სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესი და უნეტარესმა ილია მეორემ თბილისში, აგლაძის ქუჩაზე (ელიავას ბაზრობის მიმდებარე ტერიტორია) ილორის წმინდა გიორგის სახელობის მშენებარე ეკლესია მოინახულა. მან აფხაზეთის ხელისუფლებას და დევნილ მოსახლეობას გიორგობის ბრწყინვალე დღესასწაული მიულოცა და მადლობა გადაუხადა ეკლესიის მშენებლობაში შეტანილი წვლილისათვის. პატრიარქმა შეკრებილი მრევლი დალოცა და უფალს საქართველოს გაძლიერება და გამთლიანება შესთხოვა.

ტაძრის ტერიტორიაზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე პეტრე კანკავა, აფხაზეთის ავტონომიური რესპუბლიკის მთავრობის წევრები, აფხაზეთის ავტონომიური რესპუბლიკის უმაღლესი საბჭოს დეპუტატები და აფხაზეთიდან დევნილი საზოგადოების წარმომადგენლები იმყოფებოდნენ.

თბილისში ილორის წმინდა გიორგის სახელობის ეკლესიის მშენებლობა აფხაზეთის ავტონომიური რესპუბლიკის მთავრობის ინიციატივითა და სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორის ლოცვა-კურთხევით დაიწყო.

2016 წლის მაისში აფხაზეთის ავტონომიური რესპუბლიკის მთავრობის გადაწყვეტილებით შემოწირულობებისათვის შეიქმნა სპეციალური ანგარიში, სადაც აფხაზეთის ავტონომიური რესპუბლიკის აღმასრულებელი და საკანონმდებლო სტრუქტურების თანამშრომლები შემოწირულობის სახით პერმანენტულად რიცხავენ თანხას ეკლესიის მშნებლობისთვის. გარდა ამისა, აფხაზეთის ავტონომიური რესპუბლიკის მთავრობის სტრუქტურების თანამშრომლები უშუალოდ მონაწილეობენ ეკლესიის მშნებლობის პროცესშიც.

აფხაზეთის ავტონომიური რესპუბლიკის განათლებისა და კულტურის სამინისტროს, სპორტისა და ახალგაზრდობის საქმეთა სამსახურის ინიციატივითა და აფხაზეთის ფარიკაობის ფედერაციის მხარდაჭერით, საქართველოს ფარიკაობის ფედერაციის სპორტდარბაზში 2003-2005, 2006-2007 წლებში დაბადებულ გოგონებსა და ბიჭებში ფარიკაობაში აფხაზეთის ღია პირველობა გაიმართა. 

ტურნირში საქართველოს სხვა რეგიონის წარმომადგენლებთან ერთად მონაწილეობა მიიღეს სომეხმა, აზერბაიჯანელმა, თურქმა, რუსმა და ირანელმა სპორტსმენებმა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრის მოადგილე როლანდ ნიჟარაძე და აფხაზეთის ავტონომიური რესპუბლიკის განათლებისა და კულტურის სამინისტროს, სპორტისა და ახალგაზრდობის საქმეთა სამსახურის უფროსი ვიტალი ბენდელიანი დაესწრნენ.

ფარიკაობაში აფხაზეთის ღია პირველობა წელს მეექვსედ გაიმართა და შეჯიბრი ფარიკაობის სამივე სახეობაში (დაშნა, ხმალი, რაპირა) ჩატარდება. გამარჯვებული სპორტსმენები თასებით, მედლებითა და დიპლომებით დაჯილდოვდებიან. ტურნირის მიზანია, ფარიკაობის, როგორც სპორტის ოლიმპიური სახეობის პოპულარიზაცია და განვითარება. ასევე, ნიჭიერი სპორტსმენების გამოვლენა, სპორტული ოსტატობის ამაღლება და ჯანსაღი თაობის აღზრდა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში უკრაინის საგანგებო და სრულუფლებიან ელჩს იგორ დოლგოვს  შეხვდა. შეხვედრა პროტოკოლურ და გაცნობით ხასიათს ატარებდა.

უკრაინის ელჩმა კიდევ ერთხელ დაადასტურა უკრაინის მთავრობის მხარდაჭერა საქართველოს ტერიტორიული მთლიანობის  მიმართ.

შეხვედრისას მხარეებმა ისაუბრეს აფხაზეთში მიმდინარე მოვლენებზე, ასევე განხილული იქნა მომავალი თანამშრომლობის ნაბიჯები. შეთანხმდნენ, რომ აფხაზეთის ავტონომიური რესპუბლიკის მთავრობა უკრინის საელჩოსთან გააგრძელებს აქტიურ თანამშრომლობას.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ დევნილ ქალბატონს მარუსია ჩიქოვანს 100 წლის  იუბილე მიულოცა და საჩუქრები გადასცა.

ქალბატონი მარუსია აფხაზეთში პედაგოგიურ საქმიანობას ეწეოდა. იგი გახლდათ ოჩამჩირისა და ახალი კინდღის საშუალო სკოლის დირექტორი, ხოლო 1962-1987 წლებში სოხუმის რაიონის სოფელ ზემო კელასურის საშუალო სკოლაში ქართული ენისა და ლიტერატურის მასწავლებლად მუშაობდა. მარუსია ჩიქოვანი მეორე მსოფლიო ომის მონაწილეა და დაჯილდოებულია ქების სიგელებითა და მედლებით.

ვახტანგ ყოლბაიამ მარუსია ჩიქოვანს დღეგრძელობა და საქართველოს ძირძველ მიწა-წყალზე, აფხაზეთში დაბრუნება უსურვა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია თბილისის სახელმწიფო სამედიცინო უნივერსიტეტის სააქტო დარბაზში საქართველოს ომისა და სამხედრო ძალების ვეტერანთა კავშირ „სამშობლოს" მიერ ორგანიზებულ საზეიმო ღონისძიებას დაესწრო, რომელიც მეორე მსოფლიო ომში გამარჯვების აღსანიშნავად გაიმართა.

ღონისძიებას უკრაინის საგანგებო და სრულუფლებიანი ელჩი საქართველოში იგორ დოლგოვი, მეორე მსოფლიო ომის ვეტერანები და სხვა მოწვეულმა სტუმრები ესწრებოდნენ.

ღონისძიების ბოლოს საზეიმო კონცერტი გაიმართა, სადაც ქართული, უკრაინული და ბელორუსული სიმღერები შესრულდა.

აფხაზეთის ავტონომიური რესპუბლიკის მთავრობაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ლუბლიანას უნივერსიტეტის პროფესორებს შეხვდა.

შეხვედრას ლუბლიანას უნივერსიტეტის პროფესორები იანეზ კრანცი, დამიან კორაშეცი, ვიდ იანკულინი, ტადეია ერე იანკულინი, იდა მაცეკ კრანცი, აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, აფხაზეთის ავტონომიური რესპუბლიკის იუსტიციის დეპარტამენტის აპარატის უფროსი ავთანდილ ხაზალია, სოხუმის უნივერსიტეტის იურიდიული ფაკულტეტის პროფესორი, დეკანი ვეფხვია გვარამია და მოწვეული პროფესორი ოთარ ბენიძე ესწრებოდნენ.

ვახტანგ ყოლბაიამ გააცნო ოკუპირებულ ტერიტორიაზე არსებული მდგომარეობა,  ისაუბრა აფხაზეთის ავტონომიური რესპუბლიკის მთავრობის საქმიანობასა და განათლების სფეროში განხორციელებულ პროექტებზე .

ასევე, შეხვედრაზე სამომავლო თანამშრომლობასა და გეგმებზე ისაუბრეს.

აფხაზეთის ავტონომიური რესპუბლიკის განათლებისა და კულტურის სამინისტროს სააქტო დარბაზში აფხაზეთის განათლებისა და კულტურის სამინისტრომ 2016 წელს გაწეული საქმიანობის ანგარიში წარადგინა.

ღონისძიებას საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში, საქართველოს პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილე გენადი მარგველაშვილი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები, აფხაზეთის ავტონომიური რესპუბლიკის უმაღლესი საბჭოს დეპუტატები და არასამთავრობო ორგანიზაციების წარმომადგენლები ესწრებოდნენ.

მოხსენება აფხაზეთის განათლებისა და კულტურის სამინისტროს საქმიანობის  ძირითად მიმართულებებზე და განხორციელებულ ღონისძიებებზე მინისტრის პირველმა მოადგილემ მანანა ქვაჩახიამ გააკეთა. ასევე, კულტურის მიმართულებით აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის შესახებ აფხაზეთის სიმღერისა და ცეკვის სახელმწიფო ანსამბლის სამხატვრო ხელმძღვანელმა ლევან ღვინჯილიამ ისაუბრა.

ანგარიშის ბოლოს საზოგადოების წინაშე აფხაზეთის სიმღერისა ცეკვის სახელმწიფო ანსამბლი, აფხაზეთის სახელმწიფო კაპელა, სოხუმის მოზარდ მაყურებელთა თეატრი „თეთრი ტალღა" და აფხაზეთის №2 საჯარო სკოლის მოსწავლეები აფხაზურ ენოვანი სპექტაკლით წარსდგნენ.

საქართველოს პარლამენტში ოკუპირებულ ტერიტორიებთან მიმართებაში მუშაობის მიმდინარეობის შესახებ შერიგებისა და სამოქალაქო თანასწორობის საკითხებში საქართველოს სახელმწიფო მინისტრის, ქეთევან ციხელაშვილის ანგარიში მოისმინეს.

ტერიტორიული მთლიანობის აღდგენის საკითხთა დროებითი კომისიისა და დიასპორისა და კავკასიის საკითხთა კომიტეტის გაერთიანებულ სხდომაზე ქეთევან ციხელაშვილმა შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის მიერ განხორციელებული ღონისძიებები წარმოადგინა და სამომავლო გეგმები მიმოიხილა. მოხსენების შემდეგ მუშაობა კითხვა-პასუხის რეჟიმში გაგრძელდა.

კომიტეტის სხდომას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა ესწრებოდნენ.

აფხაზეთთან დაკავშირებული კულტურული მემკვიდრეობის ძირითადი ნაწილი ოკუპირებული აფხაზეთის ტერიტორიაზეა განთავსებული, ნაწილი კი საქართველოს სხვადასხვა მუზეუმებსა და საცავებშია დაცული. მათი ერთობლივად, ერთ სივრცეში  წარმოსაჩენად აფხაზეთის ავტონომიური რესპუბლიკის მთავრობის მხარდაჭერით ვირტუალური მუზეუმი შეიქმნა.

ონლაინ-მუზეუმში წარმოდგენილია აფხაზეთის არქიტექტურის, ალექსანდრე შერვაშიძის სახელობის, აფხაზეთის თანამედროვე მხატვრების, არქეოლოგიისა და ხელნაწერების საგამოფენო დარბაზები. ამ დარბაზებში  გამოყენებულია საქართველოს ეროვნული მუზეუმის, ხელნაწერთა ეროვნული ცენტრის, საქართველოს კულტურული მემკვიდრეობის დაცვის ეროვნული სააგენტოს მასალები.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე ელგუჯა გვაზავა საქართველოს კულტურისა და ძეგლთა დაცვის მინისტრის მოადგილე ლევან ხარატიშვილი, აფხაზეთის მთავრობის წევრები, უმაღლესი საბჭოს დეპუტატები და სხვა მოწვეული სტუმრები ესწრებოდნენ.

„აფხაზეთის ავტონომიუირ რესპუბლიკის ისტორიის, კულტურისა და ეთნოლოგიის ვირტუალური (ონლაინ-მუზეუმი) მუზეუმი" აფხაზეთის ა/რ განათლებისა და კულტურის სამინისტროში კულტურულ ფასეულობათა დაცვის სამსახურმა შექმნა.

ვახტანგ ყოლბაია სოხუმის სახელმწიფო უნივერსიტეტის იურიდიული ფაკულტეტის ინიციატივით გამართულ საერთაშორისო კონფერენციას თემაზე "სამართლის აქტუალური საკითხები" დაესწრო.

კონფერენციაში ლუბლიანასა და პრიმორსკის უნივერსიტეტების (სლოვენია), ასევე საქართველოს სხვადასხვა უნივერსიტეტების იურიდიული ფაკულტეტის პროფესორ-მასწავლებლები მონაწილეობდნენ.

ქალაქ ხობში აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ქეთევან ბაკარაძემ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ შ.პ.ს „აფხაზეთიდან იძულებით გადაადგილებულ პირთა ხობის პოლიკლინიკა" გახსნეს.

დღეიდან მოქალაქეები კეთილმოწყობილ გარემოში შეძლებენ სამედიცინო მომსახურების მიღებას პროექტის ფარგლებში მოეწყო პანდუსი, შიდა და გარე კანალიზაციის, წყალგაყვანილობის, ელექტროგაყვანილობის სისტემები, გამოიცვალა კარ-ფანჯრები, იატაკი და ჭერი.

აფხაზეთის სულიერებისა და კულტურის ცენტრში წიგნის „იმედისა და რწმენის 10 წელი" პრეზენტაცია გაიმართა. წიგნი ცენტრის მოღვაწეობის 10 წლისთავს მიეძღვნა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პარლამენტის წევრი ზაზა ხუციშვილი, სასულიერო პირები, კომპოზიტორები და მომღერლები.

საქართველოს მეცნიერებათა ეროვნული აკადემიისა, აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის უმაღლესი საბჭოს ინიციატივით, გამოჩენილი მეცნიერის, საზოგადო მოღვაწისა და აკადემიკოსის, ილია ვეკუას დაბადების 110 წლისთავისადმი მიძღვნილი ღონისძიებები გაიმართა.

მთაწმინდის პანთეონში აფხაზეთის ავტონომიური რესპუბლიკის ხელისუფლების წარმომადგენლებმა, მეცნიერებმა და სტუდენტებმა გვირგვინით შეამკეს ილია ვეკუას საფლავი. შემდეგ საქართველოს მეცნიერებათა ეროვნული აკადემიის სხდომათა დარბაზში აკადემიკოს ილია ვეკუას დაბადების 110 წლისთავისადმი მიძღვნილი სხდომა გაიმართა. ღონისძიება გახსნა და შესავალი სიტყვა წარმოთქვა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ. სხდომას უძრვებოდა საქართველოს მეცნიერებათა ეროვნული აკადემიის პრეზიდენტი აკადემიკოსი გიორგი კვესიტაძე. ღონისძიებაზე დამწრე საზოგადოების წინაშე სიტყვით წარსგნენ საქართველოს მეცნიერებათა აკადემიის აკადემიკოსი როინ მეტრეველი, სოხუმის სახელმწიფო უნივერსიტეტის პროფესორი თემურ ჩილაჩავა,  თბილისის სახელმწიფო უნივერსიტეტის პროფესორი გიორგი ჯაიანი, აკადემიკოს ილია ვეკუას სახელობის ფიზიკა-ტექნიკის ინსტიტუტის დირექტორი გურამ ბოკუჩავა, აფხაზეთის ცეკვისა და სიმღერის ანსამბლ „აფხაზეთის" ხელმძღვანელი ლევან ღვინჯილია. ღონისძიებაზე აგრეთვე ნაჩვენები იყო დოკუმენტური ფილმი - „აკადემიკოს ვეკუას პორტრეტი" და მუსიკალური ნომრებით წარსდგა აფხაზეთის სიმღერისა და ცეკვის სახელმწიფო ანსამბლი, რომლებმაც ქართულ და აფხაზურ ენებზე შეასრულეს სიმღერა.

აფხაზეთის ავტონომიური რესპუბლიკის მთავრობის გადაწყვეტილებით, სოხუმის სახელმწიფო უნივერსიტეტის სტუდენტებისათვის დაწესდება აკადემიკოს ილია ვეკუას სახელობის სტიპენდია.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, საქართველოს მეცნიერებათა ეროვნული აკადემიის პრეზიდენტი გიორგი კვესიტაძე, საქართველოს მეცნიერებათა აკადემიის აკადემიკოსი როინ მეტრეველი, სოხუმის სახელმწიფო უნივერსიტეტის რექტორი ჯონი აფაქიძე, აკადემიკოსები, მეცნიერები, პროფესორები, საზოგადო მოღვაწეები, ნათესავები და სტუდენტები ესწრებოდნენ.

ილია ვეკუა 1907 წელს გალის რაიონის სოფელ შეშელეთში დაიბადა. ზუგდიდის საშუალო სასწავლებლის დამთავრების შემდეგ მან თბილისის სახელმწიფო უნივერსიტეტში ფიზიკა-მათემატიკის ფაკულტეტზე გაააგრძელა სწავლა.

უნივერსიტეტის წარმატებით დამთავრებისთანავე, ნიკო მუსხელიშვილის რეკომენდაციით, ასპირანტურაში სწავლის გასაგრძელებლად ლენინგრადის უნივერსიტეტში გაემგზავრა. 1933 წელს იგი თბილისში დაბრუნდა და მუშაობა დაიწყო თბილისის სახელმწიფო უნივერსიტეტში.

1944 წელს ილია ვეკუა აირჩიეს საქართველოს სსრ მეცნიერებათა აკადემიის წევრ-კორესპონდენტად, ხოლო 1946 წელს - ნამდვილ წევრად და სსრ კავშირის მეცნიერებათა აკადემიის წევრ-კორესპონდენტად. 1958 წლიდან იყო სსრ კავშირის მეცნიერებათა აკადემიის აკადემიკოსი.

1959 წელს ილია ვეკუა ახლადდაარსებული ნოვოსიბირსკის უნივერსიტეტის პირველ რექტორად დაინიშნა.

1964 წელს ილია ვეკუა თბილისში დაბრუნდა და ორჯერ ეკავა თბილისის სახელმწიფო უნივერსიტეტის რექტორის თანამდებობა.

1972 წლის მაისში ილია ვეკუა საქართველოს მეცნიერებათა აკადემიის პრეზიდენტად აირჩიეს.

აფხაზეთის ავტონომიური რესპუბლიკის ხელისუფლების მიერ ორგანიზებული აქცია „ვიზრუნოთ ერთმანეთზე“ ფარგლებში, თბილისში, ყოფილი 164-ე ბაგა-ბაღის შენობაში მცხოვრებ 34 აფხაზეთიდან დევნილ ოჯახს სადღესასწაულო ნობათი გადაეცა.

ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია და აღმოსავლეთ საქართველოში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი დემურ კეკელია ესწრებოდნენ.

საქველმოქმედო აქცია მეოთხე წელია იმართება და მისი მიზანი ადამიანებისადმი თანადგომა და საქართველოში მოხალისეობის კულტურის დანერგვაა.

ქუთაისში, სოხუმის სუბტროპიკული მეურნეობის ინსტიტუტის სააქტო დარბაზში ვახტანგ ყოლბაიამ იმერეთის რეგიონში მცხოვრებ აფხაზეთიდან დევნილებთან შეხვედრა გამართა. ღონისძიებაზე წყალტუბოს მუნიციპალიტეტის გამგებელი კონსტანტინე მამისეიშვილი, აფხაზეთის ვეტერანთა სახელმწიფო სამსახურის უფროსის მოადგილე თამაზ ინალიშვილი, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარის მოადგილეები გიორგი ბულისკერია და დავით მიქავა, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა, აფხაზეთის ომის ვეტერანები, არასამთავრობო ორგანიზაციები, აფხაზეთის საჯარო სკოლებისა და სამედიცინო დაწესებულებების წარმომადგენლები იმყოფებოდნენ. სადაც აფხაზეთის ავტონომიური რესპუბლიკის მთავრობის 2016 წელს გაწეული საქმიანობის ამსახველი ვიდეო მასალის ჩვენება გაიმართა.

ჩვენების შემდეგ ვახტანგ ყოლბაიამ ქუთაისსა და წყალტუბოში მცხოვრებ აფხაზეთის ომში დაღუპული მეომრების ოჯახის წევრებს, მეომრების ხსოვნის უკვდავსაყოფად გამოცემული წიგნი „მომავლისათვის მარადისობაში“ გადასცა და ქვეყნის წინაშე მათი დამსახურების შესახებ ისაუბრა.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია აგრეთვე ბათუმში იმყოფებოდა, სადაც დევნილ მოსახლეობასთან გამართა შეხვედრა და აფხაზეთის ომში დაღუპული მეომრების ოჯახის წევრებს საჩუქრად წიგნი „მომავლისათვის მარადისობაში“ გადასცა.

შეხვედრას აჭარის ავტონომიური რესპუბლიკის ჯანდაცვის მინისტრის მოადგილე რამაზ ჯინჭარაძე და აჭარის დევნილთა და განსახლების დეპარტამენტის ხელმძღვანელი ბადრი კობალაძე ესწრებოდნენ.