აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
აფხაზეთიდან დევნილები კოლეჯ „მოდუსში“ პროფესიული გადამზადების კურსს გაივლიან

აფხაზეთის ფინანსთა და დარგობრივი ეკონომიკის სამინისტროს მხარდაჭერით აფხაზეთიდან დევნილი ოთხი ბენეფიციარი კოლეჯ „მოდუსში“ პროფესიული გადამზადების ორთვიან კურსს გაივლის. დღეს, პროგრამის მონაწილეებს აფხაზეთის ფინანსთა და დარგობრივი ეკონომიკის მინისტრის მოადგილე გიორგი ჯინჭარაძე, ,,საერთაშორისო ინიციატივა განვითარებისა და თანადგომისათვის” დირექტორ ვახტანგ ფოჩხუათან ერთად შეხვდა და სასწავლო პირობებს ადგილზე გაეცნო. პროფესიული გადამზადების პროგრამა აფხაზეთის ფინანსთა და დარგობრივი ეკონომიკის სამინისტროს „საერთაშორისო ინიციატივა განვითარებისა და თანადგომისათვის“ და კოლეჯ „მოდუსი“-ს თანამშრომლობის ფარგლებში ხორციელდება. პროგრამის მიზანია დევნილი ბენეფიციარების სხვადასხვა პროფესიული მიმართულებით გადამზადება და მათი დასაქმების ხელშეწყობა.

ზუგდიდის ბოტანიკურ ბაღში ,,აფხაზეთის კუთხე" გაიხსნა

აფხაზეთის ფინანსთა და დარგობრივი ეკონომიკის სამინისტროსა და ზუგდიდის ბოტანიკურ ბაღს შორის გაფორმებული თანამშრომლობის მემორანდუმის ფარგლებში ,,აფხაზეთის კუთხე’’ გაიხსნა. მემორანდუმს ხელი აფხაზეთის ფინანსთა და დარგობრივი ეკონომიკის მინისტრმა ლევან თევზაიამ და ბოტანიკური ბაღის დირექტორმა ზვიად ქარჩავამ მოაწერეს. ხელმოწერის შემდეგ, აფხაზეთის ავტონომიური რესპუბლიკის მთავრობის თავმჯდომარემ, რუსლან აბაშიძემ , აფხაზეთის ფინანსთა და დარგობრივი ეკონომიკის მინისტრმა ლევან თევზაიამ და ზუგდიდის ბოტანიკური ბაღის ხელმძღვანელმა ზვიად ქარჩავამ აფხაზეთის ენდემური მცენარეთა ნერგები დარგეს. ლევან თევზაიას განცხადებით ,,აფხაზეთის კუთხის“ გახსნის მიზანია აფხაზეთის და მისი ბუნებრივი სიმდიდრის პოპულარიზაცია. ,,აღნიშნული პროექტი, სხვა მნიშვნელოვან საკითხებთან ერთად, ეკოცნობიერების ამაღლების მიზნით კლუბის „მწვანე დიპლომატიის“ შექმნასაც გულისხმობს, რომელიც მდინარე ენგურის ორივე მხრიდან ახალგაზრდებს გააერთიანებს. ამ პროექტს, ასევე გააჩნია უმნიშვნელოვანესი დატვირთვა ქართველებსა და აფხაზებს შორის შერიგებისა და დაახლოების პროცესში’’- განაცხადა ლევან თევზაიამ. ღონისძიებას მინისტრის მოადგილეები გიორგი ჯინჭარაძე და ელისო გვასალია, სამინისტროს პროგრამებისა და სერვისების სააგენტოს ხელმძღვანელი კახაბერ ბაბუნაშვილი ესწრებოდნენ. მინისტრმა პროგრამის განხორცილების პროცესში ჩართულ ყველა მონაწილეს თანამშრომლობისათვის მადლობა გადაუხადა.

დევნილი ახალგაზრდების პროფესიული გადამზადების კუთხით კოლეჯ ,, მოდუსში" სამუშაო შეხვედრა გაიმართა

დევნილი ახალგაზრდების პროფესიული გადამზადების კუთხით კოლეჯ ,, მოდუსში" სამუშაო შეხვედრა გაიმართა აფხაზეთის ფინანსთა და დარგობრივი ეკონომიკის მინისტრის მოადგილე გიორგი ჯინჭარაძე, ,,საერთაშორისო ინიციატივა განვითარებისა და თანადგომისათვის” დირექტორთან ვახტანგ ფოჩხუასთან ერთად, კოლეჯ „მოდუსს“ ესტუმრა და კოლეჯის წარმომადგენლებს შეხვდა. შეხვედრაზე მხარეებმა დევნილების პროფესიული გადამზადების კუთხით, ურთიერთთანამშრომლობის საკითხები და სამომავლო გეგმები განიხილეს. კერძოდ იგეგმება, ერთობლივად, დევნილი ბენეფიციარების გადამზადება სხვადასხვა პროფესიული მიმართულებებით და მათთვის დასაქმების ხელშეწყობის უზრუნველყოფა. პირველ ეტაპზე, “საერთაშორისო ინიციატივა განვითარებისა და თანადგომისათვის” მხარდაჭერით, კოლეჯ „მოდუსში“ შედუღების მიმართულებით 4 დევნილი ბენეფიციარს მიიღებს. მინისტრის მოადგილე კოლეჯის სპეციფიკას გაეცნო და არსებული ინფრასტრუქტურა დაათვალიერა.

ლევან თევზაიამ აფხაზეთის უმაღლეს საბჭოს სესიაზე სამინისტროს გასული წლის საქმიანობასა და სამომავლო გეგმებზე ისაუბრა

აფხაზეთის ფინანსთა და დარგობრივი ეკონომიკის მინისტრმა ლევან თევზაიამ ინტერპელაციის წესის შესაბამისად, აფხაზეთის ავტონომიური რესპუბლიკის უმაღლესი საბჭოს დეპუტატების მიერ დასმულ შეკითხვებს დეტალურად უპასუხა. მინისტრმა მიმოიხილა გასული წლის საქმიანობა, ისაუბრა დღეს არსებულ გამოწვევებსა და სამინისტროს სამომავლო სტრატეგიაზე. ასევე, სტრუქტურის მიერ უკვე განხორციელებულ პროექტებზე, მათ შედეგებსა და მიმდინარე პროგრამებზე. მან ბიუჯეტის ფორმირების საკითხზე მსჯელობისას ხაზი გაუსვა იმ ძირითად პრიორიტეტებს, რომელიც ბოლო სამი წლის განმავლობაში აფხაზეთის მთავრობის მიერ არის განსაზღვრული ,,ხარისხიანი ჯანდაცვა, დევნილთა სოციალური დაცვა, ეკონომიკური საქმიანობა, განათლება და კულტურა- სწორედ ამ მიმართულებების გათვალისწინებით ვხელმძღვანელობთ და დღესაც, აქტიურად ვმუშაობთ ბიუჯეტის ფორმირებაზე“-განაცხადა მინისტრმა. როგორც ლევან თევზაიამ თავის გამოსვლისას აღნიშნა, სამინისტროს მომავალი წლის ბიუჯეტი მიმართული იქნება დევნილთა სოციალური პირობების ხელშეწყობისა და დევნილი მეწარმეების მხარდაჭერაზე. ,,სამინისტრო კიდევ უფრო აქტიურად გააგრძელებს დევნილთათვის სხვადასხვა პროექტის შემუშავების პროცესში მხარდაჭერას, მათ შორის საერთაშორისო თუ არასამთავრობო ორგანიზაციებთან თანამშრომლობის კუთხითაც. ბოლო წლებში, მნიშვნელოვანი საფინანსო რესურსის გათვალისწინება ხდებოდა ბიზნეს-პროექტებზე და მომავალ წელსაც, პროგრამები ფოკუსირებული იქნება მეწარმეობის განვითარებისა და სამეწარმეო საქმიანობის ხელშეწყობაზე, აგრეთვე, სოციალური, ჯანდაცვის, კულტურისა და განათლების სფეროებში პროგრამების განხორციელებაზე. ჩვენი ამოცანაა დევნილთა და ოკუპირებულ ტერიტორიაზე მცხოვრები მოსახლეობის სოციალური პირობების უზრუნველყოფის ხელშეწყობა და მათთვის საწყისი ეკონომიკური შესაძლებლობების შექმნა“- განაცხადა ლევან თევზაიამ. მინისტრმა დეპუტატებს მოწვევისათვის მადლობა გადაუხადა და აღნიშნა, რომ - გუნდთან ერთად მაქსიმალური გაკეთდება უწყების ეფექტიანი მუშაობისთვ

აფხაზეთის ფინანსთა და დარგობრივი ეკონომიკის მინისტრის მოადგილე გიორგი ჯინჭარაძე ქუთაისში მდებარე ,,ბიზნეს-ინკუბატორს" ესტუმრა.

აფხაზეთის ფინანსთა და დარგობრივი ეკონომიკის მინისტრის მოადგილე გიორგი ჯინჭარაძე, მინისტრის მრჩეველთან მერაბ დგებუაძესთან ერთად ქუთაისში მდებარე ,,ბიზნეს-ინკუბატორს" ესტუმრა. გიორგი ჯინჭარაძე ,,ბიზნეს ინკუბატორი"-ს ახლადდანიშნულ დირექტორს ზაზა ჩაჩავას ,ცენტრის თანამშრომლებთან ერთად შეხვდა და მათ სამომავლო გეგმებს გაეცნო. ორგანიზაციის მიზანია აფხაზეთიდან დევნილიების სტაჟირების, კვალიფიკაციის ამაღლებისა და დასაქმების ხელშეწყობა. სამინისტრო გეგმავს ,,ბიზნეს ინკუბატორი“-ს აქტიურად ჩართულობას ამ მიმართულებით, სართაშორისო და ადგილობრივ პროექტებში მათი მონაწილეობის ხელშეწყობას.

გიორგი ჯინჭარაძე პროექტის „იყავი შენი ქვეყნის ახალგაზრდა ელჩი“ გამარჯვებულებს შეხვდა.

აფხაზეთის ფინანსთა და დარგობრივი ეკონომიკის მინისტრის მოადგილე გიორგი ჯინჭარაძე პროექტის „იყავი შენი ქვეყნის ახალგაზრდა ელჩი“ გამარჯვებულებს შეხვდა. ონლაინ ფორმატის შეხვედრა საქართველოს საგარეო საქმეთა სამინისტროში გაიმართა. გიორგი ჯინჭარაძემ სიტყვით გამოსვლისას ახალგაზრდა ელჩებს წარმატებები უსურვა. მან აფხაზეთის ჭრილში, სახალხო დიპლომატიის როლზე და ნდობის აღდგენის მიმართულებაზე გაამახვილა ყურადღება. ასევე, ისაუბრა ოკუპირებულ ტერიტორიებთან დაკავშირებულ გამოწვევებზე და ახალგაზრდებს მოუწოდა ამ მიმართულებით საზღვარგარეთ იაქტიურონ. ონლაინ-ღონისძიების მონაწილეებს მისასალმებელი სიტყვით მიმართა საქართველოს ვიცე-პრემიერმა, საგარეო საქმეთა მინისტრმა დავით ზალკალიანმა. ღონისძიების ფარგლებში, 2021 წლის პროექტის საგრანტო კონკურსის შედეგად შერჩეულმა ჩვიდმეტმა „ახალგაზრდა ელჩმა“ წარმოადგინა საკუთარი ინიციატივები და მათ მიერ განსახორციელებელი აქტივობების სამოქმედო გეგმა. პროგრამა ,,იყავი შენი ქვეყნის ახალგაზრდა ელჩი" საქართველოს საგარეო საქმეთა სამინისტროს ძალისხმევით და მიგრაციის პოლიტიკის განვითარების საერთაშორისო ცენტრის (ICMPD) მხარდაჭერით, ევროკავშირის მიერ დაფინანსებული პროექტის ‘’ENIGMMA 2’’-ის ფარგლებში ხორციელდება. პროგრამის მიზანია საზღვარგარეთ მცხოვრებ ქართველ ახალგაზრდებთან ინსტიტუციონალური ურთიერთობების დამყარება, ახალგაზრდობის სფეროში კულტურული, საგანმანათლებლო და სპორტული ღონისძიებების ჩატარება.

 

ლევან თევზაიამ 1992 წელს გაგრაში განვითარებული ტრაგიკული მოვლენების დროს დაღუპულთა ხსოვნას პატივი მიაგო

1992 წლის ოქტომბერში გაგრაში განვითარებულ ტრაგიკულ მოვლენებთან დაკავშირებით, აფხაზეთის ფინანსთა და დარგობრივი ეკონომიკის მინისტრმა ლევან თევზაიამ, აფხაზეთის მთავრობის თავმჯდომარე რუსლან აბაშიძესთან და მთავრობის სხვა წევრებთან ერთად , გმირთა მემორიალი გვირგვინით შეამკო და მათ ხსოვნას პატივი მიაგო. დღესვე, თბილისის ილორის წმინდა გიორგის სახელობის ეკლესიაში ტაძრის წინამძღვარმა დეკანოზმა ლევან ჯანაშიამ დაღუპულთა სულების მოსახსებელი პანაშვიდი გადაიხადა.

ლევან თევზაია სოფელ რუხში ხანდაზმულთა ზრუნვის ცენტრის გახსნას დაესწრო

მინისტრი ლევან თევზაია სოფელ რუხში ხანდაზმულთა ზრუნვის ცენტრის გახსნას დაესწრო დღეს, სოფელ რუხში ხანდაზმულთა ზრუნვის ცენტრმა “ჩემი მორდუ” ფუნქციონირება დაიწყო. პროექტი მნიშვნელოვანია იმითაც, რომ ის საოკუპაციო ხაზთან მდებარე სოფელში განხორციელდა და მისი სერვისებით სარგებლობას აფხაზეთიდან გადმოსული მოქალაქეებიც შეძლებენ. მოხუცთა და ბავშვთა ზრუნვის ცენტრი ხანდაზმულებს მულტიპროფილურ სერვისს შესთავაზებს, როგორიც არის დღის ცენტრის მომსახურება, შინმოვლის სერვისი და სათემო 24-საათიანი მომსახურება-თავშესაფარი. ამავე ცენტრში მოემსახურებიან ბავშვებს მოწყვლადი ოჯახებიდან. გახსნის ღონისძიებას ზუგდიდის მუნიციპალიტეტის მერის მოვალეობის შემსრულებელი კონსტანტინე კაკავა, მხარის გუბერნატორის პირველ მოადგილე ნინო ვიბლიანი და აფხაზეთის უმაღლესი საბჭოს თავმჯდომარე ჯემალ გამახარია ესწრებოდნენ. მულტიფუნქციური ცენტრი, საქველმოქმედო ჰუმანიტარული ცენტრი „აფხაზეთი“-ს (CHCA) ინიციატივით, აფხაზეთის ა/რ მთავრობის, ზუგდიდის მუნიციპალიტეტის მერიის, GIZ-სა და UNDP- ს ფინანსური მხარდაჭერით გაიხსნა.

ლევან თევზაიამ საქართველოს ტერიტორიული მთლიანობისთვის დაღუპულთა ხსოვნას პატივი მიაგო

აფხაზეთის ფინანსთა და დარგობრივი ეკონომიკის მინისტრმა ლევან თევზაიამ , აფხაზეთის მთავრობის თავმჯდომარესთან რუსლან აბაშიძესთან და მთავრობის სხვა წევრებთან ერთად ტერიტორიული მთლიანობისთვის დაღუპულთა ხსოვნას პატივი მიაგო. მინისტრი, სამების საკათედრო ტაძარში აფხაზეთის შეიარაღებული კონფლიქტის დროს დაღუპულთა სულების მოსახსენიებელ პანაშვიდსაც დაესწრო. დღესვე, ლევან თევზაიამ ეროვნული გმირების მამია ალასანიასა და მიხეილ ჯინჭარაძის საფლავები ყვავილებით შეამკო.

შეხვედრა აფხაზეთის ფინანსთა და დარგობრივი ეკონომიკის სამინისტროში

აფხაზეთის ფინანსთა და დარგობრივი ეკონომიკის მინისტრი ლევან თევზაია აფხაზეთის უმაღლესი საბჭოს თავმჯდომარის პირველ მოადგილეს თამაზ ხუბუას შეხვდა

შეხვედრაზე, მიმდინარე საკითხები, სამინისტროში დღეს არსებული გამოწვევები და სამომავლო გეგმები განიხილეს.

შეხვედრისას ასევე აღინიშნა, რომ მნიშვნელოვანია სამინისტროსა და აფხაზეთის ავტონომიური რესპუბლიკის უმაღლეს საბჭოს შორის იყო აქტიური თანამშრომლობა და კომუნიკაცია.

თამაზ ხუბუამ უმაღლესი საბჭოს სახელით, ახლადდანიშნულ მინისტრს მხარდაჭერა გამოუცხადა და სამომავლო საქმიანობაში წარმატებები უსურვა.

თავის მხრივ მინისტრმა აღნიშნა, რომ მაქსიმალურს გააკეთებს თავის გუნდთან ერთად უწყების ეფექტიანი მუშაობის, ახალი ინიციატივებისა და პროგრამების ხელშეწყობისთვის.

შეხვედრას მინისტრის მოადგილეები და სამინისტროს თანამშრომლები ესწრებოდნენ.

 

აფხაზეთის ა/რ ფინანსთა და დარგობრივი ეკონომიკის სამინისტროს მიერ 2021 წლის 6 თვის განმავლობაში გაწეული საქმიანობის ანგარიშის წარდგენა

აფხაზეთის ა/ რ ფინანსთა და დარგობრივი ეკონომიკის მინისტრმა - ივანე დოლიძემ აფხაზეთის ა/რ მთავრობის წარმომადგენლებს 2021 წლის 6 თვის განმავლობაში გაწეული საქმიანობის ანგარიში წარუდგინა.  სამინისტრო აქტიურად მუშაობდა სხვადასხვა  მიმართულებით, მათ შორის, ეკონომიკური და სოფლის მეურნეობის განხრით. საანგარიშო პერიოდში განხორციელდა სხვადასხვა პროგრამა:  

სოფელ ვაზიანში მოეწყო პურის საცხობი და სოციალური ცენტრი

შემუშავდა მეფუტკრეთა მხარდაჭერის პროგრამა და სხვა.

 თითოეული განხორციელებული პროექტი უშუალოდ მიმართული იყო დევნილი მოსახლეობის ეკონომიკური პირობების გაუმჯობესებისაკენ და ჩართული იყო არაერთი  საერთაშორისო ორგანიზაცია.

2021 წილს 6 თვეში გაწეული საქმიანობის წარდგენას ესწრებოდნენ: აფხაზეთის ა/რ მთავრობის თავმჯდომარე რუსლან აბაშიძე, მთავრობის თავმჯდომარის მოადგილე ანზორ მარგიანი, მთავრობის წევრები, აფხაზეთის მთავრობის აპარატის და აფხაზეთის ა/რ ფინანსთა და დარგობრივი ეკონომიკის სამინისტროს წარმომადგენლები.

აფხაზეთის ავტონიმიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე „USAID Zrda“-სპროექტის ხელმძღვანელ ქეთი ჭუმბურიძეს შეხვდა.

აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე „USAID Zrda“-ს პროექტის ხელმძღვანელ ქეთი ჭუმბურიძეს შეხვდა.

შეხვედრაზე სამინისტროსა და „USAID Zrda“-ს შორის ურთიერთთანამშრომლობის მემორანდუმი გაფორმდა, რომელსაც ხელი აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრმა ივანე დოლიძემ და „USAID Zrda“-ს პროექტის ხელმძღვანელმა ქეთი ჭუმბურიძემ მოწერეს. შეხვედრის მონაწილეებმა სამომავლო გეგმები და პარტნიორული ურთიერთობის გაღრმავების პერსპექტივები განიხილეს.

თანამშრომლობის ფარგლებში, „USAID/Zrda“-ს მხარდაჭერით სამეგრელო-ზემო სვანეთის რეგიონში, წალენჯიხის მუნიციპალიტეტის სოფელ ლიაში, ფახულანსა და ფოცხოეწერში მცხოვრები 5 დევნილი ფერმერისთვის სასათბურე მეურნეობა მოეწყობა. 

შეხვედრაზე „USAID Zrda“-ს ხელმძღვანელმა აფხაზეთის ფინანსთა და დარგობრივი ეკონომიკის სამინისტროს აფხაზურ ენაზე ლურჯი მოცვის სახელმძღვანელოები გადასცა.

 

აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროს შეხვედრა თურქეთის თანამშრომლობისა და საკორდინაციო სააგენტო ( TIKA)- სთან

22 ივნისს აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრმა - ივანე დოლიძემ შეხვედრა გამართა თურქეთის თანამშრომლობისა და საკორდინაციო სააგენტოს (TIKA), თბილისის საკოორდინაციო ოფისის კოორდინატორთან - ნეჯლა დემირდაღთან.

შეხვედრაზე მხარეებმა განიხილეს საკითხები, დევნილი მოსახლეობისათვის დაფნის პლანტაციისა და დაფნის ფოთლის გადამამუშავებელი საწარმოს შექმნის შესახებ. ასევე, განიხილეს TIKA-ს მიერ მეფუტკრეობით დაკავებული დევნილი მოსახლეობისათვის საჭირო ინვენტარის გადაცემა. 

შეხვედრას ასევე ესწრებოდნენ: (TIKA)-ს სათაო ოფისის აგრარული მიმართულების სპეციალისტი- სამი დური და აფხაზეთის ა/რ ფინანსთა და დარგობრივი ეკონომიკის სამინისტროს წარმომადგენლები

 

აფხაზეთის ავტონომიური რესპუბლიკის სავაჭრო სამრეწველო პალატისა და თურქეთის თანამშრომლობისა და კორდინაციის სააგენტოს (TIKA) ერთობლივი ღონისძიება გაიმართა

აფხაზეთის ავტონომიური რესპუბლიკის სავაჭრო სამრეწველო პალატისა და თურქეთის თანამშრომლობისა და კორდინაციის სააგენტოს (TIKA) თანამშრომლობით,  აფხაზეთიდან დევნილი სამედიცინო სფეროში მომუშავე მედდებისათვის ჩატარდა დისტანციური ტრენინგი თემაზე „შაქრიანი დიაბეტის მართვა“. ტრენინგში მონაწილეობდა აფხაზეთიდან დევნილი 19 პირი. პროგრამის ფარგლებში, ტრენინგის ხუთი მონაწილე შაქრიანი დიაბეტის მართვის კუთხით, პროფესიულ გადამზადებას გაივლის თურქეთის რესპუბლიკაში.

 

15 ივნისს,  ქ. თბილისში აღნიშნული ტრენინგის შემაჯამებელი ცერემონია გაიმართა. ღონისძიების ფარგლებში, ტრენინგის მონაწილეებს კვალიფიკაციის დამადასტურებელი სერტიფიკატები გადასცეს აფხაზეთის ა/რ ფინანსთა და დარგობრივი ეკონომიკის მინისტრმა - ივანე დოლიძემ და თურქეთის თანამშრომლობისა და კორდინაციის სააგენტოს (TIKA), თბილისის საკოორდინაციო ოფისის კოორდინატორმა - ნეჯლა დემირდაღმა.

 

ცერემონიაზე აღინიშნა მხარეებს შორის მჭიდრო თანამშრომლობა და ერთობლივად განხორციელებული პროექტები. ასევე, საუბარი შეეხო სამომავლო გეგმებს და თანამშრომლობის გაღრმავების პერსპექტივებს.

 

რეგიონებში მცხოვრები აფხაზეთიდან დევნილი მოსახლეობის სოციალურ - ეკონომიკურ მდგომარეობით საჭიროებებისა და მათი პრობლემების შესახებ ონლაინ შეხვედრა გაიმართა

 აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრის მოადგილემ - გიორგი ჯინჭარაძემ, ონლაინ შეხვედრა გამართა საქართელოში იაპონიის საელჩოს ეკონომიკური სექციის მდივანთან - თეონა მაჭარაშვილთან და პროგრამა „Grassroot”-ის საგრანტო კონსულტანტთან - მერი ჩაჩავასთან. შეხვედრაზე განხილული იყო რეგიონებში მცხოვრები აფხაზეთიდან დევნილი მოსახლეობის სოციალურ-ეკონომიკური მდგომარეობა, საჭიროებები და მათი პრობლემები. დისკუსიის ფორმატში, განსაკუთრებული აქცენტი გაკეთდა მოწყვლად რეგიონებში მცხოვრები აფხაზეთიდან დევნილი მოსახლეობის სოციალურ პრობლემებზე. შეხვედრაზე მონაწილეობა მიიღეს აფხაზეთის ა/რ მთავრობის აპარატის საერთაშორისო ურთიერთობათა და პროტოკოლის დეპარტამენტის უფროსმა - დავით გახარიამ და აფხაზეთის ა/რ ფინანსთა და დარგობრივი ეკონომიკის სამინისტროს ეკონომიკის სამმართველოს უფროსმა - ვასილ ბაბუნაშვილმა.