აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

მემორანდუმი ურთიერთთანამშრომლობის შესახებ

2020 წლის 26 თებერვალს აფხაზეთის ა/რ ფინანსთა და დარგობრივი ეკონომიკის სამინისტროსა და „ HR hub -ინოვაციური ჰაბი HR სფეროში“ შორის გაფორმდა მემორანდუმი ურთიერთთანამშრომლობის შესახებ.

მემორანდუმს ხელი მოაწერეს აფხაზეთის ა/რ ფინანსთა და დარგობრივი ეკონომიკის მინისტრმა ივანე დოლიძემ და შ.პ.ს „HR hub"- ის დირექტორმა ანა ნავდარაშვილმა.

მემორანდუმის ფარგლებში მხარეები გეგმავენ ერთობლივი ორგანიზებით დაგეგმილ ღონისძიებებსა და პროექტებში (დასაქმების ფესტივალები/ფორუმები/ტრენინგები) მაქსიმალური ჩართულობის საშუალებით, აფხაზეთიდან იძულებით გადაადგილებულ პირთათვის დასაქმების და საკადრო გადამზადების მიმართულებით ხელშეწყობას,

წარმომადგენლობა სან."გეოლოგში" მცხოვრებ დევნილებს კვლავ შეხვდა

2020 წლის 26 თებერვალს წყალტუბოში, სან."გეოლოგში" მცხოვრები აფხაზეთიდან  დევნილების მიერ  წყალტუბოში დევნილთათვის მშენებარე საცხოვრებელი კორპუსების მიმდებარე ტერიტორიაზე ბინების მიღების მოთხოვნით გამართული საპროტესტო აქციასთან დაკავშირებით,   წყალტუბოში დღის მეორე ნახევარში ადგილზე გავიდნენ წარმომადგენლობის თანამშრომლები. აქცია გაშუქდა მედია საშუალებებითა (ტელევიზია) და სოციალური ქსელის მეშვეობით. დევნილებთან გასაუბრებისას ითქვა, რომ ისინი კვლავ აპროტესტებენ მათთვის ბინების ქულებით გადაცემის საკითხს და შენობის ავარიული და ჯანმრთელობისათვის საშიში სანიტარული მდგომარეობის გამო (სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნა), ითხოვენ უპირობო, უალტერნატივო გაყვანას და საცხოვრებელი ფართებით დაკმაყოფილებას. დევნილებს მიეწოდა ინფორმაცია აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს მიერ (წარმომადგენლობის ჩართულობით) სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოსადმი საშუამდგომლო წერილის შესახებ. წერილში დეტალურად აისახა არსებული ვითარება და ის რომ სან. „გეოლოგში“ მცხოვრები დევნილები ითხოვენ სააგენტოს ხელმძღვანელთან შეხვედრას. მიმდინარე კვირაში მათ გამოეხმაურათ  სააგენტოს წარმომადგენლები, თუმცა მათთან შეხვედრის დროს შეთანხმება მაინც ვერ იქნა მიღწეული. დევნილების განცხადებით, სააგენტო კანონით განსაზღვრული კრიტერიუმებით გაყვანის პოზიციიდან საუბრობს, რაზეც დევნილები კატეგორიულ უარს აცხადებენ, ვინაიდან, შენობა ყოველ დღე ინგრევა, ცვივა სამშენებლო მასალები, სინესტე მეხუთე სართულამდეც კი აღწევს, კედლებზე ამოსულია სოკოები და შენობის ყველა სართულზე ნესტის სუნი დგას. აქციაზე გაჟღერდა, რომ დევნილები გადიან კონსულტაციებს სახალხო დამცველის აპარატთან საკითხის სასამართლო გზით გადაჭრის მიმართულებით, თუმცა, იმედი აქვთ საქმე აქამდე არ მივა და მათი სურვილის გათვალისწინება მოხდება დაუყოვნებლივ.

წარმომადგენლობა სამძიმარს უცხადებს წყალტუბოში სანატორიუმ "გეოლოგში" დაღუპულ   აფხაზეთიდან დევნილ ჯუმბერ ჩხეიძის ოჯახს.

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობა ღრმა მწუხარებას გამოთქვამს აფხაზეთიდან დევნილი ჯუმბერ ჩხეიძის გარდაცვალების გამო და თანაუგრძნობს გარდაცვლილის ოჯახს.    

  ჯუმბერ ჩხეიძე იყო აფხაზეთიდან, ოჩამჩირის რაიონი სოფ. არადუს მკვიდრი. დევნილობაში ცხოვრობდა  წყალტუბო, სან „გეოლოგში". როგორც შშმ პირი, წლების განმავლობაში    იყო წარმომადგენლობის „აფხაზეთის ავტონომიური რესპუბლიკის ოკუპირებული ტერიტორიიდან იძულებით დაგაადგილებულ პირთა - დევნილთა სოციალური დაცვის მიზნით ერთჯერადი დახმარების  გაცემის" პროგრამით გათვალისწინებული ერთჯერადი მატერიალური დახმარების მიმღები ყოველწლიური ბენეფიციარი.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი, დავით ფაცაცია, სასტუმრო ,,ბილტმორში,, , რელიგიის საკითხთა სახელმწიფო სააგენტოს მიერ წარდგენილ, 2018-2019 წლების ანგარიშის პრეზენტაციას დაესწრო.

სტუმრებს ანგარიში წარუდგინა რელიგიის საკითხთა სახელმწიფო სააგენტოს თავმჯდომარემ, ზაზა ვაშაყმაძემ, რომელმაც ისაუბრა ქვეყანაში რელიგიის თავისუფლების კუთხით არსებულ ვითარებასა და იმ ძირითად ღონისძიებებზე, რასაც სააგენტო ქვეყანაში რელიგიის თავისუფლების, შემწყნარებლური გარემოს განმტკიცებისთვის ახორციელებს. მან განსაკუთრებული ყურადღება გაამახვილა ოკუპირებულ ტერიტორიებზე, სადაც უხეშად ირღვევა მკვიდრი მოსახლეობის, ქართველების უფლებები რელიგიის, გამოხატვის, გადაადგილების თავისუფლების კუთხით. ასევე, ქართული ტაძრების მისაკუთრების, მათი თვითნებური გადაკეთების, დაზიანებისა და განადგურების ტენდენციაზე. სააგენტომ, ამავე ღონისძიებაზე საზოგადოებას წარუდგინა ფოტოალბომი, სახელწოდებით ,,რწმენა თავისუფლების აქტია“.

სააგენტოს თავმჯდომარის გამოსვლის შემდეგ, სტუმრებს სიტყვით მიმართეს საქართველოს პარლამენტის პირველმა ვიცე-სპიკერმა, გიორგი ვოლსკიმ, პრემიერ-მინისტრის აპარატის უფროსმა, გიორგი სახოკიამ, რუსეთთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ, თბილისის საპატიო მოქალაქემ, ჟურნალისტმა ჯამლეტ ხუხაშვილმა, რომლებმაც დადებითი შეფასება მისცეს რელიგიის სააგენტოს საქმიანობას და აღნიშნეს, რომ მას რელიგიის სააგენტოს საქმიანობას მნიშვნელოვანი წვლილი შეაქვს სახელმწიფოს რელიგიური პოლიტიკის, სახელმწიფოსა და რელიგიური ორგანიზაციების ურთიერთობების მოწესრიგების, ქვეყანაში ტოლერანტული რელიგიური გარემოს ჩამოყალიბების საქმეში.

კოტე ბასარია სოფელ რუხში კომპაქტურად ჩასახლებულ დევნილებს შეხვდა

კოტე ბასარია სოფელ რუხში კომპაქტურად ჩასახლებულ დევნილებს შეხვდა
სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი კოტე ბასარია ზუგდიდის მუნიციპალიტეტის სოფელ რუხში კომპაქტურად ჩასახლებულ აფხაზეთიდან დევნილებს შეხვდა და იქ არსებულ ვითარებას ადგილზე გაეცნო.

 

რუხის ინოვაციების ცენტრში მცირე მეწარმეებთან შეხვედრა გაიმართა

რუხის ინოვაციების ცენტრში მცირე მეწარმეებთან შეხვედრა გაიმართა

რუხის ინოვაციების ცენტრში აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრის მოადგილე ვალერი ბასარია და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი კოტე ბასარია აფხაზეთიდან დევნილ მცირე მეწარმეებს შეხვდნენ. მთავრობის წარმომადგენლებმა მეწარმეებს იმ პროგრამებსა და პროექტებზე მიაწოდეს ინფორმაცია, რომლებსაც აფხაზეთის ავტონომიური რესპუბლიკის მთავრობა მცირე ბიზნესის მხარდასაჭერად ახორციელებს.

 

რუსლან აბაშიძე რელიგიის საკითხთა სახელმწიფო სააგენტოს ანგარიშის პრეზენტაციას დაესწრო

სასტუმრო „ბილტმორში“ რელიგიის საკითხთა სახელმწიფო სააგენტოს 2018-2019 წლების ანგარიშის და ფოტოალბომის „რწმენა თავისუფლების აქტია“ პრეზენტაცია გაიმართა.

პრეზენტაციას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის მთავრობის ა(ა)იპ სულიერების ცენტრის დირექტორი ბესიკ სილაგაძე, საქართველოს აღმასრულებელი და საკანონმდებლო ხელისუფლების და საქართველოში მოქმედი რელიგიური  კონფესიების წარმომადგენლები ესწრებოდნენ.

სტუმრებს ანგარიში  რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძემ წარუდგინა. მან იმ ძირითად ღონისძიებებზე ისაუბრა, რასაც სააგენტო ქვეყანაში რელიგიის თავისუფლების, შემწყნარებლური გარემოს განმტკიცებისთვის ახორციელებს. განსაკუთრებული ყურადღება გაამახვილა ოკუპირებულ ტერიტორიებზე, სადაც მუდმივად ირღვევა ადგილობრივი მოსახლეობის უფლებები რელიგიის, გამოხატვის, გადაადგილების თავისუფლების კუთხით. ასევე, მან ქართული ტაძრების თვითნებური გადაკეთების და დაზიანების ტენდენციებზე ისაუბრა. სააგენტოს თავმჯდომარე  2018-2019 წლების საანგარიშო პერიოდში რელიგიის საკითხთა სახელმწიფო სააგენტოს მიერ განხორციელებულ უმნიშვნელოვანეს პროექტებს შეეხო.

ღონისძიების ფარგლებში მოეწყო ფოტოალბომის პრეზენტაცია, სადაც ასევე წარმოდგენილი იყო რელიგიური ლიტერატურა, შესამოსელი და სარიტუალო ინვენტარი, პუბლიკაციები რელიგიის თავისუფლების, რელიგიებისა და სახელმწიფოს ურთიერთობის თემატიკაზე.

 

აფხაზეთის ავტონომიური რესპუბლიკის განათლებისა და კულტურის სამინისტროში შიდა აუდიტორებისთვის პრაქტიკული ტრენინგი გაიმართა

საქართველოს ფინანსთა სამინისტროს სახელმწიფო შიდა კონტროლის დეპარტამენტის ,,ჰარმონიზაციის ცენტრის“ ინიციატივით, მიმდინარე წლის 24-25 თებერვალს აფხაზეთის ავტონომიური რესპუბლიკის განათლებისა და კულტურის სამინისტროში შიდა აუდიტორებისთვის პრაქტიკული ტრენინგი გაიმართა.

სამუშაო შეხვედრა აფხაზეთის ავტონომიური რესპუბლიკის აღმასრულებელი ხელისუფლების შიდა აუდიტორებისთვის, სისტემურ აუდიტთან დაკავშირებით შედგა. ტრენინგის ფარგლებში, შიდა აუდიტორები ახალ ტექნიკებსა და მიდგომებს დაეუფლენ. ტრენინგის მონაწილეებს ჰქონდათ შესაძლებლობა, რომ სისტემური აუდიტორული შემოწმების დამოუკიდებლად ჩატარების საერთაშორისო და ადგილობრივ პრაქტიკას გასცნობოდნენ.

ტრენინგს უძღვებოდნენ საქართველოს ფინანსთა სამინისტროს სახელმწიფო შიდა კონტროლის დეპარტამენტის ხელმძღვანელის მოადგილე ირმა გელანტია, საქართველოს ეკონომიკისა და მდგრადი განვითარების სამინისტროს შიდა აუდიტის დეპარტამენტის ხელმძღვანელის მოადგილე თამარ კალანდია და საქართველოს შინაგან საქმეთა სამინისტროს შიდა აუდიტორი პაატა ხინთიბიძე.

ტრენინგის დასასრულ, პრაქტიკული ტრენინგის მონაწილეებს გადაეცათ ჰარმონიზაციის ცენტრის მიერ შემუშავებული სისტემური აუდიტის სახელმძღვანელო, რაც სამომავლოდ აფხაზეთის ავტონომიური რესპუბლიკის აღმასრულებელი ხელისუფლების შიდა აუდიტის თანამშრომლებს მოქმედი კანონმდებლობის შესაბამისად სისტემური აუდიტის საქმიანობას გაუმარტივებს.

რუხის ინოვაციების ცენტრში მცირე მეწარმეებთან შეხვედრა გაიმართა

რუხის ინოვაციების ცენტრში აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრის მოადგილე ვალერი ბასარია და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი კოტე ბასარია აფხაზეთიდან დევნილ მცირე მეწარმეებს შეხვდნენ. მთავრობის წარმომადგენლებმა მეწარმეებს იმ პროგრამებსა და პროექტებზე მიაწოდეს ინფორმაცია, რომლებსაც აფხაზეთის ავტონომიური რესპუბლიკის მთავრობა მცირე ბიზნესის მხარდასაჭერად ახორციელებს.

დღესვე რუხის ინოვაციების ცენტრში შრომის საერთაშორისო ორგანიზაციის (ILO) ორგანიზებით დამწყები და მცირე მეწარმეებისთვის ტრეინინგი ,,დაიწყე და განავითარე შენი ბიზნესი" (SIYB) ჩატარდა. ტრეინინგში აფხაზეთიდან დევნილი ექვსი მცირე მეწარმე მონაწილეობდა. ღონისძიებას აფხაზეთის ავტონომიური რესპუბლიკის მთავრობის წარმომადგენლები ესწრებოდნენ.

ტრეინინგს სააგენტოს „აწარმოე საქართველოში“ ექსპერტები უძღვებოდნენ.  საგანმანათლებლო პროექტის მიზანია საქართველოს ყველა რეგიონში მიკრო და მცირე მეწარმეებისთვის ტრენინგების ჩატარება აღნიშნული სეგმენტის სტიმულირებისა და განვითარებისთვის. ტრეინინგის პროგრამა ბიზნეს იდეის შემუშავებას, ბიზნესის, მარკეტინგული და მენეჯმენტის გეგმების შედგენას, ფინანსურ დაგეგმვას და საწყისი კაპიტალის მოძიებას  მოიცავს.

საგანმანათლებლო პროექტი სააგენტო „აწარმოე საქართველოში“, სოფლის და სოფლის მეურნეობის განვითარების სააგენტოს, საქართველოს ინოვაციებისა და ტექნოლოგიების სააგენტოს და საქართველოს დამსაქმებელთა ასოციაციის ადგილობრივ მუნიციპალიტეტთან პარტნიორობით განხორციელდა.

იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატისა და სახალხო დამცველის წარმომადგენლებს შორის შეხვედრა გაიმართა

მიმდინარე წლის 25 თებერვალს საქართველოს სახალხო დამცველის აპარატის ოფისში, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატისა და სახალხო დამცველის წარმომადგენლებს შორის გაცნობითი ხასიათის შეხვედრა გაიმართა.   კომპეტენციის ფარგლებში შეხვედრას ესწრებოდნენ  სტრატეგიული კომუნიკაციების სამმართველოსა და ადამიანის უფლებათა სამმართველოს თანამშრომლები.   საუბარი  შეეხო  იძულებით გადაადგილებული პირებისა და  კონფლიქტის შედეგად ოკუპირებულ ტერიტორიაზე მცხოვრები მოსახლეობის  უფლებების დარღვევის ფაქტებს.  სამუშაო გამოცდილების გაზიარების მიზნით, განხილული იქნა შემდეგი მიმართულებები: დევნილთა განსახლების პრობლემა, საკუთრებაში გადაცემული ობიოექტების არასათანადო პირობები, ოკუპირებულ ტერიტორიაზე არსებული უძრავი ქონების რეგისტრაცია/აღრიცხვა, განათლების მიღების, ჯანდაცვისა და გადაადგილების საკითხები. ასევე, ომის ვეტერანთა უფლებრივი მდგომარეობა. მხარეები შეთანხმდნენ სამომავლო თანამშრომლობაზე.

კოტე ბასარიამ 1924 წლის აჯანყების დროს რეპრესირებულთა მემორიალი გვირგვინით შეამკო

საბჭოთა ოკუპაციის დღესთან დაკავშირებით სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის უფროსმა კოტე ბასარიამ თანამშრომლებთან ერთად 1924 წლის აჯანყების დროს რეპრესირებულთა მემორიალი გვირგვინით შეამკო.
1921 წლის თებერვალში კოჯრისა და ტაბახმელას მიდამოებში საბჭოთა საოკუპაციო ძალებთან საქართველოს თავისუფლებისთვის ბრძოლაში ქართველი იუნკერების დიდი ნაწილი გმირულად დაიღუპა.

როლანდ ნიჟარაძემ აფხაზეთის ა/რ მთავრობის წევრებთან ერთად საქართველოს დამოუკიდებლობისათვის ბრძოლაში გმირულად დაღუპული იუნკერების ხსოვნას პატივი მიაგო

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ და აფხაზეთის ა/რ მთავრობის სხვა წევრებმა კოჯორში საქართველოს დამოუკიდებლობისათვის ბრძოლაში გმირულად დაღუპული იუნკერების მემორიალი გვირგვინით შეამკეს და მათ ხსოვნას პატივი მიაგეს.

1921 წლის 25 თებერვალს საბჭოთა რუსეთის მე-11 არმია თბილისში შემოიჭრა, საქართველოს დედაქალი დაიკავა და საბჭოთა ხელისუფლება გამოაცხადა. ქვეყანამ სუვერენიტეტი დაკარგა.

აფხაზეთისა და სამაჩაბლოს ოკუპაცია იმ დღეების გაგრძელებაა, საქართველოს დამოუკიდებლობისათვის ბრძოლაში დაღუპულთა ხსოვნისთვის პატივის მიგება კი ტერიტორიების წართმევისადმი შეურიგებლობა.

რუსლან აბაშიძემ იუნკერების მემორიალი გვირგვინით შეამკო

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის ავტონომიური რესპუბლიკის მთავრობის წევრებთან ერთად საქართველოს დამოუკიდებლობისთვის ბრძოლაში გმირულად დაღუპული იუნკერების მემორიალი გვირგვინით შეამკო და მათ ხსოვნას პატივი მიაგო. 

„დღეს პატივს მივაგებთ იმ გმირებს, რომლებმაც თავი შესწირეს ჩვენი ქვეყნის დამოუკიდებლობას და ებრძოდნენ ოკუპაციას. სამწუხაროა, რომ ეს პროცესი დღესაც გრძელდება და კვლავ ქვეყნის მთავარ გამოწვევად რჩება. ამ პროცესს ჩვენ უნდა დავუპირისპიროთ ყველა ის მექანიზმი, რომელიც გათვალისწინებულია სამშვიდობო პოლიტიკით,“- განაცხადა რუსლან აბაშიძემ.

25 თებერვალი საბჭოთა ოკუპაციის დღეა. 1921 წლის თებერვალში კოჯრისა და ტაბახმელის მიდამოებში საბჭოთა საოკუპაციო ძალებთან საქართველოს თავისუფლებისთვის ბრძოლაში ქართველი იუნკერების დიდი ნაწილი გმირულად დაიღუპა.

წარმომადგენლობა სამუსაო ვიზიტით აჭარის რეგიონში იმყოფებოდა

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ბესიკ ჭანტურია, დევნილებთან ურთიერთობის, სოციალურ საკითხთა და რეგიონული მართვის სამსახურის უფროსი გიორგი ლეკვეიშვილი და წარმომადგენლობის თანამშრომლები თეიმურაზ წულაია, ლაშა გადილია და ნანა ჭანტურია აჭარაში, დევნილთა კომპაქტურად ჩასახლებულ ობიექტებში ("ბენზეს" დასახლება, ხახულის ქუჩაზე მდებარე ტექსკოლა) მცხოვრებ დევნილებს შეხვდნენ.  

წარმომადგენლობის მიერ დევნილებს მიეწოდათ ინფორმაციები აფხაზეთის ა/რ  მთავრობის, აფხაზეთის  ა/რ ჯანმრთლობისა და სოციალური დაცვის სამინისტროს, უშუალოდ წარმომადგენლობისა და ადგილობრივი თვითმმართველობების ბიუჯეტებით გათვალისწინებული სოციალური, მცირე სარემონტო  და სხვა პროგრამების შესახებ.  შეხვედრაზე    ხახულის ქუჩისა და "ბენზეს" დასახლებაში მცხოვრებმა დევნილებმა ორი პრობლემა წამოჭრეს. კერძოდ, ხახულის ქუჩაზე შენობის სარდაფი სადრენაჟე სისტემის არარსებობის გამო წყლითაა სავსე. მიუხედავად წარმომადგენლობის ჩართულობით ერთხელ წყლის ამოტუმბვისა, სარდაფი წვიმის წყლებით კვლავ ივსება. ასევე, "ბენზეს" დასახლებაში 22-ე კორპუსის სარდაფი წყლითაა სავსე, თუმცა ამ შემთხვევაში, გაურკვეველია წყლი წარმოქმნის მიზეზი. სავარაუდოდ, გამოწვეული უნდა იყოს მოსახლეობის წყალსაკანალიზაციო სისტემიდან გაჟონილი წყლებით. ასევე, ორივე დასახლებაში დგას რამდენიმე ბინის დაკანონების პრობლემა. ბ. ჭანტურიამ მოსახლეობას განუცხადა, რომ აღნიშნულ პრობლემებს დააყენებს ადგილობრივი და ზემდგომი სტრუქურების წინაშე და აქტიურად ჩაერთვება მათი მოგვარების საქმეში.

წარმომადგენლობის თანამშრომლებმა, აფხაზეთის ა/რ უმაღლესი საბჭოს თხოვნით ობიექტებზე, თვალსაჩინო ადგილზე გამოაკრეს საინფორმაციო ფურცლები, სადაც  მითითებულია  აფხაზეთის ა/რ უმაღლესი საბჭოს  საკონტაქტო ინფორმაცია (ოფიციალური  ფეისბუქ გვერდი და ცხელი ხაზი) და ასევე დევნილი მოსახლეობის კანონიერი უფლებების დაცვისა და მზაობა მათ წინაშე წამოჭრილი საკითხების გადაწყვეტის საქმეში  დახმარების გასაწევად.

შეხვედრაზე, ამავდროულად, მოისმინეს დევნილი მოსახლეობის სხვა პრობლემების შესახებაც  და  დაისახა გზები მათი მოგვარებისათვის.

წარმომადგენლობა ლანჩხუთის მუნიციპალიტეტის სოციალური სამსახურის თანამშრომლებს შეხვდა

იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ბესიკ ჭანტურია, დევნილებთან ურთიერთობის, სოციალურ საკითხთა და რეგიონული მართვის სამსახურის უფროსი გიორგი ლეკვეიშვილი და წარმომადგენლობის უფროსი სპეციალისტი თეიმურაზ წულაია ლანჩხუთის მუნიციპალიტეტის სოციალური სამსახურის უფროსს თამარ ფირცხალაიშვილს და უფროს სპეციალისტს (დევნილების მიმართულებით)  ნათია ორაგველიძეს შეხვდენენ. წარმომადგენლობამ მათ გააცნო აფხაზეთის ავტონომური რესპუბლიკის 2020 წლის ბიუჯეტით გათვალისწინებული სოციალური, ჯანმრთელობის, მცირე რემონტების, განათლებისა და სხვა პროგრამები. ასევე, მათგან მიიღეს ინფორმაციები ლანჩხუთის მუნიციპალიტეტის პროგრამების შესახებ და ამ პროგრამებში დევნილთა ჩართულობასა და დაფინანსების კრიტერიუმებზე.