აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია მშვიდობის საერთაშორისო დღისადმი მიძღვნილ ღონისძიებას დაესწრო.

,,ახალგაზრდები მშვიდობისათვის" შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებით გაიმართა. ღონისძიების ფარგლებში, ყოველწლიური კონკურსის ,,მშვიდობის ჯილდო ახალგაზრდებისთვის" გამარჯვებულები დაჯილდოვდნენ.

დამსწრე საზოგადოებას მისასალმებელი სიტყვით სახელმწიფო მინისტრმა, თეა ახვლედიანმა, პარლამენტის თავმჯდომარემ, შალვა პაპუაშვილმა, პარლამენტის თავმჯდომარის პირველმა მოადგილემ, გიორგი ვოლსკიმ, საგარეო საქმეთა მინისტრის მოადგილემ, ხათუნა თოთლაძემ, განათლების, მეცნიერებისა და ახალგაზრდობის მინისტრის მოადგილემ, თამარ მახარაშვილმა და გაერო-ს მუდმივმა კოორდინატორმა საქართველოში დიდიე ტღებიუკიმ მიმართეს.

ღონისძიებას საქართველოს საკანონმდებლო და აღმასრულებელი ხელისუფლების, აფხაზეთის ავტონომიური რესპუბლიკის მთავრობისა და უმაღლესი საბჭოს წევრები, საქართველოში აკრედიტებული დიპლომატიური მისიებისა და საერთაშორისო ორგანიზაციების ხელმძღვანელები, აგრეთვე სამოქალაქო საზოგადოებისა და აკადემიური წრეების წარმომადგენლები და ახალგაზრდები ესწრებოდბენ.

შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა „მშვიდობის ჯილდო ახალგაზრდებისთვის“ 2021 წელს დააწესა. ჯილდო ყოველწლიურად გადაეცემათ ახალგაზრდებს, რომლებსაც, საქართველოს მთავრობის კონფლიქტის მშვიდობიანი მოგვარების პოლიტიკის მიზნებისა და ამოცანების გათვალისწინებით, საკუთარი საქმიანობითა და აქტივობით განსაკუთრებული წვლილი შეაქვთ მშვიდობის მშენებლობის და ომით გაყოფილ საზოგადოების წევრებს შორის შერიგებისა და ნდობის აღდგენის, ასევე კონფლიქტით დაზარალებულ მოსახლეობაზე ზრუნვის პროცესში.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე საქართველოში კორეის რესპუბლიკის საგანგებო და სრულუფლებიან ელჩ ჰიონდუ კიმს შეხვდა.

შეხვედრაზე მთავრობის თავმჯდომარემ აფხაზეთის ავტონომიური რესპუბლიკის მთავრობის საქმიანობის შესახებ ისაუბრა და ელჩს აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის ძირითადი გამოწვევები გააცნო. ყურადღება გაამახვილა ოკუპირებულ ტერიტორიაზე ადამიანის ფუნდამენტური უფლებების დარღვევის შემთხვევებზე.

გიორგი ჯინჭარაძემ კორეელ დიპლომატს მისი ქვეყნის მხრიდან საქართველოს ტერიტორიული მთლიანობისა და სუვერენიტეტის მხარდაჭერისთვის, ასევე ოკუპირებული ტერიტორიების არაღიარების პოლიტიკისთვის მადლობა გადაუხადა.

შეხვედრაზე მხარეებმა სხვადასხვა პრიორიტეტული მიმართულებებით თანამშრომლობის შესაძლებლობები განიხილეს.

აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ, საბერძნეთის დედაქალაქ ათენში, აფხაზეთიდან დევნილი 11-დან 15 წლამდე ახალგაზრდებისთვის საერთაშორისო ბანაკი მოაწყო.

ათენის საერთაშორისო ბანაკი სამ ნაკადად ჩატარდა, სადაც ჯამში 150-მა ახალგაზრდამ მიიღო მონაწილეობა. პროექტში აფხაზეთიდან დევნილებთან ერთად სოფელ ფერიაში მცხოვრები ეთნიკურად აფხაზი ახალგაზრდებიც მონაწილეობდნენ.

მოზარდები 14 დღის განმავლობაში მრავალფეროვან კულტურულ-შემეცნებით და გასართობ ღონისძიებაში მონაწილეობდნენ; მათთვის ასევე მოეწყო ექსკურსიები ათენის ისტორიულ ადგილებში. ბანაკების დახურვის საზეიმო ღონისძიებებზე ახალგაზრდებმა მოწვეულ სტუმრებს წარუდგინეს სპექტაკლი „ჰელადოს!“, შემოქმედებითი ნომრები, ქორეოგრაფიული და მუსიკალური პერფორმანსები.

ბანაკების დახურვის ღონისძიებებს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იძულებით გადაადგილებულ პირთა მინისტრი დავით ფაცაცია, აფხაზეთის უმაღლესი საბჭოს დეპუტატი ადა მარშანია, აფხაზეთის იძულებით გადაადგილებულ პირთა მინისტრის მოადგილე გიორგი ბულისკერია, აჭარის ავტონომიური რესპუბლიკის მთავრობისა და უმაღლესი საბჭოს წევრები ესწრებოდნენ.

პროექტი ახალგაზრდობის სააგენტოსა და აჭარის ავტონომიური რესპუბლიკის კულტურის სამინისტროს მხარდაჭერით, ასევე ქალაქ ათენის მერიასთან თანამშრომლობით გაიმართა და მისი მიზანს დევნილი ახალგაზრდებისთვის საერთაშორისო გამოცდილების მიღება, ახალი ცოდნისა და უნარების შეძენა, თანატოლებთან კომუნიკაცია და კულტურული გაცვლის შესაძლებლობის შექმნა წარმოადგენდა.

აფხაზეთის შეიარაღებული კონფლიქტის დროს სოხუმის ბაბუშერის აეროპორტში დატრიალებული ტრაგედიიდან 33 წელი გავიდა. ამ დღესთან დაკავშირებით, აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ, აფხაზეთის უმაღლესი საბჭოს თავმჯდომარე ჯემალ გამახარიასთან და ვეტერანების საქმეთა სახელმწიფო სამსახურის დირექტორ კობა კობალაძესთან ერთად, დიღმის ძმათა სასაფლაოზე დაღუპულთა ხსოვნას პატივი მიაგო.

„ჩვენი ვალია, რომ დავაფასოთ ჩვენი გმირები, ჩვენი მებრძოლები, რომლებმაც თავი მიუძღვნეს ჩვენს ქვეყანას. დღეს პატივს მივაგებთ მათ და ქედს ვიხრი მათი ხსოვნის წინაშე. ჩვენი ვალია ეს სულისკვეთება, ქვეყნის სიყვარული და პატრიოტიზმი ჩვენს მომავალ თაობას მეტი სიმტკიცით, ღირსებით გადავცეთ, რათა სულ მალე მოხდეს ჩვენი ტერიტორიების დეოკუპაცია და აფხაზ დებთან და ძმებთან ერთად მშვიდობიანი თანაცხოვრება“, - განაცხადა გიორგი ჯინჭარაძემ.

სასაფლაოზე, ასევე, აფხაზეთის მთავრობის წევრები, უმაღლესი საბჭოს დეპუტატები, ვეტერანების საქმეთა სახელმწიფო სამსახურის წარმომადგენლები და აფხაზეთის ომის ვეტერანები იმყოფებოდნენ.

1993 წლის 22 სექტემბერს, თვითმფრინავი, რომელიც თბილისიდან სოხუმში მიფრინავდა და რომლის ბორტზეც სამხედრო პოლიციის თანამშრომლები, სპეცდანიშნულების რაზმის წევრები, გვარდიის მებრძოლები, მოხალისეები, სამედიცინო მუშაკები და მშვიდობიანი მოქალაქეები იმყოფებოდნენ, რუსული საბრძოლო ხომალდებიდან ნასროლი რაკეტით ჩამოაგდეს. საჰაერო ხომალდი ბაბუშერის აეროპორტში დაეშვა და მთლიანად დაიწვა. თვითმფრინავში მყოფი 132 ადამიანიდან 108 დაიღუპა.

1992-1993 წლებში, აფხაზეთის ომში უგზო-უკვლოდ დაკარგულთა მოძიების საკითხების შესწავლის მიზნით შექმნილია ორმხრივი საკოორდინაციო ჯგუფი. მოლაპარაკებების შედეგად, წითელი ჯვრის საერთაშორისო კომიტეტის მხარდაჭერით ეტაპობრივად მიმდინარეობს ცხედრების მოძიება, იდენტიფიცირება და გადმოსვენება.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ სოხუმის სახელმწიფო უნივერსიტეტში ახლადჩარიცხულ პირველკურსელებს სწავლის დაწყება მიულოცა.

სწავლის პირველ დღეს სოხუმის სახელმწიფო უნივერსიტეტში პირველკურსელების საზეიმო მიღება გაიმართა. ღონისძიებას საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, აფხაზეთის უმღლესი საბჭოს თავმჯდომარე ჯემალ გამახარია, აფხაზეთის ა/რ იუსტიციისა და სამოქალაქო ინტეგრაციის მინისტრი ალიონა ჩხოტუა და უნივერსიტეტის პროფესორები ესწრებოდნენ.

მიწვეულმა სტუმრებმა უნივერსიტეტის ეზოში შეკრებილ სტუდენტებს სიტყვით მიმართეს, ახალი სასწავლო წლის დაწყება მიულოცეს, ერთიან ეროვნული გამოცდებზე საუკეთესო შედეგების მქონე სტუდენტებს სიმბოლური საჩუქრები გადასცეს და გამწვანების აქციის ფარგლებში, ხეების დარგვაში მიიღეს მონაწილეობა.

აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე, აჭარის ხელოვნების მუზეუმში „საერთაშორისო პლენერი მშვიდობისთვის 2026-ის“ შემაჯამებელ გამოფენას დაესწრო.

მუზეუმის საგამოფენო სივრცეში პლენერში მონაწილე 25 მხატვრის 70-მდე ნამუშევარი იყო წარმოდგენილი. პროექტში მონაწილეობა მიიღეს 11 ქვეყნის მხატვრებმა, რომლებმაც 3 დღის განმავლობაში „საერთაშორისო არტ-პლენერი მშვიდობისთვის’’ ფერწერული ნამუშევრები ღია ცის ქვეშ შექმნეს.

გამოფენაზე წარმოდგენილ ნამუშევრებში მშვიდობისა და ერთობის მნიშვნელოვანი გზავნილები იყო ასახული. ღონისძიება აფხაზეთის ა/რ იძულებით გადაადგილებულ პირთა სამინისტროსა და აჭარის ა/რ კულტურის სამინისტროს მხარდაჭერით გაიმართა.

შემაჯამებელ გამოფენას აფხაზეთის ა/რ იძულებით გადაადგილებულ პირთა მინისტრი დავით ფაცაცია, აჭარის ა/რ კულტურის მინისტრი ელისო ბოლქვაძე, აჭარის ა/რ უმაღლესი საბჭოს თავმჯდომარის მოადგილე რამაზ ჯინჭარაძე, აჭარის მუზეუმების გაერთიანების დირექტორი თეონა ზოიძე, კულტურის სფეროს წარმომადგენლები და სხვა მოწვეული სტუმრები ესწრებოდნენ.

აფხაზეთის იძულებით გადაადგილებულ პირთა სამინისტროს, აჭარის კულტურის სამინისტროს, საქართველოს და აფხაზეთის მხატვართა კავშირების მხარდაჭერით და შავი ზღვის ქვეყნების საერთაშორისო ორგანიზაცია „პლენერი-20“-ის ინიციატივით, აჭარის ხელოვნების მუზეუმში „საერთაშორისო პლენერი მშვიდობისთვის 2026-ის“ შემაჯამებელი გამოფენა გაიმართა.

მუზეუმის საგამოფენო სივრცეში პლენერში მონაწილე 25 მხატვრის 70-მდე ნამუშევარი იყო წარმოდგენილი, მათ შორის 12 უცხო ქვეყნისა და ქართველი 13 მხატვარი. პროექტში 11 ქვეყნის მხატვრები მონაწილეობდნენ, რომლებმაც 3 დღის განმავლობაში „საერთაშორისო არტ-პლენერი მშვიდობისთვის’’ ფერწერული ნამუშევრები ღია ცის ქვეშ შექმნეს.

შემაჯამებელი ექსპოზიცია აფხაზეთის იძულებით გადაადგილებულ პირთა მინისტრმა დავით ფაცაციამ, აჭარის კულტურის მინისტრმა ელისო ბოლქვაძემ, აჭარის უმაღლესი საბჭოს თავმჯდომარის მოადგილემ რამაზ ჯინჭარაძემ და აჭარის მუზეუმების გაერთიანების დირექტორმა თეონა ზოიძემ, პროექტის ორგანიზატორებთან ერთად გახსნეს.

“მინდა, კიდევ ერთხელ, დიდი პატივისცემითა და სიყვარულით გავუსვა ხაზი, რომ ეს საერთაშორისო პლენერი ჩვენთვის, აფხაზეთელებისთვის, ერთ-ერთი უმნიშვნელოვანესი კულტურული მოვლენაა. განსაკუთრებით მიხარია, რომ პროექტი აფხაზეთის მხატვართა კავშირის აქტიური მონაწილეობით ხორციელდება.

მჯერა, რომ ეს ნამუშევრები ჩვენი ქვეყნის მშვიდობის, ერთიანობის, განმტკიცების საქმეში თავის წვლილს შეიტანს და ძალიან მალე მსგავს ღონისძიებებს გაერთიანებულ საქართველოში - აფხაზეთში ჩავატარებთ.” - განაცხადა მინისტრმა დავით ფაცაციამ.

ღონისძიებას აფხაზეთის ავტონომიური რესპუბლიკის განათლებისა და კულტურის მინისტრის პირველ მოადგილე გური ბაქრაძე, აჭარის ავტონომიური რესპუბლიკის მთავრობისა და საზოგადოების სხვადასხვა სფეროს წარმომადგენლები ესწრებოდნენ.

საერთაშორისო პროექტი ტრადიციულ ხასიათს ატარებს და უკვე მე-6 წელია ტარდება.

აფხაზეთის ავტონომიური რესპუბლიკის ფინანსთა და ეკონომიკის სამინისტროს ორგანიზებით, აფხაზეთიდან დევნილი მოსახლეობისთვის, ზუგდიდის ტექნოპარკში, საინფორმაციო შეხვედრა გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ფინანსთა და ეკონომიკის მინისტრ თენგიზ ნასარიძესთან ერთად დაესწრო. მთავრობის თავმჯდომარემ დევნილ ბენეფიციარებს სოფლის მეურნეობის მიმართულებით დაგეგმილი სიახლეები და ახალი პროგრამა გააცნო, ასევე აფხაზეთის მთავრობის მხრიდან მხარდაჭერის გაძლიერებაზე ისაუბრა.

შეხვედრაზე მონაწილეებს გააცნეს აფხაზეთის ავტონომიური რესპუბლიკის ფინანსთა და ეკონომიკის სამინისტროს განხორციელებული და მოქმედი პროგრამები. განსაკუთრებული ყურადღება დაეთმო სოფლის მეურნეობის მიმართულებით განხორციელებულ მხარდაჭერას.

ღონისძიების მონაწილეებმა დევნილი ბენეფიციარებისთვის გადაცემული მოტობლოკები და სასოფლო-სამეურნეო ტექნიკა დაათვალიერეს. გიორგი ჯინჭარაძემ და თენგიზ ნასარიძემ პროგრამის მონაწილე ბენეფიციარებს შეხვდნენ და მათი საჭიროებები მოისმინეს.

ღონისძიებას აფხაზეთის მთავრობის წევრები და სამეგრელო-ზემო სვანეთის რეგიონის ადგილობრივი ხელისუფლების წარმომადგენლები ესწრებოდნენ.

ფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, მინისტრის პირველ მოადგილე გური ბაქრაძესთან ერთად, ზვიად ბოლქვაძის დირიჟორობითა და აფხაზეთის სახელმწიფო საგუნდო კაპელის მონაწილეობით გამართულ კლასიკური მუსიკის კონცერტს დაესწრო.

ღონისძიება საქართველოში ქრისტიანობის სახელმწიფო რელიგიად გამოცხადების 1700 წლის საიუბილეო აღნიშვნის ფარგლებში, კულტურის სამინისტროსა და შემოქმედებითი საქართველოს მხარდაჭერით გაიმართა.

საღამო ეროვნული სიმფონიური ორკესტრის აუდიტორიაში შედგა და მასში მონაწილეობა მიიღეს საფესტივალო ორკესტრმა, გურამ ყურაშვილის სახელობის აფხაზეთის სახელმწიფო საგუნდო კაპელამ, მოწვეულმა უცხოელმა მუსიკოსებმა და გუნდებმა; შესრულდა ლუდვიგ ვან ბეთჰოვენის მეხუთე სიმფონია, მორის რაველის საფორტეპიანო კონცერტი სოლ მაჟორი, აგრეთვე ზვიად ბოლქვაძის მონოლოგი, სოლისტი ანდრია ბოლქვაძე.

კონცერტს საქართველოს პარლამენტის კულტურის კომიტეტის თავმჯდომარე გიორგი გაბუნია, საქართველოს კულტურის სამინისტროს, აფხაზეთის ა/რ განათლებისა და კულტურის სამინისტროს, საპატრიარქოს წარმომადგენლები და სხვა მოწვეული სტუმრები დაესწრნენ.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, გორის სახელმწიფო უნივერსიტეტში, სამშვიდობო სწავლების ცენტრის გახსნის ღონისძიებას დაესწრო.

ცენტრი საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა და საქართველოს პარლამენტის თავმჯდომარის პირველმა მოადგილემ გიორგი ვოლსკიმ გახსნეს.

ღონისძიებაზე დამსწრე საზოგადოებას სიტყვით აფხაზეთის ა/რ განათლებისა და კულტურის მინისტრმა გიორგი ძაძამიამ მიმართა და ცენტრის მნიშვნელობაზე ისაუბრა. მინისტრმა, ასევე, ხაზი გაუსვა სამშვიდობო პროცესების მხარდაჭერაში საგანმანათლებლო რესურსებისა და ახალგაზრდების ჩართულობის აუცილებლობას.

გახსნის ცერემონიაზე მისასალმებელი სიტყვით გორის სახელმწიფო უნივერსიტეტის რექტორი ალექსანდრე მღებრიშვილი, საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია და საქართველოს პარლამენტის წევრი, აკადემიკოსი გიორგი სოსიაშვილი წარდგნენ.

ცენტრის მიზანი უნივერსიტეტისა და სხვა აკადემიური რესურსების გაერთიანება, სამშვიდობო განათლების ხელშეწყობა, ახალგაზრდებში ტოლერანტობის, ურთიერთპატივისცემისა და სამოქალაქო ცნობიერების გაძლიერებაა.

ახალი სივრცე სტუდენტებს, მკვლევრებს, საერთაშორისო ორგანიზაციებსა და სამოქალაქო საზოგადოების წარმომადგენლებს შესაძლებლობას მისცემს ითანამშრომლონ სამშვიდობო მიმართულებით, ასევე, ხელი შეუწყონ კონფლიქტების მშვიდობიანი მოგვარების საკითხებზე კვლევითი და საგანმანათლებლო საქმიანობის განვითარებას.

ღონისძიებას საკანონმდებლო, აღმასრულებელი და ადგილობრივი ხელისუფლების წარმომადგენლები, მეცნიერები, აკადემიკოსები და სხვა მოწვეული სტუმრები ესწრებოდნენ.

უნივერსიტეტის ბაზაზე პირველი სამშვიდობო ცენტრი 2022 წელს სამცხე-ჯავახეთის სახელმწიფო უნივერსიტეტში გაიხსნა. წელს აღნიშნულ ინიციატივას ბათუმის შოთა რუსთაველის სახელობის სახელმწიფო უნივერსიტეტი და სოხუმის სახელმწიფო უნივერსიტეტი შეუერთდნენ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს აფხაზეთის მომსახურების სააგენტოს ორგანიზებითა და აკვაპარკ „ჯინოს“ მხარდაჭერით, აკვაპარკის ტერიტორიაზე აფხაზეთიდან დევნილი ახალგაზრდებისთვის სხვადასხვა აქტივობა მოეწყო.

ღონისძიების ფარგლებში, სოციალურად დაუცველ, აფხაზეთიდან იძულებით გადაადგილებულ 85 ახალგაზრდას შესაძლებლობა ჰქონდა, დაესვენა და უფასოდ ესარგებლა აკვაპარკში მდებარე წყლის ატრაქციონებითა და გასართობი ობიექტებით.

ღონისძიების მიზანია აფხაზეთიდან დევნილი ახალგაზრდების წახალისება და მათი სპორტულ აქტივობებში ჩართვის ხელშეწყობა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია აფხაზეთიდან დევნილ, 102 წლის შუშანა ბენდელიანს შეხვდა. მინისტრმა ქალბატონს ჯანმრთელობა უსურვა და საჩუქრად აკორდეონი გადასცა.

„ბედნიერი ვარ, რომ შევძელით 100 წელს გადაცილებული ქალბატონის გახარება. ვუსურვებ მხნეობასა და ჯანმრთელობას. უფალმა ინებოს, რომ მალე ეს აკორდეონი ქალბატონ შუშანას აფხაზეთში - გაერთიანებულ საქართველოში აეჟღერებინოს.“ - განაცხადა დავით ფაცაციამ.

საჩუქარი აფხაზეთის ავტონომიური რესპუბლიკის მომსახურების სააგენტოს პროგრამის - „სოციალური სოლიდარობის“ ფარგლებში იქნა შეძენილი.

აღსანიშნავია, რომ მინისტრი დავით ფაცაცია შუშანა ბენდელიანს, პირველად ქალთა დღესასწაულების მილოცვისას შეხვდა. საუბრისას ქალბატონმა შუშანამ აღნიშნა, რომ მისი კუთვნილი მუსიკალური ინსტრუმენტი, რომელზეც ის ახალგაზრდობაში უკრავდა, 1990-იან წლებში აფხაზეთში განვითარებული ტრაგიკული მოვლენების შედეგად, ოკუპირებულ ტერიტორიაზე დარჩა. მოსმენილი ამბის შემდეგ მინისტრი მას ახალი აკორდეონის შეძენას დაჰპირდა.