სრულიად საქართველოს კათალიკოს პატრიარქის, მცხეთა–თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ს ლოცვა-კურთხევით 23 მაისი, სვიმონ კანანელის ხსენების დღე „აფხაზეთის დღედ“ დადგინდა.

2014 წლიდან „აფხაზეთობა“ ტრადიციულად ყოველწლიურად სხვადასხვა გასართობი და შემეცნებითი ღონისძიებით აღინიშნებოდა, რომელშიც აფხაზეთიდან დევნილი შემოქმედებითი კოლექტივები და დევნილი საზოგადოება იღებდა მონაწილეობას.

წელს კორონავირუსის პანდემიის გამო „აფხაზეთობა“ შეცვლილი ფორმატით ჩატარდა.

მოციქულ სვიმონ კანანელის ხსენებისა და „აფხაზეთის დღესთან“ დაკავშირებით სიონის საკათედრო ტაძარში სენაკისა და ჩხოროწყუს მიტროპოლიტმა მეუფე შიომ პარაკლისი აღავლინა. პარაკლისს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, თავმჯდომარის მოადგილე ანზორ მარგიანი, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

„აფხაზეთის დღესთან“ დაკავშირებით თბილისში, ბათუმსა და ზუგდიდში, ქალაქის ცენტრალურ ადგილებში განთავსებულ მონიტორებზე, ოთხი დღის განმავლობაში, სპეციალურად ამ დღისთვის შექმნილი ვიდეორგოლის ჩვენება გაიმართება. ვიდეორგოლში გადმოცემულია თითოეული ადამიანის გულში დაგროვილი, მონატრება, სიყვარული და ფიქრები აფხაზეთზე. კლიპის რეჟისორია ბასა ფოცხიშვილი, ხოლო მუსიკის ავტორი დავით ევგენიძე.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესა და საქართველოში იტალიის რესპუბლიკის საგანგებო და სრულუფლებიან ელჩ ენრიკო ვალვოს შორის დისტანციური შეხვედრა გაიმართა.

მთავრობის თავმჯდომარემ იტალიელ დიპლომატს მადლობა გადაუხადა ახალი კორონავირუსის (COVID-19) პანდემიის დროს იტალიის ხელისუფლების მხრიდან იტალიაში მცხოვრები საქართველოს მოქალაქეების მიმართ თანადგომისა და მხარდაჭერისთვის.

რუსლან აბაშიძემ ელჩს მიაწოდა ინფორმაცია აფხაზეთის ავტონომიური რესპუბლიკის მთავრობისა და შემავალი სტრუქტურული ერთეულების საქმიანობის შესახებ. გააცნო ოკუპირებულ აფხაზეთში არსებული ვითარება, მათ შორის იქ მცხოვრები მოსახლეობის ფუნდამენტური უფლებების დარღვევის ფაქტები და სხვა მიმდინარე მოვლენები.

ასევე განიხილეს სხვადასხვა სფეროებში შესაძლო სამომავლო თანამშრომლობის პერსპექტივები.

„გიგა ოთხოზორიას მკვლელობიდან  4 წელი გავიდა.

19 მაისი ყოველი ჩვენთაგანისთვის მტკივნეული დღეა, ვინაიდან, ადამიანის სიცოცხლის დაცვის უფლება საერთაშორისოდ აღიარებული სამართლებრივი პრინციპების უმთავრესი კრიტერიუმია, რომელიც სამწუხაროდ ამ დღეს არ იქნა დაცული.

აფხაზეთის ავტონომიური რესპუბლიკის მთავრობის სახელით ვუსამძიმრებ დაღუპულის ოჯახის წევრებს და იმედს გამოვთქვამთ, რომ უახლოეს პერიოდში მოხდება სამართლის აღსრულება და დამნაშავე პირი პასუხს აგებს სისხლის სამართლის შესაბამისად“, - განაცხადა რუსლან აბაშიძემ.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე ბათუმში იმყოფებოდნენ, სადაც აფხაზეთიდან დევნილ, აფხაზეთის ომის ვეტერან პირველი და მეორე ჯგუფის ინვალიდებს პირველადი მოხმარების სასურსათო პროდუქტი გადასცეს

„საქართველო შეუქცავადად ადგას ევროპული განვითარების გზას და ერთგულია იმ ევროპული ღირებულებების, როგორიც არის ადამიანის ღირსება, თავისუფლება, დემოკრატია, თანასწორობა და კანონის უზენაესობა. დღეს, საქართველო, ისე როგორც არასდროს არის ახლოს ევროპულ ოჯახში ღირსეული ადგილის დასამკვიდრებლად.

აფხაზეთის ავტონომიური რესპუბლიკის მთავრობის სახელით ევროპის დღე მინდა მივულოცო მთელ საზოგადოებას და მეორე მსოფლიო ომის ვეტერანებს, რომელთაც თავიანთი სიცოცხლის რისკის ფასად მომავალი თაობებისთვის უზრუნველყვეს მშვიდობიან და უსაფრთხო სამყაროში ცხოვრება“, - განაცხადა რუსლან აბაშიძემ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე ქალაქ თბილისში მცხოვრებ მეორე მსოფლიო ომის ვეტერან არტემ კოპალიანს ფაშიზმზე გამარჯვების დღე მიულოცა,  გმირული თავდადებისთვის მადლობა გადაუხადა და საჩუქარი გადასცა.

ასევე, აფხაზეთის ავტონომიური რესპუბლიკის მთავრობის თავმჯდომარის მოადგილემ და მთავრობის წევრებმა თბილისში მცხოვრებ მეორე მსოფლიო ომის ყველა ვეტერანს საჩუქრები გადასცეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და თავმჯდომარის მოადგილე ანზორ მარგიანი აფხაზეთის მეომართა კავშირის თავმჯდომარის მოვალეობის შემსრულებელ ზურაბ შამუგიას შეხვდნენ და პირველადი მოხმარების სასურსათო პროდუქტი, ასევე, ვაზიანის საწარმოში დამზადებული პირბადეები გადასცეს, რომელიც აფხაზეთიდან დევნილ, აფხაზეთის ომის ვეტერან პირველი ჯგუფის ინვალიდებს საქართველოს მასშტაბით დაურიგდებათ.

კორონავირუსის გავრცელების პრევენციული ღონისძიებების ფარგლებში წალენჯიხის მუნიციპალიტეტის სოფელ ფოცხოეწერის კომპაქტურ ჩასახლებასა და მესტიის მუნიციპალიტეტში მცხოვრებმა აფხაზეთიდან იძულებით გადაადგილებულმა პირებმა სასურსათო დახმარება მიიღეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, თავმჯდომარის მოადგილე ანზორ მარგიანთან და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველ მოადგილე გურამ მისაბიშვილთან ერთად ფოცხოეწერში იმყოფებოდა, კომპაქტურ ჩასახლებაში მცხოვრებ დევნილებს შეხვდა და პირველადი მოხმარების პროდუქტი გადასცა.

დევნილთა სასურსათო დახმარების აქცია აფხაზეთის ავტონომიური რესპუბლიკის მთავრობის ორგანიზებით და  სამეგრელო-ზემო სვანეთის რეგიონში სახელმწიფო რწმუნებულის ადმინისტრაციის, საქართველოში თურქეთის რესპუბლიკის საელჩოსა და თურქეთის თანამშრომლობისა და კოორდინაციის სააგენტოს მხარდაჭერით განხორციელდა.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და  ზემო აფხაზეთში მთავრობის წარმომადგენლობის ხელმძღვანელი მევლუდ ჯაჭვლიანი ქალაქ გარდაბანში იმყოფებოდნენ, სადაც აღმაშენებლის ქუჩაზე  მცხოვრებ კოდორის ხეობიდან დევნილ, განსაკუთრებული საჭიროების მქონე, ხანდაზმულ  ბენეფიციარებს  პირველადი მოხმარების სასურსათო პროდუქტი პირადად გადასცეს. 

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, თავმჯდომარის მოადგილე ანზორ მარგიანი, საქართველოში თურქეთის რესპუბლიკის საგანგებო და სრულუფლებიანი ელჩი ფატმა ჯერენ იაზგანი და თურქეთის თანამშრომლობისა და კოორდინაციის სააგენტოს თბილისის ოფისის კოორდინატორი ნეჯლა დემირდაღი ვაზიანის დასახლებაში იმყოფებოდნენ, სადაც სოციალური სამკერვალო და პურის საცხობი დაათვალიერეს, ადგილზე გაეცნენ საწარმოო პროცესს.

თურქეთის თანამშრომლობისა და კოორდინაციის სააგენტოსა (TİKA) და აფხაზეთის ავტონომიური რესპუბლიკის მთავრობის ერთობლივი პროექტის ფარგლებში, ვაზიანის დასახლებაში არსებულ სამკერვალოში პირბადეები დამზადდება, რომელიც დევნილ მოსახლეობას ახალი კორონავირუსისგან დასაცავად გადაეცემა. ასევე ვაზიანში არსებულ სოციალურ საწარმოში პურის ცხობა დაიწყო. პროდუქცია განსაკუთრებული საჭიროების მქონე დევნილებს დაურიგდებათ.

პირბადეების დასამზადებლად და პურის გამოსაცხობად საჭირო მასალა საწარმოებს, თურქეთის თანამშრომლობისა და კოორდინაციის სააგენტომ გადასცა. ორივე საწარმოში აფხაზეთიდან იძულებით გადაადგილებული პირები არიან დასაქმებული.

აფხაზეთის ავტონომიური რესპუბლიკის მთავრობის ინიციატივით ქალაქ თბილისში მდებარე აფხაზეთიდან დევნილთა კომპაქტურ ჩასახლებებში ახალი კორონავირუსის (COVID-19) გავრცელების პრევენციის მიზნით მასშტაბური სადეზინფექციო სამუშაოები ჩატარდა.

ღონისძიების ფარგლებში სადეზინფექციო სამუშაოები გლდანის, დიდუბის, ვაკის, ისნის, კრწანისის, მთაწმინდის, ნაძალადევის, საბურთალოს, სამგორისა და ჩუღურეთის რაონებში, ასევე დაბა წყნეთში განხორციელდა, სადაც სპეციალური ხსნარით სულ 187 ობიექტი დამუშავდა.

სამუშაოები სსიპ  „აფხაზეთის   გარემოს, გეოლოგიის  და  მინერალური  რესურსების  სააგენტომ“ განახორციელა.

საქართველოს პარლამენტის საგარეო ურთიერთობათა კომიტეტის და ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარემ ირაკლი ბერაიამ, საპარლამენტო უმრავლესობის წევრებთან ერთად, ოკუპირებულ რეგიონებში ეპიდემიოლოგიური ვითარების და მოსახლეობისთვის სამედიცინო სერვისებზე ხელმისაწვდომობის შესახებ დისტანციური შეხვედრა გამართა.

დისტანციურ შეხვედრაში შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, ცხინვალის რეგიონის ლეგიტიმური ხელისუფლებისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს წარმომადგენლები მონაწილეობდნენ.

შეხვედრაზე განიხილეს აფხაზეთისა და ცხინვალის რეგიონებში არსებული ეპიდემიოლოგიური მდგომარეობა, ადგილზე არსებული მწირი სამედიცინო შესაძლებლობები და მოსახლეობის დასახმარებლად გადადგმული ნაბიჯები. ისაუბრეს საქართველოს ხელისუფლების კონტროლირებად ტერიტორიაზე და ასევე, ოკუპირებულ რეგიონებში მცხოვრები მოქალაქეებისთვის COVID-19-ის დიაგნოსტიკისა და მკურნალობის სამედიცინო სერვისებზე ხელმისაწვდომობის კუთხით განხორციელებულ, მიმდინარე და სამომავლოდ დაგეგმილ ღონისძიებებზე.

„საქართველოს ხელისუფლება განსაკუთრებული ყურადღებით ეკიდება ოკუპირებულ რეგიონებში მცხოვრები ჩვენი მოქალაქეების ჯანმრთელობის მდგომარეობას და იღებს პასუხისმგებლობას თითოეული მათგანისთვის ხარისხიანი სამედიცინო მომსახურების უზრუნველყოფაზე,” - განაცხადა ირაკლი ბერაიამ.

აფხაზეთის ავტონომიური რესპუბლიკის მთავრობის მიერ განსაკუთრებული საჭიროების მქონე დევნილთა დახმარების ინიციატივის ფარგლებში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ თბილისში, ლიუბლიანას ქუჩაზე მდებარე კომპაქტურ ჩასახლებაში მცხოვრებ 70 წელს გადაცილებულ დევნილებს პირველადი მოხმარების სასურსათო პროდუქტი და სააღდგომო ნობათი გადასცა.

ღონისძებაში აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრი კონსტანტინე კუჭუხიძე, სამინისტროს წარმომადგენელი დავით ძალამიძე და დიდუბის რაიონის გამგებლის მოადგილე ლალი ჭელიძე მონაწილეობდნენ.

დღესვე აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს წარმომადგენლებმა კახეთის რეგიონში (თელავი, გურჯაანი, საგარეჯო) მცხოვრებ აფხაზეთიდან დევნილ 70 წელს გადაცილებულ ბენეფიციარებს სასურსათო პროდუქტი დაურიგეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აჭარის ავტონომიური რესპუბლიკის ჯანმრთელობისა და სოციალური დაცვის მინისტრ ზაალ მიქელაძესთან და აჭარის ავტონომიური რესპუბლიკის განათლების, კულტურისა და სპორტის მინისტრ მაია ხაჯიშვილთან ერთად ქობულეთისა და ბათუმის დევნილთა კომპაქტურ ჩასახლებებში იმყოფებოდა. მთავრობის თავმჯდომარემ კორონავირუსის გავრცელებასთან დაკავშირებით შექმნილი ვითარების გამო კოლექტიურ ჩასახლებებში მცხოვრებ 70 წელს გადაცილებულ პირებს, რომლებიც განსაკუთრებული რისკის ჯგუფს მიეკუთვნებიან პირველადი მოხმარების სასურსათო პროდუქტი და სააღდგომო ნობათი გადასცა.

აქციის ფარგლებში აფხაზეთის ავტონომიური რესპუბლიკის მთავრობის სასურსათო დახმარება აჭარის ავტონომიურ რესპუბლიკაში მცხოვრებმა 250 დევნილმა ბენეფიციარმა მიიღო.