ფინანსთა და ეკონომიკის სამინისტრო
ახალი ამბები
აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე ახალი სასწავლო წლის დაწყებასთან დაკავშირებით თბილისში, ზღვის უბანში მდებარე ვოვა ვეკუას სახელობის აფხაზეთის მე-3 საჯარო სკოლას ესტუმრა და მოსწავლეებს, პედაგოგებსა და მშობლებს სწავლის დაწყება მიულოცა.
„დღევანდელი დღე მინდა განსაკუთრებით პირველკლასელებს მოგილოცოთ. ეს არის თქვენი პირველი ნაბიჯები დიდი გზის დასაწყისში და გისურვებთ, რომ ეს გზა წარმატებით გაიაროთ, რადგან განათლება არის ის საფუძველი, რომელიც როგორც თითოეული თქვენგანის, ისე ჩვენი ქვეყნის მომავალს განსაზღვრავს” – აღნიშნა თენგიზ ნასარიძემ.
აფხაზეთის ავტონომიური რესპუბლიკის ფინანსთა და ეკონომიკის სამინისტროსა და სოხუმის სახელმწიფო უნივერსიტეტს შორის მემორანდუმი გაფორმდა
აფხაზეთის ავტონომიური რესპუბლიკის ფინანსთა და ეკონომიკის სამინისტროსა და სოხუმის სახელმწიფო უნივერსიტეტს შორის მემორანდუმი გაფორმდა.
ურთიერთთანამშრომლობის მემორანდუმს ხელი აფხაზეთის ავტონომიური რესპუბლიკის ფინანსთა და ეკონომიკის მინისტრმა თენგიზ ნასარიძემ და სოხუმის სახელმწიფო უნივერისტეტის რექტორმა თეა ჯუღელმა მოაწერეს.
მხარეებმა სამუშაო შეხვედრის ფარგლებში ასევე, აფხაზეთის ფინანსთა და ეკონომიკის სამინისტროსა და სოხუმის სახელმწიფო უნივერსიტეტს შორის თანამშრომლობის გაღრმავების შესაძლებლობები განიხილეს.
ყურადღება გამახვილდა აფხაზეთიდან დევნილი ახალგაზრდებისთვის სასწავლო პროცესების ხელშეწყობაზე, უნივერსიტეტში მიმდინარე სიახლეებზე, სამინისტროში არსებულ და დაგეგმილ პროგრამებში მათ ჩართულობაზე.
აფხაზეთის ფინანსთა და ეკონომიკის მინისტრი “აწარმოე საქართველოში” სააგენტოს დირექტორს შეხვდა
აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე “აწარმოე საქართველოში“ სააგენტოს დირექტორს მიხეილ ხიდურელს შეხვდა
შეხვედრის მონაწილეებმა აღნიშნეს, რომ თანამშრომლობის გაღრმავება და ერთობლივი ინიციატივების განხორციელება ხელს შეუწყობს აფხაზეთიდან დევნილი მეწარმეების ბიზნესის განვითარებასა და ეკონომიკურ გაძლიერებას.
ღონისძიებაში მონაწილეობდნენ აფხაზეთის ა/რ სავაჭრო-სამრეწველო პალატა და აფხაზეთიდან დევნილი მეწარმეები, რომლებმაც სტუმრებს თაფლისა და მეფუტკრეობის მრავალფეროვანი პროდუქცია და უნიკალური ხელნაკეთი სუვენირები წარუდგინეს.
ფესტივალი აჭარის მეფუტკრეობის ბიზნეს ასოციაციის ორგანიზებით გაიმართა, ღონისძიებას ასევე ესწრებოდნენ აფხაზეთის ა/რ ფინანსთა და ეკონომიკის მინისტრის მოადგილე მიხეილ ანჩაბაძე, საქართველოს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი და აჭარის სოფლის მეურნეობის მინისტრი დენის სალუქვაძე.
„შავი ზღვის თაფლის ფესტივალი“ ტრადიციულად აერთიანებს მეწარმეებს მთელი საქართველოდან და ხელს უწყობს როგორც მეფუტკრეობის დარგის პოპულარიზაციას, ისე ადგილობრივი წარმოების განვითარებასა და ცნობადობის გაზრდას.
აქტიური ტურისტული სეზონის გათვალისწინებით, ფესტივალს ადგილობრივ მოსახლეობასთან ერთად უამრავი უცხოელი სტუმარიც დაესწრო.
 |
|
აფხაზეთის ავტონომიური რესპუბლიკის ფინანსთა და ეკონომიკის მინისტრი თენგიზ ნასარიძე აჭარის ავტონომიური რესპუბლიკის სოფლის მეურნეობის მინისტრ დენის სალუქვაძეს შეხვდა.
შეხვედრაზე მხარეებმა აგრარული სექტორის განვითარების სტრატეგიებსა და თანამედროვე ტექნოლოგიების დანერგვის გამოცდილებაზე ისაუბრეს.
განსაკუთრებული ყურადღება გამახვილდა ინოვაციური მიდგომების გაზიარებასა და იმ შესაძლებლობებზე, რომლებიც ფერმერებისა და სოფლის მეურნეობის სფეროში დასაქმებულთა განვითარების პროცესს უზრუნველყოფს.
შეხვედრის მონაწილეებმა აღნიშნეს, რომ თანამშრომლობის გაღრმავება და ერთობლივი ინიციატივების განხორციელება მნიშვნელოვნად შეუწყობს ხელს, როგორც რეგიონული ეკონომიკის, ისე სოფლის მეურნეობის მდგრად განვითარებას.
აფხაზეთის ფინანსთა და ეკონომიკის მინისტრმა თენგიზ ნასარიძემ მუხათგვერდის ძმათა სასაფლაოზე, მთავრობის თავმჯდომარე გიორგი ჯინჭარაძესთან, უმაღლესი საბჭოს თავმჯდომარესთან ჯემალ გამახარიასთან, მთავრობის წევრებთან და უმაღლესი საბჭოს დეპუტატებთან ერთად 2008 წლის ომის 17 წლისთავთან დაკავშირებით, დაღუპულ გმირთა ხსოვნას პატივი მიაგო.
რუსეთ-საქართველოს 2008 წლის აგვისტოს ომიდან 17 წელი გავიდა. 5-დღიან საომარ მოქმედებებს 400-ზე მეტი ადამიანის სიცოცხლე შეეწირა, მათ შორის 170 – სამხედრო, შსს-ს 19 თანამშრომელი, 244 – სამოქალაქო პირი, დაიჭრა 2 234 ადამიანი, 26 000 კი დევნილად იქცა.