26 თებერვალს, აფხაზეთის ავტონომიური რესპუბლიკის ფინანსთა და ეკონომიკის მინისტრი ვასილ ხორავა და აფხაზეთის ავტონომიური რესპუბლიკის ჯანდაცვისა და სოციალური დაცვის მინისტრი ქეთევან ბაკარაძე საპარლამენტო უმრავლესობის წევრს, ნაძალადევის რაიონის მაჟორიტარ დეპუტატს თამარ კორძაიას შეხვდნენ.

შეხვედრისას მთავრობის წევრებმა დეპუტატთან ერთად ნაძალადევის რაიონში კომპაქტურად ჩასახლებული დევნილებისათვის ერთობლივი პროგრამებისა და პროექტების განხორციელებაზე ისაუბრეს.

შეხვედრისას გადაწყდა, რომ აფხაზეთის ავტონომიური რესპუბლიკის ჯანდაცვისა და სოციალური დაცვის სამინისტრო ნაძალადევის რაიონში არსებულ კომპაქტურ ჩასახლებებში უფასო მრავალპროფილიანი სამედიციო-პროფილაქტიკური გასინჯვების ჩაატარებს, ხოლო აფხაზეთის ავტონომიური რესპუბლიკის ფინანსთა და ეკონომიკის სამინისტრო დევნილი ოჯახებისთვის ჰუმანიტარული ტვირთის დარიგებას უზრუნველყოფს.

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და აფხაზეთის ავტონომიური რესპუბლიკის ფინანსთა და ეკონომიკის მინისტრი ვასილ ხორავა სამეგრელოს რეგიონში არსებულ აფხაზეთიდან იძულებით გადაადგილებულ პირთა სამედიცინო დაწესებულებების მედ-პერსონალთან შეხვედრები გამართეს.

სამუშაო ვიზიტის ფარგლებში, ქეთევან ბაკარაძე და ვასილ ხორავა ფოთისა და ზუგდიდის აფხაზეთიდან იძულებით გადაადგილებულ პირთა პოლიკლინიკებსა და ჯვარის ამბულატორიას ეწვივნენ. მთავრობის წევრები სამედიცინო ცენტრის ხელმძღვანელობასა და ექიმებს გაესაუბრნენ.

შეხვედრისას მინისტრებმა ექიმთა პრობლემები და თხოვნები მოისმინეს, საუბარი ჯანდაცვის სფეროში მიმდინარე რეფორმებსა და რიგ საკითხებში არსებულ პრობლემებს შეეხო. შეხვედრა კითხვა-პასუხის რეჟიმში მიმდინარეობდა, რომლის დროს ექიმებს შესაძლებლობა მიეცათ მათთვის მნიშვნელოვან კითხვებზე პასუხები უშუალოდ პირველი პირებისგან მიეღოთ.

აფხაზეთის მთავრობის წევრები სამედიცინო დაწესებულებებში არსებულ ინფრასტურქტურული საკითხებით დაიტერესდნენ, ადგილზე გაეცნენ პოლიკლინიკებში არსებულ ვითარებასა და შექმნილ პირობებს. გამოიკვეთა რიგი სახის ინფრასტრუქტურული პრობლემები, რომლის ნაწილის მოგვარება მინისტრების უშუალო ჩარევით მოხერხდა.

ჯვარის დევნილთა ამბულატორიაში მიმდინარე შეხვედრას აფხაზეთის მთავრობის წევრებთან ერთად, სამეგრელო-ზემო სვანეთის გუბერნატორის ლევან შონიას დავალებით, წალენჯიხის მუნიციპალიტეტის გამგებელი გოგა გულორდავა და წალენჯიხის საკრებულოს თავმჯდომარე დავით ბელქანია დაესწრნენ. შეხვედრისას გაირკვა, რომ ძირითადი პრობლემა სადაზღვეო კომპანიებთან შექმნილი ვითარებაა, რომლის გამო ჯვარში მცხოვრებ დევნილ მოსახლეობას მეორე წელია სამედიცინო სერვისით სარგებლობის მიღება წალენჯიხაში უწევთ. აღნიშნული საკითხი პირად კონტროლზე ჰყავს აყვანილი სამეგრელო ზემო-სვანეთის გუბერნატორს, რომლის მოგვარების გზების საკითხებში აფხაზეთის მთავრობის წევრებიც ჩაერთვებიან.

სამუშაო ვიზიტის ფარგლებში ქეთევან ბაკარაძემ და ვასილ ხორავამ ზუგდიდში, მშენებარე დევნილთა პოლიკლინიკა დაათავლიერეს და ადმინისტრაციულ საზღვართან იმყოფებოდნენ.

აფხაზეთის ავტონომიური რესპუბლიკის მთავრობის ინიციატივით, ცხვარიჭამიაში არსებულ კომპაქტურად ჩასახლების ობიექტში მცხოვრები დევნილები აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა დემურ კეკელიამ და წარმომადგენლობის თანამშრომლებმა მოინახულეს. იძულებით გადაადგილებულ ოჯახებს მცირე მატერიალური დახმარება გაეწიათ და USAID მიერ მოწოდებული ჰუმანიტარული ტვირთი დაურიგდათ.

აფხაზეთის ავტონომიური რესპუბლიკის მთავრობის წარმომადგენლები ადგილზე გაეცნენ აღნიშნულ ობიექტში არსებულ ვითარებას და დევნილთა პრობლემები მოისმინეს.

საქველმოქმედო აქცია აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ორგანიზებით მოეწყო.

სამოქალაქო თანხმობისა და კონფლიქტის დარეგულირების საკითხებში აფხაზეთის ავტონომიური რესპუბლიკის მინისტრის აპარატის ორგანიზებით კონფლიქტებზე მომუშავე არასამთავრობო ორგანიზაციების წარმომადგენლებთან შეხვედრა გაიმართა.

დამსწრე საზოგადოებას სიტყვით მიესალმნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და შერიგებისა და სამოქალაქო თანასწორობის საკითხებში სახელმწიფო მინისტრის აპარატის, აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა სამმართველოს უფროსი მარინა სალუქვაძე.

შეხვედრას აფხაზეთის ავტონომიური რესპუბლიკის მთავრობის წევრები, აფხაზეთის უმაღლესი საბჭოს დეპუტატები და დიასპორის საკითხებში საქართველოს სახელმწიფო მინისტრის აპარატის წარმომადგენლები ესწრებოდნენ.

სამოქალაქო თანხმობისა და კონფლიქტის დარეგულირების საკითხებში აფხაზეთის ავტონომიური რესპუბლიკის მინისტრმა ლელა გულედანმა დამსწრე საზოგადოებას გააცნო აპარატის დებულება, აგრეთვე ისაუბრა შესრულებულ და შესასრულებელ აქტივობებზე, სამომავლო გეგმებსა და სამინისტროს ხედვებზე, რომელიც კონფლიქტებზე მომუშავე არასამთავრობო ორგანიზაციებთან თანამშრომლობას ეხებოდა.

შეხვედრის მიზანი იყო იმ არასამთავრობო ორგანიზაციების პოტენციალისა და რესურსების, მათი კვალიფიკაციისა და გამოცდილების გამოყენება, რომლებიც წლების განმავლობაში აქტიურად არიან ჩართული კონფლიქტების შესწავლასა და ამ კონფლიქტების დარეგულირების საკითხებში. მინისტრის აპარატი გამოთქვა მზადყოფნა, ითანამშრომლოს ამ საკითხით დაინტერესებულ ორგანიზაციებთან, რათა მოხდეს კონსოლიდირებული და რეალური ნაბიჯების გადადგმა პრობლემის მოგვარებისაკენ.

არასამთავრობო ორგანიზაციების მხრიდან გამოითქვა წინადადებები და მოსაზრებები.

დღეს, აფხაზეთის ავტონომიური რესპუბლიკის მთავრობასა და „პრივატბანკს" შორის გაფორმებული მემორანდუმის თანახმად, დევნილი ახალგაზრდების დასაქმების ხელშეწყობის პროგრამის მეორე ეტაპის პრეზენტაცია მოეწყო. კონკურსანტების მიღება „პრივატბანკის" ცენტრალურ ოფისში გაიმართა. აფხაზეთის ავტონომიური რესპუბლიკის ფინანსთა და ეკონომიკის სამინისიტროსა და ბანკის წარმომადგენლებმა კონკურსანტებს ის პირობები და წესები გააცნეს, რის საფუძველზე ბანკი დევნილი ახალგაზრდების სტაჟირებას და დასაქმებას უზრუნველყოფს.

აფხაზეთის ავტონომიური რესპუბლიკის ფინანსთა და ეკონომიკის სამინისტროში ამ ეტაპზე CV 30-მდე დასაქმების მსურველმა დევნილმა ახალგაზრდამ შეიტანა, რომლებიც კვალიფიკაციისა და მოთხოვნილი პირობების შესაბამისად ბანკის ქოლ ცენტრში, პრობლემური სერვისების მომსახურებისა და განვადების მენეჯნმეტის სფეროში გადანაწილდებიან.

მემორანდუმის თანახმად, პირველ ეტაპზე კონკურსი 60-მდე ახალგაზრდამ გაიარა, რომელთა შორის უმეტესობა დასაქმდა.

2013 წლის 15 ნოემბერს, აფხაზეთის ავტონომიური რესპუბლიკის მთავრობასა და „პრივატბანკს" შორის ურთიერთთანამშრომლობის მემორანდუმი გაფორმდა. მემორანდუმი „პრივატბანკში" აფხაზეთიდან დევნილი ახალგაზრდების პრაქტიკისა და სტაჟირების გავლას, დევნილი ახალგაზრდების დასაქმებას ითვალისწინებს.

დღეს საკრებულოს თავმჯდომარის მოადგილემ, ისტორიკოსმა ჯაბა სამუშიამ აფხაზეთიდან დევნილ მოსწავლეებს საბჭოთა ოკუპაციის მუზეუმში უმასპინძლა. ჯაბა სამუშია დევნილ ბავშვებს მუზეუმის მუდმივ ექსპოზიციაში წარმოდგენილი ბოლშევიკური რუსეთის მიერ საქართველოს ოკუპაციის (1921წ.), საქართველოს ეროვნულ-განმათავისუფლებელი, ანტისაოკუპაციო მოძრაობის 70-წლიანი ისტორიის (1921-1991 წწ.) და საბჭოთა პოლიტიკური რეპრესიების შესახებ ესაუბრა.

„მნიშვნელოვანია, რომ მოზარდებმა იცოდნენ თავიანთი ქვეყნის ისტორია, განსაკუთრებით ის სისხლიანი უახლესი ფურცლები, თუ როგორ იბრძოდნენ ჩვენი გმირები საქართველოს დამოუკიდებლობისათვის", - განაცხადა ჯაბა სამუშიამ.

საკრებულოს თავმჯდომარის მოადგილესთან ერთად, ღონისძიებას აფხაზეთის ავტნომიური რესპუბლიკის  განათლებისა და კულტურის მინისტრის პირველი მოადგილე მანანა ქვაჩახია ესწრებოდა.

მან დღევანდელი დღის მნიშვნელობაზე ისაუბრა და აღნიშნა, რომ მოსწავლეებთან შეხვედრა ძალიან საინტერესო და მნიშვნელოვანი იყო.

„ახალგაზრდებმა უნდა იცოდნენ თავიანთი ქვეყნის ისტორია და იცნობდნენ თავიანთ გმირებს, რომელთა თავგანწირვაც სამაგალითო უნდა იყოს თითოეული მოქალაქისათვის", - განაცხადა მანან ქვაჩახიამ.

ეროვნული მუზეუმის თანამშრომლებმა აფხაზეთის საჯარო სკოლის მოსწავლეებს საინფორმაციო ბუკლეტები გადასცეს.

შეგახსენებთ, რომ 1921 წლის 25 თებერვალს საბჭოთა რუსეთის მე-11 წითელმა არმიამ თბილისი დაიკავა და საბჭოთა ხელისუფლება გამოაცხადა.

21 თებერვალს, აფხაზეთის ავტონომიური რესპუბლიკის მოზარდმაყურებელთა სახელმწიფო თეატრმა - „თეთრი ტალღა", აფხაზეთიდან დევნილ ბავშვებს „თბილისი არტ-ჰოლში" უმასპინძლა, სადაც ნაჩვენები იქნა სპექტაკლი „ჩარლის დეიდა".

ჩვენებას, ქ. თბილისის ასკურავას ქუჩის #1 -ში განთავსებული ორ კომპაქტურ ჩასახლებაში მცხოვრები დევნილი ბავშვები დაესწრნენ.

ღონისძიება აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ორგანიზებითა და აფხაზეთის ავტონომიური რესპუბლიკის მოზარდმაყურებელთა სახელმწიფო თეატრის - „თეთრი ტალღა" მხარდაჭერით გაიმართა.

დღეს, აფხაზეთის ავტონომიური რესპუბლიკის მთავრობის სხდომათა დარბაზში შეიკრიბნენ თბილისის ივანე ჯავახიშვილის სახელობის სახელმწიფო უნივერსიტეტის, სოხუმის სახელმწიფო და შავი ზღვის საერთაშორისო უნივერსიტეტების პროფესორ-მასწავლებლები, არასამთავრობო ორგანიზაციების წარმომადგენლები, ჟურნალისტები, სტუდენტები, ექსპერტები ბიზნესისა და სამართლებრივ საკითხებში.

შეკრების მიზანი აფხაზეთის ავტონომიური რესპუბლიკის მთავრობასათან საზოგადოებრივი სათათბირო-საკონსულტაციო საბჭოს შექმნა იყო. შეხვედრაზე საუბარი შეეხო იმ პრობლემებს, რომლებიც დაგროვდა დევნილ საზოგადოებაში, პირველ რიგში ჯანდაცვის და განათლების სფერში არსებულ სიტუაციას, სოციალურად დაუცველთა მდგომარეობას.

ერთ-ერთი საკითხი მთავრობისა და მისი სტუქტურების საქმიანობისათვის სამართლებლივი მხარდაჭერის, კერძოდ საქართველოს საკანონმდებლო ბაზის დევნილთა ინტერესების გათვალისწინებით დახვეწის, ადვოკატირების, ზოგადად კანონშემოქმედებითი მუშაობის შემდგომი გააქტიურების, დევნილთა სწორი ინფორმირებისა და მათი უფლება-მოვალეობების  დაცვის საქმეში.

დამსწრეთა მხრიდან გამოითქვა მზაობა დევნილთა საზოგადოებრივ-პოლიტიკურ გააქტიურების საქმეში მხარდაჭერისათვის, განსაკუთრებით ახალგაზრდული პრობლემების წინ წამოწევისა და მასში სტუდენტების, მაგისტრანტებისა და ახალგაზრდა მეცნიერების ჩართვის საკითხებზე.

ამ მიზნით საბჭოს წევრებმა გამოთქვეს მზადყოფნა, რომ გაუწევენ კონსულტაციებს მთავრობის წევრებს და სხვადასხვა დარგის ხელმძღვანელებს მართვის სრულყოფის საკითხებზე, ასევე კონცულტაციებს პრობლემატური საკითხების სოციალური და სამართლებრივი ანალიზისა და სათანადო რეკომენდაციების ახალი კანონპროექტების მომზადებისათვის, სათანადო რეკომენდაციების მომზადებასა და შემუშვებაში, რომლებიც ხელს შეუწყობს საკანონმდებლო ბაზის სრულყოფას. საუბარი შეეხო აფხაზეთის ტელევიზიის შექმნის აუცილებლობას, დევნილების აქტიურად ჩართვას საარჩევნო პროცესებში და სხვა მნიშვნელოვან საკითხებს.

საკონსულტაციო სათათბირო საბჭოს შექმნას მიესალმა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია. მან გამოთქვა იმედი, რომ სახელისუფლებო სტრუქტურები, საზოგადოებრივ სათათბირო-საკონსულტაციო საბჭოსთან ერთად სწორად განსაზღვრავენ პრიორიტეტებს და ერთობლივად უზრუნველყოფენ მათ განხორციელებას.

აფხაზეთის მთავრობაში აფხაზეთის ავტონომიური რესპუბლიკის მთავრობის გაფართოებული სხდომა მიმდინარეობს, რომელსაც მთავრობის თავმჯდომარის მოვალეობის შემსრულებელი ვახტანგ ყოლბაია თავმჯდომარეობს. სხდომას აფხაზეთის ავტონომიური რესპუბლიკის მთავრობის წევრებთან ერთად, მათი მოადგილეები და დეპარტამენტის ხელმძღვანელები ესწრებიან.

სხდომის დაწყებამდე აფხაზეთის ავტონომიური რესპუბლიკის მთავრობის თავმჯდომარის მოავლეობის შემსრულებელმა ვახტანგ ყოლბაიამ და მთავრობის წევრებმა წუთიერი დუმილით პატივი მიაგეს უკრაინაში მიმდინარე მოვლენების დროს დაღუპულთა, მათ შორის აფხაზეთიდან დევნილი ზურაბ ხურციას ხსოვნას.

აგრეთვე მოისმინეს ინფორმაცია საქართველოს ეროვნული გმირის ჟიული შარტავას 70 -წლისთავთან დაკავშირებით დაგეგმილი ღონისძიებების შესახებ.

სხდომაზე ერთ-ერთ საკითხად განხილული იქნება აფხაზეთის ავტონომიური რესპუბლიკის მთავრობის 2013 წლის რესპუბლიკური ბიუჯეტის შესახებ ანგარიში, რომელსაც აფხაზეთის ავტონომიური რესპუბლიკის ფინანსთა და ეკომომიკის მინისტრი ვასილ ხორავა წარადგენს.

აფხაზეთის ავტონომიური რესპუბლიკის მთავრობის ორგანიზებით, USAID-ს და არასამთავრობო ორგანიზაცია „აფხაზეთის ბიზნესმენთა, ადვოკატთა და ჟურნალისტთა ასოციაცია-კავშირი"-ს მხარდაჭერით დევნილ მოსახლეობას ჰუმანიტარული დახმარება დაურიგდა.

იძულებით გადაადგილებულ ოჯახებს ჰუმანიტარული დახმარება აფხაზეთის ავტონომიური რესპუბლიკის ფინანსთა და ეკონომიკის მინისტრმა ვასილ ხორავამ და მინისტრის მოადგილემ ლევან თევზაიამ გადასცეს.

აქციის ფარგლებში, ჰუმანიტარული ტვირთი თბილისის ოთხი კომპაქტურად ჩასახლების ობიექტში მცხოვრებმა დევნილმა ოჯახებმა და აფხაზეთის უსინათლო და ყრუ-მუნჯთა საზოგადოება „ჰერა"-ს 150-მდე წევრმა მიიღო.

USAID-მა აფხაზეთის ავტონომიური რესპუბლიკის მთავრობას დევნილთათვის რამდენიმე ტონა ჰუმანიტარული ტვირთი გადასცა, რომელიც თბილისსა და რეგიონებში არსებულ სხვა კომპაქტურად ჩასახლების ობიექტებში მცხოვრებ დევნილ მოსახლეობას დაურიგდება.

14 თებერვალს, ცნობილი საზოგადო მოღვაწის, აფხაზური ლიტერატურისა და ისტორიოგრაფიის ფუძემდებლის დიმიტრი გულიას რეაბილიტირებული ძეგლი საზეიმოდ გაიხსნა.

ძეგლი გვირგვინით შეამკეს საქართველოს კულტურისა და ძეგლთა დაცვის მინისტრმა გურამ ოდიშარიამ, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა, აფხაზეთის ავტონომიური რესპუბლიკის უმაღლესი საბჭოს თავმჯდომარემ გია გვაზავამ, აფხაზეთის ავტონომიური რესპუბლიკის მთავრობისა და უმაღლესი საბჭოს წევრებმა.

მწერლის სკულპტურა, რომელიც ნაწილობრივ იყო დაზიანებული, ცნობილმა რესტავრატორმა ელდარ ციციშვილმა აღადგინა.

საზეიმო ღონისძიებაში მონაწილეობა მიიღო აფხაზეთის სიმღერისა და ცეკვის სახელმწიფო აკადემიურმა ანსამბლმა.

აფხაზი მწერლის დიმიტრი გულიას დაზიანებული ძეგლი საქართველოს კულტურისა და ძეგლთა დაცვის სამინისტროს ინიციატივით აღდგა.

ღონისძიება აფხაზეთის ავტონომიური რესპუბლიკის მთავრობისა და ქალაქ თბილისის მერიის მხარდაჭერით მოეწყო.

2014 წელი დიმიტრი გულიას 140 წლისთავისადმი მიძღვნილი საიუბილეო წელია.

ზუგდიდში, დემოკრატიული ჩართულობის ცენტრში არასამთავრობო ორგანიზაციის, „ჩართულობიდან დემოკრატიამდე", ინიციატივით დევნილებთან შეხვედრა გაიმართა. შეხვედრას საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრის მოადგილე მამუკა ცოტნიაშვილი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის ფინანსთა და ეკონომიკის მინისტრი ვასილ ხორავა, რეგიონალური მართვის საკითხებში აფხაზეთის ავტონომიური რესპუბლიკის მინისტრი კონსტანტინე კუჭუხიძე, სამეგრელო-ზემო სვანეთის დევნილთა სამმართველოს ხელმძღვანელი ირაკლი ქოჩუა, სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ოთარ გოგოხია და დევნილი საზოგადოება ესწრებოდნენ.

შეხვედრაზე დევნილთა განსახლების, რეგისტრაციის მიმდინარეობის, დასაქმებისა და „ლიბერთი ბანკის" სამეგრელოს ფილიალებთან კომუნიკაციის სრულყოფის  საკითხებზე ისაუბრეს.

„დადებითად ვაფასებ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს საქმიანობას და დარწმუნებული ვარ, ჩვენი კოორდინირებული მუშაობა ხელს შეუწყობს დევნილი მოსახლეობის კეთილდღეობას, რომელიც გაცილებით ეფექტურს გახდის მიღებულ შედეგებს," - განაცხადა შეხვედრაზე  ვახტანგ ყოლბაიამ.

სამუშაო შეხვედრის ფარგლებში, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის ფინანსთა და ეკონომიკის მინისტრ ვასილ ხორავასთან და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელ ოთარ გოგოხიასთან ერთად სამეგრელო ზემო სვანეთის გუბერნატორს ლევან შონიას შეხვდა.

შეხვედრისას განიხილული იქნა კონკრეტული საკითხები და სოციალურ-ეკონომიკური პროექტები დევნილებთან მიმართებაში. ასევე დაისახა ერთობლივი სამომავლო გეგმები, რომლებიც რეგიონში მცხოვრები იძულებით გადაადგილებულ პირთა დასაქმებასა და სოციალური პრობლემების მოგვარებას ეხება, რაც ხელს შეუწყობს დევნილი ოჯახების კეთილდღეობას და მათთვის ყოფითი პირობების გაუმჯობესებას.

აფხაზეთი ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია „აფხაზეთიდან იძულებით გადაადგილებულ პირთა საერთაშორისო ორგანიზაციის" გამგეობის წევრებსა და წარმომადგენლებს შეხვდა.

შეხვედრისას ვახტანგ ყოლბაიამ არასამთავრობო ორგანიზაციის წარმომადგენლებს მიაწოდა ინფორმაცია მთავრობის მიერ განხორციელებული და სამომავლოდ დაგეგმილი ღონისძიებების შესახებ. დიალოგი გაიმართა პარლამენტში მესამე მოსმენით გასულ „საქართველოს ოკუპირებული ტერიტორიებიდან იძულებით გადაადგილებულ პირთა - დევნილთა შესახებ" კანონპროექტში ცვლილების თაობაზე. ასევე, დევნილთა სტატუსის მინიჭების პროცესთან დაკავშირებით წარმოშობილ, რიგი პრობლემების მოგვარების საკითხებზე. აფხაზეთიდან იძულებით გადაადგილებულ პირთა არასამთავრობო ორგანიზაციის წარმომადგენლებმა იძულებით გადაადგილებულ პირთა სოციალურ-ეკონომიკური პირობების გაუმჯობესების მიზნით, სხვადასხვა პროექტებში მონაწილეობის მხარდაჭერაზეც ისაუბრეს.

ყურადღება გამახვილდა დევნილებისთვის დასაქმების ხელშეწყობისა და მათთვის სხვა აქტუალური საკითხების მოგვარების გზებზე.

შეხვედრის დასასრულს ვახტანგ ყოლბაია და არასამთავრობო ორაგნიზაციის წარმომადგენლები მჭიდრო სამომავლო თანამშრომლობაზე შეთანხმდნენ.

აფხაზეთის ავტონომიური რესპუბლიკის მთავრობის სამოქალაქო თანხმობისა და კონფლიქტის დარეგულირების საკითხებში აფხაზეთის მინისტრის აპარატთან ქართულ-აფხაზური ურთიერთობის აღდგენის საკითხებზე მომუშავე საკონსულტაციო საბჭო შეიქმნა. ამ საკითხთან დაკავშირებით, აფხაზებთან შეხვედრა გაიმართა.

შეხვედრას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დაესწრო. ვახტანგ ყოლბაია საბჭოს შექმნის იდეას მიესალმა და ამ მეტად მნიშვნელოვან საქმეში წარმატებები უსურვა.

საკონსულტაციო საბჭოს მიზანი სახალხო დიპლომატიის  გააქტიურება, აფხაზებთან ნდობის აღდგენა, მათთან პირდაპირი დიალოგის გამართვა  და კავშირების გაძლიერება იქნება.

საბჭო გააერთიანებს იმ აფხაზებს, რომელებიც დაინტერესებულნი არიან ქართველებსა და აფხაზებს შორის ნდობის აღდგენით.

საკონსულტაციო საბჭო აქტიურად ითანამშრომლებს მთავრობასთან, ასევე ჩამოაყალიბებენ ერთობლივ სამუშაო სტრატეგიას და სამოქმედო გეგმებს, თუ როგორ უნდა იქნას მიღწეული სამოქალაქო თანხმობა და მშვიდობიანი თანაცხოვრება აფხაზებთან ერთად.

შეხვედრაზე, სამოქალაქო თანხმობისა და კონფლიქტის დარეგულირების საკითხებში აფხაზეთის მინისტრმა ლელა გულედანმა წარადგინა მინისტრის აპარატის დებულება, რომელიც დამუშავების პროცესშია და დამსწრე საზოგადოებას დოკუმენტის საბოლო სახის ჩამოყალიბებაში მონაწილეობის მიღება შესთავაზა.

აფხაზეთის ავტონომიური რესპუბლიკის მთავრობის წევრები სამეგრელო-ზემო სვანეთის გუბრნატორს ლევან შონიას და სამეგრელო-ზემო სვანეთის რეგიონში აფხაზეთის მთავრობის წარმომადგენლებს შეხვდნენ.

გუბერნატორთან შეხვედრისას, აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის მინისტრმა ქეთევან ბაკარაძემ, რეგიონული მართვის საკითხებში აფხაზეთის ავტონომიური რესპუბლიკის მინისტრმა კონსტანტინე კუჭუხიძემ და აფხაზეთის ავტონომიური რესპუბლიკის სოფლის მეურნეობის დეპარტამენტის უფროსმა ვალერი ბასარიამ სამეგრელოში ჩასახლებული დევნილების პრობლემებსა და მათთვის დახმარების გაწევის სამომავლო პერსპექტივებზე ისაუბრეს. დაისახა სამომავლო გეგმები და ამ გეგმების ერთობლივად განხორციელების გზები.

სამეგრელო-ზემო სვანეთის გუბერნატორის განცხადებით, ეს იყო ძალზედ მნიშვნელოვანი და საჭირო შეხვედრა.

„აფხაზეთის ავტონომიური რესპუბლიკის მთავრობის წევრებთან საუბარი მქონდა დევნილთა პრობლემებზე და მათთვის სხვადასხვა დახმარების გაწევის შესაძლებლობებზე. მინდა გითხრათ, რომ შემუშავდება სხვადასხვა პროექტები, რომელშიც დევნილები ჩაერთვებიან და მათი სოციალურ-ეკონომიკური მდგომარეობა გაუმჯობესდება. ჩვენ ასევე ერთობლივად ვიზრუნებთ მათ ჯანმრთელობაზე და ამ კუთხითაც გვექნება სიახლეები. შეიძლება თამამად აღინიშნოს, რომ ეს იყო ძალზედ მნიშვნელოვანი შეხვედრა, რომელსაც ერთჯერადი სახე არ ექნება. ჩვენ მუდმივად ვითანამშრომლებთ, რამეთუ დევნილთა უდიდესი ნაწილი სწორედ სამეგრელოს რეგიონშია ჩასახლებული," - განაცხადა სამეგრელოს გუბერნატორმა ლევან შონიამ.

სამეგრელო-ზემო სვანეთის რეგიონში აფხაზეთის მთავრობის წარმომადგენლებთან შეხვედრისას, მთავრობის წევრებმა ჯანდაცვის რეფერალური პროგრამის საკითხის მოგვარებაზე, ასევე ოკუპირებულ ტერიტორიაზე და საზღვრისპირა სოფლებში მცხოვრები დევნილებისთვის აგრარულ სექტორში დასაქმების ხელშეწყობის პროგრამებზე ისაუბრეს.