრომ ქვეპროგრამის „საზაფხულო ბანაკი“ ფარგლებში ქ. ქობულეთში გამართა აფხაზეთის საჯარო და ოკუპირებული ტერიტორიის გალის რაიონის საშუალო სკოლების მოსწავლეებისათვის (სულ 32 ბენეფიციარი) „საზაფხულო ბანაკი“.

„საზაფხულო ბანაკის“ ფარგლებში მოსწავლეები ჩართული იყვნენ სამოქალაქო ცნობიერების, კულტურულ-შემეცნებით და სპორტულ-გამაჯანსაღებელ აქტივობებში.


გარემოსდაცვითი ცნობიერების ამაღლების მიზნით კავკასიის გარემოსდაცვითი არასამთავრობო ორგანიზაცია CENN-ის წარმომადგენლებმა მოსწავლეეებს ჩაუტარეს ეკო-გაკვეთილები და ტრენინგები. 


გარდა ამისა, „საზაფხულო ბანაკის“ ფარგლებში მოსწავლეები ეწვივნენ საზოგადოებრივ კოლეჯ ,,ახალ ტალღას“ და გაეცნენ პროფესიული სწავლების სპეციფიკას, კოლეჯის მატერიალურ-ტექნიკურ ბაზას, პროფესიული გადამზადების მიზნობრივ პროგრამებს.

2018-08-04    |    მთავრობის აპარატი
თელავსა და ბაკურციხეში დევნილთათვის უფასო სამედიცინო გამოკვლევები ჩატარდა

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით კახეთის რეგიონში მცხოვრები აფხაზეთიდან იძულებით გადაადგილებული პირებისთვის უფასო სამედიცინო გამოკვლევები ჩატარდა. 

ქალაქ თელავსა და სოფელ ბაკურციხეში მცხოვრებმა დევნილმა მოსახლეობამ მიიღო ოჯახის ექიმის, თერაპევტის, კარდიოლოგის, პედიატრის, ნევროლოგის, გინეკოლოგის, ქირურგის, ოფთალმოლოგის, ოტორინოლარინგოლოგის, ენდოკრინოლოგის, უროლოგის, დერმატოლოგისა და ბავშვთა ენდოკრინოლოგის  მომსახურება.

ჩატარდა ლაბორატორიული გამოკვლევები, ასევე, აქციაში მონაწილე პირებს ჩაუტარდათ C ჰეპატიტის სკრინინგი.

ექიმების დანიშნულების შესაბამისად აფხაზეთიდან დევნილ მოსახლეობაზე გაიცა უფასო მედიკამენტები.

ასევე აფხაზეთის ავტონომიური რესპუბლიკის იუსტიციის დეპარტამენტის თანამშრომლებმა დევნილ მოსახლეობას ყველა საჭირო საკითხზე უფასო იურიდიული კონსულტაციები გაუწიეს.

გამოკვლევების მიმდინარეობის პროცესს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის მთავრობის წევრები ესწრებოდნენ.

2018-08-02    |    მთავრობის აპარატი
აფხაზეთის ავტონომიური რესპუბლიკის მთავრობა ანგელოზის დღეს ულოცავს საქართველოს კათოლიკოს-პატრიარქს

აფხაზეთის ავტონომიური რესპუბლიკის მთავრობა  ულოცავს  სრულიად საქართველოს კათოლიკოს- პატრიარქს ზეციური მფარველი წმინდანის - ილია წინასწარმეტყველის ხსენების დღეს, უსურვებს  ჯანმრთელობას, სულიერ სიმტკიცეს და ხანგრძლივ სიცოცხლეს ჩვენი ქვეყნისა  და საქართველოს სამოციქულო ეკლესიის შვილთა ნუგეშსაცემად.  

ამავდროულად ულოცავს  მე-20 საუკუნის საქართველოს უდიდესი მოღვაწის, „ერის მამად“ წოდებულის - წმინდა ილია მართლის ხსენების დღეს. 

ნიშანდობლივია, რომ უდიდესი ქარტეხილებისა და საქართველოსთვის ფრიად მნიშვნელოვან  2 საუკუნოვან პერიოდში,  ღმერთმა ინება, რომ ჩვენი ქვეყნის ინტერესების სადარაჯოზე ყოფილიყო წმ. ილია მართალი, რომლის ღვაწლის მტვირთველი და ხალხის ზნეობრივი მდგომარეობის გამოსწორებაზე მზრუნველი, დღეს საქართველოს კათოლიკოს-პატრიარქი ილია II გვევლინება.  

ოკუპირებულ ტერიტორიაზე მცხოვრები მოსახლეობის, მათ შორის აფხაზების სახელით კიდევ ერთხელ ვულოცავთ მის უწმინდესობას დღევანდელ დღეს.  

მრავალჟამიერ თქვენს მეუფებას!

 

აფხაზეთის ავტონომიური რესპუბლიკის მთავრობა 

2018-08-02    |    იძულებით გადაადგილებულ პირთა სამინისტრო
ჩუღურეთის რაიონში განსახლებულ სოციალურად დაუცველ პენსიონერ დევნილთა საყურადღებოდ:

მიმდინარე წლის  6-7 აგვისტოს  აფხაზეთის ავტონომიური რესპუბლიკის დევნილთა საქმეების დეპარტამენტის ორგანიზებითა და ,,მედისონის თვალის კლინიკის” ხელმძღვანელობის კეთილი ნებით კლინიკაში  ტარდება  ქ. თბილისში ჩუღურეთის რაიონში  კომპაქტურ ჩასახლებებში განსახლებული სოციალურად დაუცველი პენსიონერი დევნილებისთვის  უფასო კონსულტაციები და თვალის პირველადი დიაგნოსტიკა.

პირველადი დიაგნოსტიკა მოიცავს:

  • მხედველობის სიმახვილის დადგენა
  • სათვალის შერჩევა
  • თვალის ფსკერის გამოკვლევა
  • თვალის ნაპრალოვანი სანათით (ბიომიკროსკოპია) გამოკვლევა
  • თვალის წნევის გაზომვა
  • მხედველობის ველის გამოკვლევა
  • ხელოვნური ბროლის ნომრის დადგენა
  • თვალის რეფრაქციის დადგენა

 საკონტაქტო პირი:   ნინო ლემონჯავა        ტელ.  599 85 52 76

2018-08-01    |    იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატი
ანიმაციური პროგრამის მეშვეობით აფხაზური ენის შესწავლა ყველა მსურველისთვის ხელმისაწვდომი გახდება

ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის სპეციალური პროგრამის ფარგლებში, ვალერი არქანიას არტ-გალერეაში აფხაზური ენის თვითმასწავლებელი – ანიმაციური ელექტრონული პროგრამის „ვისწავლოთ აფხაზური ენა – ზეპირმეტყველება“  პრეზენტაცია გაიმართა. პროექტი აფხაზეთის ავტონომიური რესპუბლიკის მთავრობის მხარდაჭერით, საქართველოს ხელისუფლების სამშვიდობო ინიციატივის ფარგლებში განხორციელდა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, პროექტის მნიშვნელობაზე ისაუბრა და განაცხადა, რომ აფხაზური ენის შესწავლა მთელი საქართველოს მასშტაბით გახდება ხელმისაწვდომი.

პრეზენტაციას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა,  აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აფხაზეთის საჯარო სკოლების პედაგოგები, სოხუმის უნივერსიტეტის პროფესორები  და ეთნიკური აფხაზები  დაესწრნენ.

უახლოეს მომავალში პროგრამის პრეზენტაცია აჭარის ავტონომიურ რესპიბლიკაში იგეგმება.

2018-08-01    |    იძულებით გადაადგილებულ პირთა სამინისტრო
დეპარტამენტის ორგანიზებით გრძელდება სოციალურად დაუცველი პენსიონერი დევნილებისათვის უფასო გამოკვლევები ,,მედისონის თვალის კლინიკა”-ში

2018 წლის  2 აგვისტოს  დეპარტამენტის დევნილთა პრობლემებზე  მომუშავე ადგილობრივ და საერთაშორისო ორგანიზაციებთან ურთიერთობის განყოფილების ორგანიზებით და ,,მედისონის თვალის კლინიკის” ხელმძღვანელობის კეთილი ნებით ქ. თბილისში მთაწმინდისა და კრწანისის რაიონში კომპაქტურ ჩასახლებებში განსახლებულ  სოციალურად დაუცველ 11 პენსიონერ დევნილს  ჩაუტარდა უფასო კონსულტაცია და  თვალის პირველადი დიაგნოსტიკა, რაც მოიცავს  მხედველობის სიმახვილის დადგენას, თვალის ფსკერის გამოკვლევას, ბიომიკროსკოპიას, თვალის წნევის გაზომვას, მხედველობის ველის გამოკვლევას, ხელოვნური ბროლის ნომრისა და თვალის რეფრაქციის დადგენას, სათვალის შერჩევას.

აღნიშნული აქცია ეტაპობრივად გაგრძელდება ქ. თბილისის დანარჩენი რაიონების ორგანიზებულ ჩასახლებებში განსახლებული სოციალურად დაუცველი პენსიონერი დევნილებისათვის.

2018-08-01    |    მთავრობის აპარატი
„ვისწავლოთ აფხაზური ენა - ზეპირმეტყველება“ -აფხაზური ენის თვითმასწავლებელი, ანიმაციური ელექტრონული პროგრამის პრეზენტაცია გაიმართა

საქართველოს ხელისუფლების სამშვიდობო ინიციატივის ფარგლებში, აფხაზეთის ავტონომიური რესპუბლიკის მთავრობის ორგანიზებითა და მხარდაჭერით, ვალერი არქანიას არტ-გალერეაში აფხაზური ენის თვითმასწავლებელი - ანიმაციური ელექტრონული პროგრამის „ვისწავლოთ აფხაზური ენა - ზეპირმეტყველება“  პრეზენტაცია გაიმართა. პრეზენტაციას პროექტის ავტორი ირმა ოსია უძღვებოდა.

პრეზენტაციას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აფხაზეთის საჯარო სკოლების პედაგოგები, სოხუმის უნივერსიტეტის პროფესორები  და ეთნიკური აფხაზები  დაესწრნენ.

„ჩვენთვის ძალიან მნიშვნელოვანია ამ პროგრამის შექმნა  და პოპულარიზაცია, ვინაიდან აფხაზური ენის შესწავლა მთელი საქართველოს მასშტაბით გახდება ხელმისაწვდომი. აფხაზეთის საჯარო  სკოლებში აფხაზურ ენას დიდი ყურადღება ექცევა და უკვე რამდენიმე წელია მაღალ კლასებში მისი შესწავლა მიმდინარეობს. საქართველოს კონსტიტუციის თანახმად, აფხაზური ენა, ქართულ ენასთან ერთად, აფხაზეთის ტერიტორიაზე მეორე სახელმწიფო ენაა. პროექტის მიზანი არის აფხაზური ენის, კულტურისა და იდენტობის შენარჩუნება და მის განვითარებაზე ზრუნვა“ – განაცხადა ვახტანგ ყოლბაიამ.

პროგრამა ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატის სპეციალური პროგრამის ფარგლებში შეიქმნა. თვითმასწავლებლის საშუალებით ნებისმიერ მსურველს ექნება შესაძლებლობა გაეცნოს და შეისწავლოს აფხაზური ენა.

უახლოეს მომავალში  პროგრამის პრეზენტაცია აჭარის ავტონომიური რესპუბლიკაში გაიმართება.

2018-08-01    |    მთავრობის აპარატი
აფხაზეთის ავტონომიური რესპუბლიკის მთავრობის სამუშაო გეგმა

 

აფხაზეთის ავტონომიური რესპუბლიკის  მთავრობის  სამუშაო გეგმა

(1.08.2018 - 31.12. 2018)

 

#

I. აფხაზეთის  ავტონომიური რესპუბლიკის მთავრობის სხდომები

 

 

საკითხი

შემსრულებელი

შენიშვნა

 

აგვისტო

1.                    

აფხაზეთიდან იძულებით გადაადგილებულ პირთათვის  სამედიცინო დახმარების გაწევის საკითხებზე გაფორმებული მემორანდუმების მიმდინარეობისა და შედეგების შესახებ

აფხაზეთის ჯანმრთელობისა და სოციალური დაცვის სამინისტრო

 

2.                    

ოკუპირებულ აფხაზეთში კულტურული მემკვიდრეობის მდგომარეობისა და მისი დაცვის ზოგიერთ   ღონისძიებათა შესახებ

აფხაზეთის განათლებისა და კულტურის სამინისტრო

 

3.                    

აფხაზეთიდან დევნილებისა და ოკუპირებული აფხაზეთის ტერიტორიდან საქართველოს უმაღლეს სასწავლებლებში ჩარიცხულ  აბიტურიენთა შესახებ (ერთიანი ეროვნული გამოცდების  შედეგები)

აფხაზეთის განათლებისა და კულტურის სამინისტრო

 

4.                    

სსიპ- აფხაზეთიდან იძულებით გადაადგილებულ პირთა სტაჟირების, კვალიფიკაციის ამაღლებისა და დასაქმების ხელშეწყობის ცენტრის „ბიზნეს-ინკუბატორის"  მიერ გაწეული საქმიანობის შესახებ

აფხაზეთის ფინანსთა და ეკონომიკის სამინისტრო

 

 

სექტემბერი

5.                    

არზაყან ემუხვარისა და ჟიული შარტავას სახელობის  სტიპენდიების მინიჭების  კომისიის ინფორმაცია

აფხაზეთის განათლებისა და კულტურის სამინისტრო

 

6.                    

აკადემიკოს ილია ვეკუას სახელობის სტიპენდიის მინიჭების კომისიის  ინფორმაცია

აფხაზეთის განათლებისა და კულტურის სამინისტრო

 

7.                    

ინფორმაცია ოკუპირებულ გალის რაიონში მეცხოველეობისა და მეფუტკრეობის დარგში არსებული მდგომარეობისა   და რეაგირების მექანიზმის შესახებ

აფხაზეთის სოფლის მეურნეობის,  გარემოს დაცვისა და

ბუნებრივი რესურსების დეპარტამენტი

 

8.                   

დევნილი სამოქალაქო საზოგადოების ინტეგრაციის საკითხები

ნდობის აღდგენისა და შერიგების საკითხებში აფხაზეთის მინისტრის აპარატი

 

9.                   

ბორჯომის ხეობაში ხანძრის შედეგად განადგურებული ტყის აღდგენა-განაშიანების პროექტში აფხაზეთის მთავრობის მონაწილეობისა და პროექტის ფარგლებში აფხაზეთიდან დევნილების  დასაქმების შესახებ

აფხაზეთის სოფლის მეურნეობის,  გარემოს დაცვისა და

ბუნებრივი რესურსების დეპარტამენტი;

აფხაზეთის ფინანსთა და ეკონომიკის სამინისტრო

 

 

ოქტომბერი

10.               

აფხაზეთის მოსახლეობის სამედიცინო დახმარებით  უზრუნველყოფის პრიორიტეტების რეალიზაციის ძირითადი შედეგები და სრულყოფა-გაუმჯობესების ხედვები

აფხაზეთის  ჯანმრთელობისა და სოციალური დაცვის სამინისტრო

 

11.               

აფხაზეთის ავტონომიური რესპუბლიკის 2018 წლის  რესპუბლიკური ბიუჯეტის შესრულების მიმდინარეობის  მიმოხილვა (9 თვის  შედეგები)

აფხაზეთის ფინანსთა და ეკონომიკის სამინისტრო

 

12.               

„აფხაზეთის ავტონომიური რესპუბლიკის 2019 წლის რესპუბლიკური ბიუჯეტის შესახებ" აფხაზეთის კანონის პროექტის შესახებ

აფხაზეთის ფინანსთა და ეკონომიკის სამინისტრო

 

13.               

აფხაზეთიდან იძულებით გადაადგილებულ პირთათვის მართლზომიერ მფლობალობაში გადაცემულ საცხოვრებელ ფართებზე მონაცემების ამსახველი ონლაინ პროგრამის ფუნქციონირების შედეგების  შესახებ

აფხაზეთის დევნილთა საქმეების დეპარტამენტი

 

14.               

აფხაზეთის აღმასრულებელი ხელისუფლების დაწესებულებებისა და აფხაზეთის მინისტრის აპარატის მიერ   2018  წლის  9 თვეში  გაწეული საქმიანობის შესახებ

აღმასრულებელი ხელისუფლების დაწესებულებათა ხელმძღვანელები

 

 

ნოემბერი

15.               

„ოკუპირებულ გალის რაიონის ტერიტორიაზე 2018 წელს ჩატარებული მცენარეთა დაცვითი და საპროფილაქტიკო-სამკურნალო ვეტერინარული ღონისძიებები: გამოწვევები და მიღებული შედეგები"

აფხაზეთის სოფლის მეურნეობის, გარემოს დაცვისა და

ბუნებრივი რესურსების დეპარტამენტი

 

16.               

 გაეროს პროგრამაში - „ჩვენი სამყაროს გარდაქმნა: 2030 წლის დღის წესრიგი მდგრადი განვითარებისათვის"  აფხაზეთის მთავრობის მონაწილეობის  მდგომარეობის  შესახებ

აფხაზეთის ფინანსთა და ეკონომიკის სამინისტრო აფხაზეთის სოფლის მეურნების, გარემოს დაცვისა და ბუნებრვი რესურსების დეპარტამენტთან ერთად

 

17.               

სხვადასხვა ორგანიზაციებთან დადებული ურთიერთთანამშრომლობის მემორანდუმების მიმდენარეობის შესახებ

მთავრობის აპარატი

 

18.               

განათლების, კულტურისა და სპროტის მიმართულებით მოქმედი აფხაზეთის მთავრობის პროგრამების მიმდინარეობის შესახებ

აფხაზეთის განათლებისა და კულტურის სამინისტრო

 

 

დეკემბერი

19.               

წარმატებული ახალგაზრდების მხარდაჭერის პროგრამის მიმდინარეობის შესახებ                        

აფხაზეთის განათლებისა და კულტურის სამინისტრო

 

20.               

საქართველოს ოკუპირებული ტერიტორიების მიმართ

საქართველოს სახელწიფო სტრატეგიის - "თანამშრომლობა ჩართულობის გზით" -

იმპლემენტაციის მიმართულებით სამეგრელო-ზემო სვანეთის რეგიონში აფხაზეთის მთავრობის წარმომადგენლობის მიერ 2018 წლის იანვარ - ნოემბერში გაწეული მუშაობის შესახებ.

აფხაზეთის დევნილთა საქმეების დეპარტამენტი და

სამეგრელო-ზემო

სვანეთის

წარმომადგენლობა

 

 

21.               

გასვლითი სამედიცინო-პროფილაქტიკური გასინჯვების შედეგების შესახებ   

 

აფხაზეთის ჯანმრთელობისა და სოციალური დაცვის სამინისტრო

 

22.                 

აფხაზეთიდან დევნილი და ოკუპირებულ ტერიტორიაზე  მცხოვრები მოსახლეობის სამედიცინო  დახმარების   მდგომარეობა და მისი ეტაპობრივი დაუმჯობესების პერსპექტივები

აფხაზეთის ჯანმრთელობისა და სოციალური დაცვის სამინისტრო

 

 

 

II. ღონისძიებები

#

ღონისძიების დასახელება

შესრულების პერიოდი

პასუხისმგებელი

დაწესებულება/პირი

23

აფხაზეთის მთავრობის წევრების  შეხვედრა  2008 წლის აგვისტოს ომში დაღუპული აფხაზეთიდან დევნილი გმირების ოჯახის წევრებთან

აგვისტო

აფხაზეთის მთავრობის აპარატი

24

აფხაზეთის მთავრობის წევრების შეხვედრები საქართველოს სხადასხვა რეგიონში  მცხოვრებ  დევნილ მოსახლეობასთან

აგვისტო -დეკემბერი

აფხაზეთის მთავრობის აპარატი

25

საქართველოს სხვადასხვა რეგიონში  იუსტიციის დეპარტამენტის მობილური ჯგუფის გასვლა

აგვისტო -დეკემბერი

აფხაზეთის იუსტიციის დეპარტამენტი

26

საქართველოს ზოგადსაგანმანათლებლო დაწესებულებების (სკოლა) მონახულება, რომლებიც  აფხაზეთში საქართველოს ტერიტორიული მთლიანობისთვის დაღუპული გმირების სახელს ატარებენ. 

 

აგვისტო -დეკემბერი

აფხაზეთის მთავრობის აპარატი

27

ოკუპირებული აფხაზეთის ტერიტორიაზე ადამიანის უფლებათა დარღვევებზე საინფორმაციო მასალის მომზადება და    შესაბამისი ორგანიზაციებისთვის წარდგენა

 

 

აგვისტო -დეკემბერი

 

აფხაზეთის მთავრობის აპარატი

28

აფხაზეთის მთავრობის თავმჯდომარის შეხვედრა  აფახზეთის ომში დაღუპული აფხაზეთიდან დევნილი გმირების ოჯახის წევრებთან

სექტემბერი

 

 

აფხაზეთის მთავრობის აპარატი

29

ფილმისა და ბროშურა-ალბომის - „რუხი - მეგობრობის კვალდაკვალ"  მომზადება

 

სექტემბერი

აფხაზეთის მთავრობის აპარატი

30

ორგანიზებული ჩასახლების ობიექტებში მცხოვრები დევნილებისათვის ბინათმესაკუთრეების ამხანაგობების შექმნის, მათი საქმიანობის და სხვა სამართლებრივ საკითხებზე იურიდიული კონსულტაციების გაწევა

აგვისტო -დეკემბერი

აფხაზეთის დევნილთა საქმეების

დეპარტამენტი

31

შეხვედრები საქართველოში აკრედიტებული დიპლომატიური კორპუსის წარმომადგენლებთან

აგვისტო -დეკემბერი

აფხაზეთის მთავრობის აპარატი

32

გასვლითი სამედიცინო-პროფილაქტიკური გასინჯვები საქართველოს სხვადასხვა რეგიონში

 

  • კახეთის რეგიონი (თელავი, ბაკურციხე)
  • სამტრედია
  • ბათუმი
  • ქობულეთი

 

აგვისტო -დეკემბერი

 

 

             აგვისტო

           სექტემბერი

 

აფხაზეთის ჯანმრთელობისა და სოციალური დაცვის სამინისტრო

 

33

აფხაზეთის ერთ-ერთ საჯარო სკოლისთვის 2008 წლის მსაომარი მოქმედებების დროს გმირულად დაღუპული აფხაზეთის მკვიდრის ბადრი ბერანძის სახელის მინიჭება

აგვისტო

აფხაზეთის მთავრობის აპარატი

34

აგვისტოს ომში დაღუპული მეომრის თემურ ბოკუჩავას საფლავის მონახულება

8 აგვისტო

აფხაზეთის მთავრობის აპარატი

35

ქ. თბილისში მცხოვრებ  პენსიონერი დევნილებისათვის „მედისონის თვალის კლინიკაში" უფასო გამოკვლევების ჩატარება

აგვისტო

აფხაზეთის  დევნილთა საქმეების

დეპარტამენტი

36

საქართველოს ეროვნული მუზეუმის ფონდში დაცული აფხაზი გრაფიკოსის, ფერმწერის, სცენოგრაფისა და ხელოვნების კრიტიკოსის ალექსანდრე კონსტანტინეს ძე შარვაშიძის ნამუშევრების ვიდეოჩანახატის მომზადება

აგვისტო

აფხაზეთის მთავრობის აპარატი

37

სტატისტიკური პუბლიკაცია - ბიულეტენი „2018 წლის მეორე კვარტალი"

ანგარიში „ აფხაზეთის სამთავრობო სტრუქტურების მიერ 2018 წლის 6 თვეში გატარებული ღონისძიებების შესახებ"

აგვისტო

აფხაზეთის ფინანსთა და ეკონომიკის სამინისტროს სტატისტიკის დაპარტამენტი

38

 

აფხაზეთის მთავრობის მიერ 100%-იანი წილით შექმნილი რამოდენიმე საწარმოს საქმიანობის განხილვა  მუდმივმოქმედი კომისიის სხდომაზე

აგვისტო-

სექტემბერი

აფხაზეთის ფინანსთა და ეკონომიკის სამინისტრო

39

სსიპ „აფხაზეთის გეოლოგიისა და მინერალური რესურსების სააგენტოს წარმომადგენლების შეხვედრა საქართველოს პარლამენტის გარემოს დაცვისა და ბუნებრივი რესურსების კომიტეტის ხელმძღვანელობასთან

აგვისტო

აფხაზეთის ფინანსთა და ეკონომიკის სამინისტროს

გეოლოგიისა და მინერალური რესურსების სააგენტო

40

აფხაზეთის ოკუპაციას მიძღვნილი კვირეული

(სპეციალური პროგრამით)

21-27 სექტემბერი

აფხაზეთის მთავრობის აპარატი

41

„ეფექტური კომუნიკაციისა და მოლაპარაკებების ტექნიკის" საკითხებზე სოხუმის სახელმწიფო უნივერსიტეტის სტუდენტებისთვის  ტრეინინგ-სემინარების ჩატარება                                                    

 

სექტემბერი

 

აფხაზეთის მთავრობის აპარატი

 

42

„ფრანქფურტის წიგნების ბაზრობაზე"  აფხაზეთის ა/რ ისტორიისა და კულტურის ამსახველი წიგნების  წარდგენა     

სექტემბერი -ოქტომბერი

აფხაზეთის მთავრობის აპარატი,

აფხაზეთის განათლებისა და კულტურის სამინისტრო

43

ქ.თბილისში, სოხუმის მოედნის საზეიმო გახსნაში მონაწილეობა

სექტემბერი -ოქტომბერი

აფხაზეთის მთავრობის აპარატი

 

44

საქართველოს ოკუპირებულ ტერიტორიებზე არსებული კულტურული მემკვიდრეობის ძეგლთა დაცვის  საკითხებზე, საერთაშორისო კონფერენცია

 

ნოემბერი

აფხაზეთის განათლებისა და კულტურის სამინისტრო

45

სოხუმის დაცემის დღისადმი მიძღვნილი ღონისძიებები

სექტემბერი

აფხაზეთის მთავრობის აპარატი,

აფხაზეთის განათლებისა და კულტურის სამინისტრო

46

სასწავლო პროცესის მზადებასთან დაკავშირებით შეხვედრები აფხაზეთის საჯარო სკოლებში

აგვისტო

სექტემბერი

აფხაზეთის განათლებისა და კულტურის სამინისტრო

47

ცოდნის დღის აღნიშვნა

სექტემბერი

აფხაზეთის განათლებისა და კულტურის სამინისტრო

48

  აფხაზური ენის დღისადმი მიძღვნილი კვირეული

ოქტომბერი

აფხაზეთის მთავრობის აპარატი,

აფხაზეთის განათლებისა და კულტურის სამინისტრო

49

ქართულ-აფხაზური კულტურის პოპულარიზაციის პროგრამის ფარგლებში საბერძნეთში ქ. ლუტრაკაში ანსამბლ  „კიდევაც დაიზრდებიან" წამყვანი სოლისტი ანასტასია აქუბარდია მონაწილეობას მიიღებს ფოლკლორული ცეკვების ფესტივალზე

აგვისტო

აფხაზეთის განათლებისა და კულტურის სამინისტრო

50

ქართულ-აფხაზური კულტურის პოპულარიზაციის პროგრამის ფარგლებში სტუდია „შავნაბადა"                    ქ. სტამბულში, კულტურის სახლ „ჩვენებურების" მიწვევით,  გამართავს ქართულ-აფხაზური მუსიკის კვირეულს

სექტემბერი

აფხაზეთის განათლებისა და კულტურის სამინისტრო

51

აფხაზეთის ღია პირველობა ბერძნულ-რომაულ ჭიდაობაში

სექტემბერი

აფხაზეთის განათლებისა და კულტურის სამინისტრო

52

2018-2019 სასწავლო წლის დაწყებასთან საკავშირებით სამუშაო შეხვედრები გალის რაიონის  სკოლის დირექტორებთან

აგვისტო

სექტემბერი

აფხაზეთის განათლებისა და კულტურის სამინისტრო,

გალის საგანმანათლებლო რესურსცენტრი

53

ქ. თბილისში განსახლებული პენსიონერი დევნილებისათვის თვალის კლინიკა „მედისონში" უფასო გამოკვლევების ჩატარების ორგანიზება

აგვისტო

სექტემბერი

აფხაზეთის დევნილთა საქმეების დეპარტამენტი

54

ქ თბილისის ვაკისა და დიდუბის რაიონების გამგეობებთან კოორდინაციით ბავშვთა სპორტულ-გამაჯანსაღებელ ბანაკებში გამგზავრების ორგანიზება

აგვისტო

აფხაზეთის დევნილთა საქმეების დეპარტამენტი

55

ორგანიზებული ჩასახლების ობიექტებში მცხოვრები დევნილებისათვის ბინათმესაკუთრეების ამხანაგობების შექმნის საკითხებზე კონსულტაციების გაწევა

აგვისტო

სექტემბერი

აფხაზეთის დევნილთა საქმეების დეპარტამენტი,

აფხაზეთის მთავრობის წარმომადგენლობები

56

აფხაზეთის დევნილთა საქმეების დეპარტამენტისა და მთავრობის წარმომადგენლობების მიერ 2018 წლის 9 თვეში გაწეული საქმიანობის შესახებ კრებსითი ანგარიშის მომზადება

სექტემბერი

აფხაზეთის დევნილთა საქმეების დეპარტამენტი

57

წვევამდელი ასაკის იგპ-თა სამხედრო აღრიცხვაზე აყვანის მიზნით გასვლები რეგიონის მუნიციპალიტეტებში

აგვისტო

სექტემბერი

აფხაზეთის დევნილთა საქმეების დეპარტამენტი

58

მცირე და გადაუდებელი სარემონტო სამუშაოების პროგრამის ფორმატში წარმომადგენლობაში შემოსულ განცხადებებზე რეაგირების მიზნით გასვლა რეგიონებში

  • ქ. ბათუმი
  • ვანის მუნიციპალიტეტი
  • ხონის მუნიციპალიტეტი

იგიპ-თა სოციალურ-ეკონომიკური მდგომარეობის შესწავლის მიზნით გასვლა ცაგერის მუნიციპალიტეტში

აგვისტო

აფხაზეთის დევნილთა საქმეების დეპარტამენტი

იმერეთის, რაჭა-ლეჩხუმის და ქვემო სვანეთის რეგიონებში და აჭარის ავტონომიურ რესპუბლიკაში აფხაზეთის მთავრობის წარმომადგენლობა

59

შეხვედრები ბინათმესაკუთრეთა ამხანაგობების თავმჯდომარეებთან

  • ქ. თბილისი
  • ქ. თელავი

აგვისტო

აფხაზეთის დევნილთა საქმეების დეპარტამენტი

60

ოკუპირებული ტერიტორიიდან გადმოსული არაქართველი ეროვნების პირების მიერ სტატუსის მინიჭებასტან დაკავშირებით შემოტანილი განცხადებების განხილვა შესაბამისი კომისიის მიერ

აგვისტო

აფხაზეთის დევნილთა საქმეების დეპარტამენტი,

წარმომადგენლობების შესაბამისი კომისია

61

შეხვედრები დევნილთა ჩასახლების ობიექტებში სამეგრელო- ზემო სვანეთის რეგიონში

  • აბაშა
  • ჩხოროწყუ
  • ზუგდიდი
  • მარტვილი
  • ხობი
  • წალენჯიხა

აგვისტო

აფხაზეთის დევნილთა საქმეების დეპარტამენტი

62

2018-2019 სასწავლო წლის დაწყებასთან დაკავშირებით წარმომადგენლობები თავიანთ რეგიონში მოქმედ საჯარო სკოლების პედაგოგიურ კოლექტივებსა და მოსწავლეებთან გამართავენ შეხვედრებს

15 სექტემბერი

აფხაზეთის დევნილთა საქმეების დეპარტამენტი,

მთავრობის წარმომადგენლობები

63

ოკუპირებული გალის რაიონის ტერიტორიაზე მოსახლეობის მიერ აზიური ფაროსანას წინააღმდეგ განხორციელებული აგრო-ქიმიური ღონისძიების შესახებ ინფორმაციის წარდგენა, შემდგომი ღონისძიებების განსაზღვრა

აგვისტო

აფხაზეთის სოფლის მეურნეობის, გარემოს დაცვისა და ბუნებრივი რესურსების დეპარტამენტი

64

ოკუპირებულ ტერიტორიაზე მცხოვრები მოსახლეობის საკუთრებაში მყოფი შინაური ცხოველებისა და ფუტკრის ოჯახთა გეგმიური და არაგეგმიური დამუშავება გარე პარაზიტებზე

აგვისტო

სექტემბერი

აფხაზეთის სოფლის მეურნეობის, გარემოს დაცვისა და ბუნებრივი რესურსების დეპარტამენტი

65

კომპანია „გემუანის" მიერ ორგანიზებულ სასოფლო-სამეურნეო პროდუქციის გამოფენა-გაყიდვაში კოოპერატივი „კოდორი 2015-ის" მონაწილეობის უზრუველყოფა

აგვისტო

აფხაზეთის სოფლის მეურნე-ობის, გარემოს დაცვისა      და ბუნებრივი რესურსების   დეპარტამენტი

66

საგანმანათლებლო აქციის ჩატარება ნარჩენების წინააღმდეგ ბრძოლის საერთაშორისო დღესთან დაკავშირებით

სექტემბერი

აფხაზეთის სოფლის მეურნე-ობის, გარემოს დაცვისა      და ბუნებრივი რესურსების დეპარტამენტი

67

ასოციაცია „აგორას" მიერ ორგანიზებულ          „გარემოსდაცვითი პრობლემების გადაჭრაში ახალგაზრდების ჩართულობა ქართულ-აფხაზური დიალოგის ფორმატში" სამუშაო შეხვედრაში მონაწილეობა

სექტემბერი

აფხაზეთის სოფლის მეურნეობის, გარემოს დაცვისა და ბუნებრივი რესურსების დეპარტამენტი

68

შეხვედრა იმერეთში განსახლებულ დევნილებთან დასაქმებისა და დევნილების მიერ ინიცირებული პროექტ-იდეების განხორციელების ხელშეწყობის მიზნით

სექტემბერი

აფხაზეთის ფინანსთა და ეკონომიკის სამინისტროს ეკონომიკურ ურთიერთობათა დეპარტამენტი

69

შეხვედრა ზუგდიდში განსახლებულ დევნილებთან უფასო სამართლებრივი კონსულტაციის გაწევის მიზნით

აგვისტო

აფხაზეთის ავტონომიური რესპუბლიკის იუსტიციის დეპარტამენტი

70

დევნილთა სოციალურ-ეკონომიკური მდგომარე-ობის გასაუმჯობესებლად სამართლებრივი ბაზის რეფორმირების თაობაზე წინადადებების მომზადების მიზნით მთავრობის თავმჯდომარესთან  შექმნილი სამუშაო ჯგუფის შეხვედრა

აგვისტო

აფხაზეთის ავტონომიური რესპუბლიკის იუსტიციის დეპარტამენტი

71

აფხაზეთის ა/რ ლეგიტიმური ხელისუფლების მიერ დევნილობაში მიღებული ნორმატიული აქტების სისტემატიზაციისა და ბეჭდური გამოცემის უზრუნველსაყოფად შექმნილი სამუშაო ჯგუფის შეხვედრა

სექტემბერი

აფხაზეთის ავტონომიური რესპუბლიკის იუსტიციის დეპარტამენტი

72

აფხაზეთის დამსახურებული სპორტის ოსტატების ფოტომასალის გამოფენა

 

აფხაზეთის მთავრობის აპარატი კავშირ „ერთობა"-სთან ერთად

73

წიგნის „მამულისათვის მარადისობაში" გამოცემა

სექტემბერი

აფხაზეთის განათლებისა და კულტურის სამინისტრო,

სსიპ „აფხაზეთის კულტურისა და ხელოვნების ცენტრი"

74