აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის საჯარო სკოლებში აფხაზური ენის კვირეული მიმდინარეობს

აფხაზური ენის დღე 2007 წლიდან 27 ოქტომბერს აღინიშნება. აფხაზეთის ავტონომიური რესპუბლიკის მთავრობა აფხაზეთის ა/რ განათლებისა და კულტურის სამინისტროსთან ერთად ამ დღეს წლეულსაც ტრადიციულად კვირეულის სახით ეხმაურება. აფხაზური ენისადმი მიძღვნილი კვირეული 2017 წლის 23 ოქტომბერს დაიწყო და 27 ოქტომბრამდე გასტანს. კვირეულის ფარგლებში აფხაზეთის საჯარო სკოლებში სხვადასხვა სახის ღონისძიება - კალიგრაფიის და მხატვრული კითხვის კონკურსები, გამოფენები და ა. შ. იმართება.

 აფხაზეთის  № 2 საჯარო სკოლაში აფხაზური ენის კვირეული საინტერესოდ და მრავალფეროვნად ტარდება.  თავდაპირველად ქართული ენისა (ლელა თოდუა) და აფხაზური ენის (დარეჯან თაყაიშვილი) პედაგოგებმა მოსწავლეებთან ერთად გამართეს დისკუსია თემაზე „ქართული და აფხაზური ლიტერატურული ნაწარმოებების შედარებითი ანალიზი“.  ქართული ენის პედაგოგმა ლელა თოდუამ ისაუბრა ქართველ მწერლებზე, რომელთა ნაწარმოებებში აღწერილია ქართულ-აფხაზური ტრადიციები (აკ. წერეთლის „გამზრდელი“, ლ. ქიაჩელის „ჰაკი აძბა“, კ. გამსახურდიას „მთვარის მოტაცება“, შ. ნიშნიანიძის „აფხაზური კანტატა“). ამავე დროს მოსწავლეებმა წაიკითხეს ვაჟა ფშაველას ლექსები აფხაზურ ენაზე. დისკუსიის დროს მოსწავლეებმა პედაგოგებთან ერთად იმსჯელეს ქართულ-აფხაზურ ნაწარმოებებში სხვადასხვა თემის მსგავსება-განსხვავებაზე.

„საუბრები აფხაზურ ფოლკლორზე“ – (აფხაზური ხალხური სიმღერებისა და საკრავების მაგალითზე) - ამ თემით გაგრძელდა აფხაზეთის მეორე საჯარო სკოლაში აფხაზური ენის კვირეული.  სკოლის მუსიკის პედაგოგმა ზურაბ კვერნაძემ ვრცლად ისაუბრა აფხაზური ფოლკლორის, აფხაზური ხალხური საკრავების მნიშვნელობაზე. მან განსაკუთრებით ხაზი გაუსვა აფხაზური ფოლკლორისა და აფხაზური ხალხური მუსიკალური საკრავების შექმნის ისტორიას. აღსანიშნავია, რომ შეხვედრა კითხვა-პასუხის რეჟიმში წარიმართა და პედაგოგმა მოსწავლეების მიერ დასმულ შეკითხვებს ამომწურავად უპასუხა. შეხვედრის ბოლოს მოსწავლეებმა აფხაზური ხალხური სიმღერები შეასრულეს. გარდა ამისა, მოსწავლეებმა კვირეულის ფარგლებში აფხაზურ ენაზე შექმნეს საინტერესო კალიგრაფიული ნამუშევრები, რომელსაც 27 ოქტომბერს აფხაზეთის ა/რ განათლებისა და კულტურის სამინისტროში დასკვნით საღამოზე გამოფენენ.

 სენაკში, თემურ ბოკუჩავას სახელობის აფხაზეთის N7 საჯარო სკოლაში აფხაზური ენის კვირეული აფხაზური ენის სწავლების მნიშვნელობაზე საუბრით გაიხსნა. ეს სკოლა ერთ-ერთი იმათგანია, სადაც საშუალო საფეხურის მოსწავლეები აფხაზურ ენას ეუფლებიან. მათ კვირეულის ფარგლებში წარმოადგინეს ლიტერატურული კომპოზიცია - „ერთად ჟღერდეს ჩონგური და აფხიარცა“. კომპოზიცია მოიცავდა ქართველი პოეტების აფხაზეთისადმი მიძღვნილ ლექსებსა და სკოლის ქორეოგრაფიული ანსამბლის მონაწილეობით შესრულებულ აფხაზურ და ქართულ ცეკვებს. მათ ასევე აფხაზურ ენაზე დადგეს აკაკი წერეთლის "გამზრდელი".

 აფხაზური ენის კვირეული 27 ოქტომბერს დასრულდება. მოსწავლეები დიმიტრი გულიას ძეგლთან წაიკითხავენ ლექსებს აფხაზურ ენაზე. იმავე დღეს, 14.00.სთ ვალერი არქანიას სახელობის არტ გალერეაში (უზნაძის ქ. 68) გაიმართება აფხაზეთის თემატიკისადმი მიძღვნილი, ასევე აფხაზურ ენაზე გამოცემული წიგნების გამოფენა, აფხაზეთის მე-2 საჯარო სკოლის მოსწავლეები კი წარმოადგენენ მუსიკალურ კომპოზიციას.

 

 

 

 

 

აფხაზური ენის დღესთან დაკავშირებით აფხაზეთის ავტონომიური რესპუბლიკის მთავრობის მიერ დაგეგმილი ღონისძიებები

აფხაზეთის საჯარო სკოლებში აფხაზური ენის ტრადიციული კვირეული გრძელდება. კვირეულის ფარგლებში, 23 ოქტომბრიდან 27 ოქტომბრის ჩათვლით, ტარდება სხვადასხვა სახის ღონისძიებები: კონკურსები კალიგრაფიასა და მხატვრულ კითხვაში, გამოფენები.

  • თბილისში, ჯუმბერ ბეთაშვილის სახელობის აფხაზეთის N2 საჯარო სკოლაში, გაიმართა დისკუსია თემაზე „ქართული და აფხაზური ლიტერატურული ნაწარმოებების შედარებითი ანალიზი". ქართული და აფხაზური ენის პედაგოგებმა მოსწავლეებთან ერთად წარმოადგინეს ვაჟა-ფშაველას პოეზიის აფხაზური თარგმანები, ისაუბრეს ქართველ მწერლებზე, რომელთა ნაწარმოებებში აღწერილია ქართულ-აფხაზური ტრადიციები (აკ. წერეთლის „გამზრდელი; ლ. ქიაჩელის „ჰაკი-აძბა"; კ. გამსახურდიას „მთვარის მოტაცება", შ. ნიშნიანიძის „აფხაზური კანტატა"). დისკუსიის დროს მოსწავლეებმა პედაგოგებთან ერთად იმსჯელეს ქართულ-აფხაზურ ნაწარმოებებში სხვადასხვა თემის მსგავსება-განსხვავებაზე, სხვადასხვა ენობრივ საკითხზე.
  • სენაკში, თემურ ბოკუჩავას სახელობის აფხაზეთის N7 საჯარო სკოლაში, აფხაზური ენის კვირეული აფხაზური ენის სწავლების მნიშვნელობაზე საუბრით გაიხსნა. აღნიშნულ სკოლაში საშუალო საფეხურის მოსწავლეები აფხაზურ ენას ეუფლებიან. მოსწავლეებმა კვირეულის ფარგლებში წარმოადგინეს ლიტერატურული კომპოზიცია - „ერთად ჟღერდეს ჩონგური და აფხიარცა". კომპოზიცია მოიცავდა ქართველი პოეტების აფხაზეთისადმი მიძღვნილ ლექსებსა და სკოლის ქორეოგრაფიული ანსამბლის მონაწილეობით შესრულებულ აფხაზურ და ქართულ ცეკვებს.
  • აფხაზური ენის კვირეული 27 ოქტომბერს დასრულდება. მოსწავლეები დიმიტრი გულიას ძეგლთან ლექსებს აფხაზურ ენაზე წაიკითხავენ. იმავე დღეს, 14:00 საათზე ვალერი არქანიას სახელობის არტ გალერეაში (უზნაძის ქ. 68) გაიმართება აფხაზეთის თემატიკისადმი მიძღვნილი, ასევე,  აფხაზურ ენაზე გამოცემული  წიგნების გამოფენა,  აფხაზეთის მე-2 საჯარო სკოლის  მოსწავლეები  კი წარმოადგენენ მუსიკალურ კომპოზიციას.

აფხაზეთის ავტონომიური რესპუბლიკის მთავრობასა და „სხივური მედიცინის ცენტრს“ შორის ურთიერთთანამშრომლობის მემორანდუმი გაფორმდა

 „სხივური მედიცინის ცენტრში"  აფხაზეთის ავტონომიური რესპუბლიკის მთავრობასა და შპს „სხივური მედიცინის ცენტრს" შორის ურთიერთთანამშრომლობის მემორანდუმი გაფორმდა.

მემორანდუმს ხელი მოაწერეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და შპს „სხივური მედიცინის ცენტრის" დირექტორმა ბესიკ სურგულაძემ.

მემორანდუმის ხელმოწერას ესწრებოდნენ აფხაზეთის ა/რ ჯანმრთელობისა და სოციალური დაცვის მინისტრი ქეთევან ბაკარაძე, აფხაზეთის ა/რ მთავრობის თავმჯდომარის თანაშემწე ჯანდაცვის საკითხებში მანონ გოგუა, კლინიკის მარკეტინგის სამსახურის უფროსი ნანა უბილავა და კლინიკის თანამშრომლები.

ურთიერთთანამშრომლობის მემორანდუმი ითვალისწინებს 2018 წლის 30 დეკემბრამდე იძულებით გადაადგილებული პირებისთვის უფასო ამბულატორიული და საკონსულტაციო დახმარების გაწევას. მოქალაქეებს დაურიგდებათ სასაჩუქრე ვაუჩერები, რომლის საფუძველზეც კლინიკა აფხაზეთიდან დევნილებს წინასწარ შეთანხმებული გრაფიკით უფასო სამედიცინო გამოკვლევებს ჩაუტარებს.

ცენტრში არსებული აპარატურა საშუალებას იძლევა ადრეულ სტადიაზე მოხდეს სიმსივნის დიაგნოსტიკა და მისი მკურნალობა. ამბულატორიულ მკურნალობასთან ერთად, ასევე, კლინიკა პაციენტებს ბირთვული მედიცინის კუთხით სტაციონარულ მკურნალობასაც სთავაზობს.

ურთიერთთანამშრომლობის მემორანდუმის მიზანია აფხაზეთიდან დევნილი მოსახლეობის ჯანმრთელობის მდგომარეობის გაუმჯობესებისათვის ხელშეწყობა.

ვახტანგ ყოლბაია საქართველოში სლოვაკეთის საგანგებო და სრულუფლებიანი ელჩის მოვალეობის შემსრულებელს რუდოლფ მიხალკას შეხვდა

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში სლოვაკეთის საგანგებო და სრულუფლებიანი ელჩის მოვალეობის შემსრულებელს რუდოლფ მიხალკას შეხვდა. შეხვედრას აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერია ბასარია ესწრებოდა.

თავმჯდომარემ სლოვაკ დიპლომატს მიაწოდა ინფორმაცია აფხაზეთში არსებული მდგომარეობის შესახებ, მათ შორის ადამიანის უფლებების დარღვევის ფაქტებსა და სოფლის მეურნეობის სფეროში აზიური ფაროსანას მიერ ადგილობრივი მოსახლეობისთვის მიყენებული ზარალის შედეგებზე. ისაუბრეს აფხაზეთიდან იძულებით გადაადგილებულ პირთა სოციალურ-ეკონომიკური პირობების გაუმჯობესების კუთხით განსახორციელებელ სამომავლო გეგმებსა და შესაძლო ერთობლივი პროექტებზე, მათ შორის სოფლის მეურნეობის მიმართულებით. აგრეთვე ტექნიკური მიმართულების სპეციალისტებისთვის სლოვაკეთის რესპუბლიკაში ტრეინინგების ჩატარების შესაძლებლობაზე.

თავის მხრივ სლოვაკეთის ელჩის მოვალეობის შემსრულებელმა კიდევ ერთხელ დაადასტურა სლოვაკეთის მთავრობის მტკიცე მხარდაჭერა არაღიარებისა და ტერიტორიული მთლიანობის პოლიტიკის მიმართ.

კულტურის ცენტრ „კონგრეს-ჰოლში“ ვეტერანთა დღისადმი მიძღვნილი საღამო გაიმართა

აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის უმაღლესი საბჭოსა და ვეტერანების საქმეთა სახელმწიფო სამსახურის ორგანიზებით, ბიზნეს ცენტრ „მოზაიკას“ კონგრეს-ჰოლში ვეტერანთა დღისადმი მიძღვნილი საღამო გაიმართა.

„ვეტერანების დღე“ 2014 წლის 17 ოქტომბერს ვეტერანების საქმეთა სახელმწიფო სამსახურის ინიციატივით დაწესდა.

საღამოში მონაწილეობდნენ აფხაზეთის გურამ ყურაშვილის სახელობისსახელმწიფო საგუნდო კაპელა, აფხაზეთის სიმღერისა და ცეკვის სახელმწიფო ანსამბლი „აფხაზეთი", საქართველოს შეიარაღებული ძალების ვეტერან-ოფიცერთა კავშირის ანსამბლი „მშვიდობა", მომღერლები ირმა სოხაძე, ინგა ბერაძე, გიგი გეგელაშვილი და თაკო ოქროპირიძე.

ვეტერანებს ეს დღე მიულოცეს და სიტყვით მიმართეს საქართველოს პარლამენტის თავმჯდომარის მოადგილემ გიორგი ვოლსკიმ, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარემ ელგუჯა (გია) გვაზავამ, ვეტერანების საქმეთა სახელმწიფო სამსახურის დირექტორის მოადგილემ ჯანდრი უბირიამ და სოხუმის სახელმწიფო უნივერსიტეტის სტუდენტმა ქრისტინე ჩაჩუამ.

 საღამოს ასევე ესწრებოდნენ საქართველოს დაზვერვის სამსახურის უფროსი დავით სუჯაშვილი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე პეტრე კანკავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე გოგი ფაცაცია, აფხაზეთის ვეტერანთა კავშირის თავმჯდომარე ზურაბ შამუგია, ჩუღურეთის რაიონის გამგებელი ზურაბ ჩიკვილაძე, სოხუმის სახელმწიფო უნივერსიტეტის რექტორი ზურაბ ხონელიძე, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, ომის ვეტერანები და დევნილი საზოგადოება ესწრებოდნენ.

„კონგრეს-ჰოლში“, ვეტერანთა დღისადმი მიძღვნილი საღამო გაიმართა

აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის უმაღლესი საბჭოსა და ვეტერანების საქმეთა სახელმწიფო სამსახურის ორგანიზებით ბიზნეს ცენტრ „მოზაიკა"-ს კონგრეს-ჰოლში, ვეტერანთა დღისადმი მიძღვნილი საღამო გაიმართა.

საღამოში მონაწილეობდნენ გურამ ყურაშვილის სახელობის აფხაზეთის სახელმწიფო საგუნდო კაპელა, აფხაზეთის სიმღერისა და ცეკვის სახელმწიფო ანსამბლი „აფხაზეთი", საქართველოს შეიარაღებული ძალების ვეტერან-ოფიცერთა კავშირის ანსამბლი „მშვიდობა", მომღერლები ირმა სოხაძე, ინგა ბერაძე, გიგი გეგელაშვილი და თაკო ოქროპირიძე.

ვეტერანებს მიულოცეს და სიტყვით მიმართეს საქართველოს პარლამენტის თავმჯდომარის მოადგილე გიორგი ვოლსკიმ, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავამ, ვეტერანების საქმეთა სახელმწიფო სამსახურის დირექტორის მოადგილე ჯანდრი უბირიამ და სოხუმის სახელმწიფო უნივერსიტეტის სტუდენტმა ქრისტინე ჩაჩუამ.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა, საქართველოს პარლამენტის თავმჯდომარის მოადგილე გიორგი ვოლსკი, საქართველოს დაზვერვის სამსახურის უფროსი დავით სუჯაშვილი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე პეტრე კანკავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე გოგი ფაცაცია, ვეტერანების საქმეთა სახელმწიფო სამსახურის დირექტორის მოადგილე ჯანდრი უბირია, აფხაზეთის ვეტერანთა კავშირის თავმჯდომარე ზურაბ შამუგია, ჩუღურეთის რაიონის გამგებელი ზურაბ ჩიკვილაძე, სოხუმის სახელმწიფო უნივერსიტეტის რექტორი ზურაბ ხონელიძე, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, ომის ვეტერანები და დევნილი საზოგადოება ესწრებოდნენ.

„ვეტერანების დღე" 2014 წლის 17 ოქტომბერს ვეტერანების საქმეთა სახელმწიფო სამსახურის ინიციატივით დაწესდა.

აფხაზეთიდან გადმოსვენებული გმირები დიღმის სასაფლაოზე სამხედრო პატივით დაკრძალეს

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა სამების საკათედრო ტაძარში აფხაზეთიდან გადმოსვენებული გმირების პანაშვიდსა და დიღმის ძმათა სასაფლაოზე მათ დაკრძალვას დაესწრნენ.

სამების საკათედრო ტაძარში დაღუპულების სულის მოსახსენიებელი პანაშვიდი სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ  გადაიხადა. პანაშვიდს საქართველოს აღმასრულებელი და საკანონმდებლო ხელისუფლების წარმომადგენლები, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები და დევნილი საზოგადოება  ესწრებოდნენ.

საქართველოს ერთიანობისთვის დაღუპული 25 გმირიდან  20-ის ნეშტი დიღმის ძმათა სასაფლაოზე სამხედრო პატივით დაკრძალეს, მამია ალასანიას ნეშტი ნარიყალას წმინდა ნიკოლოზის სახელობის ტაძარში, ხოლოდ დანარჩენი ოთხი სხვადასხვა ადგილზე დაკრძალეს.

24 წლის წინ სოხუმში დატრიალებული ტრაგედიის დროს დაღუპულთა ნეშტების იდენტიფიცირება ლევან სამხარაულის სახელობის სასამართლო ექსპერტიზის ეროვნულ ბიუროში მოხდა.

დღესვე ვეტერანთა დღესთან დაკავშირებით აფხაზეთის ავტონომიური რესპუბლიკის ხელისუფლებამ გვირგვინით შეამკო საქართველოს ერთიანობისთვის დაღუპულ გმირთა მემორიალი.

1993 წლის 27 სექტემბერს, სოხუმის დაცემის დღეს, სეპარატისტების მიერ დახვრეტილი 25 გმირი:

1. გაბესკირია გურამ ნიკოლოზის ძე - მინისტრთა საბჭო/სოხუმის მერი;

2. ალასანია მამია გიორგის ძე - მინისტრთა საბჭო/სახელმწიფო საინფორმაციო-სადაზვერვო სამსახურის რეგიონული კურატორი;

3. შენგელია არშაველი ფილიპეს ძე - მინისტრთა საბჭო/ ჟიული შარტავას მოადგილე და მინისტრთა საბჭოს სამდივნოს წევრი;

4. გეგელაშვილი ვახტანგი ვახტანგის ძე - მინისტრთა საბჭო/მინისტრთა საბჭოს თავმჯდომარის თანაშემწე;

5. პაპუაშვილი გივი არჩილის ძე - სოხუმის რკინიგზის სადგური/მებრძოლი;

6. ბერუაშვილი ბადრი - მინისტრთა საბჭო/ავღანელთა ბატალიონი (მოადგილე);

7. მაჩაიძე გოჩა იოსების ძე - მინისტრთა საბჭო/ავღანელთა ბატალიონი;

8. ფარცვანია ალექსანდრე დავითის ძე - მინისტრთა საბჭო/ აფხაზეთის ვაჭრობის მინისტრის-რაულ ეშბას პირადი დაცვა;

9. თათრიშვილი გოჩა გურამის ძე - მინისტრთა საბჭო/ავღანელთა ბატალიონი;

10. ლიპარტელიანი გენადი ვალიკოს ძე - მებრძოლი;

11. ჯორბენაძე თეიმურაზი ზურაბის ძე - მინისტრთა საბჭო/ავღანელთა ბატალიონი;

12. კვინიკაძე მერაბი კარლოს ძე - მინისტრთა საბჭო/პირადი მცველების "იუპიტერის" დანაყოფის განყოფილების უფროსი (ჟიული შარტავას დაცვა);

13. სილაგაძე სერიოჟა პლატონის ძე - სოხუმი/ახალი რაიონი/მებრძოლი;

14. სოფრომაძე ბესიკი მამიას ძე - მინისტრთა საბჭო/ავღანელთა ბატალიონი;

15. გოჩიაშვილი დავითი მიხეილის ძე - მინისტრთა საბჭო/ავღანელთა ბატალიონი;

16. აბსანძე თენგიზი გივის ძე - მინისტრთა საბჭო/ჟიული შარტავას დაცვის წევრი, დანაყოფი "იუპიტერი";

17. ფარცვანია ვახტანგი კონსტანტინეს ძე - მინისტრთა საბჭო/ აფხაზეთის ვაჭრობის მინისტრის-რაულ ეშბას პირადი დაცვა;

18. გიგოლაშვილი ომარი ოთარის ძე - მინისტრთა საბჭო/ავღანელთა ბატალიონი;

19. ხახიაშვილი ნოდარი ვლადიმერის ძე - მინისტრთა საბჭო/ავღანელთა ბატალიონი;

20. ჭუჭულაშვილი ნუგზარი როლანდის ძე - მინისტრთა საბჭო/ავღანელთა ბატალიონი;

21. ნადირაძე შალვა მერაბის ძე - მებრძოლი;

22. მირზაშვილი კობა ნიკოლოზის ძე - მინისტრთა საბჭო/ჟიული შარტავას დაცვა, დანაყოფ "იუპიტერის" წევრი;

23. შარტავა ელგუჯა გივის ძე - მინისტრთა საბჭო/ჟიული შარტავას დაცვა, დანაყოფ "იუპიტერის" წევრი;

24. შალვაშვილი ხვიჩა იოსების ძე - მინისტრთა საბჭო/ავღანელთა ბატალიონი

25. მოსიძე მარია ვასილის ასული - მშვიდობიანი მოქალაქე;

ფეხბურთში აფხაზეთის თასისა და გურამ გაბესკირიას სახელობის ტურნირის გამარჯვებულები გამოვლინდნენ

 

აფხაზეთის ავტონომიური რესპუბლიკის ფეხბურთის ფედერაციის ორგანიზებით, თბილისში აფხაზეთის თასისა და გურამ გაბესკირიას სახელობის ტურნირის ფინალური მატჩები გაიმართა.

აფხაზეთის თასის ფინალში „საბურთალო" და „ნორჩი დინამო" დაუპირისპირდნენ ერთმანეთს. გამარჯვებული საბურთალოს გუნდი გახდა.

გურამ გაბესკირიას ტურნირის ფინალში „საბურთალოსა" და „ლომებს" შორის გამართულ მატჩში გამარჯვება „საბურთალომ" მოიპოვა.

გამარჯვებული გუნდები აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავამ დააჯილდოვეს.

აფხაზეთის თასზე 2007 წელს დაბადებული მოზარდებით დაკომპლექტებული 8 გუნდი მონაწილეობდა, ხოლო გურამ გაბესკირიას სახელობის ტურნირზე კი 2005 წელს დაბადებულთა 8 გუნდი.

რიყის პარკში გამოფენა „აფხაზეთი 2017“ გაიმართა

აფხაზეთის ავტონომიური რესპუბლიკის სავაჭრო-სამრეწველო პალატის ორგანიზებითა და საქართველოს სავაჭრო-სამრეწველო პალატის პარტნიორობით ევროპის მოედნის მიმდებარე ტერიტორიაზე ბიზნეს-გამოფენა „აფხაზეთი 2017" გაიმართა. 

ღონისძიება აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და საქართველოს სავაჭრო-სამრეწველო პალატის პრეზიდენტმა ნინო ჩიქოვანმა გახსნეს. ღონისძიებას აგრეთვე ესწრებოდნენ აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა (გია) გვაზავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე გოგი ფაცაცია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, დევნილი საზოგადოება.
ექსპოზიციაში წარმოდგენილი იყო ოკუპირებული ტერიტორიებიდან იძულებით გადაადგილებულ პირთა მიერ დაარსებული კომპანიების პროდუქცია. 
გამოფენა ბიზნეს-სექტორების ფართო სპექტრს მოიცავდა. წარმოდგენილი იყო მეღვინეობა, თაფლის წარმოება, ტურიზმი, კვების ობიექტები, სადისტრიბუციო კომპანიები, სამშენებლო სექტორი, ესთეტიური მედიცინა, სანიტარული მომსახურება და სხვა. მათ შორის მეღვინეობა „ხარება", „გაგრა +", CLEANTACH, სილამაზის სალონების ქსელი „ნატალი", ტურისტული კომპანია „Georgian Wilderness Expedition", რესტორანი „თავადური", რესტორანი „მეგრული ოდა", შპს ლემონი და სხვა. 

ექსპოზიციაში წარმოდგენილი კომპანიები აფხაზეთის ავტონომიური რესპუბლიკის სავაჭრო-სამრეწველო პალატის წევრები არიან. კომპანიების პროდუქციისა და საქმიანობის შესახებ სტუმრებს ინფორმაცია აფხაზეთის ა/რ სავაჭრო-სამრეწველო პალატის პრეზიდენტმა ამირან დოლიძემ გააცნო. 

აფხაზეთის ავტონომიური რესპუბლიკის სავაჭრო-სამრეწველო პალატა კანონით საქართველოს სავაჭრო-სამრეწველო პალატის შემადგენელი ნაწილია. ქვეყნის მთელს ტერიტორიაზე იურისდიქციის აღდგენამდე პალატის წარმომადგენლობა განთავსებულია დედაქალაქში. ამ დროისთვის აფხაზეთის ა/რ სავაჭრო-სამრეწველო პალატა ათეულობით კომპანიას აერთიანებს, როგორც მცირე, ასევე საშუალო და მსხვილ ბიზნეს-სექტორებს.

ვეტერანთა დღისადმი მიძღვნილ ღონისძიებასთან დაკავშირებით აფხაზეთის ავტონომიური რესპუბლიკის მთავრობის განცხადება

 

1993 წლის 27 სექტემბერს სოხუმში გმირულად დაღუპული თანამემამულეეების 17 ოქტომბერს დაკრძალვასთან და პატივმიგებასთან დაკავშირებით, აფხაზეთის ავტონომიური რესპუბლიკის მთავრობის, აფხაზეთის ავტონომიური რესპუბლიკის უმაღლესი საბჭოსა და ვეტერანების საქმეთა სახელმწიფო სამსახურის მიერ 17 ოქტომბერს „კონგრეს ჰოლში" დაგეგმილი ვეტერანთა დღისადმი მიძღვნილი ღონისძიება გაიმართება 18 ოქტომბერს 18:00 საათზე (კონგრეს ჰოლი, დავით აღმაშენებლის გამზირი # 61).

ვახტანგ ყოლბაია ჟენევაში იმყოფება

ჟენევაში საერთაშორისო მოლაპარაკებების 41-ე რაუნდი მიმდინარეობს. აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოს დელეგაციათან ერთად ჟენევაში იმყოფება. დელეგაციას საქართველოს საგარეო საქმეთა მინისტრის მოადგილე დავით დონდუა ხელმძღვანელობს.

საერთაშორისო მოლაპარაკებების 41-ე რაუნდზე მხარეები განიხილავენ აფხაზეთსა და ცხინვალში გახშირებული სამხედრო წვრთნების, მავთულხლართების, საზღვრის უკანონოდ გადმოწევის საკითხებს.

მხარეები იმსჯელებენ, ასევე, გალის რაიონში მცხოვრები ქართველების მძიმე სოციალურ და ჰუმანიტარულ მდგომარეობაზე, ადამიანის ფუნდამენტური უფლებების დარღვევებზე, როცა გალის ადგილობრივ ქართველ მოსახლეობას აიძულებენ უცხოელებად დარეგისტრირებას, უზღუდავენ საკუთრების, თავისუფლად გადაადგილების, მშობლიურ ენაზე განათლების მიღების უფლებებს.

ჟენევის საერთაშორისო მოლაპარაკებების 41-ე  რაუნდი 10-11 ოქტომბერს გაიმართება.

ჭადრაკში აფხაზეთის ღია პირველობის გამარჯვებულები გამოვლინდნენ

ქ. თბილისში, ჭადრაკის სასახლეში აფხაზეთის განათლებისა და კულტურის სამინისტრომ, ამავე სამინისტროს სპორტისა და ახალგაზრდობის საქმეთა სამსახურის ინიციატივით და აფხაზეთის ჭადრაკის ფედერაციის მხარდაჭერით მოსწავლეთა შორის აფხაზეთის ღია პირველობა ჭადრაკში გამართა. შეჯიბრებაში მონაწილეობდნენ დევნილთა კომპაქტურად ჩასახლებულ ადგილებში მცხოვრები მოსწავლეებით დაკომპლექტებული გუნდები და აფხაზეთის საჯარო სკოლების მოსწავლეები.


ხუთტურიანი დაძაბული პაექრობის შემდეგ ადგილები შემდეგნაირად გადანაწილდა:
გოგონებს შორის - ტრადიციულად, უკვე მესამედ, აფხაზეთის ღია პირველობის პირველი და მეორე ადგილები დებმა შელიებმა გაიყვეს და ადგილები შემდეგნაირად გადანაწილდა: I ადგილი - ანა შელია, II ადგილი - ელენე შელია, III ადგილი - ელენე თოლორაია.


ვაჟებს შორის - ასევე ტრადიციულად, პირველი ადგილის მფლობელი გახდა ილია კავკასიძე (მწვრთნელი დავით ზარქუა). ილია ორგზის აფხაზეთის ჩემპიონი, ორგზის ქ.თბილისის ჩემპიონი, თბილისის თასის მფლობელი და სხვადასხვა ტურნირის გამარჯვებული და პრიზიორია. საბოლოოდ ადგილები ასე გადანაწილდა: I ადგილი - ილია კავკასიძე, II ადგილი - ალექსანდრე ბექაური, III ადგილი - ელგუჯა წიტაიშვილი.
ჭადრაკში აფხაზეთის ღია პირველობაზე საპრიზო ადგილზე გასული მოსწავლეები შესაბამისი ხარისხის დიპლომებით, თასებით და მედლებით დაჯილდოვდნენ. ტურნირის ყველა მონაწილეს ტურნირის მონაწილის სიგელი გადაეცა.

 
აფხაზეთის ავტონომიური რესპუბლიკის მთავრობა აკადემიკოს ილია ვეკუას სახელობის სტიპენდიას აწესებს

აფხაზეთის ა/რ მთავრობამ 2017 წლის 12 სექტემბერს აკადემიკოს ილია ვეკუას სახელობის სტიპენდიის დაწესების დადგენილება მიიღო. აკადემიკოს ილია ვეკუას სახელობის სტიპენდია მიენიჭება სსიპ - სოხუმის სახელმწიფო უნივერსიტეტის ზუსტი და საბუნებისმეტყველო მიმართულების განსაკუთრებული მიღწევებითა და წარმატებით წარმოჩენილ  მაგისტრატურის სტუდენტს ინტელექტუალური პოტენციალის განვითარებისათვის.

სტიპენდიის ოდენობა შეადგენს თვეში 150 ლარს, არაუმეტეს ერთი სტუდენტისა. სტიპენდიანტს სტიპენდია მიეცემა დანიშვნის დღიდან ყოველთვიურად, ერთი სასწავლო წლის განმავლობაში (ათი თვე).

აკადემიკოს ილია ვეკუას სახელობის სტიპენდიის  მისანიჭებლად სტუდენტის  წარდგენის უფლება აქვს სსიპ სოხუმის სახელმწიფო უნივერსიტეტს.

კანდიდატის შესაბამისი დოკუმენტაცია (წარდგინება,1 რეკომენდაცია, პირადობის მოწმობის ასლი, სტუდენტის სასწავლო ბარათი, სამეცნიერო პუბლიკაციების გამოქვეყნების და სამეცნიე-რო კონფერენციებში მონაწილეობის დამადასტურებელი დოკუმენტაცია. სიგელები და სერტიფიკატები არსებობის შემთხვევაში, ინფორმაცია საზოგადოებრივი აქტივობის შესახებ) წარედგინება აფხაზეთის ავტონომიური რესპუბლიკის მთავრობის თავმჯდომარესთან საგანგებოდ შექმნილ კომისიას.

სოხუმის უნივერსიტეტის მიერ სტიპენდიანტობის კანდიდატების ზემოთ ხსენებულ კომისიასთან წარდგენის ვადააა 6 ოქტომბრიდან 20 ოქტომბრის ჩათვლით. 

დაწვრილებითი ინფორმაციისთვის იხილეთ მიმაგრებული დოკუმენტი.

ვახტანგ ყოლბაიამ აფხაზეთის საჯარო სკოლების პედაგოგებს პროფესიული დღე მიულოცა

ვალერი არქანიას სახელობის არტგალერეაში მასწავლებლის დღესთან დაკავშირებით, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ავტონომიური რესპუბლიკის განათლებისა და კულტურის მინისტრმა დიმიტრი ჯაიანმა აფხაზეთის საჯარო სკოლების პედაგოგებთან, აფხაზეთის საჯარო და ოკუპირებული ტერიტორიის საშუალო სკოლების მედალოსნებთან შეხვედრა გამართეს.

ვახტანგ ყოლბაიამ და დიმიტრი ჯაიანმა პროფესიული დღე მიულოცეს და საჩუქრებით დააჯილდოვეს აფხაზეთის ღვაწლმოსილი პედაგოგები - მერი გეგეჭკორი, ლენა კიტია, ეთერი ხახუბია და გივი ჯომიდავა. ასევე აფხაზეთის საჯარო და ოკუპირებული საშუალო სკოლების წარჩინებულ კურსდამთავრებულებს ოქროსა და ვერცხლის მედლები გადაეცათ.

ღონისძიების ფარგლებში გაიმართა სამუშაო შეხვედრა აფხაზეთის საჯარო სკოლების დირექტორებსა და ადმინისტრაციის წარმომადგენლებთან თემაზე: „2016-2017 სასწავლო წლის შედეგები და მომავლის გამოწვევები".

აფხაზეთის ა/რ განათლებისა და კულტურის სამინისტროში ღვაწლმოსილი პედაგოგებისა და წარჩინებული კურსდამთავრებულების მიღება გაიმართა

ვალერი არქანიას სახელობის არტ-გალერეაში მასწავლებლის დღესთან დაკავშირებით აფხაზეთის ავტონომიური რესპუბლიკის განათლებისა და კულტურის სამინისტრომ აფხაზეთის მთავრობასთან ერთად აფხაზეთის ღვაწლმოსილი პედაგოგებისა და აფხაზეთის საჯარო და ოკუპირებული საშუალო სკოლების მედალოსნების მიღება გამართა. მიღებას აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე მანანა ქვაჩახია უძღვებოდა.


აფხაზეთის ა/რ მთავრობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის ა/რ განათლებისა და კულტურის მინისტრმა დიმიტრი ჯაიანმა აფხაზეთის ღვაწლმოსილ პედაგოგებს - მერი გეგეჭკორს, ლენა კიტიას, ეთერი ხახუბიასა და გივი ჯომიდავას მადლობა გადაუხადეს გაწეული ღვაწლისთვის, ხანგრძლივი სიცოცხლე უსურვეს და სიმბოლური საჩუქრები უსახსოვრეს. შემდეგ ვახტანგ ყოლბაიამ და დიმიტრი ჯაიანმა აფხაზეთის საჯარო და ოკუპირებული საშუალო სკოლების წარჩინებულ კურსდამთავრებულებს წარმატებები მიულოცეს და ოქროსა და ვერცხლის მედლები გადასცეს.


დასასრულ გაიმართა სამუშაო შეხვედრა აფხაზეთის საჯარო სკოლების დირექტორებსა და ადმინისტრაციის წარმომადგენლებთან თემაზე: ,,2016-2017 სასწავლო წლის შედეგები და მომავლის გამოწვევები“.