აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი, ხონში, აფხაზეთიდან დროებით დევნილ ახალგაზრდებს შეხვდა. შეხვედრაში ხონის მუნიციპალიტეტის მერი ლადო ჯურხაძე და ხონის დევნილთა საინიციატივო ჯგუფის ხელმძღვანელი ბაჩანა ბასილაია მონაწილეობდნენ.

შეხვედრა კითხვა-პასუხის რეჟიმში წარიმართა, ლევან მგალობლიშვილმა ახალგაზრდების შეკითხვებს უპასუხა.

შეხვედრაზე ქვეყნის სამშვიდობო პოლიტიკასა და ამ პროცესში ახალგაზრდების ჩართულობის როლზე ისაუბრეს, ასევე საუბარი შეეხო აფხაზეთის ლეგიტიმური მთავრობის საქმიანობასა და პროექტებს, რომლებსაც აფხაზეთის მთავრობის უწყებები აფხაზეთიდან დროებით დევნილი ახალგაზრდებისთვის ახორციელებენ, მათ შორის განათლებისა და დასაქმების ხელშეწყობის მიმართულებით.

შეხვედრა აფხაზეთის ავტონომიური რესპუბლიკის მთავრობის ინიციატივითა და ხონის დევნილთა საინიციატივო ჯგუფის ორგანიზებით ჩატარდა.

აფხაზეთის ავტონომიური რესპუბლიკის განათლებისა და კულტურის მინისტრი დავით მორგოშია კაჭრეთის ამბასადორში, საქართველოს საცხენოსნო ხალხური თამაშობების განვითარების ეროვნული ფედერაციის ინიციატივით და აფხაზეთის კულტურის, სპორტის და ახალგაზრდულ საქმეთა სააგენტოს მხარდაჭერით, აფხაზეთის თასზე გამართულ საცხენოსნო შეჯიბრს დაესწრო, რომელშიც აფხაზეთიდან დევნილი მხედრებიც მონაწილეობდნენ.

დავით მორგოშიამ და აფხაზეთის კულტურის, სპორტის და ახალგაზრდულ საქმეთა სააგენტოს სპორტის მიმართულების ხელმძღვანელმა გიორგი ბერიანიძემ საპრიზო ადგილებზე გასულ ცხენოსნებს - ირაკლი ბეჟიტაშვილს და ლუკა აფციაურს თასები და მედლები გადასცეს.

საცხენოსნო შეჯიბრების გამართვა ახალგაზრდა თაობაში სპორტის ამ უძველესი სახეობის პოპულარიზაციას და ცხოვრების ჯანსაღი წესის დამკვიდრებას ისახავს მიზნად.

აფხაზეთის ავტონომიური რესპუბლიკის განათლებისა და კულტურის მინისტრმა  დავით მორგოშიამ აფხაზეთის ავტონომიური რესპუბლიკის უმაღლესი საბჭოს თავმჯდომარის პირველ მოადგილე თამაზ ხუბუას და აფხაზეთის ა/რ უმაღლესი საბჭოს საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილთან გაცნობითი ხასიათის შეხვედრა გამართა.

შეხვედრაზე მინისტრმა და დეპუტატებმა განათლების, კულტურისა და სპორტის განვითარებასთან დაკავშირებულ სამომავლო გეგმებსა და თანამშრომლობის გაღრმავების აუცილებლობაზე  ისაუბრეს.

ყურადღება გამახვილდა აფხაზეთის განათლებისა და კულტურის სამინისტროს ახალ ინიციატივებსა და მათი განხორციელების გზებზე.

დეპუტატებმა აღნიშნეს, რომ განათლება, კულტურა და სპორტი აფხაზეთის უმაღლესი საბჭოსთვის განსაკუთრებით პრიორიტეტული სფეროებია.

შეხვედრას ასევე ესწრებოდნენ აფხაზეთის განათლებისა და კულტურის  მინისტრის  მოადგილეები გიორგი ჯინჭარაძე და ნინო ლობჟანიძე, მინისტრის მრჩეველი ანა კიტია, განათლებისა და საგანმანათლებლო პროგრამების სამსახურის უფროსი ხათუნა შონია და აფხაზეთის უმაღლესი საბჭოს აპარატის უფროსი ზურაბ მებონია.

საქართველოს კულტურისა და სპორტის მინისტრმა თინათინ რუხაძემ მინისტრის მოადგილე მაკა გურგენიძესთან ერთად აფხაზეთის ავტონომიური რესპუბლიკის კულტურისა და განათლების მინისტრ დავით მორგოშიასთან სამუშაო შეხვედრა გამართა.

შეხვედრაზე საუბარი შეეხო კულტურის სფეროში თანამშრომლობის საკითხებს. საუბრისას გამოიკვეთა ინფრასტრუქტურული და სხვა სახის საკითხები, რომლებიც აწუხებს აფხაზეთის კულტურის სამინისტროს და დაისახა მათი მოგვარების გზები.

კულტურის მინისტრმა ყველა პრობლემის გადაწყვეტის გზების მოძიებაში დახმარებისთვის მზადყოფნა გამოთქვა.

აფხაზეთის ავტონომიური რესპუბლიკის მთავრობის თავმჯდომარის ინიციატივით დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებთან დაგეგმილი შეხვედრების ფარგლებში, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის იძულებით გადაადგილებულ პირთა მინისტრი დავით ფაცაცია დიდუბის რაიონის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდნენ.

შეხვედრაში, ასევე, მონაწილეობდნენ აფხაზეთის მთავრობის, დიდუბის რაიონის გამგეობისა და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები.

შეხვედრაზე დავით ფაცაციამ აფხაზეთიდან დევნილ მოქალაქეებს, აფხაზეთის მთავრობის მიერ დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების ჩართულობით განხორციელებული პროგრამები, მიმდინარე ეტაპზე დაგეგმილი პროექტები და სამომავლო გეგმები გააცნო.

ბინათმესაკუთრეთა ამხანაგობების წარმომადგენლებისგან მიღებული ინფორმაციების გათვალისწინებით, დევნილთა საჭიროებების შესაბამის სოციალურ, ინფრასტრუქტურულ და სხვა სახის პროექტები განხორციელდება.

აფხაზეთის მთავრობის მხარდაჭერითა და აფხაზეთის საინფორმაციო ანალიტიკური ცენტრის ინიციატივით, ცნობილი ჟურნალისტის, აფხაზეთში ქართული ტელევიზიის პირველი დირექტორის ალექსანდრე (საშა) ბერულავას სახელობის ჟურნალისტური პრემიის გამარჯვებულთა დაჯილდოება გაიმართა.

ჟურნალისტური პრემიის გამარჯვებულები სპეციალურმა კომისიამ ოთხ კატეგორიაში გამოავლინა.

სამაუწყებლო ან ელექტრონულ მედიაში გასული, აფხაზეთის თემაზე მომზადებული სიუჟეტი ან მულტიმედია ნამუშევარი - მამუკა ყუფარაძე, აფხაზეთის თემაზე მომზადებული საუკეთესო სტატია ბეჭდურ ან ელექტრონულ მედიაში - ლევან ურიდია, პრიზი მშვიდობის ჟურნალისტიკაში - გაიცემა საუკეთესო ჟურნალისტური ნაშრომისთვის, რომელიც ხელს უწყობს საქართველოში მომხდარი შეიარაღებული კონფლიქტების კონტექსტში ნდობისა და მშვიდობის აღდგენას - დეა ბაძაღუა და ჟურნალისტური საქმიანობა - აფხაზეთიდან დევნილი ჟურნალისტი - დალი ჯონჯუა (სიკვდილის შემდეგ).

გამარჯვებულები აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა, აფხაზეთის უმაღლესი საბჭოს თავმჯდომარე ჯემალ გამახარიამ, აფხაზეთის საინფორმაციო-ანალიტიკური ცენტრის დირექტორმა ეკა წივწივაძემ და საკონკურსო კომისიის თავმჯდომარე გულიადა ჭკადუამ დააჯილდოვეს.

ალექსანდრე ბერულავას მნიშვნელოვანი წვლილი მიუძღვის ქართული ჟურნალისტიკის განვითარებაში. ის იყო აფხაზეთში ქართული ტელევიზიის ერთ-ერთი დამფუძნებელი. ხანგრძლივი დროის განმავლობაში მუშაობდა გაზეთებში - „საბჭოთა აფხაზეთი“ და „აფხაზეთის რესპუბლიკა“. აფხაზეთის შეიარაღებული კონფლიქტის დროს ის სამხედრო კორესპონდენტად მუშაობდა, სოხუმის დაცემამდე კი იყო აფხაზეთის ავტონომიური რესპუბლიკის მთავრობის პრესცენტრის ხელმძღვანელი.

ალექსანდრე ბერულავა სოხუმის დაცემის დღეს აფხაზმა სეპარატისტებმა და ჩრდილოკავკასიელმა დაქირავებულმა მებრძოლებმა ჟიული შარტავასთან და მინისტრთა საბჭოს წევრებთან ერთად დახვრიტეს.

ალექსანდრე (საშა) ბერულავას სახელობის ჟურნალისტური პრემიის დაჯილდოება წელს პირველად გაიმართა, რომელიც ტრადიციად იქცევა და ყოველი წლის 11 ნოემბერს გაიმართება.

აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი საქართველოში ჩეხეთის საგანგებო და სრულუფლებიან ელჩს პეტრ კუბერნატს შეხვდა.

გაცნობით ხასიათის შეხვედრაზე ლევან მგალობლიშვილმა პეტრ კუბერნატს ჩეხეთის რესპუბლიკის დაარსების დღე მიულოცა.

შეხვედრის მიმდინარეობისას, მთავრობის თავმჯდომარემ დეტალურად ისაუბრა ოკუპირებული აფხაზეთის ტერიტორიაზე არსებულ ვითარებაზე, ადამიანის ფუნდამენტური უფლებების დარღვევის ფაქტებსა და თავისუფალ გადაადგილებაზე დაწესებული შეზღუდვებით შექმნილ გამოწვევებზე.

ელჩმა კიდევ ერთხელ დაადასტურა ჩეხეთის რესპუბლიკის მთავრობის მტკიცე მხარდაჭერა საქართველოს სუვერენიტეტის და ტერიტორიული მთლიანობის მიმართ.

ლევან მგალობლიშვილმა ჩეხ დიპლომატს წლების განმავლობაში დროებით დევნილი მოსახლეობის სასარგებლოდ განხორციელებული პროექტებისთვის მადლობა გადაუხადა.

მხარეები ურთიერთთანამშრომლობის სამომავლო გეგმებზე შეთანხმდნენ.

დასაქმების ხელშეწყობის სახელმწიფო სააგენტოს ორგანიზებით, იძულებით გადაადგილებული პირებისთვის დასაქმებაში ხელშეწყობის პროექტის განხორციელება დაიწყო.

2024 წლის 5-6 ნოემბერს გაიმართა ჟენევის საერთაშორისო მოლაპარაკებების 62-ე რაუნდი. მოლაპარაკებებზე საქართველოს დელეგაციას საგარეო საქმეთა მინისტრის პირველი მოადგილე ლაშა დარსალია ხელმძღვანელობდა. სამუშაო ჯგუფის შეხვედრებში აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი მონაწილეობდა.

შეხვედრაზე  ქართულმა  დელეგაციამ აქცენტი გააკეთა რუსეთის მიერ ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შეთანხმების შესრულების აუცილებლობასა და ოკუპირებული ტერიტორიებიდან იძულებით გადაადგილებული პირებისა და ლტოლვილების საკუთარ სახლებში დაბრუნების თემებზე, რაც ჟენევის საერთაშორისო მოლაპარაკებების დღის წესრიგის მთავარ საკითხებს წარმოადგენს.

მოლაპარაკებებზე საქართველოს დელეგაციამ ყურადღება გაამახვილა ოკუპირებულ რეგიონებში უსაფრთხოების, ჰუმანიტარული და ადამიანის უფლებების კუთხით შექმნილ მძიმე ვითარებაზე და საოკუპაციო რეჟიმების დესტრუქციული ქმედებებზე.

საოკუპაციო რეჟიმის წარმომადგენლებმა, მოლაპარაკების უმთავრესი საკითხის განხილვის დაწყებისთანავე, რომელიც შეეხება ოკუპირებული ტერიტორიებიდან იძულებით გადაადგილებულ პირთა და ლტოლვილთა საკუთარ სახლებში დაბრუნებას, ტრადიციულად დატოვეს მოლაპარაკებების მაგიდა.

ჟენევის საერთაშორისო მოლაპარაკებები შექმნილია ევროკავშირის შუამავლობით დადებული 2008 წლის 12 აგვისტოს ცეცხლის შეწყვეტის შესახებ შეთანხმების საფუძველზე და მის მთავარ განსახილველ საკითხებს ცეცხლის შეწყვეტის შეთანხმების შესრულება, იძულებით გადაადგილებულ პირთა და ლტოლვილთა საკუთარ სახლში უსაფრთხო და ღირსეულ დაბრუნება, რუსეთის ოკუპაციის შედეგად შექმნილი უსაფრთხოებისა და ჰუმანიტარული პრობლემები წარმოადგენს.

მოლაპარაკებები ევროკავშირის, გაეროსა და ეუთოს თანათავმჯდომარეობით და საქართველოს, რუსეთის ფედერაციისა და ამერიკის შეერთებული შტატების მონაწილეობით იმართება.

აფხაზეთის ავტონომიური რესპუბლიკის კულტურისა და განათლების მინისტრი დავით მორგოშია, აფხაზეთის მთავრობის თავმჯდომარე ლევან მგალობლიშვილთან და მთავრობის სხვა წევრებთან ერთად სოხუმის სახელმწიფო უნივერსიტეტს ეწვია.

შეხვედრას სოხუმის სახელმწიფო უნივერსიტეტის რექტორმა ზურაბ ხონელიძემ უმასპინძლა, სადაც აფხაზეთის მთავრობის თავმჯდომარემ და კულტურისა და განათლების მინისტრმა შეკრებილ პროფესორ-მასწავლებლებს  სიტყვით მიმართეს.

ლევან მგალობლიშვილმა სამშვიდობო პოლიტიკის განხორციელებაში განათლების როლზე და პროცესში ახალგაზრდების აქტიური ჩართულობის ხელშეწყობაზე ისაუბრა.

ყურადღება გამახვილდა ქართულ-აფხაზური ურთიერთობების გაღრმავებისა და განვითარების საკითხში სოხუმის სახელმწიფო უნივერსიტეტის მრავალწლიან და ნაყოფიერ საქმიანობაზე.

აფხაზეთის ავტონომიური რესპუბლიკის მთავრობის თავმჯდომარემ აკადემიური წრის წარმომადგენლებს მრავალწლიანი და ნაყოფიერი საქმიანობისთვის მადლობა გადაუხადა.

მხარეებმა თანამშრომლობის სამომავლო გეგმებზეც იმსჯელეს.